Connect with Us

Revoltohet Rudina Hajdari/ Do fundoseni, mos bëni show politik 

Politikë

Revoltohet Rudina Hajdari/ Do fundoseni, mos bëni show politik 

Publikuar

-

Është shoqëruar me debate të forta sot tryeza e thirrur nga OSBE, për Reformën Zgjedhore.

Largimi i deputetëve të opozitës parlamentare nga tryeza e OSBE-së, duket se ka “revoltuar” deputeten Rudina Hajdari, e cila njëkohësisht është edhe bashkëkryetare e Komisionit të Reformës Zgjedhore.

Deputetja Hajdari ka dalë nga salla duke iu kërkuar deputetëve të opozitës të qëndrojnë.

Hajdari i është drejtuar deputetit Ralf Gjoni, duke i kërkuar të mos bëjë show politik, për të kthehet në tryezë. “Ralfi, mos bëj show politik, por hajde”, ka thënë ajo.

LEXO EDHE:  Revoltohet profesori i njohur/ Braktis takimin e Bashës kur merr fjalen Grida

Rudina Hajdari nuk ka pranuar të braktisë mbledhjen, por ka thënë se nëse do të largohen, do të sillen si PD. Sipas saj, kjo është anija e fundit e tyre dhe nëse do ta bojkotojnë sërish, do të fundosen. “Nëse ikim po sillemi si ata. Kjo është anija e fundit, nëse ata do të ikim, ju siguroj që do të fundosen në fundin e historisë”, është shprehur Hajdari.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Profesori i njohur amerikan: Dëbimi i qytetarëve turq nga Shqipëria, shkelje e të drejtave të njeriut

Publikuar

-

Nga

Një profesor i Universitetit të Nju Jorkut thotë se dëbimi i qytetarëve turq nga Shqipëria bie ndesh me parimet e Bashkimit Evropian për të drejtat e njeriut. Alon Ben-Meir, një studiues në Qendrën për Çështje Globale të këtij Universitetit tha në një intervistë për Zërin e Amerikës se udhëheqësit e vendeve të Ballkanit duhet të vendosin se në ç’kamp e shohin veten pas 10-15 vjetësh, por nga ana tjetër pranoi se është gabim nga ana e BE-së që të mos u hapë dyert këtyre vendeve. Në intervistën me Zërin e Amerikës, Prof. Ben-Meir tha gjithashtu se Serbia duhet të pranojë faktin që Kosova është e pavarur dhe Kosova të heqë tarifat.

Le të fillojmë me një pyetje nga Shqipëria dhe konkretisht me dëbimin e shtetasit turk Harun Çelik. Duket se vetë ligjet e Shqipërisë nuk u respektuan, kur iu mohua azili dhe ankimimi. Cili është mendimi juaj?

Alon Ben-Meir: Mendoj se është për të ardhur keq që kjo po ndodh në Shqipëri. Në parim, të dëbosh dikë që po kërkon azil, është një shkelje e rëndë e të drejtave të njeriut. Këta njerëz po ikin nga Turqia, sepse po përballen me një persekutim të ashpër në vendin e tyre, kështuqë po përpiqen për një jetë të re diku tjetër dhe kur ekstradohen kjo shkakton stres të jashtëzakonshëm, dhimbje, agoni tek familjet, të tjerë dhe të mos përmendim faktin që Shqipëria do që të bëhet anëtare e Bashkimit Evropian dhe në këtë rast kemi një vend që po shkel një nga parimet më bazë për të respektuar të drejtat e njeriut dhe kjo nuk është gjë e mirë për Shqipërinë.

Ky nuk është rasti i parë që ndodh një gjë e tillë. Si i shpjegoni këto veprime?

