Connect with Us

Shënim/ Ilir Meta zbulon tradhëtinë e Monës

Opinione

Shënim/ Ilir Meta zbulon tradhëtinë e Monës

Publikuar

-

Presidenti Ilir Meta doli sot në një konferëncë për mediat, ku iu është përgjigj interesit të gazetarëve, pas takimit që pati me delegacionin e Komisionit të Venecias.

Gjatë fjalës së tij kreu i shteti nuk i ka kursyer ironitë ndaj kryeministrit Edi Rama, ku me tallje tha se do ti japë dekoratën e “Urdhërit të Skënderbeut”, vetëm që me 18 tetor Shqipëria të marrë hapjen së negociatave me BE-në.

Po në ironi e sipër ai ka thënë se Bashës nuk do ti japë dekoratë, pasi ka braktisur institucionet, kurse Monikës nuk do t’ia japë sepse i kish dhënë besën Lulit.

LEXO EDHE:  Vasili thumbon Ramën/ “S’ke faj ti! Fajin e kanë ata që të tregojnë preshin”

Një pyetje lind natyrshëm: Po ky Presidenti ynë, si e lejoi gruan e vet ti japë besën një mashtruesi, një njeriu që gënjen edhe për orën, siç ka thënë publikisht vetë Presidenti ynë i nderuar!?

Kujtojmë këtu që Ilir Meta në një dalje televizive të dy viteve më parë deklaroi se Lulzim Basha nuk duhej konsideruar sepse gënjente kur e pyesje dhe për orën, çka don të thotë se ishte një mashtrues ordiner.

Po kaq poshtë ka rënë Presidenti ynë sa dhe gruan, me të cilën ndan çdo natë të njejtin krevat, e lejon ti japë besën një mashtruesi?!/CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Lëreni Ramën në cirkun e tij të radhës

Publikuar

-

Nga

Janë të shumtë ata që mendojnë se tërmeti i 26 nëntorit ra si një goditje fati për Edi Ramën. Kryeministri, i mbërthyer nga monotonia dhe pasiviteti, pa asnjë rezultat në qeverisje përveç projekteve 3D, që nuk kapërcejnë kurrë ekranin e kompjuterit, me një krizë politike që e ka gozhduar ekonominë e vendit, me një qeveri që del në punë për të mos punuar, me mbetjen në klasë në procesin e integrimit, me një listë kushtesh nga ndërkombëtarët, ku përfishet edhe dënimi i zyrtarëve të lidhur me krimin dhe që kanë vënë dorë mbi zgjedhjet, pra një kryeministër me bilancin më të errët në 30 vite pluralizëm, të cilit papritur iu dha një mundësi për t’u rishfaqur në skenë si lideri që ka në dorë fatin e shqiptarëve.

Në fakt, tërmeti erdhi si një shkarkesë elektrike për të zgjuar nga letargjia e dembelizmit dhe premtimeve boshe, kryeministrin e mplakur nga pafuqia për të qeverisur. Që në orët e para të mëngjesit, ai la përkujdesjet për mjekrën për të rrëmbyer mundësinë unikale të një protagonizmi pa kufi. Adrenalina e situatës e ka bërë të zgjohet që pa gdhirë dhe të mbajë mbledhje qeverie që në orën shtatë. Pastaj të dalë nëpër zonat e dëmtuara për t’u ofruar cirkun shëtitës viktimave të tërmetit, që përcillet live hap pas hapi në çdo ekran që mundet.

Ai përsërit pa kurrfarë vetëpërmbajtje se po të kishte ikur nga detyra, shqiptarët do t’i kishte marrë lumi. Se ai dhe vetëm ai, do t’u japë shtëpi të gjithë të dëmtuarve; se ai dhe vetëm ai ka fuqinë (ndonjëherë e përafron si rastësisht me atë të Zotit) të garantojë të ardhmen e tyre.

Eshtë e vërtetë se pikërisht në një kohë krize të plotë, tërmeti duket sikur i dha Edi Ramës, nga dështimi i qartë, një mundësi të re për të premtuar, për të marrë përsipër një projekt, pa dhënë llogari për të tjerat që mbetën veç në letër. Këtë rast për të rinovuar veten kryeministri e kapi në ajër. Ai fshiu nga daljet publike çdo figurë tjetër që mund t’i bënte hije në protagonizëm. Në qendër është ai dhe vetëm ai. Madje dhe reputacionin e Erjon Velisë, kur një fëmijë i pafajshëm e ngatërroi me të, e eleminoi me një të rënë me furçë me bojë.

