Connect with Us

Seks dhe dhunë në televizionet e Serbisë

Kosova & Rajoni

Seks dhe dhunë në televizionet e Serbisë

Publikuar

-

Fyerje primitive, dhunë, seks para kamerave – këto nuk janë të rralla në reality show-t që prodhohen në Serbi. Një jurist i ri serb kërkon ta ndryshojë këtë.

Në një shtëpi normale serbe, televizori mbahet hapur gjithë ditën, fëmijët mund të qëndrojnë shumë gjatë para televizorit. Shumë të preferuara janë reality show-t, që transmentohen nga kanalet private 24 orë pa ndërprerje. Aty gjen një spektër të gjerë, nga njerëz të paqëndrueshëm psikikisht deri në kriminelë të njohur. Sjellje e ashpër, fyerje, detaje intime të prezantuara me dëshirë, dhunë, seks – ky është repertoari standard i tyre. „Poshtërimet që pjesëmarrësit në këto show duhet të përjetojnë janë një ngushëllim për jetën e padurueshme dhe vuajtjet e vetë spektatorëve”, thotë psikologja, Aleksandra Gjuriq, që e ka shkruar doktoraturën pikërisht për programet e “reality show” në Serbi. Ekspertja thotë, se nga pasojat vuajnë fëmijët dhe të rriturit. Këtu bëjnë pjesë sipas saj „pasiviteti në rritje, mpirja e mendimit kritik, humbja e integritetit, varfërimi i zhvillimit emmocional dhe intelektual të njerëzve.”

Shkurt: ekzagjerimi me reality showt, me agresivitetin e tyre, tendencat vulgare pornografike po kthehen një problem gjithnjë e më të madh në Serbi. Vërtet që ka një kuadër ligjor, që mund ta reduktojë këtë, por hapësira e interpretimit është e gjerë, e institucionet nuk e kanë vëmendjen aty.

Savo Manojlović (DW/D. Dedović)
Savo Manojlović

“Në fillim të injorojnë…”

Aktivisti 33-vjeçar dhe juristi, Savo Manojloviq nuk do ta pranojë më këtë gjendje. Në vitin 2015 ai krijoi „Shoqatën për Mbrojtjen e Kushtetutës dhe Ligjshmërisë”. Sot ai kërkon që të ketë ligje për mediat elektronike, që janë të formuluara qartë e nuk lenë hapësirë për interpretime të ndryshme. Për të treguar, se sa e rëndësishme është kjo për të, ai tregon një shembull nga një reality-show, ku një pjesëmarrës ia vë pistoletën në kokë një pjesëmarrëseje. „Nëse një vajzë apo djalë në shkollë ndodhet para ngacmimeve të ndryshme, ka parë një model të tillë më parë në televizon”, thotë juristi.

Shoqata e tij u shkroi institucioneve të ndryshme dhe u dërgoi si provë skenën me pistoletën nga YouTube. Prokuroria heshti. Komisioni i pavarur shtetëror, që vëzhgon respektimin e ligjit në televizione u përgjigj shkurt: „Verifikimi i kanaleve online si YouTube nuk është në kompetencën tonë”. Kjo është njësoj sikur t’ia dërgoje prokurorisë një regjistrim me video të një krimi, dhe përgjigjja të ishte, se prokuroria nuk merret me kritika për filmin, thotë Savo Manojlović.

“…pastaj të luftojnë”

LEXO EDHE:  Ish-lideri i serbëve të Kroacisë lirohet përkohësisht nga Haga

Në bazë të ligjeve serbe himnizimi i dhunës në televizion është vepër  penale, thotë Savo Manojloviq. Kjo vlen edhe për „dezorientimin e spektatorëve”. Juristi u bë aktiv dhe filloi të mbledhë firmat për të arritur që parlamenti serb të precizojë ligjet përkatëse. Kuptohet që pronari i fuqishëm i medias Pink nuk ishte i kënaqur me këtë iniciativë. Që para një viti ai përdori kontaktet e tij politike, kur ministri i Kulturës kritikoi publikisht ekzagjerimet e “reality show” në Serbi. Madje edhe presidenti Aleksandar Vuçiq dhe kryeministrja Ana Brnabiq e lanë në baltë ministrin.

Savo Manojlović (DW/D. Dedović)
Savo Manojlović

„Në fillim të injorojnë, pastaj tallen me ty, të luftojnë, e pastaj në fund ti fiton”, citon Savo Manojloviq një thënie të Mahatma Gandhit. Në fillim reagimet për iniciativën e tij ishin skeptike, shumë argumentonin, se në Serbi pa logjistikën e duhur partiake, asgjë nuk bëhet. Por kishte mjaft të tjerë që ishin entuziastë. „Suksesi ynë më i madh ishte, që kishim zero buxhet dhe treguam, se qytetari i thjeshtë është sovran. Njerëzit e thjeshtë kanë pushtet.”

