Connect with Us

Zgjedhjet në Kosovë/ Zyrtarizohet ekipi i BE-së që do t’i monitorojë

Kosova & Rajoni

Zgjedhjet në Kosovë/ Zyrtarizohet ekipi i BE-së që do t’i monitorojë

Publikuar

-

Bashkimi Evropian i është përgjigjur ftesës së presidentit të Kosovës, Hashim Thaçi, për vëzhgimin e zgjedhjeve të parakohshme në Kosovë nga një mision i Bashkimit Evropian.

Federica Mogherini, përfaqësuese e Lartë për Punë të Jashtme dhe Politika të Sigurisë, ka emëruar Viola von Cramon-Taubadel si krye-vëzhguese të zgjedhjeve në Kosovë.

Mogherini tutje ka deklaruar se vendosja e një misioni evropian për vëzhgimin e zgjedhjeve të parakohshme dëshmon se BE është e angazhuar t’i mbështesë proceset demokratike në Kosovë.

“Kam besimin se vendosja e një misioni vëzhgues të zgjedhjeve të udhëhequr nga Viola von Cramon-Taubadel do të kontribuojë në zgjedhje gjithëpërfshirëse, të besueshme dhe transparente. Të gjitha palët e interesuara duhet të jenë në gjendje të përfshihen dhe të kenë fjalën e tyre për të ardhmen e Kosovës. Këto zgjedhje vijnë në një pikë të rëndësishme për Kosovën ku duhet lëvizur me vendosmëri për të bërë përparim në rrugën evropiane, në reforma dhe normalizimin e marrëdhënieve me Serbinë”, tha ajo, transmeton Koha.net.

Ndërkaq shefja e vëzhgimit të zgjedhjeve në Kosovë, Viola von Cramon-Taubadel deklaroi se është e rëndësishme që BE të vazhdojë vëzhgimin e zgjedhjeve.

LEXO EDHE:  Paradokset e votës për 1 mandat më 25 qershor

“Unë kam shpresë se vëzhgimi ynë do të japë një kontribut të rëndësishëm në këto zgjedhje dhe në përpjekjet për të forcuar proceset zgjedhore të Kosovës në të ardhmen. Ishte një nder i madh për mua të drejtoj këtë mision dhe unë e kam pranuar këtë detyrë me përgjegjësi të madhe”, ka thënë ajo.

Ekipi kryesor i Misionit të Vëzhgimit të Zgjedhjeve i përbërë nga nëntë analistë të zgjedhjeve nga Bashkimi Evropian mbërritën në Prishtinë më 7 shtator dhe do të qëndrojnë deri në përfundimin e procesit zgjedhor. Më vonë në shtator, ekipit bazë do t’i bashkohen 18 vëzhgues të cilët do të vendosen në të gjithë vendin.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

BE-ja pranë vendimit për një të dërguar të posaçëm për bisedimet Kosovë-Serbi

Publikuar

-

Nga

Shefi i politikës së Jashtme të Bashkimit Evropian, Josep Borrell, ka diskutuar në biseda telefonike me presidentin e Kosovës, Hashim Thaçi e kryeministrin Albin Kurti si dhe me presidentin e Serbisë, Aleksandër Vuçiç, lidhur me vendimin për të emëruar një Përfaqësues të Posaçëm të Bashkimit Evropian për Dialogun dhe Ballkanin Perëndimor.

Në një njoftim të zyrës së zotit Borrell thuhet se gjatë bisedave ai theksoi se “emërim pasqyron rëndësinë që BE-ja dhe ai personalisht i kushtojnë stabilizimit të rajonit dhe përparimit në rrugën drejt BE-së”, raporton radioja amerikane VOA. Sipas të cilës:

Ai ritheksoi se “mbetet personalisht i angazhuar dhe i përkushtuar fuqimisht për të mbështetur ardhmërinë evropiane të Ballkanit Perëndimor dhe për të luajtur rolin e tij si lehtësues i bisedimeve Beograd-Prishtinë’, thuhet në një komunikatë të zyrës së zotit Borrell.

Por, ai nuk ka përmendur ndonjë emër që mund të jetë në postin e të dërguarit të posacëm. Deri tash emri më i përmendur është ai i ministrit të Jashtëm të Sllovakisë, Miroslav Lajçak.

Më herët zoti Borrell kishte deklaruar se në atë post duhet të jetë “dikush që e njeh rajonin”, ndërsa ministri Lajçak as nuk e ka mohuar dhe as pohuar mundësinë që ai të jetë i dërguari i Bashkimit Evropian.

