Connect with Us

Vendimi për ish ministrin/ Flet Dritan Zagani: “Gjyqtarja që shpëtoi Tahirin, më futi në burg mua”

Politikë

Vendimi për ish ministrin/ Flet Dritan Zagani: “Gjyqtarja që shpëtoi Tahirin, më futi në burg mua”

Publikuar

-

“Doli ashtu siç e kishte parashikuar. Saimir Tahiri do të dënohej sa për sy e faqe. Saimir Tahiri nuk shkon në burg sa të jetë Edi Rama.”

Kështu u shpreh ish kreu i antidrogës në Fier, Dritan Zagani në një lidhje telefonike për Ora News.

Sipas  tij, gjyqtarja, Flora Hajredinaj që mori vendimin për lënien e lirë të Tahirit, e ka future atë në burg me kërkesë të ish ministrit.

Pjesë nga Intervista

Pyetje: A jeni i zhgënjyer që zoti Tahiri nuk do të shkojë në burg?

Dritan Zagani: I zhgënjyer nuk kam pse të jem, Jam i kënaqur që parashikimi im ka dalë. Do bënin diçka për ti hedhur pluhur situatës në të cilën ndodhet momenti që po kalon qeveria në vendin tonë. Jam i kënaqur për veten time. Kjo është një provë domethënëse që unë të çoj shtetin shqiptar në Strasburg sa më parë të mundem.

Në prizmin personal jam shumë i kënaqur, në prizmin e situatës është diçka që do ndodhte: Saimir Tahiri nuk do shkonte në burg se po të shkonte do të shkonte dhe Edi Rama. Ai mori një dënim simbolik, një dënim sa për sy e faqe. Këtë e kam thënë. Saimir Tahiri nuk shkon në burg sa të jetë Edi Rama ai që është. Harrojeni!

Pyetje: A mendoni se gjyqtarët kanë qenë nën presion?

Dritan Zagani: Çfarë presioni, atje nuk ekziston gjykata e prokuroria. Kryetare e trupit gjykues ishte një gjykatëse që më futi  mua në burg, me kërkesë të Saimir Tahirit. Nuk ekziston asnjë hallkë e shtetit jo më drejtësia. Drejtësia ishte një paçavure sot është kthyer në një vegël kaq.

LEXO EDHE:  Moisi Habilaj bashkëpunëtor i drejtësisë?/ Gazetari italian flet për gjyqin ndaj kushëririt të ish-Ministrit

Pyetje: A prisni që njerëzit e vërtetë që kanë qenë të lidhur me trafikun e drogës të dënohen nga drejtësia e re?

Dritan Zagani: Kjo është një vorbull që është shpej të parashikohet. Kemi rol të brendshëm dhe të rol të jashtëm. Ata që janë të brendshëm kanë interes të mos funksionojë drejtësia. Në shqipëria mafia vendos nëse do bëhet apo nuk do bëhet, kush do shkojë apo nuk do shkojë në burg. Kjo qeveri kanabizoi Shqipërinë.

Nuk është prerë në asnjë mënyrë prodhimi i kanabisit. Informacionet që kam flasin për tunele të mëdha të kultivimit të marijuanës me llamba.Këtë fenoneme i kam verifikuar vetë që kur isha atje. Kultivimi është koncentruar në ato duar që punojnë për pushtetin. Ështe zvogëluar prodhimi për popullin e gjerë por jo për ata që trafikojnë.  Kultivimi është në mënyrë të organizuar. Ka ambiente që policia nuk guxon ti shohë shtrembër. Ka ambiente ku kultivimi bëhet i mbyllur dhe me sistem dritash dhe ky prodhim ka shumë fitim. Ky është trafiku i vërtetë dhe jo fshatarët e Velçes në Vlorë. Tani është i kamufluar sa ka kërkesë tregu nga trafikantët shqiptar aq ka dhe prodhim por nuk është si në kohën e Saimirit kur vajti kilja e hashashit sa kilja e jonxhes tashmë është e kontrolluar.

 

KLIKO PER TE KOMENTUAR

Komentoni

Your email address will not be published. Required fields are marked *

Politikë

Murrizi nxjerr “blof” Spiropalin/ Keni 20 vite që vidhni

Publikuar

-

Nga

Deputeti demokrat Myslim Murrizi ka marrë fjalën në senacën plenare të Kuvendit, pas ministres për Marrëdhëniet me Parlamentin, Elisa Spiropali, e cila ndër të tjera tha se ekonomia është rritur, papunësia është uler, etj.