Në fund u grumbulluan më shumë se 42.000 firma. Një iniciativë popullore në Serbi mund të kalojë zyrtarisht në një projektligj, nëse për të mblidhen brenda 7 ditësh 30.000 firma. Për krahasim: Kushti për pjesëmarrje të partive politike në procesin zgjedhor është 10.000 nënshkrime në një afat shumë më të gjatë.

Savo Manojloviq e di, se projektligji që kërkon ai për një kohë të gjatë do të qëndrojë i mbyllur në sirtarë. Ai tani do të organizojë fazën e dytë, presionin publik ndaj institucioneve. Suksesi i jep shpresë. „Menjëherë e shikon, që nuk je vetëm, që në vend ka shumë njerëz që reflektojnë, nëse i gjen ata, atëhetë fitorja e përbashkët është çështje kohe.”/ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

U ndalua në kufi nga policia serbe/ Lirohet pas disa orësh punonjësi i Byrosë së Sigurimeve

Publikuar

-

Nga

Milan Vushkanoviç, punonjësi i Byrosë Kosovare të Sigurimeve, është ndaluar dje nga Policia e Serbisë.

Ai është mbajtur për tre orë nga Policia e Serbisë në pikën kufitare të Janinës.

Lidhur me rastin ka reaguar dhe Byroja Kosovare e Sigurimeve (BKS), ndërsa kërkon reagimin e ndërkombëtarëve.

“Raste të ndaljes së punëtorëve serbë të BKS-së në territorin e Serbisë kanë ndodhur edhe më parë. Ndaj, kërkojmë nga autoritete serbe të ndalin keqtrajtime te tilla si dhe presim nga bashkësia ndërkombëtare të reagojë dhe të ndikojë të autoritetet e Serbisë që mos të përsërisin veprime të tilla.”, thuhet në reagimin e BKS-së./CNA.al

LEXO TE PLOTE

Kosova & Rajoni

Video – Hashim Thaçi nuk takon Albin Kurtin/ Buzagaz me Haradinajn

Publikuar

-

Nga

Marrëdhëniet e Presidentit Hashim Thaçi dhe liderit të Lëvizjes Vetëvendosje Albin Kurti duket se janë ftohur edhe më tepër.

Mediat kosovare kanë raportuar sot se Kurti dhe Thaçi kanë injoruar prezencën e njëri-tjetrit në Akademinë Solemne “Faleminderit Shqipëri”, që u mbajt në Prishtinë në Qendrën “Bogdani Polis”, pranë Katedrales “Shën Nënë Tereza”.

Në një video të publikuar nga Indeksonline, shihet që Kreu i Shetit ndodhet shumë afër kreut të VV-së dhe nuk takohen. Ndërkohë që presidenti i Republikës Ilir Meta dhe socialisti Pandeli Majko takojnë Kurtin, Thaçi bën sikur nuk e ka mendjen dhe nuk ia zgjat dorën.

Gjithashtu vihet re se Thaçi takon kryeministrin në ikje të Kosovës Ramush Haradinajn, të cilët shfaqen duke qeshur me njëri-tjetrin./ CNA.al

LEXO TE PLOTE

Kosova & Rajoni

Thaçi thirrje Albin Kurtit/ Të vijë të marrë mandatin se e kam firmosur

Publikuar

-

Nga

Presidenti i Kosovës, Hashim Thaçi, ka deklaruar se vendimin për mandatarin për kryeministër e ka nënshkruar dhe se pret që kryetari i Lëvizjes Vetëvendosje, Albin Kurti ta pranojë atë.

“Kosova nuk do të jetë edhe për shumë kohë e bllokuar. Unë do t’i shikojë të gjitha mundësitë dhe variacionet politike që kanë partitë për respektimin e vullnetit qytetarë. Të gjithë qytetarët që kanë votuar duhet t’i respektojmë dhe unë vazhdoj të besoj fuqishëm që do të vazhdojmë t’i përmbushim detyrat që kemi. Për hir të korrektësisë, unë i kam dërguar disa ftesa Kurtit. Takimi në zyrën time ka qenë një takim i vullnetit të mirë por në të njëjtën kohë dua të shpresoj dhe e ftoj përsëri kreun e VV të vijë të marr vendimin që unë kam nënshkruar, nomimimin e Albin Kurti është nominuar për kryeministër. Mandati është në tavolinën time”, është shprehur Thaçi.

Thaçi ka bërë thirrje për formimin sa më shpejt të qeverisë dhe institucioneve të Kosovës, pas zgjedhjeve të 6 tetorit./CNA.al

LEXO TE PLOTE