Connect with Us

Punonjësit e ALBtelecom vijojnë përkushtimin ndaj fëmijëve talasemikë duke dhuruar gjak

Sociale

Punonjësit e ALBtelecom vijojnë përkushtimin ndaj fëmijëve talasemikë duke dhuruar gjak

Publikuar

-

Punonjësit e ALBtelecom vijojnë përkushtimin ndaj fëmijëve talasemikë duke dhuruar gjak

ALBtelecom prej disa vitesh është shumë aktiv për çështjet sociale me ndjeshmëri të lartë, të cilat kërkojnë vëmendje të veçantë. Duke vijuar përkushtimin ndaj kauzës së fëmijëve që vuajnë nga talasemia,  për të katërtin vit radhazi ALBtelecom organizoi pranë zyrave qendrore një fushatë sensibilizmi dhe dhurimi gjaku, duke respektuar të gjitha kushtet shëndetësore për vullnetarët dhurues nën kujdesin e mjekëve specialistë, në bashkëpunim me Kryqin e Kuq Shqiptar.

Në këtë nismë disa vjeçare tashmë, dhe të kthyer në një nga shtyllat kryesore të përgjegjësisë sociale të ALBtelecom synohet që të krijojë një impakt e bashkëpunim më të gjerë me partnerë të tjerë që duan t’i bashkangjiten kësaj kauze.

ALBtelecom, nëpërmjet përfaqësuesve të saj u shpreh se dhurimi i gjakut është bazik dhe jetik për të prekurit nga sëmundja e talasemisë, të cilat kanë varësi të vazhdueshme për gjak.

Duke cituar burimet zyrtare të Ministrisë së Shëndetësisë, Shqipëria ka 10,7 dhurime për 1000 banorë, por nevojat janë për 20 dhurime për 1000 banorë, për të plotësuar kërkesat.  Pra jemi 2 herë më pak se niveli i nevojshëm i dhurimit të gjakut. Referuar kësaj statistike, qëllimi i ALBtelecom është të promovojë këtë kauzë për të realizuar sasinë e nevojshme të dhurimit të gjakut çdo vit.

Nevojat për dhurim gjaku mbeten më të larta në zonat e Lushnjes dhe Fierit. Në Shqipëri janë  rreth 600 fëmijë talasemikë, të cilët kanë nevoja jetike për gjak për të bërë një jetë sa më normale si të gjithë fëmjët e tjerë. Çdo fëmijë talasemik ka nevojë për të marrë gjak çdo dy javë.

Kësaj nisme të organizuar në ambientet e zyrave qendrore të ALBtelecom, iu bashkuan vullnetarisht punonjës të shumtë, me dëshirën për ta bërë jo thjesht një ditë bamirësie në vit, por një veprim qytetarie në të mirë të komuniteteve margjinale.

Përmes këtij kontributi, punonjësit e ALBtelecom mobilizohen për të lehtësuar përpjekjet e të gjithë atyre të sëmurëve që luftojnë për jetën, pasi çdokush mund të shpëtojë jetë duke dhuruar gjak.

KLIKO PER TE KOMENTUAR

Komentoni

Your email address will not be published. Required fields are marked *

Sociale

Pedagogia e pranon publikisht: Kur im bir sëmuret, korruptoj mjekët

Publikuar

-

Nga

Pedagogia Julinda Gjika e ka pranuar publikisht se kur djali i saj sëmuret, ajo korrupton mjekët për ta kaluar në radhë.Sipas saj është e pamundur të presësh me një fëmijë të sëmurë.

 “Unë jam shumë e kënaqur nga paga që kam aktualisht. Është një nga pagat që këtu konsiderohet shumë e mirë. Problemi është që kur im bir sëmurët unë jam gati të iki  brenda 30 sekondave. Pra biletën e parë dhe të largohem nga Shqipëria. Çfarë më duhen ato para kur mënyra se si i shpenzoj është për ilace, më falni që e bëj, por për të korruptuar mjekët që të më kalojnë në radhë më para sepse është e pamundur të presësh radhën me një fëmijë të sëmurë dhe për rehabilitimin e tij më pas në institucione private, ose në shtëpi duke thërritur mjekë ambulatorë që e frekuentojnë”, u shpreh Gjika në emisionin “Ekopolitikë” në RTV Ora.

LEXO TE PLOTE

Sociale

22 shtatori “Dita pa Makina”/ Ja si devijohet qarkullimi në Tiranë

Publikuar

-

Nga

E diela e 22 shtatorit, është dita pa makina, për shkak të javës e “Javës Europiane të Lëvizshmërisë”, e cila synon ndërgjegjësimin e qytetarëve për të përdorur sa më pak mjetet që ndotin mjedisin dhe të përqafojnë qasjet e reja të transportit alternativ, duket ecur ose pedaluar më shumë.

