Connect with Us

Gati gjysma e të punësuarve jeton në ‘mjerim’/ Vetëm 4.4% e tyre me paga mujore mbi 120 mijë lekë

Sociale

Gati gjysma e të punësuarve jeton në ‘mjerim’/ Vetëm 4.4% e tyre me paga mujore mbi 120 mijë lekë

Publikuar

-

Nga mbi 1,1 milionë të punësuar që u raportuan si të punësuar nga INSTAT në tremujorin e dytë të vitit 2019, vetëm 4.4% prej tyre paguajnë sigurime me paga më të larta se 120 mijë lekë.

Duke marrë në konsideratë totalin e të punësuarve në mbi 1,145 mijë persona, rreth 50 mijë individë raportojnë se paguhen më shumë se 120 mijë lekë. Një pjesë e madhe e tyre mësohet se janë në administratën publike, entet dhe ndërmarrjet shtetërore, dhe institucionet e pavarura buxhetore që ofrojnë relativisht paga të larta.

Kjo kategori të punësuarish pësoi një rritje të lehtë në tremujorin e dytë të vitit 2019, duke zënë 4.4% në totalin e atyre që paguajnë sigurime në raport me 4% që ishin në tremujorin e parë. Por për pjesën dërrmuese të të punësuarve që paguajnë sigurime raportohet një gjendje e mjerë në sektorin e pagave. Sipas të dhënave zyrtare të INSTAT, të përpunuara nga “Monitor”, 460 mijë e 173 persona në të gjithë vendin paguajnë sigurime deri në pagën 30 mijë lekë në muaj. Kjo kategori zë 40.2% të totalit të punonjësve që paguajnë sigurime.

Të dhënat e detajuara tregojnë se mbi 320 mijë persona ose 28% e të punësuarve paguajnë sigurime për pagën minimale 26 mijë lekë dhe 139 mijë persona të tjerë ose 12.2% të totalit të punësuarve paguan sigurime në pagën 30 mijë lekë. Paga mesatare në ekonomi u rrit në tremujorin e dytë me 4.4%. Sektorët i informacionit dhe komunikimit, bujqësia, hoteleria, baret dhe restorantet ofruan rritjet më të larta të pagave për punonjësit e tyre, sipas të dhënave zyrtare të INSTAT.

Ndërsa punonjësit në sektorin e ndërtimit dhe sektorin bankar kanë pësuar ulje të pagës në tremujorin e dytë të vitit në raport me të njëjtën periudhë të 2018. Në sektorin financiar dhe atë të sigurimit, pagat shënuan ulje me 0.7% dhe në sektorin e ndërtimit me 2.6%.

LEXO EDHE:  “Dorëzohet” Nikolla/ Nuk do të ketë ulje pagash për mësuesit

Nga ana tjetër, rritja më e madhe e pagave ka ndodhur në sektorin e hotelerisë dhe turizmit me rritje vjetore 13%. Më tej, ritmet më të larta të rritjes i pati sektori i komunikimit me 11% dhe më tej bujqësia, tregtia, shërbimet dhe transporti raportuan rritje vjetore të pagave me 6.3%.

Sektori që paguan më shumë në Shqipëri është ai i aktiviteteve financiare dhe të sigurimit, me 113 mijë lekë në muaj, i ndjekur nga informacioni dhe komunikacioni me 87 mijë lekë. Ky sektor ka parë dhe rritjen më të lartë të pagës në vlerë absolute, teksa zhvillimi i teknologjisë së informacionit në biznese po i bën profesionistët e kësaj fushe gjithnjë e më të kërkuar.

Aktivitetet e tjera paguajnë mesatarisht më pak se 60 mijë lekë në muaj, ku më e keqpaguara është bujqësia./ Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Video-E rëndë në Durrës/ I moshuari “i fut duart” në mes të ditës vajzës me aftësi të kufizuara

Publikuar

-

Nga

Video-E rëndë në Durrës/ I moshuari “i fut duart” në mes të ditës vajzën me aftësi të kufizuara

Një ngjarje e rëndë është denoncuar ditën e sotme nga gazetari Osman Stafa.

Gazetari ka publikuar një video, ku shihet që një i moshuar ngacmon seksualisht një vajzë në mes të ditës. Siç, shihet edhe nga pamjet, i moshuari e prek vajzën në zonat intime, ndërsa ajo e kundërshton duke e larguar.

Duke iu referuar mesazhit të një qytetareje, Stafa deklaron se vajza që shihet në video është me aftësi të kufizuara, ndërsa kalimtarja e ka larguar të moshuarin dhe e ka denocuar në polici.



Sipas tij, policia nuk ka marrë asnjë masë për të shoqëruar të moshuarin.