LEXO EDHE:  Vasili thumbon Ramën/ “S’ke faj ti! Fajin e kanë ata që të tregojnë preshin”

LEXO EDHE:  Gaboi rëndë në marrëveshjen me Ramën/ Opozita e pakënaqur me Bashën

E goditur nga performancat shpesh të çartura të kryeministrit (u flet qenve, ngre në ajër fëmijë të traumatizuar nga tërmeti, u nxjerr gishtin e mesit të rinjve që e kundërshtojnë, lëshon pasthirrma të çuditshme apo përdor të sëmurë mentalë për të bërë gallatë) një pjesë e opinionit publik po shpreh pakanqësi ndaj opozitës që nuk po përpiqet t’i vërë fre këtij populizmi pa cak të Edi Ramës. Edhe kjo gjë shihet si një lloj triumfi i protagonizmit të kryeministrit.

Dhe po t’u shtosh këtyre elementëve edhe thashethemet për sondazhe që nuk ndalen së rrituri në preferenca për Ramën, ngjan vërtet se tërmeti erdhi si një bekim për një kryeministër të dorëzuar në pafuqinë e tij.

E megjithatë, ky fenomen i rizgjimit të Edi Ramës, nuk do të zgjasë më shumë se sa populizmat e tjera të tij. Shumë shpejt do të shkojë koha e cirkut dhe do të vijë ajo e menaxhimit, ku ai di të shkëlqejë me paaftësinë personale dhe abuzimin e organizatës që përfaqëson. Do trokasë ora e punëve konkrete dhe jo e dialogut me qentë e Kasharit. Do kërkohen bilance dhe rezultate konkrete, të cilat një njeri që nuk arriti t’i ketë në 6 vjet nuk mund t’i prodhojë në 6 muaj. Populizmi, shfaqjet teatrale me legalizimet, premtimet për rilindje urbane apo përbetimet se në kto vjet u bë shtet sa në 26 vite bashkë, janë shkërrmoqur si betoni i Durrësit. Edi Rama nuk mund të rishpikë një fabul të re për sa kohë që po shfaqet i njëjti edhe përgjatë kësaj krize humanitare që po kalon vendi.

Prandaj kryeministri duhet lënë ta çojë deri në fund edhe shfaqjen e radhës. Përballë tij, opozita ka mundësinë të krijojë diferencën edhe pa bërë gjë fare. Mjafton të jetë normale. Nën bomardimin e sëmurë mediatik të Edi Ramës ajo që bie më shumë në sy është nevoja për të patur politikanë normalë. Që nuk takojnë Ronaldon dhe as “vdesin” për gratë e Laçit, por që sillen si njerëz seriozë për përgjegjësitë e tyre. Tërmeti e shkundi vërtetë Edi Ramën, por mund t’i ketë shkundur edhe shqiptarët për të kuptuar më në fund se cirku i fjalëve dhe i batutave i ka sjellë sot në gjendjen ku janë./lapsi.al

LEXO TE PLOTE

Opinione

Nga Mentor Kikia/ Këta që u varin salçiçet në qafë të varfërve për të bërë fotografi…

Publikuar

-

Nga

Një diskutim në “Opinion”, ose më saktë mënyra e komunikimit mes drejtuesve të dy fondacioneve bamirëse, ishte gati i pështirë. Asgjë më shumë; ishte një lloj gare për vëmendje dhe protagonizëm: Kush ka bërë më shumë për shqiptarët e varfër?

Me këtë rast, doja të ndalesha në një fenomen që po e degjeneron edhe humanizmin si virtut njerëzor.

Së pari: A janë bamirës këto dhe te tjera fondacione? Unë them që jo.
Sepse drejtuesit e tyre nuk kanë dhuruar asgjë nga vetja. Këta janë vetëm menaxherë të ndihmave që japin të tjerët. Fondacione të drejtuara si të ishin kompani private, ato janë shndërruar gati-gati në biznese që “shesin” bamirësinë e të tjerëve. Ato kanë krijuar infrastruktura si të ishin kompani të mëdha tregtare, dhe padyshim që nuk i japin askujt llogari për mënyrën e menaxhimit të këtij humanizmi që u vetëofrohet si mëshirë për mjerimin. Te jemi te qarte: Nuk kam fijen e dyshimit per abuzim ne aspektin financiar apo material.

Përtej kësaj, etja për mediatizimin, e ka bërë bamirësinë në Shqipëri të pështirë. Djem e vajza me qese me ushqime në duar vihen në rresht për të hyrë në shtëpinë e njerëzve të mundur nga mjerimi. Foto e filmime pa fund. Qeset me oriz e miell iu plasen në prehër të varfërve, ndërsa salçiçet ua varin në qafë, për tu bërë fotografi. Fëmijë të paushqyer e të zhveshur vihen në rresht për të bërë foto me shpëtimtarin, bamirësin e madh.