Alon Ben-Meir: Mendoj se Erdogani është mjeshtër në ushtrimin e presionit ndaj këtyre vendeve shumë më të vogla, që në një farë mase kanë nevojë për mbështetje në disa fusha, kështuqë ai po ushtron presion të jashtëzakonshëm ndaj tyre, duke thënë ‘nëse i dorëzoni këta njerëz, do merrni këtë ose atë nga ana jonë si këmbim’. Dhe mendoj se ky është problem. Dhe ata (udhëheqësit e këtyre vendeve) duhet të mendojnë se cila është strategjia e tyre, ku duan ta shohin veten 10-15, madje dhe pesë vjet më pas. Duhet të marrin vendimin nëse do të bashkohen me kampin turk apo të BE-së, dhe duhet ta bëjnë këtë zgjedhje parimisht. Nëse duan të bëhen anëtarë të BE-së, duhet të fillojnë të respektojnë të gjitha këto parime të BE-së, dhe të drejtat e njeriut janë parim themelor për t’u anëtarësuar në BE.

Meqë po flasim për Bashkimin Evropian, si do t’i përgjigjeshit argumentit se BE-ja vetë nuk po tregon vullnetin për t’u hapur dyert vendeve si Shqipëria dhe Maqedonia e Veriut, dhe këta udhëheqës mund të thonë që kanë nevojë për partneritete strategjike që BE-ja nuk po i ofron?

Alon Ben-Meir: Është një gjë të kesh dëshirë të bëhesh anëtar i Bashkimit Evropian dhe tjetër gjë të shkelësh të drejtat e njeriut. Por përsa i takon këtij vendimi, BE-ja po gabon. Procesi i integrimit është shumë i gjatë, po flasim për mbi 30 kapituj për t’u negociuar. Do të duhen vite të arrihet në atë pikë. Pa dyshim që BE-ja ka probleme të brendshme, si për shembull Brexit. Procesi i vendimmarrjes së BE-së, është jashtëzakonisht i ngadaltë dhe i papranueshëm. (Presidenti francez Emmanuel) Macron për shembull, po thotë: ‘le të rregullojmë punët tona më parë’. Dhe përgjigjia ime është ‘në rregull, këto reforma brenda institucioneve janë të nevojshme, por ndërkohë mund të fillojë procesi për këto vende që duan aq shumë të anëtarësohen’. Ky proces do të dojë vite të tëra përpara se ata të integrohen në BE. Dhe ky është gabimi, që nuk e fillojnë procesin që do t’u jepte shpresën që një ditë do të anëtarësohen vendeve si Shqipëria, Kosova dhe Maqedonia e Veriut.

Përfaqësuesi i posaçëm i Shtëpisë së Bardhë për bisedimet Kosovë-Serbi, Rick Grenell bëri thirrje për heqjen e tarifave nga Kosova dhe nga ana tjetër që Serbia të ndalë fushatën e tërheqjes së njohjeve. Sa realiste është një gjë e tillë dhe si e shihni situatën që e bën rifillimin e bisedimeve të vështirë?

LEXO EDHE:  Qeveri e konsumuar, opozitë e pamundur

LEXO EDHE:  Nis seanca e Kuvendit/ Mungon Opozita

Alon Ben-Meir: Serbia duhet të arrijë një përfundim të thjeshtë, bazë: Kosova është një fakt i jetës, është një vend i pavarur. E kanë njohur afro 100 vende. Rreth 15 vende e kanë tërhequr njohjen, për shkak të presionit të Serbisë. Serbia duhet t’i japë fund kësaj fushate. Nga ana tjetër Kosova duhet të heqë tarifën 100 për qind ndaj importeve të Serbisë. Rifilimi i fluturimeve, që u realizua me mbështetjen e Shteteve të Bashkuara, është një fillim i mbarë. Ky është këndvështrimi që duhet të ketë Kosova. Të dyja palët duhet t’i ndërmarrin këto hapa, duke e njohur realitetin. Janë fqinjë, duhet të marrin e japin me njëri-tjetrin. Duhet ta pranojnë se disa realitete në terren që ata nuk mund t’i ndryshojnë. Dhe kur të arrijnë në atë pikë, veçanërisht Serbia, mendoj se do të ketë përparim.

Kosova po përjeton edhe një ngecje politike, pasi nuk ka ende një marrëveshje për qeverinë. Si e shihni gjendjen?

