Connect with Us

Shifrat alarmante/ Çdo minutë 5 të vdekur në botë nga trajtimi i gabuar

Bota

Shifrat alarmante/ Çdo minutë 5 të vdekur në botë nga trajtimi i gabuar

Publikuar

-

2,6 milionë vetë vdesin çdo vit për shkak se janë bërë viktima të trajtimeve të gabuara mjekësore apo ilaçeve jo të duhura. Me Ditën Botërore për Sigurinë e pacientëve, OKB kërkon të veprojë.

Kujdes kur zgjidhni mjekun! Çdo minutë 5 të vdekur në botë nga trajtimi i gabuar

Miliona vetë sipas Organizatës Botërore të Shëndetësisë bëhen viktimë e trajtimeve të gabuara mjekësore. “Çdo minutë vdesin 5 njerëz në botë për shkak të trajtimeve të gabuara”, tha kreu i OBSH, Tedros Adhanim Ghebreyesus në Gjenevë. Për herë të parë për këtë OBSH shpall “Ditën Botërore për Sigurinë e Pacientëve” më 17 shtator. Me këtë organizata e OKB kërkon të tërheqë vëmendjen për këtë problem.

Në të gjithë botën 40% e pacientëve kanë pësuar lëndime në trajtimet ambulante, kurse në spitale kanë pasur probleme vetëm 10% e tyre. Në 150 vende me të ardhura të ulta e të mesme 2,6 milionë njerëz madje kanë ndërruar jetë për shkak të trajtimeve jo të duhura mjekësore. Gama e gabimeve është e madhe – që nga diagnoza e gabuar deri tek ilaçet e papërshtatshme, ata kanë marrë rrezatimin jo të duhur apo janë infektuar gjatë trajtimit. Në statistikat e OKB-së dalin edhe prerjet e gjymtyrëve të gabuara apo operacione në anën e gabuar në kokë tek fëmijët.

LEXO EDHE:  Ministria e Shëndetësisë në protestën e mjekëve/ Dhuna, e papranueshme!

“Ky është një problem global, ka thënë një nga krerët e OBSH, Neelam Dhingra-Kumar. Një arsye është edhe hierarkia e fortë në spitale, ku personeli vartës nuk guxon të hapë gojën, apo punonjësit kanë heshtur nga frika e pasojave. Sipas ekspertëve me një siguri më të mirë për pacientët, kursehen para, sepse pacientët e trajtuar gabim duhet të trajtohen më vonë shumë gjatë në klinika.

Presidenti i Dhomës së Mjekëve Gjermanë, Klaus Reinhardt është shprehur, se prioritet kryesor duhet të jetë siguria e pacientëve. “Cilësia dhe siguria duhet të jenë motorët e sistemit mjekësore dhe jo konkurrenca dhe presioni i shpenzimeve.”/ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Video – Hashim Thaçi nuk takon Albin Kurtin/ Buzagaz me Haradinajn

Publikuar

-

Nga

Marrëdhëniet e Presidentit Hashim Thaçi dhe liderit të Lëvizjes Vetëvendosje Albin Kurti duket se janë ftohur edhe më tepër.

Mediat kosovare kanë raportuar sot se Kurti dhe Thaçi kanë injoruar prezencën e njëri-tjetrit në Akademinë Solemne “Faleminderit Shqipëri”, që u mbajt në Prishtinë në Qendrën “Bogdani Polis”, pranë Katedrales “Shën Nënë Tereza”.

Në një video të publikuar nga Indeksonline, shihet që Kreu i Shetit ndodhet shumë afër kreut të VV-së dhe nuk takohen. Ndërkohë që presidenti i Republikës Ilir Meta dhe socialisti Pandeli Majko takojnë Kurtin, Thaçi bën sikur nuk e ka mendjen dhe nuk ia zgjat dorën.

Gjithashtu vihet re se Thaçi takon kryeministrin në ikje të Kosovës Ramush Haradinajn, të cilët shfaqen duke qeshur me njëri-tjetrin./ CNA.al

LEXO TE PLOTE

Kosova & Rajoni

Thaçi thirrje Albin Kurtit/ Të vijë të marrë mandatin se e kam firmosur

Publikuar

-

Nga

Presidenti i Kosovës, Hashim Thaçi, ka deklaruar se vendimin për mandatarin për kryeministër e ka nënshkruar dhe se pret që kryetari i Lëvizjes Vetëvendosje, Albin Kurti ta pranojë atë.

“Kosova nuk do të jetë edhe për shumë kohë e bllokuar. Unë do t’i shikojë të gjitha mundësitë dhe variacionet politike që kanë partitë për respektimin e vullnetit qytetarë. Të gjithë qytetarët që kanë votuar duhet t’i respektojmë dhe unë vazhdoj të besoj fuqishëm që do të vazhdojmë t’i përmbushim detyrat që kemi. Për hir të korrektësisë, unë i kam dërguar disa ftesa Kurtit. Takimi në zyrën time ka qenë një takim i vullnetit të mirë por në të njëjtën kohë dua të shpresoj dhe e ftoj përsëri kreun e VV të vijë të marr vendimin që unë kam nënshkruar, nomimimin e Albin Kurti është nominuar për kryeministër. Mandati është në tavolinën time”, është shprehur Thaçi.

Thaçi ka bërë thirrje për formimin sa më shpejt të qeverisë dhe institucioneve të Kosovës, pas zgjedhjeve të 6 tetorit./CNA.al

LEXO TE PLOTE

Bota

Ishte 67.08 centimetër i gjatë/ Ndërron jetë njeriu më i shkurtër në botë

Publikuar

-

Nga

Ndërron jetë në moshën 27 vjeçare, burri mëi shkurtër në botë Khagendra Thapa Magar.

Sipas mediave të huaja Magar humbi jetën pas disa problemeve shëndetësore që vinin si pasojë e gjendjes së tij fizike.

Khagendra kishte probleme me zemrën, astmën dhe pneumoninë dhe vdiq në një spital të Nepalit, një ditë pasi u shtrua aty.

Magar lindi më 14 nëntor 1992, në qytetin e Pokharas në Nepal, dhe ishte vetëm 67,08 cm i gjatë kur u regjistrua në Librin e Rekordeve Guinness në vitin 2010.
“Ai ishte aq i vogël kur u lind saqë mund ta vendosje në pëllëmbë të dorës” u shpreh babai i Khagendras, Dhani për faqen zyrtare të Librit të Rekordeve “Guiness”
Por titullin do ta humbiste më vonë për shkak të një tjetër nepalezi, Chandra Bahadur Dangi, që ishte vetëm 54.6 centimetra.
Vetëm pas vdekjes së Dangit në 2015-tën, arriti ta rifitonte sërish statusin e tij./CNA.al

LEXO TE PLOTE