LEXO EDHE:  Shifrat e INSTAT/Në 2016-n, paga reale në shtet ra për herë të parë në 16 vjet

LEXO EDHE:  Kryeministri Haradinaj i rrit pagën presidentit Thaçi

“E frikshme!!!! I moshuari në Durrës, kryen veprime të turpshme ndaj një vajze me probleme mendore, në mes të ditës, në mes të rrugës. Edhe pasi u denoncua në polici, këta të fundit nuk e shoqëruan në komisariat perversin e moshuar, për të bërë zbardhjen e ngjarjes, por e lanë të lirë.

Bashkangjitur keni edhe shpjegimin e dëshmitares që njeh vajzën me probleme mendore dhe çfarë ka bërë ajo për të ndihmuar sadopak vajzën. Ku shoqatat, ku organizatat, ku shteti social, ku… ku…?”, shkruan gazetari./ CNA.al

LEXO TE PLOTE

Sociale

Paketa e censurës/ Këshilli i Evropës: Parlamenti të heqë dorë, mund të ketë efekt tronditës mbi lirinë e medies

Publikuar

-

Nga

Paketa e censurës/ Këshilli i Evropës: Parlamenti të heqë dorë, mund të ketë efekt tronditës mbi lirinë e medies

Këshilli i Evropës ka shprehur sërish kundërshtinë e tij lidhur me paketën e censurës ndaj medias.

Ka qenë raportuesi i Përgjithshëm i Asamblesë Parlamentare të Këshillit të Evropës (PACE), Stefan Schennac, ai i cili ka  shprehur sot shqetësimin për lirinë e medies dhe mbrojtjen e gazetarëve.

Schennach tha se një ligj i tillë mund të ketë një efekt tronditës mbi lirinë e medies për shkak të kushteve të tij të gjera.



“Legjislacioni i propozuar nga Kryeministri shqiptar si një ‘paketë anti-shpifje’ synon të krijojë një organ administrativ që do të fuqizohet dhe do të urdhërojë mediet të heqin raportimet dhe lajmet për çështje të tilla si ‘cënimi i dinjitetit të individëve’, nën kërcënimin të gjobave të rënda. Është e qartë se një ligj i tillë mund të ketë një efekt tronditës mbi lirinë e medies për shkak të kushteve të tij të gjera.

LEXO EDHE:  Shifrat e INSTAT/Në 2016-n, paga reale në shtet ra për herë të parë në 16 vjet

LEXO EDHE:  Rriten pagat për punonjësit e Ministrisë së Shëndetësisë, Spitalit Ushtarak, Institutit të Shëndetit Publik dhe laborantët

Unë i referohem Opinionit të Komisionit të Venecias Nr. 980/2020 të datës 19 qershor 2020, i cili thotë qartë se ligji vuan nga paqartësia dhe do të ketë të ngjarë të ketë një” efekt ftohës”, duke shtypur diskutimin e lirë dhe fjalën politike në internet në Shqipëri. Unë ndaj mendimin e Komisionit të Venecias se teksti i projekt-amendamenteve, nëse nuk rishikohet shumë, rrezikon t’i bëjë më shumë dëm sesa dobi lirisë së shprehjes në Shqipëri, për sa i përket medieve në internet”, deklaron ai.

Ndërkohë, i bëri thirrje Parlamentit që të heqë dorë nga propozimet aktuale dhe të rifillojë të gjithë procesin./ CNA.al

LEXO TE PLOTE

Sociale

Zjarr i madh në Fushë-Krujë e Thumanë/ Flakët rrezikojnë banesat

Publikuar

-

Nga

Zjarr i madh në Fushë-Krujë e Thumanë/ Flakët rrezikojnë banesat

Dy vatra zjarri janë regjistruar pasditen e sotme në Fushë-Krujë dhe Thumanë duke rrezikuar banesat.

Një prej vatrave të zjarrit ka rënë në lagjen Kasalle në periferi të qytetit të Fushë-Krujës ku një sipërfaqe e mbuluar me shkurre e ferra ka marrë flakë .

Zjarrfikësja e Niklës është në vend dhe po ndërhyn për shuarjen e vatrës së zjarrit shkruan ballkanweb.

LEXO EDHE:  Rriten pagat për punonjësit e Ministrisë së Shëndetësisë, Spitalit Ushtarak, Institutit të Shëndetit Publik dhe laborantët



Ndërkohë që zjarri i dytë u regjistrua në Thumanë, ku i është vënë flaka një parcele, ndërsa zjarri ka përfshirë kanalin ngjitur me rrugën Thumanë-autostradë./CNA.al

 

LEXO EDHE:  Berisha publikon videon e Ramës/ Degjojeni si tall menderen me shqiptarët

 

LEXO TE PLOTE