Alon Ben-Meir: Mendoj se është diçka e keqe. Populli votoi për atë që donte, që kërkonte: një qeveri të pastër, që do t’i bënte gjërat ndryshe. Dhe kanë kaluar tre-katër muaj dhe nuk ka ende qeveri. Është thjesht e papranueshme. Duhet të vendosin se çfarë duhet të bëjnë. Dhe diskutimet mes dy palëve nuk janë as për politika, janë më shumë për çështje personaliteti dhe është për të ardhur keq. Duhet t’i lënë mënjanë mosmarrëveshjet personale. Mendoj se populli i Kosovës do që të shohë që t’i jepet fund këtij bllokimi, sepse duan të vazhdojnë jetën e tyre, duan një qeveri funksionale, një qeveri të pastër dhe është e drejta e qytetarëve që ta kërkojnë një gjë të tillë dhe nëse nuk e arrijnë këtë, duhet të shpallin zgjedhje të reja.

Si e shihni rolin e Shteteve të Bashkuara në rajon? Me emërimin e ambassadorit Grenell, duket se angazhimi amerikan është rritur…

Alon Ben-Meir: Mendoj se është e rëndësishme që Shtetet e Bashkuara të vazhdojnë angazhimin e tyre. Nuk dua të nënvlerësoj atë që po bën BE-ja, madje duhet të bëjë më shumë se Shtetet e Bashkuara, por përpjekjet amerikane janë të rëndësishme. Ata e shohin Amerikën si fuqinë më të madhe dhe kanë më shumë afërsi me të, edhe sesa me Evropën. Amerika duhet të vazhdojë të luajë këtë rol për të çuar përpara interesat e saj, si edhe marrëdhëniet mes Shteteve të Bashkuara dhe Balkanit në tërësi nga perspektiva e sigurisë./VOA

LEXO TE PLOTE

Opinione

Nga Artan Fuga/ Ora e partive politike ka ndaluar

Publikuar

-

Nga

Duket qartazi se partitë politike, ose më mirë krerët e tyre, të të gjithë krahëve – e kam fjalën për ato parti që janë paraqitur sot apo dikur me deputetë në Kuvendin e Shqipërisë – ose në aleanca me to, duket se e kanë mbledhur mendjen. Duan të ruajnë këtë kod zgjedhor, sidomos kur bëhet fjalë për “zemrën” e tij, sistemin e zgjedhjeve. Elektoratit i japin vetëm të drejtën për të votuar logot e partive, dhe jo deputetët si individë.

Pra, i japin celësat e kashtës!

Si ta shpjegoj? Njësoj sikur të gjykosh për një mall nga amballazhi i tij. Të gjykosh për listat e partive në zgjedhje, pra vetëm për emrin e partisë, jo për kandidatët, programe politike jo e jo, është të kënaqesh me lugë të zbrazur.

Por, duket se e kanë pjekur mendimin. Sepse kështu evitojnë që në ndarjen e pushteteve të mënjanojnë popullin.

Me lloj lloj sofizmash të turpshme.

Po mirë, por kur zbatoni zgjedhjene kryetarëve të partive direkt nga militantët a nuk keni pranuar se populli di të votojë?

Formalisht, sepse faktikisht dihet se çfarë janë ato zgjedhje.

Pra, populli qenka i aftë të zgjedhë kryetarët e partive, por jo deputetin e lagjes së tij!!!

Pale na keni thënë se edhe Presidenti të zgjidhej nga populli!!! Pra, populli, edhe Presidentitn që as e njeh fare, e zgjedhka dot, kurse deputetin e fshatit të tij nuk e zgjedhka dot!!!

Kush i ha këto manevra pa asnjë lloj koherence logjike?

Partitë politike te ne kanë mbetur pas kohe.

Kudo në botë partitë politike po bëhen gjithnjë e më pak të mbyllura duke u lënë pushtet militantëve, elektoratit, popullit, kurse te ne partitë politike, më mirë të themi krerët e tyre, po duken se nuk duan t’a lënë popullin të votojë direkt për individët kandidatë për deputetë.

Partitë moderne në Europë, edhe kandidatët e tyre për presidenta gjithnjë e më shumë fillimisht po i votojnë direkt nga militantët në ato që quhen “primare” brenda partisë. Në këto votime nuk marrin pjesë vetëm militantët, por edhe elektorati që dëshiron. Referendumet lokale po bëhen gjithnjë e më të modës. Ndërsa lëvizjet qytetare pa ndonjë mundim të madh kanë kandiduar madje fituar në zgjedhje.

