LEXO PA REKLAMA!

SHKARKO APP

Tre armiqtë e medias dhe fjalës së lirë në Shqipëri

18 Shtator 2019, 13:37, Aktualitet CNA

Nuk ka tashmë asnjë dyshim se kasta e politikës është armikja më e madhe e medias në Shqipëri. Të tre drejtuesit politik të forcave kryesore në vend janë armiq të vërtetë të fjalës së lirë dhe medias në Shqipëri.

Duke filluar që sot, nga më e freskëta. Ilir Meta, prej 30 vitesh në politikë, njeriu që me çorape të grisura zbriti nga Skrapari dhe është kthyer në një miliarder. Ai që i quan si dezinformues dhe portale në të zezë, që sulmon median dhe fjalën e lirë, thjeshtë dhe vetëm sepse nuk e mbështesin.

Por, harron të na thotë dhe portalet që ka nga pas. Ata që i paguan ditë e natë, ?Nikollërat? apo ata pa standardt, ?Çimërat? e të tjerë, që janë vegla të Ilir Metës, ndërsa të tjerë sepse sulmojnë dhe kritikojnë presidentin janë dezinformues dhe në të zezë.

Ky është presidenti ynë i nderuar, i cili kur ishte kryeministër i socialistëve nxirrte fonde dhe blinte media, ashtu siç bën dhe sot, pavarësisht se ata që nuk i ul dot në tavolinë dhe nuk pranojnë haraçin e tij, i shpall armiq.

Nuk ka asnjë ndryshim nga Ilir Meta edhe kryeministri Edi Rama, i dyti në radhë. Ai filloi para disa kohësh një luftë të fortë me mediat, duke u quajtur ?kazanë?. Nuk la fjalë pa thënë për botuesit, gazetarët dhe kjo vetëm e vetëm që të ulte besueshmërinë e tyre në opinionin publik, ashtu siç po bën sot edhe presidenti i vendit. Pasi raportimet dhe denoncimet e forta në media, mund t?i prishin punë, Ramës dhe qeverisë së tij. Kjo e fundit e përfshirë nga skandalet e njëpasnjëshme, që nga ministrat e korruptuar, drejtorët, e deri tek nivelet e poshtme. Pa harruar edhe gjithçka që kalon me firmën direkt të kryeministrit dhe PPP-të e famshme korruptive.

Edhe për kryeministrin tonë, media është armiku, është kazani, ashtu siç ishte edhe për presidentin.

I treti në radhë, por jo me më pak peshë është Lulzim Basha, kreu i Partisë Demokratike. Kryetari i ?sektit? të Republikës së re, njeriu i cili nuk lë fjalë pa thënë kundër medias. Del publikisht e thotë se janë të shitura, janë të blera dhe janë vënë në shërbim të Edi Ramës. Megjithëse shumë media apo portale janë pro tij, përjashto ndoshta dy-tre televizionet kryesore. Që në fakt pesha e informimit mediatik iu ka rënë. Sesa televizionet të bëhen gati të japin edicionet e lajmeve, në fakt lajmi është konsumuar në të gjitha format e mundshme. Ashtu siçi i pëlqen apo nuk i pëlqen Bashës, Ramës apo Metës.

Basha ka portalet e tij, ka ?Çimin? e tij, ashtu siç ka Rama “Fugën” e tij,  ?Blushin? e tij, Ballën e tij me shokë e shoqe, ashtu siç ka edhe Meta ?Blushin? e tij, Nikollat me apo pa standarte apo Zhejushet e mediave te droges.

Të gjithë kanë ?Blushërat?, ?Çimërat?, gazetarët e oborrit, ?Nikollërat? e tyre, që i përdorin sa herë kanë nevojë.

Por, të tre nuk harrojnë që në fron ballor të sulmojnë dhe të akuzojnë median në shumicë dhe mos ti lënë fjalë pa thënë. Njëri si të shitur e të blerë, tjetri kazan, e tjetri dezinformues në të zezë, e të gjithë kështu.

Kjo tregon se vërtetë në Shqipëri, media, përjashto disa media të kontrolluara nga qeveria apo atyre që marrin taksat në këta tre persona, pra tek Rama, Meta dhe Basha, pjesa tjetër qenka kthyer në një hall të madh.

Media jashtë kontrollit qenka kthyer në një problem të madh për presidentin tonë të korruptuar, për kryeministrin tonë jo vetëm të akuzuar, por për kreun e sektit të PPP-ve, vjedhjes më të madhe që bëhet me ligj në Shqipëri. Por, edhe Lulzim Bashës, njeriut të miliona dollarëve, ku familjarët e tij pasurohen në opozitë, në mënyrë të frikshme. Dhe duket që këto media që i thonë këto denoncime, që iu prishin gjumin natën, vërtetë qenkan një problem i madh. Dhe ndoshta qenkan shumë.

Pra, më në fund po kuptojmë se paska disa media të lira në Shqipëri dhe shqiptarët paskan ku të informohen. Ndaj dhe Ilir Meta është në hall se po e kritikojnë. Ashtu siç po e kritikojnë edhe Ramën e Lulzim Bashën. Të tre kanë hall, sepse të tre, përtej kazanit që gatuajnë vetë, kanë edhe disa media të tjera që i bien kokës për t?ju thënë disa të vërteta që jo të gjithë i thonë.

Por, kjo nuk ka rëndësi, edhe censura ka të sajën. Por, edhe portalet e kontrolluara dhe mediat e kontrolluara vlejnë.

Vlejnë sepse kur i ka Rama, sulmojnë Metën, kur i ka Meta sulmojnë Ramën. Ku i ka Basha sulmojnë Ramën, e kur i ka Meta sulmojnë edhe Bashën kur duhet e ndonjëherë edhe Ramën. të paktën në këtë lëmsh të tyre, shqiptarët kanë se ç?të lexojnë.

Por, halli më i madh i të treve pa asnjë diskutim janë mediat që i godasin të tre në kokë dhe për këtë sot kemi vertetë treshen e armiqve të medias dhe të fjalës së lirë në Shqipëri, që e kanë emrin Ilir Meta, Edi Rama dhe Sali Berisha./ CNA.al

Lajmet e fundit nga