Connect with Us

Si u zgjodh Vatë Staka në KLP/ Komisioni i Monitorimit “shuplakë” Arta Markut

Kronika

Si u zgjodh Vatë Staka në KLP/ Komisioni i Monitorimit “shuplakë” Arta Markut

Publikuar

-

Prokurorja e Përgjithshme Arta Marku do të mbahet mend për skandalet e saj në krye të organit të akuzës.

Pas skandalit që orkestroi me çështjen “Shullazi” tek Krimet e Rënda vjeshtën e vitit të kaluar, Arta Marku sërish pak muaj më vonë zuri vendin kryesore në media, me skandalin e radhës.

Në muajin Prill të këtij viti gjatë mbledhjes së Asamblesë së Prokurorëve, për të zgjedhur anëtarin e KLP-së, Arta Marku u përfshi në sherr me prokurorët.

Marku, në vend që të gjente argumenta ligjorë për të bindur kolegët, përdori arrogancës, duke i kërkuar prokurorit Sokol Malaj të dilte jashtë, pasi mbledhjen e drejtonte ajo.

Në fakt situata i kishte dalë jashtë kontrollit dhe Marklu thjesht po tentonte të bindte veten se drejtonte ajo.

Gjithsesi votimi për kandidatin e KLP-së u bë dhe Vatë Staka u zgjodh me 135 vota të vlefshme dhe 81 vota të pavlefshme.

Përtej asaj që thuhet se Vatë Stakaj shkoi në KLP, në bazë të një skenari të mirëorganizuar me qëllim që të bëhej pjesë e klanit të Arta Markut në Këshill, për t’u përdorur sa herë ti duhej asaj dhe Rilindjes, i gjithë procesi i zgjedhjes është ndjekur nga Komisioni i Monitorimit.

Anëtarët e Komisionit të Monitorimin, Lindita Rusmajli, Petrit Plloçi, Irena Nino dhe Saimir Vishaj, në raportin e hartuar mbi këtë proces janë ndalur tek problematikat.

Problematikat

CNA.al ka siguruar raportin Komisionit të Monitorimit të cilin po e sjell më poshtë.

Sipas urdhërit  A2/1. datë 08.04.20149 të Prokurorit të Përgjithshëm “Për miratimin e fletës tip të votimit për anëtarin prokuror të Këshillit të Lartë të Prokurorisë”. prokurorët votuan me një fletë votimi, e cila kishte vetëm një emër (kandidaturën e vetme të paraqitur) dhe vetëm një kuti përbri saj për të bërë shënimin votuesi.

Komisioni i monitorimit konstaton se miratimi i fletës së votimit me një kandidat, vetëm me një kuti, ku mund të shprehet vullneti i zgjedhësit, e detyron votuesin të shprehë vullnetin vetëm në dy mënyra: të shënojë (x, -) në kuti ose të mos shënojë.

Kjo mënyrë votimi imponon vetëm dy rezultate numërimi: votë pro ose votë e pavlefshme, duke rritur kështu artificialisht numrin e votave te pavlefshme.

Është lehtësisht e kuptueshme se 81 vota që nga komisioni i votimit u cilësuan si vota të pavlefshme (37,5% të numrit total të votave të hedhura), janë në fakt votë kundër kandidaturës së vetme të paraqitur.

Por, cilësimi i tyre si vota të pavlefshme del nga leximi i nenit 115  “Numërimi i votave dhe shpallja e rezultatit” i Ligjit nr.I 15/2016. pika 2. ku parashikohet se: “Fletët e votimit ndahen në vota të vlefshme ose të pavlefshme.

Fletë të vlefshme janë fletët e votimit, në të cilat është votuar qartësisht vetëm për njërin nga kandidatët.

Vota të pavlefshme janë fletët e votimit kur:  fleta e votimit nuk ka të njëjtat elemente të miratuar nga komisioni i votimit;  në fletër e votimit janë bërë shënime në favor ose në disfavor të kandidatëve, kur është votuar për më shumë se një nga kandidatët, kur nuk është votuar për asnjë nga kandidatët, kur nuk është e qartë se për cilin kandidat kanë votuar dhe kur është votuar për një person që nuk është regjistruar si kandidat në fletën votimit.

Në fakt kjo dispozitë e ligjit (neni 115 “Numërimi i votave dhe shpallja e rezultatit merr kuptim të plotë, kur në fleten e votimit ka më shumë se 1 kandidat dhe votuesi zgjedh midis tyre.

Pra fryma e ligjit kërkon më shumë se një kandidat për të zgjedhur.

Nga ana tjetër miratimi i fletës të votimit me një kandidat vetëm me një kuti ku mund të shprehet vullneti i zgjedhësit, mund të interpretohet si një imponim i vullnetit të votuesit.

