Connect with Us

Ishin shndërruar në “makthin” e qytetarëve/ Arrestohen dy “skifterët”

Kronika

Ishin shndërruar në “makthin” e qytetarëve/ Arrestohen dy “skifterët”

Publikuar

-

Dy persona të akuzuar për një sërë vjedhjesh kanë rënë në prangat e Policisë së Vlorës, në kuadër të operacionit të koduar “Portofoli” .

Mësohet se të ndaluarit, akuzohen se në bashkëpunim, kanë kryer një sërë vjedhjesh në qytet, kryesisht portofolë nga qytetarë të ndryshëm.

Seksioni i Hetimit të Krimit pranë Komisariatit të Policisë Vlorë, në vijim të një pune hetimore, ndjekjeje dhe vëzhgimi prej afro dy muajsh, kanë bërë të mundur kapjen dhe ndalimin për veprën penale “Vjedhja” në bashkëpunim, shtetasit:

  • A. T., 53 vjeç, banues në Fier (i dënuar më parë për vjedhje).
  • E. P., 52 vjeç, banues në Fier (i dënuar më parë për falsifikim dokumentesh).

Këta shtetas janë kapur nga Policia pasi në bashkëpunim me njëri-tjetrin kanë vjedhur portofolat e dy shtetasve pranë poliklinikës së qytetit, konkretisht:

Më datë 02.09.2019, në këtë poliklinikë në Vlorë, i kanë vjedhur portofolin nga xhepi shtetasit K. L., dhe i kanë marrë 8 000 lekë.

Më datë 09.09.2019, në të njëjtin vend kanë vjedhur nga xhepi portofolin e shtetasit H. B., nga i cili kanë marrë 4 000 lekë.

Nga puna intensive hetimore e Komisariatit të Policisë Vlorë, kryer prej afro 2 muajsh, ka rezultuar se shtetasit e lartpërmendur janë autorë të dyshuar për kryerjen e 7 vjedhjeve të tjera në qytet, të specifikuara si më poshtë:

  • Më datë 26.06.2019, në lagjen “Isa Boletini” Vlorë, i kanë vjedhur portofolin shtetasit E. H.
  • Më datë 18.07.2019, në lagjen “29 Nëntori” Vlorë, i kanë vjedhur portofolin shtetases V. H., ku dyshohet se kanë marrë 25 000 lekë dhe 250 euro.
  • Më datë 02.07.2019, dyshohet se i kanë vjedhur shtetases norvegjeze H. R., portofolin me 45 000 lekë.
  • Më datë 22.06.2019, pranë një marketi, dyshohet se i kanë vjedhur portofolin shtetasit P. N., me një sasi parash prej 400 000 lekësh.
  • Më datë 27.02.2019, dyshohet se i kanë vjedhur shtetasit G. M., portofolin me mjete identifikuese brenda.
  • Më datë 30.01.2019, në Novoselë, dyshohet se i kanë vjedhur shtetasit F. A., portofolin me një sasi parash prej 4 000 eurosh.
  • Më datë 11.01.2019, në ambientet e Spitalit Rajonal Vlorë, dyshohet se i kanë vjedhur shtetases M. Sh., një sasi parash rreth 50 000 lekë dhe 500 euro.
LEXO EDHE:  Sekuestrohet 11 kg heroinë në Portin e Durrësit/ Arrestohet një person

Seksioni i Hetimit të Krimeve ka zbuluar se shtetasit A. T. dhe E. P., i kanë kryer këto veprimtari vjedhjesh kryesisht në ambiente ose mjedise ku ofroheshin shërbime publike, me qëllim që të përfitonin nga grumbullimi i njerëzve./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Babai i katër fëmijëve i jep fund jetës tragjikisht/ Vëllai tregon detajet tronditëse

Publikuar

-

Nga

Të tjera detaje kanë dalë në dritë në lidhje me ngjarjen e rëndë të një dite më parë, ku 43-vjeçari Bilbil Hasani u dha fund jetës duke u vetëvarur në burgun 313.

Mësohet se 43-vjeçari ishte arrestuar disa muaj më parë dhe sipas ILD, po qëndronte me masë sigurie në burg, për shkak se kishte vjedhur 12 mijë lekë të vjetra.

Ndërkohë, ditën e sotme i vëllai i viktimës, Rajmond Hasani, në një prononcim për ABC news, bëri fajtore gjykatën për vetëvrasjen e Hasanit, ndërsa theksoi se ky i fundit kishte probleme depresioni. Sipas tij, viktima ishte me kartelë prej 18 vitesh.

Po ashtu, ai tha se Bilbil Hasani ishte baba i katër fëmijëve, ku më i vogli ishte vetëm 4 vjeç, ndërsa të tjerët janë 8, 10 dhe 13 vjeç.

“Vëllai im ka katër fëmijë, më i madhi është 13 vjeç, një është 10 vjeç, tjetri 8 vjeç dhe më i vogli 4 vjeç. Më parë ka qënë emigrant në Greqi.

Fajtore për këtë akt të vëllait tim sipas meje është gjykata dhe institucioni i burgut, i cili nuk e ka bërë detyrën e tij.

