Connect with Us

E ndoqën këmba-këmbës/ Zbardhen SMS-të, kush i “hëngri kokën” ish-policit

Kronika

E ndoqën këmba-këmbës/ Zbardhen SMS-të, kush i “hëngri kokën” ish-policit

Publikuar

-

Pas vrasjes së Santiago Malkos, kamerat e sigurisë kanë hedhur dritë mbi dinamikën e ndjekjes së tij këmba-këmbës nga dy automjete. E ndërsa njëra nga makinat që kuptohet se nuk i ndahet shënjestrës rezultoi se ishte vjedhur në Fushë-Milot, tjetra afroi hetuesit me të dyshuarit kryesorë, çka solli edhe arrestimin e njërit prej tyre që në fakt ka rrëfyer jo pak për autoritetet.

Automjeti i dytë tha një burim i sigurt i gazetës “Si”, është mjet tip “Skoda” dhe ndërsa dallohet që ai po përgjonte 32-vjeçarin, kamerat e sigurisë zbuluan edhe targat. Nga verifikimi në gjoba shpjegohet më tej për Gazetën “Si”, u zbulua se ky mjet i përkiste një vajze të re. Menjëherë hetuesit kanë marrë në pyetje të renë, e cila është befasuar dhe ka deklaruar se ajo nuk posedon asnjë automjet, por ka dhënë detaje tepër interesante. ‘E, thotë dëshmitarja është shoku im dhe një vit më parë më kërkoi kartën e identitetit dhe më tha se i duhej. Më vonë mësova se në Durrës kishte regjistruar një automjet nën emrin tim, por nuk i vura rëndësi.

Personi që përmendet nga dëshmitarja është një tjetër i dyshuar, që i çon hetuesit drejt gjurmëve të dy vëllezërve, një vlonjati dhe dy shtetasve të tjerë. Me shumë mundësi, pohon një nga burimet për gazetën “Si”, Santiago Malko mund të jetë vrarë për shkak të përplasjeve mes dy grupeve, për sa kohë ai njihej si ushtar i Ervis Martinajt. Nuk përjashtohet mundësia që ai të ketë vjelë “detyrimet” për lojërat e fatit, aq më tepër kur edhe dy vëllezërit e dyshuar përmenden si ish-pronarë të lojërave të fatit.

Por, pas publikimit të plotë të dëshmisë së të arrestuarit, prokuroria gjendet në pozitë të vështirë për ta ftuar atë që të rrëfehet dhe të përfitojë statusin e dëshmitarit të drejtësisë. Aq më tepër shton një tjetër burim pranë sektorit të vrasjeve, që vetë i arrestuari u duk më shumë i frikësuar nga gjithë ç’kishte ndodhur. Kjo pasi ai tregoi që pasi ishte ngrënë mishi i pjekur, personat e dyshuar kishin thënë: “Çuna hajde ta bëjmë”, dhe pas eliminimit të Malkos, ai e kishte kuptuar që bëhej fjalë për ç’kishte dëgjuar ai.

Skema- Vjedhje targash, makina në emër të dikujt tjetër

Por jo vetëm vjedhja e targave për të kryer eliminime të paramenduara, por edhe pajisja e makinave me dokumente nën emrin e një personi tjetër është një skemë që përdoret prej kohësh. Sikundër edhe përdorimi i  numrave të telefonave të vjedhur në zonat rurale që asnjëherë nuk denoncohen nga të dëmtuarit, por që shpesh rezulton të jenë përdorur në ngjarje të krimit të organizuar.

Gazeta “Si” sjell ekskluzivisht hetimin e tre shtetasve, të cilët siguronin jo vetëm dokumente false, por edhe kalonin mjetet për kolaudim ose pajisnin me karta identiteti persona të ndryshëm. Në një rast kanë pajisur me leje drejtimi shtetasin Maretil Gjini nën emër të shtetasit Nino Menchini. Ndërsa, më poshtë Gazeta “Si” sjell përgjimet nga dëshmitari Robert Lufa, i cili tregon se si të dyshuarit ndihmonin dhe ndikonin në kalimin e mjeteve pa radhë si edhe për kolaudimin e tyre.