Pra si një cënim i të drejtës për të zgjedhur.

Sugjerimi që modeli i fletës së votimit me një kandidat, të bëhet me  dy kuti, ku mund të shprehet vullneti i zgjedhësit pro ose kundër dhe zgjedhja në këtë rast të kërkoj shumicë të thjeshtë, ështië propozim që vlen të diskutohet në këtë rast.

Por  çështja është se ku duhet të bëhet ndryshimi dhe çfarë efekti ka votimi në këtë mënyrë:

Nëse modeli i fletës së votimit me një kandidat, do të behej me dy kuti  ku mund të shprehej vullneti i zgjedhësit pro ose kundër, pa ndryshuar neni 115. pika 5 e Ligjit nr.I 15/2016, atëherë numri i votave kundër nuk ndikon fare në zgjedhjen e kandidatit. Ai do te quhet i zgjedhur edhe nëse merr vetëm 1 votë pro.

Neni 115/5 parashikon se në fund të procesit të votimit quhen të zgjedhur kandidatët që kanë marrë numrin më të madh votave, pra edhe një votë e vetme, pro, në kushtet kur nuk ka kandidatura të tjera do të mjaftonte për të cilësuar fitues konkuruesin e vetëm.

Një mënyrë e tillë votimi me dy kuti pro ose kundër  pa ndryshuar ligji, vetëm do të shprehë saktësisht vullnetin e zgjedhësve dhe do të bëhej trasnparente mbështetja  e zgjedhësve kundrej kandidatit për në KLP.

Nëse ndryshimi nuk do të bëhej me ligj, por do të bëhej vetëm me rregulloren e procesit të votimit, siç propozuan disa prokurorë, për të ndryshuar nenin 15,pikën 2 të Rregullores, duke shtuar në këtë pikë parashikimin që “nëse në fletën e votimit  paraqitet vetëm një kandidaturë, kjo kandidaturë shpallet fituese nëse merr  më shumë se 50% të vota pro të anëtarëve të pranishëm në mbledhje, ky ndryshim nuk do të kishte bazë ligjore.

Komisioni i Monitorimit rekomandon që miratimi i modelit të fletës së votimit me një kandidat duhet të bëhet me dy kuti , ku mund të shprehet vullneti i zgjedhësve pro dhe kundër.

Pavarësisht se numri i votave kundër nuk ndikon në zgjedhjen e kandidatit, një mënyrë e tillë votimi do të shprehte saktësisht vullnetin e zgjedhësve dhe do të maste saktësisht  mbështetjen e tyre për kandidatin e KLP./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Pse nuk bindën provat e Prokurorisë për Tahirin

Publikuar

-

Nga

“I pandehuri Saimir Tahiri, duke mbajtur kontakte të tilla të pashpjegueshme me Habilajt, si dhe mosmarrja e masave për kanabizimin dhe përfshirjen e Policisë në këtë fenomen, ka konsumuar veprën penale të ‘Shpërdorimit të detyrës”. 

Ky ka qenë konkluzioni i Gjykatës, mbi të cilin ajo dënoi me 5 cjet që u konvertua në shërbim prove për ish-ministrin e Brendshëm.

Më tej Gjykata argumenton se bisedat e anëtarëve të grupit të Habiljave, të cilët pretendojnë për dhënien e përfitimeve ish-ministrit, nuk vërtetohen me asnjë provë dhe fakt tjetër, duke mbetur vetëm në kuadrin e dyshimeve.

Në vendim  arsyetohet se nuk vërtetohet një marrëveshje mes Tahirit dhe qoftë një anëtari të vetëm të Habilajve për krijimin e lehtësirave.

“Vërtetohet se Moisi Habilaj ka përdorur emrin e ish-ministrit për të krijuar idenë e fuqisë, por nuk vërtetohet marrëveshja e tij me të paktën një anëtar të grupit, duke bërë që të mos vërtetohet akuza”- deklaroi gjyqtari.(respublica)

LEXO TE PLOTE

Kronika

Zëri Amerikës: Tahiri, një “fitore si e Pirros”

Publikuar

-

Nga

Në Shqipëri, Gjykata e Krimeve të Rënda vendosi të dënojë mbrëmjen e së enjtes, me 5 vite burgim ish ministrin e Brendshëm Saimir Tahiri. Duke qenë se ai kishte pranuar më parë gjykimin e shkurtuar, atëherë dënimi sipas vendimit, konvertohet në 3 vite shërbim prove. Po ashtu zotit Tahiri i ndalohet të ushtrojë funksione publike po për të njejtën periudhë.

Prokuroria kërkoi javën e shkuar dënimin prej 12 vitesh burgim, duke e akuzuar ish ministrin për të paktën tre vepra të rënda: Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal. Por gjykata i rrëzoi ato, duke vlerësuar se nuk kishte prova që të mbështesnin këto akuza, por se megjithatë, ishin sipas saj të mjaftueshme për ta dënuar zotin Tahiri për shpërdorim detyre.