Edhe në Tiranë do zhvillohen një sërë aktivitetesh, ndërkohë që Policia Bashkiake, ka marrë të gjitha masat për kufizimin e qarkullimit të automjeteve në disa prej rrugëve të qytetit.

Masat e marra parashikojnë:

Ndalimin e qarkullimit të automjeteve si më poshtë:

Bulevardi “Dëshmorët e Kombit” dhe sheshi “Nënë Tereza” datë 20.09.2019 nga ora 10:30 deri në orën 11:00.

Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes si më poshtë:

Në rrugët “Ibrahim Rrugova”, “Lek Dukagjini” dhe “Papa Gjon Pali II”.

Mjetet e transportit urban të qytetit do të devijohen si më poshtë:

Linja e Unazës do të devijohet në urën e rrugës “Sami Frashëri” me urën e rrugës “Elbasanit”.

Linja “Tirana e Re”, “Kopshti Zoologjik” do të devijohen te sheshi “Ëilson” ura e Drejtorisë së Policisë.

Linja “Kristali” do të devijohet te sheshi “Ëilson” dhe Stacioni Trenit.

Linja “Kinostudio- Kombinat”, do të devijohet tek Sheshi “Medresesë”, si dhe përballë kishës Ortodokse.

Linja “Kashar” do të devijohet te “Kafe Flora”, Kisha Ortodokse.

Linja “Megatek” dhe “Institut” do të devijohen te “Kafe Flora”

Linja “Qyteti Studenti”, “Jordan Misja”, “Sauk”, dhe “Sanatorium” do të devijohen te Fakulteti Ekonomik.

Linja “Mihal Grameno” do të devijohet te ura pranë rrugës “Elbasanit”.

Linja “Materniteti i Ri” do të devijohet te ura pranë rrugës “Elbasanit” dhe Kishës Ortodokse.

Linja “Sharra” do të devijohet te Stacioni Trenit si dhe përballë Kishës Ortodokse në rrugën e “Kavajës”./CNA.al

 

LEXO TE PLOTE

Sociale

Mitropoliti i Korçës Hirësi Joani – Perëndia Ynë Është Perëndi i Paqes

Publikuar

-

Nga

Nga datat 15-17 Shtator u mbajt në Madrid, Spanjë takimi i përvitshëm për paqen, organizuar nga Komuniteteti i Sant Egidios. Në këto takime të rëndësishme marrin pjesë personalitete të larta nga të gjitha komunitetet fetare në botë, nga shoqëria civile, nga politika si Presidentë dhe Kryeministra nga e gjithë bota; siç ndodhi në takimin para 2 –vitesh që u mbajt në Gjermani  në Shtator të vitit 2017 ku mori pjesë  edhe  Kancelarja e  Gjermanisë  Angela Merkel, si edhe personalitete nga kultura.

Këtë vit nga Kishat Orthodhokse ishin klerikë te lartë nga Patriarkana Ekumenike, Patriarkana e Aleksandrisë, Patriarkana e Moskës, Patriarkana e Serbisë, Patriarkana e Rumanisë, nga Kisha e Greqisë dhe nga Kisha e Shqipërisë. Në takimin përmbyllës për të krishterët mbahen zakonisht tre predikime ose meditime, një nga Katolikët, një nga Protestantët dhe një nga Orthodhoksët.  Në takimin e Madridit predikimi për Katolikët u mbajt nga Kardinali Peter Kodwo Appiah Turkson, Prefekti i Dikasterit për Promovimin e Zhvillimit Njerëzor Integral; për Protestantët nga Prof. Heinrich Bedford-Strohm, President i Këshillit të Kishës Ungjillore në Gjermani dhe për Orthodhoksët  predikimi u mbajt nga Mitropoliti i Korçës Imzot Joani.

Perëndia Ynë Është Perëndi i Paqes

Paqe po ju lë, paqen time po ju jap juve; jo siç e jep bota jua jap juve. Le të mos trazohet zemra juaj, as të mos frikësohet. Jn 14:27

Para Pësimit të Tij, Zoti ynë Jisu Krisht, duke e ditur se nxënësit e Tij do të përballeshin me një botë mizore, plot mundime dhe hidhërime, iu dha atyre një dhuratë të fuqishme, paqen e Tij, më të fortë se të të gjitha armët e botës. Ai thekson se e jep paqen jo siç e jep bota, duke na zbuluar dy lloje paqesh, paqen e Tij dhe paqen e botës, paqen e vërtetë dhe të përjetshme dhe paqen e rreme dhe kalimtare.