LEXO EDHE:  Sekuestrohet 11 kg heroinë në Portin e Durrësit/ Arrestohet një person

LEXO EDHE:  Video-Kokainë nëpër lokalet e Tiranës/ Në pranga dy persona 

Ky rast është shumë i rëndë, na ka shkatërruar plotësisht. Kërkoj që të kryhen hetime nga momenti i arrestimit e deri në aktin fatal, që i mori jeten. Vëllai im vuante nga depresioni. Ishte me kartelë prej 18 vitesh. Nuk ka qënë ky vendi i duhur për të.

Është paraqitur në Gjykatë me kartelën shëndetësore, por nuk është marrë në konsideratë.

Është shumë e padrejtë sepse ka qenë me mjekim  sa i përket shëndetit mendor, dhe ai nuk duhet të ishte mes të gjithë kriminelëve.”-tha vëllai i Bilbil Hasanit./ CNA.al

LEXO TE PLOTE

Kronika

Qarkullonte me armë zjarri me vete/ Prangoset 26-vjeçari

Publikuar

-

Nga

Policia e Tiranës ka goditur një tjetër rast të armëmbatjes pa leje, duke bërë të mundur vënien në pranga të një 26-vjeçari.

Uniformat blu bëjnë të ditur se në pranga ka rënë shtetasi G. SH., 26 vjeç, banues në Tiranë, ndërsa arrestimi i tij është bërë në Bathore, në rrugën “Demokracia”.

Policia bën të ditur se gjatë kontrollit fizik, shtetasit G. Sh. i është gjetur në trup (në brez), një armë zjarri pistoletë dhe një krehër me 8 fishekë, të cilët u sekuestruan në cilësinë e provës materiale.

LEXO EDHE:  Policia në aksion/ Dhjetë të arrestuar dhe 71 leje drejtimi të bllokuara

LEXO EDHE:  Zbulohet skandali në zyrat e Bashkisë/ Si vidhen vlonjatët

Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.

LEXO TE PLOTE

Kronika

Bllokimi i tragetit me mbetje të rrezikshme/ Drejtoria Detare sqaron aksionin: Ishte penalizuar disa herë

Publikuar

-

Nga

Drejtoria e Përgjithshme Detare ka bllokuar anijen, e cila u ndalua një ditë më parë në Portin e Vlorës duke transportuar mbetje të rrezikshme, ndërsa u vunë në pranga 6 perosna.

Lajmi është konfirmuar nga vetë Drejtori i Drejtorisë së Përgjithshme Detare, Paulin Ndreu.

Ndreu bën të ditur se nga inspektimi i kryer është konstatuar se dokumentacionin e anijes “S.T. Damian”, rezultoi se mallrat që kishte në bord nuk ishin deklaruar në dokumentin e deklarimit të mbetjeve që çdo anije dorëzon në portin ku mbërrin, teksa janë marrë edhe deklarimet e kapitenit dhe oficerëve të anijes.

“Grupi i inspektimit i përbërë nga inspektorët e Kontrollit Shtetëror Portual bën inspektimin e detajuar të gjithë procedurës së këtyre mallrave dhe morën dhe deklarimin e kapitenit dhe të oficerëve të anijes. Në dokumentacionin e saj rezultoi që këto mallra nuk ishin deklaruar në dokumentin e deklarimit të mbetjeve që çdo anije dorëzon në portin ku mbërrin. Në këto kushte ne kemi bërë bllokimin e anijes deri në vendimin përfundimtar të organeve të specializuara dhe vlerësimin e materialeve të rrezikshme”, u shpreh Ndreu.

Sipas tij anija në fjalë ka shkelur disa prej Konventave Ndërkombëtare teksa sqaron se kjo kompani ka qenë në vëzhgim nga ana e Drejtorisë së Përgjithshme Detare pasi është konstatuar edhe herë të tjera për vepra të kundra ligjshme detare, madje ka pasur dhe penalzime ndaj saj.

LEXO EDHE:  Video-Kokainë nëpër lokalet e Tiranës/ Në pranga dy persona 

LEXO EDHE:  Sekuestrohet 11 kg heroinë në Portin e Durrësit/ Arrestohet një person

Kjo anije dhe kjo kompani ka qenë problematike edhe më parë. Ne kemi marrë gjithmonë masa dhe e kemi mbajtur në vëzhgim dhe monitorim për shkeljet që ka kryer, por ky rast është shumë i rëndë, pasi transporti i këtyre mbetjeve krijon një precedent shumë të rrezikshëm për shëndetin edhe të pasagjerëve që udhëtojnë me këtë anije, por edhe të vendeve ku ato groposen. Pas vlerësimit të situatës dhe inspektimit të detajuar nga kontrolli shtetëror portual ne ditën e nesërme do të bëjmë dhe njoftimin e shtetit të flamurit, pasi kjo është një anije me flamur të huaj dhe si anije me flamur të huaj ajo ka disa të drejta dhe disa detyrime në shtetet në të cilat operon”, sqaroi drejtori Ndreu.

LEXO TE PLOTE