Connect with Us

Isuf Kalo tregon si u bë mjek personal i Enver Hoxhës

Sociale

Isuf Kalo tregon si u bë mjek personal i Enver Hoxhës

Publikuar

-

Mjeku Isuf Kalo, i rikthyer në vëmendje të opinionit pas një harrese disa dekadëshe nga rrënia e regjimit diktatorial, me botimin e librit “Blloku”, është i ftuar i vetëm në emisionin “Opinion”, ku krahas episodeve të publikuara po flet dhe për jetën e tij, e marëdhëniet me ish diktatorin Enver Hoxha, mjek personal i të cilit ka qenë.

“Në klinikën speciale për një kohë të gjatë nuk ka pasur mjekë personal. Për Enver Hoxhën, në të vërtetë, është kujdesur fillimisht Ibrahim Dervishi, pastaj një doktor Shameti i cili çuditërisht u arratis në Çeki, më pas Fjezi Hoxha është marrë shumë. Ky që u arratis ishte drejtor i klinikës speciale dhe u arratis nga vitet ’60 kur ne u prishëm me kampin socialist. Ai kishte të dashurën e tij në Çeki dhe simuloi një situatë sikur do shkonte për kurim, e prej andej iku. Dhe nuk u përzje më në politikë, e bëri për arsye personale. Nuk tha asgjë për Enver Hoxhën, ai mori një shumë parash që nuk i ktheu më.

Unë me Enverin kam patur raport mjek-pacient. Në vitet ’70-’73 u caktova mjek personal për Hysni Kapon që vuante nga diabeti. Hysni Kapo, me iniciativën e tij, nuk ka qenë kërkesa e Enverit, i propozoi Enverit që unë të kaloja tek ai.  Hysni Kapo më thirri në shtëpi dhe më tha që Partia të ka caktuar një detyrë të rëndësishme të kujdesesh për Enverin dhe tha nëse e bën mirë detyrën partia dhe populli nuk do të harrojë kurrë”, tregoi Isuf Kalo./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Sociale

Manastirliu në Fier/ Nis rehabilitimi i Pediatrisë, shërbim me standarde për 40 mijë fëmijë

Publikuar

-

Nga

Nis rehabilitimi i Pediatrisë në spitalin rajonal të Fierit. Ministrja e Shëndetësisë dhe Mbrojtjes Sociale Ogerta Manastirliu inspektoi paraditen e sotme punimet për rindërtimin me themel të Pediatrisë së Fierit.

“Vëmendja e qeverisë është tek përmirësimi i shërbimit për fëmijët, afër vendbanimit. Jam e kënaqur që rikthehem në spitalin e Fierit, investimin më të ri në këtë spital rajonal që do të transformojë shërbimin për rreth 40 mijë fëmijë në vit”, tha Manastirliu.

Me një kapacitet prej 99 shtretërish, Pediatria e Fierit që pret rreth 100 urgjenca në ditë, do të jetë plotësisht e rehabilituar brenda muajit Janar. Investimi parashikon rikonstruksionin e të gjithë godinës ku ofrohen shërbimet e pediatrisë së përgjithshme, pediatrisë infektive, reanimacionit të pediatrisë dhe urgjencës pediatrike.

Manastirliu deklaroi nga Fieri se shumë shpejt do të nisë investimi për rehabilitimin e Pediatrisë së Tiranës. Sapo ka përfunduar investimi në Pediatrinë e Beratit, vijon puna për rehabilitimin e Pediatrisë së Durrësit dhe shumë shpejt nisin punimet për rindërtimin dhe zgjerimin e Pediatrisë së Tiranës, një investim strategjik me vlerë 9 milion euro.

E pyetur për shërbimin e mamografisë, Manastirliu deklaroi se aktualisht në qytetin e Fierit po ofrohet shërbimi i mamografisë nëpërmjet mamografit të lëvizshëm, ndërsa shumë shpejt spitali rajonal i Fierit do të pajiset me mamografi stacionare.

LEXO TE PLOTE

Sociale

Studentët e Drejtësisë përfundojnë tek Liceu/ Detajet që u mbajtën larg mediave pas tërmetit

Publikuar

-

Nga

Që prej datës 21 shtator Universiteti i Drejtësisë ka dalë jashtë funksionit, pas tërmetit që shkundi vendin.

CNA.al ka mësuar se studentët e këtij universiteti, këtë vit akademik e kanë filluar jashtë auditoreve të kësaj godine.
Si pasojë e tërmetit, muret e klasave kanë pësuar dëmtime të mëdha duke bërë kështu që të mos funksionojnë për dhënien e lëksioneve.

Që prej ditës së hënë kur filloi viti i ri akademik, studentëve të Drejtësisë nuk i lejohet të hyjnë në klasat e këtij universiteti pasi ka rrezik.

Ndërkohë mësimi zhvillohet në ambientet e Liceut artistik. Studentët janë të detyruar të shkojnë të ndjekin leksionet tek Liceu pasi universiteti i tyre nuk është i sigurt.

Kjo situatë mesa duket është mbajtur e fshehtë dhe larg syrit të mediave. Deri tani nuk është marrë asnjë masë ndërkohë që klasat qendrojnë të kyçura dhe para tyre është vendosur shiriti “Ndalohet hyrja”.

Kujtojmë se pas tërmetit edhe gjendja tek Fakulteti i Gjeologji-Minierave ishte alarmante pasi godina pësoi dëme të parikuperueshme nga lëkundjet./CNA.al

LEXO TE PLOTE

Sociale

Shtypi i ditës, 18 tetor 2019

Publikuar

-

Nga

Këto janë disa prej titujve kryesorë të shtypit të shkruar për ditën e sotme, datë 18 tetor 2019:

“Gazeta Shqiptare” hapet me titullin “Negociatat, Rama: Nuk ka zgjedhje të parakohshme”, ndërsa një tjetër titull vijon “Droga në shtëpi, Marsida Qatja rrezikon burgun”.

“Koha Jonë” hapet me titullin “Presidentja e KE: Sinjale negative për negociatat”, ndërsa një tjetër titull vijon “Haradinaj: Ndalova grabitjen 10 miliardë euro. Thaçi, Rama, Vuçiç bashkëpunëtorë”.

“Panorama” hapet me titullin “Ligji i ri për shtëpitë që nuk do legalizohen”, ndërsa një tjetër titull vijon “Rrëfimet për drogën dhe vrasjen në Kavajë. Gjykata i mbyll gojën Marsidës: Ndalohet të flasë në media”.

“Shekulli” ka si titull kryesor “Korporata e investimeve, miratohet “Streha e re e oligarkëve”, ndërsa një tjetër titull vijon “Zhgënjim, sot nuk ka shenja për zgjerimin e BE-së”.

LEXO TE PLOTE