Ish ministri i Brendshëm u vu nën hetim nëntorin e vitit 2017, nën dyshimet se kishte lidhje me grupin e vëllezërve Habilaj, kushërinj të tij, të cilët ishin pjesë e një organizate italo-shqiptare e cila trafikonte marijuanë nga Shqipëria drejt Italisë. Hetimet nisën pasi autoritetet italiane goditën këtë organizatë në Catania, ndërsa në përgjimet e kryera, emri i zotit Tahiri përmendej disa herë në bisedat mes trafikantëve.

Prokuroria kërkoi me urgjencë arrestimin e zotit Tahiri, por shumica e majtë, refuzoi kërkesën duke pretenduar se ajo nuk kishte paraqitur asnjë prove. Në maj të vitit të kaluar zoti Tahiri dha dorëheqjen nga mandati i deputetit. Menjëherë më pas prokuroria kërkoi sërish arrestimin e tij. Zoti Tahiri kaloi një periudhë të shkurtër në arrest shtëpie, derisa më pas Gjykata e Apelit lejoi hetimin e tij në gjendje të lirë, hetim i cili u mbyll shkurtin e kaluar.

Si zoti Tahiri dhe avokati i tij kanë këmbëngulur në pafajësi duke u shprehur se prokuroria dështoi të ofronte një provë konkrete në mbështetje të akuzave të ngritura. Ndërsa pas vendimit të gjykatës zoti Tahiri u shpreh i habitur. “Për 2 vjet u hetova si pjesë e një grupi kriminal që kam bërë trafik droge, sot gjykata thotë se meqë kushërinjtë kanë përdorur emrin tim, paskam shpërdoruar detyrën. Jam pa fjalë se Gjykata më quan përgjegjës se disa kushërinj të mi përdorën emrin tim”, tha zoti Tahiri jo pa ironi, duke njoftuar se ai do ta ankimojë në Gjykatën e Apelit, vendimin e mbrëmjes së sotme.

Pak pasi Gjykata u shpreh për ish ministrin e Brendshëm, reagoi dhe kryetari i Partisë Demokratike Lulzim Basha: “Vendimi i turpshëm për të mos bërë drejtësi për krahun e djathtë të Edi Ramës, që e mbushi Shqipërinë me drogë dhe e shndërroi atë në njollën e zezë të krimit në Europë, provon se drejtësia në Shqipëri është peng i Edi Ramës, dhe Edi Rama është peng i krimit”, shkroi zoti Bashan ë një status në Facebook, duke htuar se “vendimi i sotëm konfirmon se Edi Rama bëri gjithçka për ta mbrojtur Saimir Tahirin, sepse Saimir Tahiri e mban peng Ramën me dosjet e korrupsionit dhe të lidhjeve të tij me krimin”.

Ndërsa për ish ministrin e Brendshëm mund të flitet për një “fitore si e Pirros”, vendimi ishte një shuplakë për Prokurorinë e Krimeve të Rënda, e cila pas gati një vit e gjysëm hetimesh, nuk mundi, sipas vlerësimit të vetë gjykatës, të mbështeste në prova akuzat e rënda që ajo ngriti ndaj zotit Tahiri.

LEXO TE PLOTE

Kronika

Vendimi për Tahirin/ Reagon ambasada e SHBA

Publikuar

-

Nga

Ambasada e SHBA në Tiranë ka reaguar pas vendimit të djeshëm të Gjykatës për Krimet e Rënda, e cila dënoi me 5 vite burg Saimir Tahirin, por që konvertohet në 3.4 shërbim prove.

Në një postim në faqen zyrtare në rrjetet sociale, Ambasada e SHBA e cilëson vendimin për Tahirin, si fillimin e fundit të pandëshkueshmërisë për personat me lidhje të forta.

“Vendimi i djeshëm kundër ish Ministrit të Brendshëm Saimir Tahiri demonstron pavarësinë në rritje të gjyqësorit dhe fillimin e fundit të pandëshkueshmërisë për personat me lidhje të forta. Ndërkohë që dënimi i zotit Tahiri për akuzën e shpërdorimit të detyrës sinjalizon një hap të rëndësishëm përpara, dënimi është shkurajues, duke pasur parasysh se sa të rënda ishin akuzat. Ata që shpërdorojnë besimin publik dhe shkelin ligjin duhet të përballen me pasoja domethënëse. Shtetet e Bashkuara do të vazhdojnë të mbeten partnerë të Shqipërisë, në mbështetje të përparimit të mëtejshëm të reformës në drejtësi, transparencës dhe qeverisjes së mirë.”-thuhet në mesazh.

LEXO TE PLOTE