“Një akt që nuk prodhon pasoja nuk gjykohet!” Kështu u shpreh ish ministri dhe themeluesi i Partisë Demokratike, Arben Imami teksa ka komentuar raportin e Komisionit të Venecias dhe nismën e mazhorancës  për shkarkimin e Presidentit Meta.

“Opinioni i Venecias është i rëndësishëm, për shkak se aty janë celebritete të së drejtës Europiane.

Sigurisht dhe atyre u ushtrohet presion politik, e rrumbullakosin ndonjëherë gjuhën, por kanë mbajtur një qëndrim serioz.

Unë them që akti i Presidentit nuk ka dhënë asnjë pasojë. Shkarkimi i një presidenti don arsye shumë të forta. Për mua nuk ka pikë rëndësie është apo jo dekreti i Presidenti në përputhje me Kushtetutën.

Është një akt që nuk ka dhënë pasoja në politike, dhe duke qenëse ka argument që mund të ketë kapërcyer, edhe këtë e vendos Gjykata Kushtetuese, atëherë çdo përpjeke në ketë drejtim nuk është e mençur, dhe e mirë për stabilitetin e vendit.

Një akt që nuk prodhon pasoja nuk gjykohet”, theksoi Imami./CNA.al

Ish ministri dhe themeluesi i Partisë Demokratike, Arben Imami ka folur për situatën politike në vend  dhe  çeljen e negociatave për Shqipërinë.

I ftuar në studion e “Mbrëmja në ABC”, Imami u shpreh se megjithëse jemi në një situatë presioni dhe nevoje për të na patur brenda bllokut, Shqipëria nuk e merr dot.

“Dështimi i Shqipërisë për të marrë negociatat, është dështim i Partisë Socialiste dhe kryetarit të saj për të disatën herë.

Sivjet ka një shans, jo për shkak të Shqipërisë, por sepse SHBA janë shumë të intesuara që të ketë një stabilitet në rajon, dhe kjo e bën të domosdoshme futjen e Shqipërisë.

Megjithatë ende ka vende skeptike, jo ndaj Evropës së Madhe por ndaj Shqipërisë. Nuk realizohet sepse deficensat e brendshme këtu janë aq të mëdha.

Jemi në këtë situatë që me gjithë presioni edhe nevojën për të na pasur, Shqiperia nuk e merr dot për shkak të tre-katër vendeve.”

I pyetur nëse opozita ka ndonjë përgjegjësi, për shkak të djegies së madateve, çka solli dhe këtë situatë politike në vend, Imami u shpreh se opozita nuk ka ndikuar, sepse nuk mund të ndikojë nga pozicioni që vullnetarisht ka marrë.

“Opozita nuk ka asnjë lidhje me këtë çështje sepse nuk është në vendin ku duhet të ishte opozita. Pra nuk është parlamentare dhe nuk mund të ndikojë nga pozicioni që vullnetarisht ka marrë. Opozita duhet të ishte kontroll.”, theksoi Imami/ CNA.al

 

Avokati i njohur Altin Goxhaj ka reaguar pas sulmeve të fundit turke kundër Sirisë. Goxhaj shprehet se është totalisht kundër ndikimit turk dhe erdoganizmit në Ballkan, mirëpo e mbështet përpjekjen e Turqisë për të mbrojtur kufijtë e saj kundër Sirisë në këtë rast.

“PSE JAM KUNDËR NEOTOMANIZMIT NË BALLKAN POR PRO TË DREJTËS SË TURQISË TË MBROJË KUFIJTË DHE INTERESAT E VETA! Dhe cilët janë hipokritët më të mëdhenj..

Unë jam totalisht dhe absolutisht kundër ndikimit neotoman dhe erdoganizmit në Ballkan por Turqia ka të drejtë të mbrojë kufijtë dhe interesat e saj nga rreziku që i vjen nga Siria!

Unë jam pro Turqisë në këtë rast!

Natyrisht që ka dhe viktima ka se nuk ka luftë pa viktima! Viktima civile dhe të pafajshme pati edhe në Afganistan kur ndërhyri Koalicioni i drejtuar nga SHBA përfshi edhe Turqinë dhe Shqipërinë! Po ashtu pati viktima civile të pafajshme edhe kur ndërhyri Koalicioni i drejtuar nga SHBA u mori pjesë edhe Shqipëria! Por po ashtu pati viktima civile shqiptare të Kosovës kur ndërhyri NATO në ishJugosllavi për të çliruar Kosovën!

Ndaj është hipokrizi tipike nga liberalët e Sorosit që ulërasin kundër Trump pse tërhoqi trupat amerikane nga Siria duke mos penguar forcat Turke anëtare të NATOs dhe aleat të SHBA që të mbrojnë interesat kombëtare të Turqisë!

Por hipokrizia e hipokrizive është neotomanistëve gjakprishur të Tiranës dhe Kosovës që e duan Shqipërinë dhe Kosovën si vilajete të Stambollit që deri dje mbushnin facebookun me hashtage dhe slogane “Pray for Palestina”, “Pray for Syria”, pray për këtë e pray për atë dhe sot heshtin për viktimat civile në Irak sepse ato i shkakton Padishahu i tyre!!! Ncncncncncccc

E mira e ndërhyrjes së Erdoganit është edhe sa do zbresë temperatura e pray-ve hipokrite të hipokritëve të Erdoganit në Shqipëri, Kosovë, Maqedoni dhe trojet shqiptare në Serbi për ca kohë 🙂 “Do na gjejnë qetësi veshët për pak kohë”