LEXO EDHE:  Zgjedhjet vendore/ Sot afati i fundit për regjistrimin e kandidatëve në KQZ

LEXO EDHE:  Paradokset e votës për 1 mandat më 25 qershor

Propozimi duhet të miratohet nga të gjitha vendet e bllokut mes të cilëve ka rezerva rreth zotit Lajçak, i cili sikurse zoti Borrell, ish ministër i Jashtëm i Spanjës, vjen nga një prej pesë vendeve që nuk e njohin pavarësinë e Kosovës.

Ideja për një përfaqësues të posaçëm ishte hedhur që në vitin e kaluar pasi që departamenti amerikan i Shtetit emëroi zotin Mathew Palmer të dërguar të posaçëm për Ballkanin Perëndimor, ndërsa më pas presidenti Donald Trump emëroi ambasadorin Richard Grenell të dërguar të posaçëm për bisedimet e paqes Kosovë – Serbi.

Ideja u fuqizua sivjet, meqë Bashkimi Evropian u ndje i lënë anash pasi që ambasadori Grenell siguroi dy marrëveshje për linjën ajrore, linjën hekurudhore dhe autostradat ndërmjet Kosovës dhe Serbisë, pa përfshirjen evropiane.

Procesi i bisedimeve i ndërmjetësuar nga Bashkimi Evropian i filluar që në vitin 2011 janë pezulluar që nga vjeshta e vitit 2018, kur qeveria e Kosovës vendosi tarifat prej 100 për qind ndaj mallrave serbe në shenjë kundërshtimi ndaj qasjes së Beogradit ndaj shtetësisë së Kosovës. Beogradi kushtëzon vazhdimin e bisedimeve për normalizim marrëdhëniesh me Kosovës me heqjen e këtyre tarifave.

Përballë angazhimit energjik amerikan, Bashkimi Evropian është vënë në përpjekje që të sigurohet se do të luajë rolin e tij në proces.(b.a.)

LEXO TE PLOTE

Kosova & Rajoni

Xhamajka përgënjeshtron njohjen e pavarësisë së Kosovës/ Pacolli: Ambasadorja Çitaku duhet të japë llogari

Publikuar

-

Nga

Ministrja e Jashtme xhamajkane, Kamina J. Smith ka përgënjeshtruar lajmin se Xhamajka ka njohur pavarësinë e Kosovës.

Ndërkohë, pas këtij përgenjeshtrimi nga Xhamajka, ka ardhur një reagim i ashpër nga deputetja e Lëvizjes Vetëvendosje, njëherësh edhe nënkryetarja e parë e Komisionit për Punë të Jashtme dhe Diasporë, Fitore Pacolli.

Në një postim në rrjetet sociale, Pacolli theksoi se nëse lajmi është i pavërtetë, ambasadorja kosovare Vlora Çitaku duhet të shkarkohet menjëherë.

“Siç po duket shumë shpejt aksioni për pastrimin e Shërbimit të Jashtëm do të prek edhe Ambasadorë.
Nëse informatën e pavërtetë për njohje ka dhënë Ambasadorja Çitaku ajo duhet të mbahet përgjegjëse e duhet menjëherë të jap llogari. Kosovës tani i duhen Ambasadorë kompetent, profesional, të përgjegjshëm e në shërbim për të mirën e shtetit. Nuk kemi nevojë për Ambasadorë që shpërndajnë informata të pavërteta.
Nëse vërtetë lajmi për njohje nga Xhamajka është i pavërtetë, Ambasadorja Çitaku duhet të shkarkohet menjëherë dhe t’i kërkohet llogari.”-shkruan Pacolli.

LEXO TE PLOTE

Kosova & Rajoni

Xhamajka njeh Kosovën/ Thaçi: Rezultat i punës së vështirë

Publikuar

-

Nga

Presidenti i Kosovës, Hashim Thaçi, përmes një tweeti në llogarinë e tij ka njoftuar se Republika e Kosovës është njohur nga Xhamajka.

“Xhamajka ka njohur Republikën e Kosovës si shtet sovran dhe të pavarur”, shkruan Thaçi.
Thaçi thotë se “Ky është rezultat i punës së vështirë dhe lobimit për vite të tëra nga Eliot Engel”.

“Punë e mirë. Faleminderit miqve tanë nga Kingstoni”, pëfundon Thaçi./CNA.al

LEXO TE PLOTE