“U interesova për të kolauduar mjetin “Ford fokus” me targa AA 840es. Për ta kryer këtë gjë sa më shpejt u takova me Altin Topallin (i dyshuar) dhe më tha që makinën ta parkoja te bilardo dhe çelësat dhe lekët t’i lija po te bilardo. Lashë në kroskot 15 mijë lekë të reja, një pjesë të të cilave Altini do i përdorte për pagimin e taksave, dhe të tjerat t’i mbante për kafe. Të nesërmen shkova në qendrën e kontrollit teknik dhe në radhë gjeta makinën time. Hipa në të dhe hyra në kolaudim”.

Dëshmitari shton se fillimisht kishte ngelur për frenat dhe dritat dhe menjëherë sapo i kishte rregulluar, kishte kaluar. Por, dëshmitari kujton bisedën për lekët e dhëna Altinit, që i kishte treguar se 50 ishin mbajtur për kafe nga ai vetë, kurse të tjerat ishin shpenzuar për pagimin e taksave pa treguar se me kë ai kishte folur dhe bashkëpunuar në qendrën e kontrollit teknik.

Në fakt, shmangia e radhëve të gjata në qendrën e kontrollit teknik apo edhe kalimi i mjetit edhe pse parametrat teknikë lënë për të dëshiruar, me shumë mundësi është “ëndrra “e çdo shoferi që heq të zitë e ullirit. Por, përgjimi i kryer mes disa personave në Tiranë zbulon se në fakt edhe këtij problemi i është gjetur zgjidhja. Skema quhet korrupsion. Aktualisht, nën masën “arrest me burg” gjenden Altin Topalli, Adrian Haxhija dhe Erald Nazeraj nën “arrest shtëpiak”. Gazeta “Si” posedon përgjimin e bisedave të tyre për mënyrën sesi ata i kalojnë mjetet, duke shfrytëzuar lidhjet familjare apo edhe njohjet. Fillimisht, hetimi pasi ka startuar pasi një person ishte nën përgjim për çështje korrupsioni pranë Gjykatës së Krimeve të Rënda, policia vendosi grupe vëzhgimi ndaj shtetasve që ai komunikonte. Raporti i vëzhgimit që Gazeta “Si” disponon tregon se si në bulevardin “Gjergj Fishta”, i dyshuari Altin Ismaili takohet me tre persona veç e veç. Njëri prej tyre hyn në qendrën e kontrollit teknik dhe pasi hipën në makinën “Ford focus” që gjendet i parkuar aty, largohet. Më vonë, i dyshuari takohet me personin tjetër i moshës rreth 60 vjeç, të cilit i jep disa dokumente. Ky i fundit afrohet pranë një makine “Golf” dhe i përcjell dokumentet tek një femër.

LEXO EDHE:  Vrasja e 21-vjeçares/ Reagon pedagogu: U vra nga maskilizmi shqiptar

Ekziston dyshimi i arsyeshëm pohon prokuroria, se Altin Topalli bashkë me persona të tjerë kundrejt vlerave monetare, ndihmojnë për kolaudimin dhe për shmangien e radhëve. Biseda e transkriptuar që Gazeta “Si” zbardh zhvillohet mes të dyshuarve dhe qytetarëve të ndryshëm, që në një rast njëri prej tyre duke folur në mënyrë të rezervuar teksa bën pazar shton: “Se nuk flitet edhe në telefon nga këto përgjimet”. Siç rezulton, në fakt, atë nuk e ka gabuar nuhatja, përgjimet pikërisht po bënin punën e tyre, po regjistronin biseda e detaje, mbi pagesën, formën si prezantohen me njëri-tjetrin, si shkëmbejnë të dhënat personale. Në një moment pasi shkëmbejnë edhe mesazhe, njëri nga të hetuarit i thotë numrit 0699310313:  “Pasaporta bën 1300 euro” që nënkupton çmimin për punën.

Altin Topalli: Po

..768: Përshëndetje, si kalove?

Altin Topalli: Mirë, si kalove ti?

..768: Altin, ai shoku i Visit jam.. call centerit, që të kam sjellë atë Reno Meganon

Altin Topalli: Po..

..768: Për një Audi A4, një pikë gjashtë benzinë

Altin Topalli: ë ..hëë

..768: për ta kaluar..

