Connect with Us

Çështja Tahiri provë e drejtësisë së reformuar

Kronika

Çështja Tahiri provë e drejtësisë së reformuar

Publikuar

-

Saimir Tahiri tek Krimet e Renda

Gjykata e Krimeve të Rënda e shtyu për në 19 shtator vijimin e procesit gjyqësor për rastin Saimir Tahiri, ish-ministrit të Brendshëm. Rifillimi i gjyqit të martën bëri publike përfundimin e hetimeve dhe pretencën e prokurorëve: 12 vjet burg për Tahirin, të akuzuar për veprën penale të bashkëpunimit me një grup kriminal në trafikimin e lëndëve narkotike drejt Italisë, në periudhën 2013-2015, kur ai ishte Ministër i Brendshëm në mandatin e parë qeverisës të kryeministrit Rama.

Dënimi apo dhënia e pafajësisë nga Gjykata shihet si test për Drejtësinë e reformuar  të Shqipërisë, si test i të bërit prej saj drejtësi dhe hedhjes poshtë të kompromiseve politike.

 Tahiri: kam besim tek drejtësia, jam i pafajshëm

Ish-ministri Tahiri tha të martën,  pas pretencës së akuzës, se ka besim tek drejtësia dhe kërkoi pafajësi. Ai tha se  e pret me padurim seancën e 19 shtatorit, pasi „ është i pafajshëm” dhe ndaj tij po bëhet „ një proces gjyqësor i stisur, i gënjeshtërt me akuza të pabazuara në prova”.

„ Ato që thotë Prokuroria shqiptare janë gënjeshtra dhe antimafia italiane i ka hedhur poshtë. Kam dhënë dorëheqje nga mandati i deputetit, që të përballem me drejtësinë si qytetar. Kam refuzuar t‘i përgjigjem akuzave të Prokurorisë duke shpresuar se e vërteta do dalë në dritë”, deklaroi Tahiti pas përfundimit të seancës.

 Ende në politikë ata që iu fshehën drejtësisë

Shpresë tek drejtësia dhe njëherazi sulm ndaj saj. Me këtë kombinim ish-ministri Tahiri mbrojti të martën qëndrimin e tij lidhur me akuzat e prokurorisë. “Në këtë vend ka deputetë që kanë vrarë njerëz dhe nuk kanë shkuar as në Prokurori, kurse unë kam dhënë dorëheqje si deputet. Ata që i fshehën drejtësisë, sot janë në politikë. Praktika ka treguar se sot i ke në krye ata që kanë akuza për vrasje njerëzish dhe për vjedhje stratosferike”, deklaroi Tahiri për gazetarët pas përfundimit të seancës por pa përmendur emra.

 Prokuroria hetime për lidershipin socialist?

Tahiri duket, se e ka vënë në vështirësi organin e akuzës që dha pretencën ndaj tij për 12 vjet burg, kur u ndal në domethënien e një përgjimi, që i përket vitit 2013 dhe fushatës së PS për zgjedhjet parlamentare të 2013, që sollën PS në pushtet.

“Nëse Prokuroria ka një përgjim, ku ministri i Brendshëm harxhon 20 milionë euro në fushatë, kur  kisha vetëm 1 muaj në detyrë ndërkohë dhe dy trafikantë bisedonin që ai merr 5 milionë euro apo harxhon 20 milionë euro në fushatë elektorale, nëse Prokuroria e merr seriozisht këtë përgjim duhet të bënte hatanë, nuk duhet të kursente njeri pa hetuar, duhet të kishte hapur hetim pas hetimi, ç’është ky njeri, kjo parti, këta njerëz që harxhokan 20 milionë euro në një fushatë elektorale”, tha Tahiri.

LEXO EDHE:  Shtyhen me tre muaj hetimet për Llallën/ "Rebelohet" ish-Kryeprokurori

 Drejtësi nga drejtësia

Procesi gjyqësor ndaj ish-inistrit të Brendshëm Tahiri është i pari në Shqipëri, që po zhvillohet nga drejtësia e reformuar, me gjykatës dhe prokurorë që kanë kaluar vettingun. Në këto rrethana, vendimin e  Gjykatës së Krimeve të Rënda nuk e pret me padurim vetëm ish-ministri i Brendshëm Tahiri por edhe qytetarët. Ata presin që drejtësia e reformuar të bëjë drejtësi, që Struktura e Posaçme Antikorrupsion (SPAK) të veprojë dhe përligjë pritshmëritë e tyre për drejtësi të pavarur nga politika, profesionale dhe të pakorruptueshme. Në pothuaj tri dekada pandëshkueshmëria e politikanëve të lartë erdhi dhe u betonizua në Shqipëri.

E shkuara, jo e largët, ofron raste flagrante të këtij realiteti. Ndër to më të spikaturat janë trazirat e vitit 1997, kur shembja e skemave piramidale e ҫoi vendin në prag të luftës civile, kur popullsia civile hapi depot e armëve dhe u armatos, kur  bandat kriminale lulëzuan. Por viti i mprapshtë 1997 ka mbetur, edhe sot e kësaj dite, në errësirën e kompromisit politik mes dy palëve. I kryer para 22 viteve, ai kompromis, rezultoi fatal: i hapi rrugën mbylljes për arësye proceduriale të  hetimeve për korrupsion dhe ” avullimin” e 230 milion eurove në projektin për ndërtimin e rrugës Durrës –Kukës në vitin 2010,  vrasjes së 4 qytetarëve, protestues të parmatosur në 21 janar 2011 apo kanabizimit të Shqipërisë pas shkatërrimit të fortesës së drogës në Lazarat, në 2014. Bërja drejtësi ndaj ish-ministrit të Brendshëm Tahiri, dënimi i tij me burg ose dhënia e pafajësisë  duhet të dëshmojë të jetë  fillimi i fundit të kompromiseve të tilla politike dhe i të bërit  drejtësi.

