LEXO PA REKLAMA!

SHKARKO APP

Politikanët të shpëtojnë botën nga ndryshimet klimatike

24 Shtator 2019, 08:19, Blog CNA
Politikanët të shpëtojnë botën nga ndryshimet klimatike

Nga Greta Thunberg

* Mesazhi im, është që ne do t?ju vëzhgojmë në vazhdimësi. E gjitha kjo që po ndodh është e gabuar. Unë as që duhet të isha këtu. Unë duhet të rikthehem samë parë në shkollën time në anën tjetër të oqeanit. Ju të gjithë na cilësoni vazhdimisht ne të rinjve si shpresa e të ardshmes.

Si guxoni!

Me fjalët tuaja boshe, ju keni vjedhur ëndrrat dhe fëmijërinë time. E megjithatë unë jam një njerëzit më me fat. Pasi shumë njerëz në këtë botë po vuajnë. Ata po vdesin. Ekosisteme të tëra po zhduken. Ne jemi në fillim të një shfarosjeje masive, dhe gjithçka që ju dini të flisni është paraja, dhe përrallat e rritjes së përjetshme ekonomike.

Si guxoni! Kjo është një qasje krejtësisht e gabuar. Për më shumë se 30 vjet, shkenca ka qenë shumë qartë. Si guxoni të vazhdoni të shpërfillni paralajmërimet e saj, dhe të vini këtu dhe të thoni se jeni duke bërë sa duhet, kur politika dhe zgjidhjet e nevojshme nuk po shihen askund?

Ju thoni se na dëgjoni, dhe se e kuptoni urgjencën e situatës. Por, pavarësisht se sa e trishtuar dhe e zemëruar jam, nuk dua që ta besoj këtë. Sepse nëse do ta kuptonit realisht seriozitetin e situatës, dhe vazhdoni të mos ndërmerrni asnjë veprim, atëherë do të ishit vërtet njerëz të ligj.

Dhe unë refuzoj ta besoj këtë të fundit.

Ideja popullore për të përgjysmuar emetimet e dioksidit të karbonit të vendeve tona në atmosferë gjatë 10 viteve të ardhshme, na jep një shans prej vetëm 50 për qind, për të qëndruar nën rritjen e parashikuar prej 1.5 gradë Celsius të temperaturës globale, dhe me rrezikun për të shkaktuar reagime të pakthyeshme të zinxhirit mjedisor, që janë përtej kontrollit tonë njerëzor.

Norma 50 për qind, mund të jetë e pranueshme për ju. Por kjo shifër nuk përfshinë ngrohjen shtesë të fshehur nga ndotja e ajrit toksik, apo aspektet e ligjësisë natyrale të klimës. Më duhet t?ju kujtoj se gjenerata ime do të thithë qindra miliarda ton nga CO2 tuaj nga ajri, falë teknologjive në industritë që mezi qëndrojnë në këmbë.

Pra një rrezik prej 50 për qind, thjesht nuk është i pranueshëm për ne, që duhet të jetojmë me pasojat negative. Për pasjen e një shansi prej 67 për qind për të qëndruar nën rritjen globale të temperaturës prej 1.5 gradë celsius – shanset më të mira që jepen nga Paneli Ndërqeveritar mbi Ndryshimin e Klimës – bota kishte vetëm 420 gigatonë CO2 në dispozicion për të emetuar në atmosferë deri më 1 janar 2018. Sot ajo shifër tashmë është në më pak se 350 gigatonë CO2.

Si guxoni të pretendoni që kjo mund të zgjidhet vetëm me ?vazhdimin e punëve si zakonisht?, apo dhe disa zgjidhje teknike?

Me nivelet e sotme të emetimeve, pjesa e mbetur e tolerancës së CO2, e do të zhduket plotësisht brenda më pak se 8 viteve e gjysmë. Nuk do të ketë zgjidhje apo plane të paraqitura në përputhje me këto shifra që jepen sot këtu, pasi këto të dhëna janë shumë problematike.

Dhe ju nuk jeni ende aq të pjekur sa duhet, që t?i thoni gjërat ashtu siç janë. Ju po na merrni më qafë!

Por të rinjtë, kanë nisur ta kuptojnë tradhtinë tuaj. Sytë e të gjithë brezave të ardhshëm janë mbi ju. Dhe nëse vendosni të na merrni më qafë, unë po ju them:Ne nuk do t?ju falim kurrë!?. Ne nuk do t?ju lejojmë që të vazhdoni në këtë rrugë. Tani këtu dhe tani ne po heqim vijën tonë të kuqe. Bota po zgjohet. Dhe ndryshimi po vjen, pavarësisht nëse ju pëlqen apo jo.

Shënim:Fjala e aktivistes së njohur për ndryshimet klimatike, Greta Thunberg, para Samitit të OKB për Veprimin ndaj Ndryshimeve Klimatike në Nju Jork./ Përshtatur nga CNA.al

Lajmet e fundit nga