Connect with Us

Kulluri thumbon klasën politike nëpërmjet Platonit/ Tre cilësitë që iu mungojnë

Politikë

Kulluri thumbon klasën politike nëpërmjet Platonit/ Tre cilësitë që iu mungojnë

Publikuar

-

Ish-anëtari i Këshillit Kombëtar të PD-së, Edvin Kulluri ka “thumbuar” sot klasën politike në Shqipëri.

Në një postim në rrjetet sociale, ndërsa heq një paralele me politikën shqiptare, Kulluri rikthen në vëmendje një përkufizim të Platonit, në lidhje me cilësitë që duhet të ketë një qeverisë. Cilësi të cilat sipas tij nuk i përmbush politika jonë.

“I pari filozof qe shkroi qarte per perkufizimin e politikanit apo mbretit si qeverises Platoni, kerkonte qe te ishte “i virtytshem”! Dhe si i tille i duheshin 3 cilesi: 1) Te ishte i zgjuar; Te kishte kurajo; 3) Te ishte i vetermbajtur!

Nese i mungonte nje nga keto 3 cilesi s’mund te quhej “ i virtytshem”! Gjejeni vete ku jemi.”-shkruan Kulluri në postimin e tij./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Andi Bushati/ Rama tradhëtari dhe gomerët që e sulmojnë

Publikuar

-

Nga

andi bushati opinion

Një stuhi në gotë që shpërtheu këtë fillim jave në Kosovë u shfrytëzua si një rast i mirë për të sulmuar edhe njëherë Edi Ramën. Disa nxituan ta shpallin sërisht tradhëtar, të tjerë bënë thirrje që të izolohet si “non grata”, konspiracionistët panë një lëvizje të re për të realizuar plane të vjetra me Vuçiçin, ndërsa patriotët e thekur një provokim për të bërë të pranueshëm mini Shengenin ballkanik.

Duhet thënë se e gjithë kjo rokopujë ishte e pavend dhe e ekzagjeruar. Ajo u nxit nga një detaj i thjeshtë. Mes qindra postimeve që bën në ditë, kryeministri që qeveris përmes Facebook dhe Twitter, kishte bërë një gafë të rëndë. Duke u përpjekur të shpjegonte politikat e rilindjes për furnizimin e popullësisë me ujë, ai botoi edhe një hartë skandaloze ku Kosova paraqitej si pjesë e Serbisë.

Ky ishte “krimi”, natyrisht flagrant dhe i pa pranueshëm për çdo kabinet kryeministror serioz, kudo në botë. Për të cilin, gjithkush, më pak arrogant, do të kishte përunjësinë të kërkonte ndjesë dhe nuk do mjaftohej vetëm me një korrigjim të videos në Facebook.

Por nga këtu, ta shohesh këtë gafë me një mendësi konspirative, ta shesësh si një vazhdim të aventurës së korigjimit të kufijve, ta paraqesësh si një provokim që do të përgatisë terrenin për mini Shengenin dhe ti bësh të gjitha këto bashkë për të shpallur gafaxhiun tradhëtar, është vërtet një hiperbolë e madhe.

Pra thënë këtë, duket se kemi qëmtuar një tjetër rast, për të ilustruar tezën që vetë Rama artikuloi në mbrojtje të Thaçit, që kush të akuzon si tradhëtar, s’është gjë tjetër veçse një gomar.

Po a jemi këtu përpara një rasti të tillë? A është thjeshtë kryeministri një gafaxhi dhe ata që e akuzojnë një tufë budallenjsh qëllimkëqij?

Jo në fakt, sepse, as historia nuk është kaq e thjeshtë dhe as Rama nuk ështe hera e parë që lë dyshime përreth vetes.

A nuk qe ai edhe protagonisti që e sulmoi Vuçiçin në folenë e tij në Beograd duke u shndërruar më pas në mik të darkave ku këndonte Daçiçi dhe ku vizatoheshin harta?

LEXO EDHE:  Politikanët në “ethe”, nisin tentativat për fshehjen e pasurisë/ Katër pushtetarë të lartë nën hetim  

A nuk qe ai, që një herë fiste për bashkim kombëtar në kuadër të BE dhe njëherë tjetër e përdorte këtë temë si shantazh kundër saj?

A nuk qe ai që shqiptarëve u thoshte se taksa qe një klithmë që duhej ruajtur dhe Hardinajt i bënte presion përpara Makronit për ta hequr atë?

A nuk qe ai që goditi Mekelin duke thënë se është kryeministër që mbron interesat e shqiptarëve dhe jo të gjermanëve ndërsa pastaj e mohoi të ketë qenë ndonjëherë për ndryshim kufijsh.

A nuk është ai që po mbron me Shengenin ballkanik zgjidhjen e mrekullueshme të një rajoni pa mure, vetëm pasi ka mbështetur idenë e ndryshimit të kufinjve që predikonte mure të reja etnike?

Pra thënë këto, e kupton qartë se Edi Rama, nuk ka pasur kurrë një vizion, as për Kosovën, as për bashkimin, por, ai i ka përdorur këto tema si një tregëtar cinik, vetëm për të fituar momentalisht për vete.

Prandaj të gjithë ata që kanë ndjekur këtë trajektore kanë të drejtë të dyshojnë.

