Mëngjesin e sotëm, IKMT ka nisur shembjen e shtatë ndërtesave në Laç, të cilat pas tërmetit të 26 nëntorit u vlerësuan si të pabanueshme.

Pas shembjes së këtyre ndërtesave, kreu i qeverisë Edi Rama ka deklaruar se në Laç do të ngrihet një lagje e re.

Kujtojmë këtu se tërmeti tragjik i 26 nëntorit la pas një situatë katastrofike, me 51 viktima, qindra të plagosur dhe mijëra të pastrehë./ CNA.al

Një i ri nga Libohova, në rrethin e Gjirokastrës, është zhdukur në rrethana misterioze prej më shumë se një jave dhe nuk ka asnjë gjurmë mbi vendndodhjen e tij.

Sipas BW, banorët e zonës tregojnë se hera e fundit kur është parë i riu ka qenë tetë ditë më parë, duke hipur në një makinë në fshatin Sofratikë, Dropull. Humbja e të riut është denoncuar në polici, por deri më tani nuk ka asnjë informacion.

17-vjeçari punonte si bari në fshatrat e Dropullit. Policia e Gjirokastrës e ka shpallur në kërkim. I riu vuan nga probleme të shëndetit mendor.

Mëngjesin e sotëm, Prokurori i Përgjithshëm, Olsian Çela ka zhvilluar një vizitë te Prokuroria e Krimeve të Rënda, e cila do të shkruhet pas krijimit të SPAK-ut.

Ndërsa tashmë ka filluar transferimi i dosjeve te SPAK-u,  Çela vlerësoi punën e prokurorisë së Krimeve të Rënda, ku shërbeu për 17 vite.

Çela i cilësoi Krimet e Rënda si një prokurori suksesi, që ndryshoi imazhin e vendit dhe rriti besimin me partneret e huaj përsa i përket hetimit të krimit të organizuar.

“Rezultatet e prokurorisë së Krimeve të Rënda sollën qëndrimin pozitiv të ndërkombëtarëve në raport me qasjen e tyre për futjen e Shqipërisë në NATO dhe organizma të tjera të BE”- tha Çela.

Çela falenderoi të gjithë prokurorët që shërbyen në këtë prokurori dhe u uroi suksese atyre që do jenë pjesë e SPAK-ut, raporton gazetari i Shqiptarja.com Elton Qyno.

Pas marrjes së detyrës së Prokurorit të Përgjithshëm, Olsian Çela firmosi udhëzimin e parë që u kërkon prokurorëve të Krimeve të Rënda si dhe të prokurorëve të juridiksionit të përgjithshëm për të identifikuar, inventarizuar dhe transferuar dosjet, sipas kompetencës, në Prokurorinë e Posaçme, SPAK.