LEXO EDHE:  Demokratët “rikthejnë” Sokol Olldashin/ Çfarë bëri korçarja në fletën e votimit

LEXO EDHE:  Gazetari ironizon Ramën, Thacin, Berishën, Haradinajn, Bashën dhe Metën

I filmojnë mbarë e prapë. Kujdesen të fiksohet çdo rraqe e shtëpisë, çdo këmbë e zbathur, çdo bluzë e shqyer, çdo pjatë dhe tenxhere e palarë dhe e zbrazur… Përse? Cili është qëllimi? Që të tregohet se janë të varfër? Nuk ka nevojë për kaq shumë detaje.

Mjerimi të shvesh nga çdo lloj ndjeje njerëzore, të bën të ulësh kokën e të thuash vetëm “faleminderit”. Por jo deri këtu!
Nuk jam kunder bamiresise. Jam kunder dhunimit te te drejtave te femijeve dhe denigrimit te dinjitetit njerezor.

Ne te njejten menyre sillen edhe politikanet e pushtetaret, ndersa shperndajne batanije e çokollata.
Etja për protagonizëm, për heroizëm dhe shenjtëri bën që njerezve të varfër tu merret çdo lloj dinjiteti. Mendoni pak, pas disa vitesh kur ai fëmijë të rritet e të shkojë në shkollë, në rrjetet sociale do të jenë akoma videot kur atij i dhurohet një copë bukë në dorë dhe kur i duhet të bëjë si i lumtur kur të dalë në fotografi me atë “xhaxhin” që ia dhuroi.

Nuk ka nevojë tia varësh trastën e ushqimeve të dhuruara në qafë e tia tregosh gjithë botës. Bamirësia nuk bëhet për famë, por për shpirt.

LEXO TE PLOTE

Opinione

Nga Ylli Manjani/ “Kurban”, të akuzosh dikë tjetër për ato që bën vetë…

Publikuar

-

Nga

Scapegoat, dmth të akuzosh dikë tjetër për ato që bën vetë.

Në shqip fjala e përafërt është Kurban.

Psh, kur e akuzojnë se po fut në treg kompani ruse me lidhje të forta politike, “fajtor” del Lulzim Basha se medemek paska pranuar donacione Ruse.

Kapet me prova në Amerikë si kontribues i paligjshëm (gruaja e Bilalit) në fushatën elektorale të Obamës, por fajin e ka opozita që lidh kontrata lobbimi dhe madje paska fallsifikuar vulën e partisë. 😀😀

Kur e akuzojnë se kanabizoi vendin, “fajtor” shpallet Berisha, opozita dhe Lazarati.

I thonë që ka shkërmoqur Kusjtetutën dhe Institucionet e shtetit, “fajtor” shpallet Ilir Meta.

Godet ashpër mendimin dhe fjalën e lirë, por “fajin” e ka gjithmonë ai që flet.

Kapet në flagrancë duke drejtuar operacionin e vjedhjes së votave, “fajtor” shpallet BILD në bashkëpunim me Basir Çollakun e ndonjë prokuror…

Kapet ngushtë kur i dalin pislleqet e drogës, por “fajin” e ka Sajmiri dhe Fatmiri.

LEXO EDHE:  Foto-Skandal/Rama përjashtohet nga fotoja familjare e samitit, ja arsyeja

LEXO EDHE:  Lulzim Basha i tensionuar në "Opinion"

Ministri i Brendshëm e çon në qeli me dorën e tij të vëllanë, por “fajin” e ka Salianji.

U kap gafil me tërmetet e vjeshtë-dimrit, por “fajin” e kanë mediat, facebook-sat dhe, sigurisht qentë.

Bie tërmet, por “fajin” e ka Ilir Meta.

Njerëzit i ankohen se u janë çarë muret, por “fajin” e ka madje edhe vetë Erioni që nuk e ka lyer shkallën vetë me dorën e tij.

I sulmon shumë ashpër prokurorët e gjykatësit i quan KÇK dhe bën dhe ligje për ti sunduar me policë, por prap “fajin” e ka Lulzim Basha.

Ka pa fund raste të tilla që tregojnë se si Kryeministri mbrohet duke sulmuar të tjerët. Sigmud Freud e pikasi këtë taktikë mbrojtje tek pacientët e tij…

Vetëm Ai ska faj! Duket e vështirë që ta marrë atë gisht, të cilin ua nxori njerëzve, tja vërë kokës së vet.

Kurbani është libri më famëkeq e më i palexuar që po përjeton vendi.

LEXO TE PLOTE