Altin Topalli: Se di duhet parë njëherë në çfarë gjendjeje është

..768: Mirë është kështu, i mbajtur qamet

Altin Topalli: Po bjere njëherë ta shoh si është, ta dëgjoj si punon

..768: Sa mund të shkojë në total.. dy plus tetë?

Altin Topalli: Po

..768: OK..dy plus tetë .. në rregull..ta sjell unë ti them atij çunit.

Altin Topalli: Do të bëjë prenotim, pa prenotim harroje.

..768: Po ç’ke ti, se i bëjmë të gjitha.

Altin Topalli: Prenotimin ta bësh te Nishraku, jo në vend tjetër.

..768: Këtu te Nish ushtaraku?

Altin Topalli: Po

..768: OK, ja sa të bëj unë një telefon pastaj.

Altin Topalli: hajd mirë

Biseda e dytë zhvillohet mes një personi me emrin Renato dhe Altin Topallit.

..310 : Renato.. Renato jam, se i ka rënë telefonit po s’kam pasur ofertë unë.

Altin Topalli: S’ka gjë.

..310: Nuk është ai shoku, po ku di gjë unë, është shumë, se nuk flitet as në telefon nga këto… ça desha me than Renato… ma sill një mesazh vëllait, se është një tjetër, ça duhet të sjellë ai, ça s’duhet, i sill një çikë me mesazh

Altin Topalli: Po nuk ka asgjë ore, një foto, ngjyrën e syve, flokët

..310: dhe gjatësinë, ngjyrën e syve

Altim Topalli: ëëëë

..310: OK, greke, u bonë the ti

Altin Topalli: ëëë

..310: OK, vëlla se do të lajmëroj

I njëjti person vazhdon bisedën sesi duhej dërguar fotografia me WhatsApp o në një rrugë tjetër, për sa kohë personi që ishte i interesuar ishte gjithashtu i paqartë.

Altin Topalli: Po joo me e dërgon një..s’ka nevojë e la vetë ai, dalin katër copë, dy mijë lekë bajnë

..310: E la ai, dalin katër copë? Po ajo si bëhet trup apo bëhet veç ajo ngjitet

Altin Topalli: Jo o vlla se s’merret vesh, e bojnë vetë ata pastaj, nji më duhet mu vetëm

Pas këtyre bisedave, Topalli dërgon një mesazh te numri tjetër nën përgjim ku pasi i kishte dërguar një mesazh me përmbajtje: “Pasaporta bën 1300 euro”, pyet.

Altin Topalli: A e more mesazhin?

..313: Po, ja do ta shoh se nuk e kam parë prandaj

Altin Topalli: një pikë tre më tha ai mua

..313: total apo vetëm e madhja?

Altin Topalli: Vetëm e madhja

Më pas, nga numra të tjerë nisin negociatat për ta ulur pazarin. Në lojë hyn edhe i   dyshuari tjetër, Adrian Haxhia që flet me Topallin. Haxhia e pyet bashkëpunëtorin nëse bëri muhabet me shokun?

Topalli: Bona bona po ju duk shumë shtrenjtë.

Haxhia: Po mirë… ulja një çikë, s’ka problem ulja një çikë.

Topalli: Ishte shumë shumë shtrenjtë

Haxhia: Po mirë thuaji te mijsha. Apo te nonshja..

Topalli: Dojshin më lirë ata, dojshin më lirë.

Haxhia: Pyete njëherë dhe më kthe përgjigje.

Topalli: Ai më tha mua, po të jetë te njëmijshja i dua të treja… jo vetëm atë teken më tha.

Haxhia: Po mirë mo.. hajde thuaji hajde

Hetimi zbuloi sesi qytetarët telefonojnë për të lënë takimin.

Topalli: Jo, jo, thashë për javën tjetër nga e hëna e mbrapa

544: Pse nuk je të premten ti?

Topalli: jo mor.. nuk është ai robi, osht me pushime, fillon të hënën punë.

Më pas, Topalli telefon bashkëpunëtorin e tij për të lënë takim për shokun me makinë “golf tresh” benzinë dhe flasin se pazari është i lartë deri në 40.