Në shumë vend madje edhe kandidaturat për pushtetin lokal po vendosen sipas hedhjes me short ose me zgjedhje rastësore brenda listës të zgjedhësve.

Pushteti po shkon te qytetari.

Nuk jemi te partitë e shekullit të 20. As te partia e militantëve dhe revolucionarëve profesionistë e Leninit, as te partitë e intelektualëve në vende me popullsi fshatare që nuk di shkrim e këndim, as te partitë fashiste dhe naziste, as te partitë komuniste të Lindjes, të gjitha që i imponoheshin shumicës të popullit, as te partitë politike në të dy anët e perdes së hekurt gjatë “Luftës së Ftohtë”.

Partive politike te ne u ka ngelur ora te modeli i shekullit të 20, shekulli i dy luftrave, i luftës mes dy kampeve ideologjike, dhe i pushteteve totalitare.

Nuk dinë vallë modele të tjera? Kanë frikë nga elektorati? Duan të ruajnë monopol në pushtet? Me çfarë të drejte!!!

Në kushtet kur komunikimi me anë të teknologjive numerike në web, Internet, rrjete sociale është personalizuar, agjencitë e ndërmjetme kudo, në cdo fushë po zbehen.

LEXO EDHE:  Shkullaku tregon pse nuk i beson kushtëzimet që vendos opozita

LEXO EDHE:  Qeveri e konsumuar, opozitë e pamundur

Kurse vetëm në Shqipëri si gjithmonë të vjen për të vjellë që partitë politike si agjenci të ndërmjetme midis elektoratit dhe pushtetit, në vend t’a zbehin rolin e tyre, sikurse e kërkon emancipimi, mbeten kështjella që e konservojnë pushtetin për vete.

Hotelet po zbehen sepse nëpërmjet webit turisti lidhet direkt me pronarin e apartamentit.
Spitalet bëjnë operacione në distancë, ku me anë të Internetit mjeku vepron direkt mbi pacientin pa kaluar medoemos nga spitali pranë shtëpisë.
Njësitë tregtare po zbehen sepse bëhen shoping në linjë.
Madje edhe muzetë, qendrat historike, galeritë e arteve etj., shkollat po frekuentohen virtualisht nëpërmjet teknologjive të komunikimit.
Edhe sipërmarrjet në shumë fusha po zëvendësohen nga ajo që quhet telepuna, pra puna në distancë nga shtëpia që zbeh ndërmarrjen si agjenci e ndërmjetme midis punonjësit dhe objekteve të punës.

Për partitë moderne e thamë. Për politikën moderne e thamë. Shumë votime bëhen nga shtëpia pa shkuar fare në qendrat e votimit.

Vetëm në Shqipëri si duket politikanët nuk e duan atë që quhet e-citizenship.
As Republikën virtuale.

Etja për pushtet, uria e pashuar për pushtet politik e disave po na le mbrapa botës, po na lë një sistem politik dinozaur, duket sikur jetojmë në muzeun e sistemeve politike të botës, sikur jemi në një terren arkeologjie politike, si mumje politike që kemi ngrirë dhe koha dhe ora na kanë ngelur.

Gjithçka në botë po shkon drejtpërdrejt te qytetari.

Agjencitë e ndërmjetme si :

agjenci reklamash, kabinete konsultimi, sipërmarrje, shkolla, muze, kinematë, partitë politike po zbehen duke marrë forma të reja të modernizuara. Kjo sepse qytetari po lidhet individualisht me qytetarët e tjerë dhe me objektet e veprimit të tij direkt, drejtpërdrejt, pa ndërmjetësi.

Aparatet burokratike po tronditen. Vertikaliteti po tronditet. Shoqëria piramidale po tronditet.

Vetëm në Shqipëri si çifligarë disa duan të vendosin vetëm ata se cilët do të jenë deputetët jo populli.

Hajde demokraci, hajde!

Ne kështu marrim rrugën e kundërt të evolucionit të emancipimit.

