Connect with Us

DW: Mbështetje për të prekurit nga tërmeti

Sociale

DW: Mbështetje për të prekurit nga tërmeti

Publikuar

-

Përgatitje në Shqipëri për lëkundje potenciale tërmeti. Në stadiumin e Durrësit ushtria përfundoi vendosjen e ҫadrave, në dispozicion veç stadiumeve janë vënë edhe shtëpi pushimi e kampuse.

Dy ditë pas rënies së tërmetit 5.8 ballësh të shtunën e kaluar (21.09.2019), kryefjala e ditës në Shqipëri vazhdon të jetë mbështetja ndaj qytetarëve që u plagosën dhe familjeve që pësuan dëme materiale, shumica në qarkun e Durrësit dhe Tiranës dhe kaluan natën e të shtunës në qiell të hapur.

Burime nga Drejtoria e Përgjithshme e Emergjencave Civile, strukturë e Ministrisë së Mbrojtjes, thanë për Deutsche Wellen, se situata paraqitet e stabilizuar. Nga 132 persona që u lënduan nga tërmeti dhe u shtruan në spitale, 122 kanë dalë të dielën. Ndërsa 10 të tjerë vijojnë të marrin ndihmë  mjekësore. Shtabet lokale të Emergjencave Civile, në qarkun e Durrësit dhe të Tiranës, nisën të dielën të evidentojnë dëmet e shkaktuara në banesat e qytetarëve dhe bizneset e tyre. Deri tani rezultojnë 293 banesa të dëmtuara, 5 shkolla, 1 qendër shëndetësore, disa automjete si edhe 1 urë. Tërmeti nuk preku rrugët, autostradën Durrës-Tiranë dhe as puset e naftës në zonën e

Fierit.

Albanien Tirana nach dem Erdbeben (DW/A. Ruci)

Masa jo të zakonshme, për një tërmet jo të zakonshëm

Kryeministri, Edi Rama ka dhënë urdhër për marrjen e të gjitha masave për të përballuar një goditje tjetër, të parashikuar nga sizmologët  më të ulët, se ajo që shkaktoi dëme. Në takimin që zhvilloi dje ( 22.09) kryeministri Rama me ministrat e tij, deputetët e Partisë Socialiste dhe autoritetet lokale në gjithë vendin e cilësoi ” jo të zakonshëm tërmetin e 21  shtatorit. “Paniku ka kaluar. Tërmeti është në psikologjinë e njerëzve akoma. Nuk jemi në kushtet e rrezikut eminent. Çdo shtëpi e prekur të ketë dosjen e vet, të firmoset dhe të kalojë për trajtim tek emergjencat për fazën e rehabilitimit. Tërmete si ato të shtunës nuk janë të zakonshëm në Shqipëri”, theksoi Rama.

Për një tërmet jo të zakonshëm, masat që po merren janë gjithashtu jo të zakonshme. Për të mbështetur familjet e prekura dhe marrë masa për të përballuar lëkundje potenciale në vijim në qarkun e Durrësit, ushtria u dislokua me automjetet e saj ushtarake në qytetin bregdetar. Në stadiumin e Durrësit ushtria përfundoi vendosjen e ҫadrave, me një kapacitet prej 30 personash në secilën prej tyre. Shtëpitë e pushimit, në administrimin e Ministrisë së Mbrojtjes dhe Punëve të Brendshme, janë vënë në dispozicion të qytetarëve derisa të riparohen banesat e tyre të dëmtuara. Çadra janë vendosur edhe në zonat periferike të Tiranës krahas vënies në dispozicion të kampusit në qytetin Studenti.

Albanien Erdbeben (AFP/G. Shkullaku)

Qëndra solidariteri u ngritën të dielën në Durrës, Tiranë dhe qarqe të tjera, të prekura më pak nga tërmeti. Në një nga këto qëndra në Tiranë, të ngritur në sheshin „Skandërbe” familjeve të prekura u ofrohen ushqime dhe informacion për t’u drejtuar tek institucionet lokale për ҫdo problem që kanë.

LEXO EDHE:  Nga Andi Përmeti/ Tre kulmet e 2019 dhe tre sfidat e 2020

Mbrojtja Civile e BE ofron ndihmë të Shqipërisë

Komisioneri i Zgjerimit në largim, Johannes Hahn, që në Komisionin e ri Europian do të merret me ҫështjet e Buxhetit dhe të Administratës, në një status në median sociale i quan “serioze lëndimin e më shumë se 100 personave dhe dëmet në infrastrukturë prej tërmetit të 21 shtatorit. BE i ofron menjëherë ndihmë Shqipërisë përmes Mekanizmit të tij të Mbrojtjes Civile” thekson në Hahn.

Në ditët në vijim, sipas sizmologëve priten lëkundje të tjera, më të lehta pas tërmetit të 21 shtatorit, me epiqëndër në Detin Adriatk, në veri të Durrësit, në Kepin e Rodonit. Infrastruktura e ngritur ofron daljen nga banesat të qytetarëve në zonat  ku tërmeti i 21 shtatorit i zbuloi si më të rrezikuarat.  / DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

“Ishte shumë rëndë”/ Ndriçim Xhepa rrëfen momentet e fundit të Xhevdet Ferrit

Publikuar

-

Nga

Aktori Ndriçim Xhepa, ka rrëfyer mes dhimbjes momentet e fundit të Xhevdet Ferrit.