Ne njerëzit “normalë”, mund të kemi të drëjtën ti gjykojmë apo ti quajmë gomerë akuzuesit e tij. Ne mund ta përqeshim paranojën apo konspirativizmin e tyre. Por ato, si të gjitha patologjitë, nuk kanë lindur nga hiçi. Ato kanë pasur shkaqe dhe kanë gjetur terren në sjelljen e çekuilibruar, të paparimtë dhe kundërthënëse të kryeministrit shqiptar.

Edi Rama ka shërbyer si toka më pjellore e mundshme për të lulëzuar budallenjtë që e akuzojnë atë si tradhëtar.

Prandaj dhe në këtë rast, shërbeu një gafë me harta për të nisur një stuhi të re. Një fortunë, ku gomerët nuk janë vetëm në anën e fanatikëve të mbrojtjes së kufijve, por edhe në anën e atyre që bëjnë lodra me ta./ Lapsi.al

LEXO TE PLOTE

Politikë

Zbulohen detaje nga telefonata e Metës me Palmer/ Presidenca: Jemi gati të publikojmë bisedën

Publikuar

-

Nga

Zëdhënësi i presidentit, Tedi Blushi ka konfirmuar telefonatën e presidentit Ilir Meta me Zv.Ndihmës Sekretarit të Shtetit të SHBA, z.Mattheë Palmer, me kërkesë të këtij të fundit.

Sipas Blushit, qëndrimet e Metës të shprehura gjatë kësaj bisede telefonike kanë qenë mjaft të qarta, transparente dhe shteruese.

“Megjithatë nëse z.Lekloti, bie dakord me ambasadën e SHBA në Tiranë, dhe na autorizon ta publikojmë të plotë transkriptin e kësaj bisede telefonike, ne jemi gati ta vëmë atë të plotë në dispozicion të opinionit publik vendas dhe ndërkombëtar. Presidenti Meta nuk ka asgjë për të fshehur”, shkruan Blushi.

Postimi i plotë:

Të dashur kolegë gazetarë,
Interesimit tuaj për një lajm, që siç më vutë në dijeni, ja u ka konfirmuar z.Guri Lekloti dhe ju ka sugjeruar t’ja u konfirmoj edhe unë, ju sqaroj :
Po, është e vërtetë që mbrëmjen e djeshme ka patur një bisedë telefonike rreth 30 minuta mes Presidentit të Republikës, Sh.T.Z Ilir Meta dhe Zv.Ndihmës Sekretarit të Shtetit të SHBA, z.Mattheë Palmer, me kërkesë të këtij të fundit.
Qëndrimet e Presidentit Meta të shprehura gjatë kësaj bisede telefonike kanë qenë mjaft të qarta, transparente dhe shteruese.
Megjithatë nëse z.Lekloti, bie dakord me ambasadën e SHBA në Tiranë, dhe na autorizon ta publikojmë të plotë transkriptin e kësaj bisede telefonike, ne jemi gati ta vëmë atë të plotë në dispozicion të opinionit publik vendas dhe ndërkombëtar.
Presidenti Meta nuk ka asgjë për të fshehur!
Konfirmojmë se marrëdhëniet tona strategjike me SHBA janë të forta, të qëndrueshme dhe transparente, si asnjëherë!

LEXO TE PLOTE

Politikë

Përplasjet për Kushtetuesen/ Presidenca refuzon SHBA: Nuk do ta cojmë në Venecia

Publikuar

-

Nga

Ambasada e SHBA në Tiranë ka reaguar sot në lidhje me ngërçin e krijuar me emërimin e anëtarëve të Gjykatës Kushtetuese.

Në një deklaratë për mediat, ndër të tjera ambasada e SHBA theksonte se Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre intepretimeve të debatuara.

Në mungesë të një institucioni të përshtatshëm ligjor, i cili mund të vendoste mbi intepretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias.”

Pas kësaj deklarata të ambasadës së SHBA, ka ardhur reagimi i parë nga mazhoranca socialiste.

Në një prononcim për mediat, kreu i grupit parlamentar të PS, Taulant Balla është shprehur se “Çështja e Kushtetueses do ti dërgohet Komisionit të Venecias.

“Çështja e Kushtetueses do ti dërgohet Komisionit të Venecias. Do i bashkohemi vlerësimit të partnerëve tanë SHBA, por edhe BE. Për ne është e rëndësishme vijimi i punës”-tha Balla.

LEXO EDHE:  “O të paudhë”/ Mjeku i njohur “masakron” politikën

Por, nga ana tjetër Presidenca duket se do të refuzojë propozimin e SHBA.

Burime për CNA.al pranë Presidencës shprehen se nuk do të jetë ky institucion që do të dërgojë çështjen në Komisionin e Venecias.

I njëjti burim theksoi për CNA.al se “Qëndrimet tona kanë qënë të qarta dhe nuk do ti drejtohemi Komisionit të Venecias”.

Po ashtu edhe në një reagim në rrjetet sociale, zëdhënësi i Presidencës Tedi Blushi ka lënë hapur të kuptohet se nuk do ta çojnë çështjen në Komisionin e Venecias./ CNA.al

Ambasada e SHBA mesazh të fortë për Reformën në Drejtësi/ Ja si të zgjidhet ngërçi për Kushtetuesen

Ngërçi në Gjykatën Kushtetuese çohet në Venecia

“Mjaft më “Rule of Embassy”/Presidenca i përgjigjet ambasadës amerikane: Tymi Venecias është turp

Vasili i përgjigjet ambasadës amerikane/ Komisioni i Venecias si Landfill ku riciklohen hallet e Ramës

LEXO TE PLOTE