Por, Murrizi ka nxjerrë “blof”, Spiropalin, ndërsa u shpreh se nëse Shqipëria do të ishte kaq e begatë, se ç’pretendon ministrja, shqiptarët nuk do të ishin të detyruar të merrnin rrugët e Europës.

“Sipas ministres jetojmë në një shtet të begatë. Por, po të kishte punë, po të ishte siç thotë ministrja, shqiptarët nuk ishin arratisur drejt rrugëve të Europës. Franca e tha qartë, se arsyeja pse nuk hapin negociatat është se na keni rritur numrin e këtyre hallexhinjve”-tha Murrizi.

Më tej, ai zbardhi shifra të frikshme, ndërsa deklaroi se “Kam parë raportin e KLSH. Mbi 600 milion euro ka shteti detyrime për vendime gjyqësore të paekzekutuara”.

LEXO EDHE:  Vendimi i fundit nga Koalicioni Opozitar/Çfarë do bëjmë

LEXO EDHE:  Zbulohen detajet/ Si u kapën 800 mijë euro me patentat e Saimir Tahirit

Po ashtu Murrizi tha se 2.2 miliard euro janë kontrata PPP, të cilat sipas tij janë lidhur me firma, që nuk kanë asnjë lloj takati për realizimin e atyre projekteve gjigante.

Më tej, ndërsa iu përgjigj Spiropalit, e cila tha se janë rritur shpenzimet për çështjet sociale, më tej Murrizi tha “Sa është ngritur pensioni i një pensionisti? 1 mijë apo 2 mijë lek të vjetra?

Nëse shqiptarët nuk kanë pasur mundësi të fusin në xhep ngritjen e pensionit thojini se kur do ti marrin”.

Gjithshtu Murrizi “fshikulloi” ashpër klasën politike, e cila sipas ka të paktën 20 vite që vjedh.

“Keni 20 vite që vidhni bashkë. Për këtë merreni vesh shumë mirë me njëri-tjetrin”-tha Murrizi.

LEXO TE PLOTE

Politikë

“Të rejat e fundit, në prag të vendimmarrjes”/ Rama publikon foton krah Hahn në Bruksel

Publikuar

-

Nga

Kryeministri Edi Rama ka publikuar një foto me Komisionerin për zgjerim, Johanes Hahn, të shkrepur në Bruksel.

“Bruksel – Me Komisionerin Hahn për të rejat e fundit, në prag të vendimmarrjes së Këshillit Europian”, shkruan Rama bashkëngjitur fotos.

Kujtojmë se vetëm një ditë nga ndan nga vendimi i madh për çeljen ose jo të negociatave për Shqipërinë dhe Maqedoninë e Veriut me BE.

LEXO EDHE:  Zbulohen detajet/ Si u kapën 800 mijë euro me patentat e Saimir Tahirit

LEXO EDHE:  Moisi Habilaj bashkëpunëtor i drejtësisë?/ Gazetari italian flet për gjyqin ndaj kushëririt të ish-Ministrit

Ditën e djeshme, Rama bashkë më kryeministrin maqedonas Zoran Zaev u nisën drejt Brukselit  për të takuar kryeministrat e vendeve të BE.

Rama u shpreh se nuk është as optimist as pesimit përsa i takon hapjes së negociatave për Shqipërinë./CNA.al

 

LEXO TE PLOTE

Politikë

Shqipëria “mollë sherri” mes Macron dhe Merkel/ Shanset nuk janë shumë të mira 

Publikuar

-

Nga

Gjermania ende kërkon gjetjen e një pozicioni të përbashkët me Francën për çeljen e negociatave. Presidenti Macron, që kundërshton çeljen e tyre përmend numrin e lartë të azilkërkuesve shqiptarë në Francë.

Brexit do të jetë tema qendrore në samitin dyditor të Bashkimit Europian që fillon të enjten në Bruksel. Arritja e një marrëveshjeje në minutën e fundit po kërkohet intensivisht nga të dyja palët. Megjithëse Brexit nuk qëndronte në axhendën e ditës ai do të sundojë orët e debatit që ishin planifikuar për buxhetin e BE-së për vitet e ardhshme. Me interes pritet po ashtu se si do të pozicionohen vendet e BE në deklaratën e përbashkët të samitit për Turqinë dhe ofensivën në Siri.