Përgjimet thuhet në dosje kanë dalë nga aplikacioni WhatsApp, ndërkohë që janë pyetur edhe palët e interesuara, mes tyre edhe Jetmir Krasniqi që ka treguar sesi i   dërgoi fotot në WhatsApp shoku i tij që jeton në Gjermani prej 2018. Me këto dy fotografi dhe 300 euro në xhep ai ka takuar njërin nga të dyshuarit. Më vonë, ai ka marrë dokumente, leje drejtimi për shokun e tij, i cili as që jeton në Shqipëri.(Gazeta Si)

KLIKO PER TE KOMENTUAR

Komentoni

Your email address will not be published. Required fields are marked *

Kronika

Grabiten dhe dhunohen pleqte ne Korçë

Publikuar

-

Nga

Sot ne mbremje ne Korce, rreth orës 21.45, në lagjen nr.3, dy persona ende të pa identifikuar, dyshohet se njëri kishte armë zjarri tip pistoletë kanë hyrë në banesën e shtetasve F.R dhe A.R, rreth 85 vjeç, duke ushtruar dhunë psikologjike, kanë marrë një sasi lekësh dhe më pas janë larguar me shpejtësi.

LEXO EDHE:  Paralajmërimi i frikshëm i Artan Hoxhës/ Çfarë pritet të ndodhë në Lushnjë?

LEXO EDHE:  Vrasja e 21-vjeçares/ Reagon pedagogu: U vra nga maskilizmi shqiptar

Dy të moshuarve u është dhëna ndihma e parë mjekësore, pa probleme për jetën.

Grupi hetimor po punon për identifikimin dhe kapjen e autorëve, si edhe zbardhjen e plotë të rrethanave të ngjarjes.

LEXO TE PLOTE

Kronika

Përballet me vetingun/ Cili do të jetë fati i Besim Hajdarmataj-t?

Publikuar

-

Nga

Komisioni i Pavarur i Kualifikimit zhvilloi të hënën seancën dëgjimore për prokurorin e Krimeve të Rënda, Besim Hajdarmataj. KPK bëri me dije që në fillim të seancës së Hajdarmataj ishte hetuar në të tre kriteret.

Trupa gjykuese që hetoi çështjen kryesohej nga Brunilda Bekteshi, me relatore Suela Zhegu dhe anëtar Roland Ilia. Vëzhgues ndërkombëtar ishte Ferdinando Buatier.

Nga relatimi u bë e qartë se Hajdarmatajt nuk i ishin gjetur probleme në asnjë prej tre kritereve prej trupës gjykuese. Megjithatë, KPK njoftoi se kishte rihapur hetimet për të në muajin prill, pas mbërritjes së tre denoncimeve anonime. Relatorja tha se pas këtyre denoncimeve, Hajdarmatajt i kishte kaluar barra e provës në lidhje me 4 çështje dhe kryesisht për vendimarrjen e tij si prokuror dhe si drejtues prokurorie.

Hajdamataj shpjegoi në seancë vendimarrjen e tij dhe tha se në tërësi pajtohej me gjetjet e hetimit, ndërsa kërkoi të konfirmohej në detyrë.

Besim Hajdarmataj është ish-drejtuesi i Prokurorisë së Krimeve të Rënda. Ai e ka filluar karrierën në sistemin e drejtësisë në vitin 1999 dhe përgjatë 20 viteve, ai ka mbajtur poste drejtuese në Prokurorinë e Tropojës, të Kurbinit dhe Durrësit. Në maj 2015, ai u emërua prokuror në Prokurorinë e Krimeve të Rënda dhe një vit më vonë mori drejtimin e kësaj prokurorie.

Me ardhjen e Arta Markut në krye të Prokurorisë së Përgjithshme, Hajdarmataj u largua fillimisht nga posti i drejtuesit të Krimeve të Rënda dhe në shtator 2018 u komandua në Prokurorinë e Pogradecit. Ai e konsideroi transferimin të paligjshëm dhe me vendim të Gjykatës Administrative dhe më pas të Këshillit të Lartë të Prokurorisë, u rikthye sërish si prokuror i Krimeve të Rënda.

Hetimi i KPK

Relatimi i Zhegut për Hajdarmatajn ishte i shkurtër. Ajo vuri në dukje se pasuritë e prokurorit, tre llogari bankare gjithsej ishin provuar të ligjshme. Sipas Zhegut, ishin verifikuar dy llogari kursimesh me vlerë 5 milionë dhe 1 milion lekë, që ishin deklaruar si kursime dhe që ishte provuar të vinin nga burime të ligjshme.

