Connect with Us

Foto-Tirana digjet për ujë/ Kur Veliaj protestonte kundër Nanos dhe Ramës

Politikë

Foto-Tirana digjet për ujë/ Kur Veliaj protestonte kundër Nanos dhe Ramës

Publikuar

-

Foto-Tirana digjet për ujë/ Kur Veliaj protestonte kundër Nanos dhe Ramës

Në vitin 2004 në kohën që kryeminisër i Shqipërisë ishte Fatos Nano dhe kryetar i Bashkisë së Tiranës ishte Edi Rama, Erion Veliaj, në atë kohë kryetar i MJAFT-it, protestonte para Bashkisë së Tiranës, për mungesën e ujit të pijshëm.

Sot pas 15 vitesh, është Erion Veliaj kryetar Bashkie dhe ka pesë vite në detyrë. Ndërkohë ka edhe 11 vite të plot në krye të Bashkisë, Edi Rama, që sot është kryeministër. Por, Tirana ka dy muaj që vuan mungesën e ujit të pijshëm. S’ka ujë për t’u larë, s’ka ujë për të pirë.

Jemi në të njëjtën situatë si para 15 vitesh, kur Lali Eri protestonte me bidona bosh. Asgjë nuk ka ndryshuar. Por, thjeshtë dhe vetëm ish-protestuesi anti-socialist Erion Veliaj është bërë kryetar Bashkie, ish-kryetari i atëhershëm i Bashkisë është bërë kryeministër dhe Tirana vijon të mos ketë ujë.

E ndërsa Tirana “digjet e përvëlohet” për një pikë ujë, Erion Veliaj vijon e “krihet” e na tregon çmimet e mëdha që pretendon se ka fituar në OKB. Pra, mashtron publikisht. Ndërkohë që njerëzit nuk kanë një pikë ujë të rrjedhë në çesmat e tyre, Lali “krihet” dhe vazhdon propagandën e tij bajate.

Sot Tirana, digjet për ujë, Erion Veliaj ka pesë vite kryetar bashkie dhe ka ndryshuar çmimin e ujit, por duke e lënë kryeqytetin pa ujë.

Qytetarët e Tiranës, vrapojnë pas boteve të ujit, ndërsa Edi Rama prej 6 vitesh kryeministër, dhe Veliaj 5 vite kryetar bashkie tallen me ta.

Nuk e kanë mendjen të zgjedhin problemet dhe  hallet e qytetarëve dhe mungesën e ujit të pishëm, por e kanë mendjen të vjedhim  lekët, të grabisim sa të mundin nga taksat e tyre, sa për shërbimin që ofrohet nuk duan t’ia dinë.

Në galerinë e mësipërme keni të gjitha fotot, ku mund të shikoni sesi kryebashkiaku aktual i Tiranës, Erion Veliaj, kur ishte në krye të MJAFT-it, protestonte kundër socialistëve, të cilët i akuzonte se kishin lënë Shqipërinë pa ujë.

Kujtojmë këtu se në kohën qëVeliaj drejtonte MJAFT dhe protestonte kundër socialisteve, në krah të tij ishin edhe Arbjan Mazniku, që sot është nënkryetar i Bashkisë së Tiranës, Elisa Spiropali që sot është zëdhënëse e Qeverisë, apo edhe krahu i djathtë i Edi Ramës, Endri Fuga.

Sot është koha për të dalë në protestë, para Veliajt, dhe para Edi Ramës se e kanë lënë Tiranën të digjet për ujë./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

Ylli Manjani në krah të Tahirit/ Ta gëzojë pafajësinë, s’mund të dënohet pa prova

Publikuar

-

Nga

Pas vendimit të mbrëmshëm të Gjykatës pët Krimet e Rënda në lidhje me çështjen ish-ministrit të Brendshëm, Saimir Tahiri, ka pasur reagime të forta nga politika.

Ndërkohë, sot në lidhje me këtë çështje ka reaguar edhe ish-ministri i Drejtësisë në qeverinë “Rama 1”, Ylli Manjani, i cili në një postim në rrjetet sociale ndër të tjera shkruan se askush nuk mund të dënohet pa pasur prova.

‘Nuk kisha asnjë dyshim që akuza penale për trafik e korrupsion, ashtu siç u stis do binte turpshëm.

Shpërdorimi i detyrës është një vepër penale llastik me origjinë bolshevike, por edhe ajo akuzë e dënim jam i sigurtë që do bjerë në Apel.

Sajmir Tahiri si person ta gëzojë pafajsinë!