Merkel: Shanset nuk janë shumë të mira”

Një temë tjetër në samit është edhe grindja në BE për çeljen e negociatave mes BE dhe Shqipërisë e Maqedonisë së Veriut. Me veton që vuri Franca në takimin e ministrave të Jashtëm të BE të martën i ktheu kundër shumë vende anëtare që e kërkojnë çeljen e negociatave. Kjo temë u diskutua edhe në takimin mes Merkelit dhe Macronit në Tuluzin francez, ministrat e të dy vendeve nënshkruan projekte të përbashkëta në drejtim të politikës së mbrojtjes. Si Gjermania edhe Franca janë ende duke punuar për të gjetur një pozicion të përbashkët deri në samitin e BE, që duhet të miratohet edhe nga vende të tjera, tha Merkel.

Por në deklaratën qeveritare të enjten në Bundestag, para largimit në Bruksel, Merkel tha: “Më duhet t’iu them se shanset nuk janë shumë të mira.” Ajo u shpreh sërish pro perspektivës së anëtarësimit për Shqipërinë dhe Maqedoninë e Veriut. Gjermania ndjehet veçanërisht e lidhur me vendet e Ballkanit dhe do t’i afrojë ato me BE, tha ajo. Ne u kemi ofruar ura partnerëve që kishin dyshime, tha Merkel. Në samit ende nuk është e sigurtë një votë unanime.

Në përgjithësi, Merkel e vlerësoi samitin në Bundestag si të pasigurtë në rezultatet e tij. “Nuk mund të them se si do të përfundojë ky samit”, tha ajo.

Një ditë më parë Merkel i kishte relativizuar pohimet, se mes Gjermanisë dhe Francës ka diferenca të mëdha në drejtim të perspektivës së anëtarësimit të të dy vendeve ballkanike. Të dyja palët e mbështesin perspektivën e anëtarësimit, tha Merkel në Tuluz të mërkurën. Ajo e mbështet madje dëshirën e Francës për një reformim të procesit të anëtarësimit që duhet të jetë transparent dhe i kthyeshëm në rast të zhvillimeve negative. Sipas Merkel, bisedimet e anëtarësimit duhet të fillojnë, kur të sqarohen çështje të caktuara. Por në këtë rrugë “ka disa nuanca të ndryshme”, tha ajo.

LEXO EDHE:  Me kë është konsultuar Rudina Hajdari për mandatin?/ Deputetja sqaron arsyet e vendimit

LEXO EDHE:  Vendimi i fundit nga Koalicioni Opozitar/Çfarë do bëjmë

Macron: Shqiptarët të dytët ndër azilkërkuesit në Francë

Presidenti Macron i vlerësoi përparimet e bëra nga Shqipëria dhe Maqedonia e Veriut, por këtë herë do të zgjasë pak më gjatë deri sa të fillojnë negociatat, tha ai. Macron, i cili deri më tani, kundërshtimin e tij e kishte argumentuar me thellimin e BE para zgjerimit, pranoi në konferencën e shtypit me Merkel edhe arsye të brendshme që e bëjnë Francën të hezitojë. Shqiptarët përbëjnë grupin e dytë më të madh të azilkërkuesve në Francë, në këto kushte është e vështirë t’i shpjegosh  popullit, se duhen filluar negociatat me këtë vend, tha Macron.

Më parë edhe kreu i Dhomës Lindore të Tregtisë dhe Ekonomisë Gjermane, Michael Harms ishte shprehur për fillimin e shpejtë të bisedimeve me Shqipërinë dhe Maqedoninë e Veriut. Ai paralajmëroi për ndryshimin e atmosferës në këto vende që janë shumë proeuropiane.

Më parë kishte pasur zëra që shprehnin zhgënjimin e Gjermanisë për rezistencën e Francës kundër çeljes së negociatave me Shqipërinë dhe Maqedoninë e Veriut. Ministri i Shtetit për Europën, Michael Roth, (SPD) u shpreh, se nëse BE nuk ia del dot të rrisë prezencën në Ballkan, rrezikon një vakuum pushteti që mund të mbushet nga fuqi të tjera. Gjermania është “shumë e zhgënjyer” që nuk mund të mbahet ajo që është premtuar disa herë, tha Roth. Sepse me çeljen e negociatave bëhet fjalë për “një sinjal të qartë për paqen, stabilitetin, demokracinë dhe pajtimin për të gjithë Europën.”

Në samit do të ketë përpjekje për të bindur Macronin. Argumenti i fuqishëm i përkrahësve të çeljes së negociatave është vënia në diskutim e besueshmërisë së BE, kur nuk mban premtimet. Nga qarqet qeveritare gjermane është bërë e ditur, se puna vazhdon intensivisht. “Kjo nuk është një temë që do të trajtohet si ndër të tjera”, tha një përfaqësues gjerman./ DW

LEXO TE PLOTE