Po ashtu, ajo tha se ishte verifikuar llogaria e pagës dhe një shumë cash prej 500 mijë lekësh. Relatorja tha se ishin kërkuar prova për dy dhurata nga vëllai në shumat 6 mijë euro dhe 4 mijë paund dhe se kishte rezultuar që vëllai i prokurorit të kishte pasur burim të ligjshëm të ardhurash. Relatorja tha se nga analiza financiare kishte rezultuar një bilanc pozitiv.

Ajo po ashtu vuri në dukje se Drejtoria e Sigurimit të Informacionit të Klasifikuar e kishte cilësuar Hajdarmatën të përshtatshëm dhe Prokuroria e Përgjithshme e kishte vlerësuar atë shumë mirë.

Po ashtu, Zhegu tha se ishin verifikuar 11 denoncime ndaj prokurorit dhe tre denoncime të publikuara në median online. Sipas KPK-së, nga hetimi mbi këto denoncime nuk u gjetën probleme.

Denoncimet anonime

Kur KPK dukej se kishte përfunduar hetimin dhe ishte bërë gati të thërriste Hajdarmatën në seancë në prill të këtij viti, pranë saj dhe pranë Operacionit Ndërkombëtar të Monitorimit u paraqitën tre denoncime të tjera.

Denoncuesit apo denoncuesi, pasi sipas KPK-së ishin denoncime anonime, pretendon për kontakte të papërshtatshme të Hajdamatës me një person me inicialet M.L. Në denoncim bëhej me dije se ky i fundit ishte i dyshuar si pjesë e krimit të organizuar, ndërkohë që akuzonte subjektin se kishte pushuar një hetim ndaj tij dhe kishte përdorur makinën e tij.

Në denoncim pretendoheshin edhe kontaktet me një person me inicialet V.K, që po ashtu thuhej se ishte i rrezikshëm dhe i lidhur me krimin e organizuar. Prokurori akuzohej edhe për trasferimin nga Prokuroria e Durrësit të një dosjeje me akuzë ndaj një gjyqtareje të Tiranës si dhe për trasferimin e një dosjeje për kapej e 12 tonëve drogë nga Prokuroria e Krimeve të Rënda në atë të Përmetit.

LEXO EDHE:  Vrasja e 21-vjeçares/ Reagon pedagogu: U vra nga maskilizmi shqiptar

LEXO EDHE:  Vrasja e bariut/ Zbardhen të tjera detaje, identifikohet autori

Sipas denoncimeve, subjekti akuzohej për shpërdorim detyre në çështjen e njohur si “Dosja Babale” dhe për pasuri në emër të personave të tretë. KPK megjithatë doli në përfundimin se lidhjet e pretenduara me personat me precendë penal nuk qëndronin dhe po ashtu edhe dyshimet për pasuri të fshehur.

Relatorja tha në seancë se pasi ishin parë katër dosje për të cilat ngriheshin dyshimet, Hajdarmatës i kishte kaluar barra e provës në lidhje me hetimet e këtyre rasteve. Nga seanca dëgjimore rezultoi se bëhej fjalë për hetimin e një denoncimi nga Njësia e Monitorimit të  Basteve në vitin 2010, të cilin Hajdarmataj e kishte pushuar.

Prokurori, i cili në fjalën e tij u përgjigj vetëm për këto çështje, sqaroi se i kishte rezultuar që Njësia në fjalë nuk kishte pasur urdhër inspektimi dhe se atij i ishin krijuar dyshime që ata nuk kishin qenë duke kryer detyrën publike. I pyetur nga vëzhguesi ndërkombëtar se pse nuk kishte hetuar në këtë drejtim, Hajdamataj tha se ishte e vërtetë që mund të ishin bërë veprime të tjera hetimore, por shtoi se në atë kohë kishte gjykuar vetëm mbi faktin.

Çështja tjetër për të cilën Hajdarmataj foli ishte trasferimi i një dosjeje me akuza ndaj një gjyqtareje të Tiranës nga Durrësi në Elbasan. Dosja ishte kaluar nga Prokuroria e Tiranës te ajo e Durrësit dhe ishte trasferuar nga kjo e fundit në atë të Elbasanit. Hajdarmataj tha se për çështjen ishte interesuar pasi të dy palët ishin ankuar. Ai tha se kishte dyshime nga denoncuesi që prokurori i çështjes mund të ndikohej, por arsyetoi se vendimi i tij ishte marrë vetëm mbi bazë të afërsisë territoriale, duke gjykuar se Elbasani ishte më afër Tiranës se Durrësi.