Në një lidhje për TV “News 24”, ai thotë se shkoi për ta parë mbrëmë në spital mikun e tij, ku po qëndronte prej një jave pasi u diagnostikua me kancer.

“Mund të jem personi i fundit nga njerëzit e artit që e kam parë mbrëmë. Duke përjashtuar familjarët. Unë sa e mora lajmin që ishte shtruar në spital, kam shkuar aty. Bënë një lloj tolerance ata mjekët. Ndoshta bëra mirë, që shkova për ta parë.

Nuk e di….sepse ishte në gjendje shumë të rëndë. Ishte me frymëmarrje me aparat. Kam komunikuar pastaj me të shoqen, nëse mund të bëhej ndonjë përpjekje. Por fundi ishte shumë i shpejtë, në 24 orë. Shumë e dhimbshme sepse ishim shumë miq bashkë. Ne përkojmë edhe si kohë, si moshë kemi filluar në të njëjtën moshë bashkë. Kontributi më i madh i Xhodës ishte në një mori filmash që ka në kinematografi. Ishim bashkë te “Dasma e Sakos” te “Delegacioni”. Ishte vërtet një djalë i zgjuar, me shumë bagazh, një aktor me shumë shije.”/CNA.al

 

LEXO TE PLOTE

Sociale

“O Zot, ka qenë studenti im!”/ Viktor Zhusti mëson “live” lajmin tronditës për Xhevdet Ferrin

Publikuar

-

Nga

Aktori i njohur, Viktor Zhusti, nuk i ka mbajtur dot lotët, teksa ka marrë vesh lajmin e trishtë për humbjen e parakohëshme të Xhevdet Ferrit. I shokuar nga lajmi, Zhusti ka shpërthyer në fjalë dhimbjeje.

“Është e paimagjinueshme. Është gjëja më shokuese dhe më tronditëse, që kam pasur në këtë periudhë. Kohët e fundit bëmë filmin “Delegacioni” me të, që pati sukses të jashtëzakonshëm. Xhevdeti ka qenë, o Zot, ka qenë studenti im. Ka qenë i shkëlqyer, nuk di ç’të them.

E kam takuar një vit më parë, kur ishim me xhirimet e filmit. Nuk e dija që ishte i sëmurë. O Zot, në atë kohë pati një incident dhe me një aktor tjetër, por e sollën në Tiranë me urgjencë dhe shpëtoi. Xhevdeti ishte shumë bashkëpunues, shumë i dashur dhe i sjellshëm.

LEXO EDHE:  Rama cakton afatet/ Në 15 dhjetor të gjithë do të jenë në shtëpi të re

LEXO EDHE:  Rama në Thumanë/ “Paratë për të prekurit nga tërmeti do t’i nxjerr nga dheu”

Çdo gjë mund të prisja sot, por vetëm këtë jo. Unë kam luajtur disa filma me Xhevdetin. E kuptoni sa e vështirë, pas një lajmi aq tronditës, të përqendrohem dhe të përmbledh kujtimet e mia me të. Sa e rëndë, sa e papritur dhe sa shokues ishte gjithë ky lajm. Me Xhevdetin kam një rrugë 50-vjeçare, ne ishim miq, aktorë, bashkëpunëtorë, studentë, pedagogë, e donim dhe e respektonim njëri-tjetrin … nuk e di”, tha Xhusti për TV”News 24″./CNA.al

LEXO TE PLOTE

Sociale

“U shokuam!”/ Rajmonda Bulku: Xhevdet Ferri jetoi shumë pak si gjysh i lumtur

Publikuar

-

Nga

Pas ndarjes nga jeta të aktorit të mirënjohur Xhevdet Ferri, të shumtë kanë qenë ata që kanë mbetur të shokuar nga kjo humbje e parakohëshme.

Në një lidhje për news 24, Rajmonda Bulku, ka treguar se e ka marrë vesh lajmin e hidhur teksa xhironte në skenë.

Më pas regjisores i ka ardhur një telefonatë dhe ajo tha ‘’çfarë, çfarë…’’. Nisi të thërriste dhe ne na ra në mënyrë shokante.

”Mendoja që do kalonte gjithçka dhe do e përballonte. Nuk di çfarë të them, ishte një gjë që pritej apo s’pritej. Na ra në mënyrë shokante. Kemi një jetë që kemi punuar. Më vjen shumë keq, nuk e di, mendoja se mund të ndodhte ndonjë mrekulli kur ai është bërë gjysh. Mendoja se ajo qënie që do të vinte në jetë mund ta tjetërsonte. Por jetoi shumë pak si gjysh i lumtur.

Jemi të lodhur me vdekjet e bashkëkolegëve dhe jemi të lodhur, Ridvani tani Xhevdeti.

LEXO EDHE:  Paralajmëroi tërmet apokaliptik/ Presidenca sqaron letrën e Metës

LEXO EDHE:  Nga Andi Përmeti/ Tre kulmet e 2019 dhe tre sfidat e 2020

Ishte një student i shkëlqyer me 10, serioz, skrupuloz, shumë i ditur, s’di c’të them. Cift i mrekullueshëm me Rozetën, familjar dhe dashuri e frikshme me të.

Aktor, partner, mik dhe burrë shumë i zgjuar. Kjo e veçonte Xhevdetin, nga të tjerët. Jemi pa fjalë.”- tha Rajmonda Bulku/CNA.al

 

LEXO TE PLOTE