Qytetarët e Shqipërisë, BE dhe SHBA , që kanë investuar fonde të mëdha financiare dhe ekspertizë për kryerjen e reformës në Drejtësi presin ndëshkimin e ish-politikanëve të lartë në pothuaj tri dekada si edhe politikanëve të lartë apo atyre aktualë për korrupsion, abuzim me fonde publike apo akte kriminale./DW

KLIKO PER TE KOMENTUAR

Komentoni

Your email address will not be published. Required fields are marked *

Kronika

Ulje e aksidenteve me 12.8% dhe një shtator i përgjakshëm/ INSTAT publikon raportin

Publikuar

-

Nga

“12,8 % më pak aksidente rrugore në nëntëmujorin e 2019-tës, se sa një vit më parë”, kështu është shprehur në një raport të saj Instituti i Statistikave (INSTAT).

Sipas Istitutit në nëntëmujorin 2019, numërohen 1.136 aksidente rrugore nga 1.303 aksidente të ndodhura në nëntëmujorin e 2018, ku vetëm në muajin shtator 2019 numërohen 122 aksidente rrugore nga 156 aksidente të ndodhura në muajin shtator 2018, duke u ulur numrin e të aksidentuarve, përfshirë këtu të vrarët dhe të plagosurit, nga 218 në shtator 2018 në 152 në shtator 2019 ose 30,3 %.

Sipas INSTAT në nëntëmujorin 2019, në krahasim me nëntëmujorin e 2018, numri i të vdekurve nga aksidentet rrugore është 157 persona nga 152 persona. Ndërsa vetëm në muajin Shtator të këtij viti numri i të vdekurve nga aksidentet rrugore është 20 persona nga 9 persona të vdekur në Shtator 2018.

LEXO EDHE:  Vrasja e ish-komisarit Artan Cuku, hetimet marrin kthesë të papritur

LEXO EDHE:  Blofi i Krimeve të Rënda/ Saimir Tahiri gjunjëzon Prokurorinë

Numri i të aksidentuarve në nëntëmujorin e vitit 2019, rezulton 1.570 persona nga 1.765 persona, duke u ulur me 11,0 %, krahasuar me të njëjtën periudhë të vitit 2018.

Në muajin Shtator 2019, aksidentet rrugore, në 86,1 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25 –35 vjeç, duke zënë 32,0 % të numrit të aksidenteve gjithsej.

Aksidentet në këtë grup-moshë janë ulur me 13,3 %, krahasuar me të njëjtën periudhë të një viti më parë. Në nëntëmujorin 2019, aksidentet rrugore në 14,2 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur 38,3 %, krahasuar me një vit më parë./CNA.al

LEXO TE PLOTE

Kronika

Qarkullonte me armë nëpër qytet/ Arrestohet një person në Korçë

Publikuar

-

Nga

Shërbimet e Komisariatit të Policisë Korçë, në vijim të punës për rritjen e parametrave të sigurisë, bënë kapjen dhe arrestimin në flagrancë të shtetasit: R.B, banues në fshatin Koritë, (i dënuar më parë për veprat penale “Plagosja e rëndë me dashje” dhe “Vjedhja”).

Arrestimi i tij u bë pasi nga informacione të siguruara në rrugë policore, si edhe gjatë kontrollit fizik të ushtruar këtij shtetasi në lagjen nr.9 në Korçë, iu gjet dhe sekuestrua në cilësinë e provës materiale një armë e ftohtë (thikë) të cilën R.B, e posedonte pa leje.

LEXO EDHE:  Përmbytje dhe shkatërrime të pronave e bizneseve/ 4 prokurori nisin hetimet

LEXO EDHE:  Vrasja e ish-komisarit Artan Cuku, hetimet marrin kthesë të papritur

Materialet i kaluan Prokurorisë pranë Gjykatës së Shkallës së Parë Korçë për veprën penale “Prodhimi, mbajtja, blerja apo shitja pa leje e armëve të ftohta”.

LEXO TE PLOTE

Kronika

Detaje tronditëse nga vrasja në Shkodër/ 55-vjeçari u gjet i pajetë në mes të rrugës

Publikuar

-

Nga

Detaje tronditëse kanë dalë lidhur me vrasjen e sotme në Shkodër.
Mësohet se viktima Lazër Arraj, 55 vjeç është gjetur i pajetë, i qëlluar me armë në mes të rrugës.

Bëhet me dije se 55 vjeçari po transportonte prodhime bujqësore drejt Shkodrës në momentin kur u ekzekutua. Arraj ishte banues në fshatin Palaj.

Ndërkohë nuk dihet ende identiteti i autorit të vrasjes.
Policia ka mbërritur në vendngjarje dhe po punon për zbardhjen e plotë të rrethanave të vrasjes./CNA.al

LEXO TE PLOTE