Dy çështjet e tjera për të cilat Hajdarmatajt i kishte kaluar barra e provës kishin të bënim me kohën që ai ishte drejtues në Prokurorinë e Krimeve të Rënda. Në të dy rastet, Hajdarmataj u mbrojt me ligjet në fuqi.

Rasti i parë kishte të bënte me një dosje hetimore për kapjen e rreth 100 kg kanabis në Durrës. Dosja sipas prokurorit kishte qëndruar për tre vjet pa asnjë veprim. Ai pasi kishte kërkuar nga prokurori i çështjes të ndërmerrte veprime, ia kishte marrë dosjen dhe kishte caktuar atë dy prokurorëve të tjerë. Sipas Hajdarmatës, kjo e riaktivizoi dosjen dhe ajo u çua për gjykim.

Ai megjithatë nuk iu përgjigj pyetjes së vëzhguesit ndërkombëtar se pse ndaj prokurorit që nuk kishte kryer veprime nuk ishin marrë masa.

Ndërkohë, në rastin e dytë ai u pyet se përse kishte “lejuar” trasferimi e një hetimi për 12 ton kanabis të kapur në Përmet  nga Krimet e Rënda në prokurorinë e Përmetit. Vëzhguesi Ferdinando Buatier i kërkoi Hajdarmatës mendimin e tij nëse çështja në fjalë, “me një prej sasive më të mëdha të drogës të kapur në Shqipëri”, duhej të ishte transferuar.

Por Hajdarmataj iu shmang këtij vlerësimi. Ai iu referua ligjit që sipas tij ia linte këtë përgjegjësi prokurorit të çështjes. Ai pretendoi se me dosjen ishte njohur vetëm në momentin ku i është kërkuar nga prokurori transferimi i saj në Përmet dhe se në këtë moment, ai nuk kishte pasur mundësi të jepte këshilla për hetime të mëtejshme. Hajdarmataj u mbrojt duke thënë se në këtë rast ai nuk mund të ndërhynte në vendimin e prokurorit.

Këmbënguljes së vëzhguesit se pse nuk kishte këshillua hetime të tjera, Hajdarmataj iu përgjigj duke përsëritur qëndrimin e mëparshëm. Prokurori në fjalën e tij tha po ashtu se  “vlerësonte hetimin e thelluar” të KPK-së dhe se kërkonte konfirmimin në detyrë.

Vendimi për Hajdarmatajn do të shpallet më 16 tetor, ora 10:00./BIRN

LEXO TE PLOTE

Kronika

“Dashnorja e gjysmës së Kavajës”/ Reagon ashpër avokati i Marsidës

Publikuar

-

Nga

Ngjarja e Kavajës është tema e sotme në emisionin “Open”.

Teksa panelsitët kanë dhënë argumentet e tyre, ka ndërhyrë në një lidhje telefonike dhe avokati i Marsidës, Edmond Petraj, i cili tha se ngjarja po trajtohet me maskilizëm.

“Po shikoj një maskilizëm aty ndaj Marsidës ndërkohë që dinamika nuk është e tillë.

Në lidhje me raportin që u shprehet se ajo flet sikur po jep konferencë shtypi, duhet të kuptoni që ajo ndodhet në kushte presioni dhe dhune, pasi është traum të ndodhësh në një ngjarje të tillë. Ajo është future në kurth për tu shfajësuar nga opinion i Kavajës.

LEXO EDHE:  Vrasja e avokatit në Elbasan/ Trondit Berisha

LEXO EDHE:  Paralajmërimi i frikshëm i Artan Hoxhës/ Çfarë pritet të ndodhë në Lushnjë?

E dyta që Kreshniku thotë se “ajo është dashnorja e gjysmës së Kavajës”, theksoj është një vajzë shumë e rregullt. Ka tre fëmijë. Raporti që ajo ka me ngjarjen është mëse real dhe ashtu sicc është shprehur ajo.”/CNA.al

LEXO TE PLOTE