Paqja që jep bota është e paqëndrueshme, është vetëm në fjalë dhe nuk zgjat për një kohë të gjatë, sepse nuk ka themele. Ajo varet në dëshirat e njerëzve, që shpesh janë të helmuara nga egoizmi dhe lakmia, në emocionet e lëkundura të tyre dhe në interesat e tyre që ndryshojnë vazhdimisht. Në rastin më të mirë paqja e botës është e jashtme. Vetë Perëndia, nëpërmjet gojës së profetëve të tij, thotë për këtë lloj paqeje: “Ata thonë paqe, paqe kur nuk ka paqe. (Jeremia 6:14; Ezekieli 13:16, Mikah 3:5, duke përmendur vetëm disa prej tyre)

Nxitjet dhe shpresat e rreme nga ata që duhet të ishin udhëheqësit e vërtetë të popullit i kthyen ata në profetë të rremë. Në kohët tona, ku gënjeshtrat dhe gjysëm të vërtetat mbizotërojnë, është një nevojë e madhe për rolin profetik të kishës. Roli profetik i kishës është të thotë atë çfarë Zoti po thotë. Shpesh, e vërteta nuk përputhet me atë që njerëzit duan të dëgjojnë, por ne nuk mund të kompromentojmë të vërtetën. Të jetosh me të vërtetën nuk është e lehtë, por kjo është e vetmja mënyrë për të qenë ontologjikisht të lirë. Krishtërimi i vërtetë nuk është për të zbavitur njerëzit, por për t’i shpëtuar ata. Ne duhet të shpallim gjithmonë dhe kudo se nuk mund të ketë paqe pa praninë e Perëndisë dhe pa praninë e drejtësisë së Tij.

Vetëm paqja që jep Krishti është e qëndrueshme dhe thelbësore. Ajo është një paqe shpirtërore që vjen nga një pajtim i njeriut me Perëndinë dhe nga restaurimi i lidhjeve të drejta dhe të vërteta me Atë. Paqja e Tij është një paqe e brendëshme, një paqe që mund t’i bëjë ballë të gjitha stuhive të forta që sulmojnë nga jashtë. Paqja e Krishtit qetëson zemrat e trazuara dhe i çliron nga frika, sepse kjo paqe vjen nga prania e Tij në zemrat tona, duke i mbushur ato me dashuri. “Dashuria e përsosur e largon frikën” – shkruan Shën Joani.

Krishti i jep fjalës paqe një kuptim, jo vetëm shpirtëror dhe sakramental, por gjithashtu edhe një kuptim eskatologjik. Paqja e tij është një parashijim i Mbretërisë, duke qenë tek ne prania e vetë Perëndisë, sepse Ai është i burimi i vetëm dhe unik i paqes.   Titulli mesianik ‘Princ i Paqes’ që e gjejmë tek profeti Isaia përmbushet plotësisht në Krishtin, ‘Mbretin e Paqes’.

Por ne duhet të kemi gjithmonë parasysh që qenia njerëzore është një qenie komunitare. Me të drejtë shkruan Tertuliani – unus christianus nullus christianus. Qysh prej fillimit të tij krishtërimi ishte si një realitet kolektiv, si një komunitet. Të jesh i krishterë do të thotë ti përkasësh komunitetit dhe jo si një individ i izoluar. Prandaj, paqja që jep Krishti nuk është vetëm një tërheqje në vetvete. Paqja jonë personale realizohet në paqen e komunitetit dhe merr një dimension social dhe komunitar.

Këtu do të doja të falenderoja me gjithë zemër Komunitetin e Sant Egidios, për përpjekjet e tyre të mëdha në dekada, për të sjellë paqe e shpresë në konfliktet dhe luftërat në shumë vende të botës.

‘Krishti është paqja jonë’ – thotë Shën Vasili i Madh – ‘ai që kërkon paqen kërkon Krishtin… Pa dashurinë ndaj të tjerëve, pa një qëndrim paqeje ndaj të gjithë njerëzve, askush nuk mund të quhet shërbëtor i vërtetë i Krishtit’.

“Lum paqebërësit’ – thotë Zoti – ‘sepse ata do të quhen bij Perëndie”.

Të dashur vëllezër dhe motra në Krishtin! Perëndia ynë është Perëndi i Paqes dhe ne jemi thirrur t’i shërbejmë. Së pari, le të kemi paqe në zemrat tona dhe më pas ajo do të vërshojë jashtë dhe do të arrijë tek të tjerët. Ashtu si një kandil i fikur nuk mund të ndriçojë, po ashtu edhe ne nuk mund të përhapim paqe nëse nuk e kemi atë në zemrat tona. ‘Ki paqe në zemrën tënde – thotë Shën Serafimi i Sarovit – ‘dhe mijëra vetë rreth teje do të shpëtohen’. AMIN!

LEXO TE PLOTE