Unë mendoj se ka triumfuar parimi mbi individin. Askush nuk mund të arrestohet e dënohet pa prova!”-shkruan ndër të tjera Manjani.

Postimi i plotë:

Ndjesi miks.
===========
Nuk kisha asnjë dyshim që akuza penale për trafik e korrupsion, ashtu siç u stis do binte turpshëm.

Shpërdorimi i detyrës është një vepër penale llastik me origjinë bolshevike, por edhe ajo akuzë e dënim jam i sigurtë që do bjerë në Apel.

Sajmir Tahiri si person ta gëzojë pafajsinë!

Unë mendoj se ka triumfuar parimi mbi individin. Askush nuk mund të arrestohet e dënohet pa prova!

Por, ky parim duhet të zbatohet për të gjithë njësoj.

Politika duhet të kuptojë njëherë e mirë se kundërshtari nuk mund të dënohet ligjërisht për motive politike. U shoftë ajo politikë që urdhëron apo uron burgosjen e kundërshtarit, vetëm pse është kundërshtar! Ca më keq akoma, ajo politikë që i bën njerëzit kokë turku, duhet shkulur megjith rrënjë…

Publiku duhet të kuptojë se nuk është gjykatës i akuzave juridike, por pronar i votës. Pra politikanin ka në dorë të mos e votojë dhe jo ta gjykojë juridikisht si në kohë të Enverit. Gjyqet popullore janë sjellje diktatoriale.

Të gjithë ata që na hapën barkun me “drejtësinë e ambasadave”, duhet të qepin gojët dhe haletë! Duhet të kuptojnë se drejtësia, politika e ekonomia do bëhen në Shqipëri e nga shqiptarë. Kështu ka qenë e do jetë! Pordhët me agjentë e të dërguar të posaçëm nuk durohen më!

Drejtësia ka shumë punë që ti trajtojë të gjithë njësoj si Sajmirin. Duhet të lirojë nga akuza disa persona, duke filluar me Dritan Zaganin, i cili u dënua si kundërshtar politik dhe jo si shkelës ligji. E kështu me radhë shumë të tjerë që mbahen në burg pa një provë të vetme direkte… beyëm trajtimi i të gjithëve njësoj, pra si të barabartë para ligjit e bën drejtësinë të besueshme!

Së fundi gjithnjë e më shumë bindem se reforma e vërtetë në drejtësi, pra reforma e procedurave e procesit hetimor e gjyqsor ende nuk është bërë. Kjo që u bë ishte një përsëritje e stërholluar e reformës së plepave të 1993.

I mbetem besnik parimit që problemi NUK JANË NJEREZIT POR SITEMI.

Dhe nga sistemi i drejtësisë duhen shkulur praktika inkuizitore që na kanë mbetur nga ndikimi i jurisprudencës bolshevike, në sistemin e hetimit e të gjykimit. Se ja, ra ky rasti ti Sajmirit që u pa se sa i pa drejtë është sistemi e ç’lesh reforme është bërë…/ CNA.al

LEXO TE PLOTE

Politikë

Dënimi i Saimir Tahirit/ Reagon ambasadori i BE

Publikuar

-

Nga

Ambasadori i Bashkimit Europian në vendin tonë, Luigi Soreca është pyetur sot në lidhje me vendimin e Gjykatës për Krimet e Rënda, e cila e dënoi ish-ministrin e Brendshëm Saimir Tahirin me 5 vite burg, por që nga Gjykimi i Shkurtuar përfiton ulje dënimi në 3.4 vite shërbim prove.

Duke iu përgjigjur interesit të gazetarëve, ambasadori Soreca është shprehur se “Si një ish prokuror do të shikoj dosjen dhe më pas do i komentoj. Nuk mund të komentoj vendimin pa lexuar dosjen”./ CNA.al

LEXO TE PLOTE

Politikë

Rama mbledh koordinatorët e veriut/ Në takim edhe Tom Doshi

Publikuar

-

Nga

ryeministri i vendit, Edi Rama do të zhvillojë sot një takim me koordinatorët e PS-së, për Rajonin e Veriut në Velipojë.

Sipas BË, në mbledhje do të marrë pjesë edhe ministri i Brendshëm, Sandër Lleshaj, i cili njëherësh dhe koordinator politik i PS për qarkun Lezhës, kryetari i Bashkisë Lezhë Pjerin Ndreu si dhe deputetët Paulin Sterkaj, Luan Harusha dhe Tom Doshi.

LEXO TE PLOTE