Mbetemi prapa botës.

Aty është rrënja, burimi, shkaku i të gjitha të këqiave që na bëjnë të vuajmë. Te ndalimi i popullit për të votuar.

Disa kujtojnë se populli në zgjedhjet e fundit lokale vajti vetëm 10 përqind në zgjedhje sepse u ndikua nga opozita vetëm. Jo, harrojeni, mos ushqeni iluzione, populli po flak tej këtë sistem votimi të manipuluar dhe të vjetër si një mamuth. Po e injoron, përbuz, po e hedh në plehra!

Mblidhni mendjen sa nuk është vonë!

Jemi në kolaps politik që po lëkund Shqipërinë si sistem gjeopolitik, si vatan!

Keni përgjegjësi të jashtëzakonshme!

Në zgjedhjet e ardhëshme do të votojnë vetëm nëpunësit e mesëm dhe të lartë dhe vetë deputetët. Kaq.

Nuk e besoni!!!

Shihni si ikën mileti nga sytë këmbët nga Shqipëria pa pyetur fare se çfarë le pas, ikën nga vendi ku ka statusin e qytetarit dhe shkon larg atje ku as voton as ka status qytetari. Duket hapur që ajo që le këtu në atdhe as i intereson fare.

Pse e shet votën? Sepse e di që ajo mund të vlejë si kartmonedhë, kaq, sepse si pjesëmarrje në pushtet ia ka pirë lëngun.

LEXO TE PLOTE

Politikë

Zbardhet vendimi i Gjykatës franceze për “Escobarin” turk/ Kush e strehoi në Shqipëri

Publikuar

-

Nga

Zbardhet vendimi i Gjykatës franceze që ka shpallur në kërkim Faruk Baybesin, i cili pritet të ekstradohet nga Shqipëria.

Urdhri është marrë më 13 janar të vitit 1998, por që prej asaj kohe i konsideruari si “Escobari i Ballkanit” nuk kishte rënë në duart e drejtësisë, deri para pak ditësh që u kap nga autoritetet shqiptare.

Vendimi i Gjykatës së Nantës ka zbuluar emra të rrjetit të trafikantëve, i cili njihet si një organizatë me koordinim të përsosur në fushën e krimit. Ata rekrutonin transportuesit e heroinës dhe nga ana tjetër fitoni miliona para, që më pas i pastronin dhe i depozitonin si të ardhura të të dashurave.

Faruk Baybesin, thuhet në dosje, është djali i kreut të grupi kurd me shkurtimet P.K.K. (Kurdistan Workers Party).

Drejtësia franceze vërtetoi se Mahmut Baybasin, babai i Faruk, është i përfshirë në trafikun ndërkombëtar të heroinës dhe nuk mundi të vërtetojë akuzat e tjera të ngritura ngaj tij.

Në vendimin e Gjykatës franceze, të siguruar nga gazeta “Si” përmendet edhe arratisja e “Escobarit” në Shqipëri, ku mendohet se është pritur nga disa personazhe që veprojnë në fushën e narkotrafikut, dhe që janë të maskuar pas bizneseve në dukje të ligjshme, por këto mbeten vetëm aludime dhe nuk janë vërtetuar.

“Më 20 dhjetor 1995 shërbimet doganore greke arrestuan në kufirin greko-turk Hundi Mehmet dhe Loutier Karine, që të dy banues në Nantes. Ata po transportonin me automjetin e tyre 43 kilogramë heroinë që vinte nga Turqia. Hetimet e kryera në Nantes, bisedat telefonike ndërmjet Hundi dhe motrës së tij dhe të babait të Karine Loutier krijuan idenë për kryerjen e trafikut me shtrirje ndërkombëtare. Nantes mendohej si një nga vendet ku po ndodhte organizimi. Hetimet nxjerrin në pah Joseph Sirrin dhe Jerome Sarrasin, për realizimin e këtij trafiku”, thuhet më tej në vendim.

Karine Loutier u mor në pyetje nga prokuroria dhe mohoi të dinte diçka për trafikun e  heroinës.

