Connect with Us

Rudina Hajdari parlajmëron kallëzime penale/ Apel të fortë prokurorisë

Politikë

Rudina Hajdari parlajmëron kallëzime penale/ Apel të fortë prokurorisë

Publikuar

-

rudina hajdari

Kryetarja e grupit parlamentar demokrat, Rudina Hajdari ka folur me tone mjaft të forta sot në Kuvendin e Shqipërisë, në lidhje me dy dosjet për rrugët që do të jepen me koncesion Milot-Balldren dhe Orikum –Dukat.

Deputetja Hajdari the se këto dy dosje duhet të dorëzohen në SPAK, sapo institucioni të ngrihet.

“Kontratat koncesionare të fundit të Milot-Balldren dhe Orikum -Dukat vijnë si oferta të pakërkuara. Si ligji Fusha, këto janë kontrata që qeveria kërkon të mbulojë paligjshmërinë përmes votës së deputetëve. Ministria e Ekonomisë nuk ka dhënë miratimin për këto dy projekte, që rrezikojnë buxhetin e shtetit.

Shkeljet e rënda ngarkojnë me përgjegjësi nga specialisti më i thjeshtë deri te vendimmarrja e këshillit të ministrave. Ne duhet të bëjmë kallëzime në lidhje me këto dy ligje.” tha ajo.

Gjithashtu, deputetja Hajdari u shpreh se organizata financiare botërore kanë kërkuiar të eliminohen ofertat e pakërkuiar si oferta me kosto të fryra dhe që i shkaktojnë dëm ekonomik vendit.

Sipas saj, janë konstatuar shkelje të mëdha që bëjnë përgjegjës të gjithë zinxhirin dhe që konsiderohen vepra penale.

Rudina Hajdari i ka drejtuar edhe një apel të fortë prokurorisë, ndërsa theksoi se duhet të hetojë minimalisht për dy shkelje të mëdha, e para shkelja e barazisë përe pjesëmarrje në tendera dhe e dyta abuzim me detyrën.

“Prokuroria e Përgjithshme minimalisht, duhet të regjistronte procedimin dhe të fillonte hetimin për personat që kanë shkelur ligjin, pasi me taksat e parave të shqiptarëve po paguajnë rritjen e këtyre ofertave.

Ne duhet të bëjmë kallëzime penale pranë Prokurorisë së Përgjithshme, të cilat bien në kundërshtim me Kodin Penal. Duhet ti denoncojmë këto afera korruptive”-tha deputetja Hajdari./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

“Zgjidhja e krizës do të vijë nga brenda”/ Patozi nxjerr “zbuluar” Bashën

Publikuar

-

Nga

Koordinatori i Bindjes Demokratike, Astrit Patozi ka komentuar sot deklaratën e kreut të PD-së, Lulzim Basha, i cili ditën e djeshme tha se “Zgjidhja e krizës politike do të vijë nga brenda dhe jo nga jashtë”.

I ftuar në A2CNN, Astrit Patozi tha se “Këto deklarata patetike të sovranistëve të vonuar që këtë profesion e ushtrojnë part time më shkaktojnë humor. Mbaj mend seancën e famshme të reformës në drejtësi ku u ngritën 140 kartonë jeshil, përfshirë edhe Bashën që ishte aty prezent për të shprehur dëshirën për të votuar. Kam parë paralajmërime për protesta të frikshme por që pas një telefonate nga përtej Adriatikut kanë përfunduar në përqafime”.

Më tej, ai theksoi se sidomos tani, në situatën që ndodhet Shqipëria, është e demosdoshme prania e ndërkombëtareve.

“Sidomos tani kemi nevojë për partnerët strategjike dhe historia jonë e ka treguar. Kur ata kanë humbur pak vëmendjen ndaj politikës në Shqipëri, ne kemi rënë në gabime të tmerrshme. Përmednim këtu pazarin e dy viteve më parë dhe 30 qershorin. Roli i partnerëve ndërkombëtarë është i domosdoshëm dhe i pazëvëndësueshëm”.-tha Patozi.

Gjithashtu ai theksoi se “Ne jemi të paaftë për të zgjidhur vetë krizën”./ CNA.al

LEXO TE PLOTE

Politikë

“Shembujt janë ulëritës”/ Astrit Patozi numëron arsyet, ja pse duhet ndryshuar sistemi

Publikuar

-

Nga

patozi

Koordinatori i Bindjes Demokratike, Astrit Patozi ndërsa ka komentuar situatën politike në vend, është shprehur se zgjidhje për këtë nuk është vetëm Reforma Zgjedhore, por sipas tij duhet një ndryshim rrënjësor i sistemit.

I ftuar në A2CNN, Patozi tha se “Mendoj se duhet ndryshuar sistemi. Ky sistem ka degraduar, shembujt janë ulëritës, e para që prodhoi pazar në 17 maj 2017 dhe e dyta në 30 qershor që gati çoi në përplasje civile”.

Patozi theksoi se kjo është një krizë e sistemit, i cili i kthen partitë kryesore në sulltanate të kryetarëve.

“Do doja që partnerët tanë ta lexojnë drejt, shoqëria shqiptare është koshiente, por politika reziston.

Partitë kryesore që janë përgjegjëse për alikimin e keq të sistemit, duan ta ruajnë sistemin. Mua më duken shqetësuese këto qëndrime. Dy partitë kryesore nuk e duan këtë temë”-tha Patozi.

Më tej, ai u shpreh se ka dy mënyra që ata të detyrohen të ndryshojnë sistemin.

“Ata detyrohen në dy mënyra. E para presion i të gjithë aktorëve që janë të prekur nga sistemi. Duhet të çlirojmë listat nga kryetarokracia dhe të çlirojmë institucionet, pastaj të shkojmë në zgjedhje normale.

Duhet të çirojmë komisionet zgjedhore e pastaj të pretendojmë në një marrëveshje të madhe sociale që të na shpëtojë nga kriza. Shoqëria, media dhe sidomos faktori ndërkombëtar mund t’ia dalë që ti bindë palët që kjo është rruga e vetme”-tha Patozi./ CNA.al

LEXO TE PLOTE

Politikë

Ligji për pronat/ Përfaqësuesit e Komisionit të Venecias takim me Ramën

Publikuar

-

Nga

Përfaqësuesit e Komisionit të Venecias po zhvillojnë një takim me kryeministrin Edi Rama, i cili ka në fokus projektligjin e pronave.

Sipas BW, Komisioni i Venecias do të qëndrojë në Tiranë deri më 20 shtator dhe misioni i vizitës është pikërisht ligji për pronat. Komisioni i Venecias do të takojë edhe grupet parlamentare

Sot pasdite, delegacioni nga Venecia do të takohet fillimisht me grupin parlamentar të Partisë Socialiste e më vonë edhe me grupin parlamentar “Të Pavarur” dhe grupin parlamentar demokrat.

Të dy takimet do të zhvillohen në sallën e mbledhjeve të Komisionit të Ligjeve në Kryesinë e Kuvendit.

LEXO TE PLOTE