LEXO PA REKLAMA!

SHKARKO APP

E fundit!

x

Çudit Luli/ Kreun e Republikës së re e lë kujtesa?

17 Shtator 2019, 12:34, Aktualitet CNA
Çudit Luli/ Kreun e Republikës së re e lë kujtesa?

Kryetari i Partisë Demokratike, Lulzim Basha sot në një pronocnim për mediat nga Shkodra, është shprehur se prioritet i tij është zgjidhja e krizës politike.

Gjithashtu ai ka ?mënjanuar? edhe ndërkombëtarët, ndërsa theksoi se zgjidhja do të vijë nga brenda dhe jo nga jashtë.

?Nuk ka zgjidhje nga jashtë, zgjidhja do të vijë nga brenda. Nga jashtë do të kemi miq, siç kemi pasur miq dhe me çdo përpjekje tonën për të mundur antivlerën që nga dita e parë e ndryshimeve në vend, nga diktatura në demokraci, por kjo krizë nuk zgjidhet duke bërë viktimën, as duke parë nga qielli. Kjo krizë zgjidhet duke u bashkuar, duke marrë fatin tonë në duart tona. Prioriteti ynë është t?i japim fund krizës politike.?-tha Basha.

Por, fatkeqësisht kryetari i Republikës së Re është kaq për të qeshur dhe për të tallur sa kur i shkruan këto shkrime nuk iu besojmë dot syve, duarve dhe veshëve, çfarë shohim, çfarë dëgjojmë dhe çfarë shkruajmë.

Sepse, Luli pak kohë më parë thoshte që krizën do ta zgjidhim vetëm me garanci ndërkombëtare, se duam vetëm standarde ndërkombëtare dhe se nuk pranojmë asnjë standart tjetër. Ndërsa sot del e thotë se nuk do ta zgjidhin ndërkombëtarët, por do ta zgjidhim vetë nga brenda.

Çfarë ka ndodhur që Luli paska ndryshuar mendje?

Sepse mesa duket ndërkombëtarët e vunë me ?shpatulla pas muri? dhe e çuan tek cepi, i thanë s?ka pazar, shko atje e ulu në tryezë.

Por, nga ana tjetër, thotë se prioritet i tij është zgjidhja e krizës. Por, përderisa thotë se ky është prioritet dhe se zgjidhja do të vijë nga brenda, pse e krijoi këtë krizë, kuptohet edhe nga benzina që i hodhi zjarrit Ilir Meta.

Tani meqë zgjidhjen e krizës e paska prioritet, pse nuk ulet në tavolinë dhe të diskutojë çështjen në fjalë me palët politike? Por, nuk pranon asgjë, dhe vijon t?i qëndrojë kushtit për qeveri tranzitore, pa kryeministër Edi Ramën dhe zgjedhje të parakohshme parlamentare.

Pse e thellon krizën çdo ditë? Ndërsa sot shkon në Shkodër dhe thotë se e ka prioritet zgjidhjen e saj?

Një herë flet ndryshe, e një herë flet ndryshe. Para disa javësh doli e na tha se s?ka integrim të Shqipërisë në BE, s?ka hapje të negociatave me Ramën kryeministër, s?ka rrugë drejt BE pa zgjedhje të parakohshme dhe qeveri tranzitore, ndërkohë që shkoi pak ditë më parë në PPE dhe tha se duhet të hapen negociatat sepse po u hapën do t?i vënë kushte dhe do t?i bëjnë presion qeverisë dhe se nga kushtet fiton opozita.

Fatkeqësisht kreu i Republikës së Re flet broçkulla dhe një politolog po ta studiojë duhet të marrë malet, se në fushë nuk e zgjidh dot. Një herë thotë krizën do ta zgjidhin ndërkombëtarët, tani thotë se do ta zgjidhin brenda vetë.

Një herë thotë se s?ka zgjedhje me 30 qershor dhe se do t?i djegin qendrat e votimit. Por, zgjedhjet u bënë.

Del e thotë s?ka integrim të Shqipërisë, dhe pastaj thotë ka integrim të Shqipërisë.

Është bërë kaq qesharak, saqë askujt nuk i vjen më keq për Lulin. Ajo që i shqetëson shumicën e shqiptarëve është fakti se është bërë kaq i pabesueshëm, saqë nuk e shohin dot si alternativë kundër Ramës. Edhe pse nuk e duan dhe duan të largojnë kryeministrin./ CNA.al

Lajmet e fundit nga