“Kam shoqëruar mikun tim Mehmet Hundi në Turqi, pasi kishim planifikuar të fejoheshim dhe aty kam njohur Joseph Sirrin në hotelin Tashan në Stamboll ku qëndronte edhe Mehmeti, i prezantuar si një mik”, ka deklaruar ajo, por Hundi i kishte thënë që Sirin i kishte paguar makinën, shpenzimet e udhëtimit dhe hotelin.

Ndërkohë, Mehmet Hundi pranoi se Sarrasin dhe Sirrin e kishin rekrutuar për të realizuar një udhëtim me tetë kilogramë heroinë për në Spanjë. Gjykata thekson se vajza e re ka qenë çelësi kryesor për këto hetime, pasi ajo ka pranuar më pas që kishte dijeni prej një viti për “përdorjen si transportues heroine të mikut të saj” dhe ka treguar se ka takuar një person të quajtur Tony, i cili ishte arratisur për shkak të një vrasjeje.

Ajo ka zbuluar edhe emra të tjerë si Baulent, i cili do paguhej 100 mijë franga për një udhëtim ku do trafikonte heroinë, ndërsa sipas saj Sirrin merrte dyfishin.

LEXO EDHE:  Zgjedhjet pa PD/ Nishani: Kushtetuta s’do i njohë institucionet e reja!

LEXO EDHE:  Draftmarrëveshja e opozitës për daljen nga kriza/ Reagon kreu i qeverisë

Ndërkohë Jocelyne M ka deklaruar se është e vetdijshme që shumat e derdhura në bankë nga Sirin prej 144 mijë franga vijnë nga trafiku i drogës.

“Jam rekrutuar në vitin 1993 nga Mehmet Kazim me nofkën Tony (hetimet treguan që ky person është Mehmet Irmak) dhe që është ortak me Mehmet Ipek që qëndron në Spanjë. Për këtë organizatë kreva një udhëtim me 17 kg heroinë dhe drejtova një udhëtim të dytë nga Turqia në Spanjë të kryer nga Jerome Sarasin me 8 kilogramë”, është dëshmia e Sirrin.

Ai ka shkuar në Turqi me të dashurën dhe është kthyer duarbosh, pas droga nuk ishte gati, por meqenëse nuk i mori paratë e premtuara vendosi të lidhet me një organizatë kurde.

Ndaj për dërgimin e heroinës nga Turqia në Spanjë u besua Hysein Baybesin.

“Faruk siguronte furnizimin e lëndëve narkotike nga Stambolli. Pikërisht për llogari të kësaj organizate Sirin kishte rekrutuar Mehmet Hundi (i cili u kap në Greqi). Sirin deklaron ndër të tjera që Bulen Dikmen kishte transprortuar para me vlerën 33 mijë pesetas nga Spanja në Turqi për llogari të kësaj organizate kurde”, thuhet në dokument.

Nga ana tjetër, në dhjetor të 1994-s, Dikmen nuk pranon të transportojë heroinë, por vetëm para në këmbim të 35 mijë frangave për transport dhe këto para i depoziton në llogarinë bankare të mikeshës së tij, Jocelyne Le Mogne, duke e informuar edhe këtë të fundit.

Sipas prokurorisë,një nga urdhëruesit kryesor ishte Kazim Dogan, i cili përdorte një pasaportë holandeze në Spanjë me identitetin Mehmet Irmak. Sirrin thuhet se ka pranuar takimin me Mahmud Baybasin në Madrit, pasi e cilëson këtë të fundit si kontaktin kryesor në Stamboll.

Drejtësia franceze shpjegon me detaje se si shkatërroi rrjetin e herinës të strukturuar në mënyrë të përsosur.

“Në qendër të trafikut ka prova që fajësojnë Mahmut dhe djalin e tij Faruk Baybesin, që qëndrojnë në krye të kësaj organizate. Nga Spanja dhe Turqia ata udhëhiqnin operacionet, furnizimin me drogë dhe pritjen në Spanjë”, theksohet në vendimin e  gjykatës, teksa ngrihen akuza se Faruk Baybasin ka kryer veprime të trafikut në kuadër të një bande të armatosur./ CNA.al

LEXO TE PLOTE