Connect with Us

Pas sherrit në Asamble/ Prokurorët injorojnë Arta Markun

Kronika

Pas sherrit në Asamble/ Prokurorët injorojnë Arta Markun

Publikuar

-

kryeprokurorja arta marku

Kur ka kaluar më shumë se një javë nga thirrja e Prokurores së Përgjithshme të përkohshme Arta Marku, drejtuar prokurorëve, për të aplikuar për në KLP, nuk ka asnjë aplikim.

Me datë 2.09.2019, Prokuroria e Përgjithshme u ka bërë thirrje Prokurorëve të shkallës së parë që të paraqesin dokumentacionin për të aplikuar për në Këshillin e Lartë Prokurorial.

Konfirmimi vjen për CNA.al  nga Prokuroria e Përgjithshme, pas interesimit tonë,  nëse ka prokurorë që kanë shprehur interes për të qenë pjesë e KLP, por

Thirrja për aplikim, erdhi pas shkarkimit nga Vettingu të anëtarit të KLP -së dhe njëherësh prokurorit për Krime të Rënda Gentjan Osmani.

Por, prokurorët duket se e kanë injoruar thirrjen e Arta Markut, ndonëse kanë edhe një javë afat për të aplikuar.

Kujtojmë se në muajin Prill të këtij viti, kur po zgjidhje një tjetër anëtar i KLP-së për të plotësuar vakancën që u la nga anëtarja Antoneta Sevdari, Prokurorja e Përgjithshme e përkohshme është përfshirë në sherr me prokurorët.

Pas propozimt të Sokol Malajt, për të ndryshuar rregulloren e përzgjedhjes së anatërit të KLP, dhe kandidati të quhet fitues, nëse do të marrë 50 plus 1 votë, ka ardhur reagimi i çuditshëm i Arta Markut, reagim që një drejtues institucioni nuk duhej ta kishte.

Në vend që ta kundërshtonte me argumente prokurorin Malaj, Marku e ka kërcënuar se do ta nxirrte jashtë mbledhjes.

Më poshtë po sjellim debatin e plotë mes Arta Markut dhe Sokol Malajt.

Sokol Malaj: Mes 5, 7 dhe 8 kandidaturave të japësh një pëlqim për kandidaturat, ky është një parim i njohur. Prokurorja e Përgjithshme, tha që është në kundërshti me frymën e ligjit. Edhe dy kandidatët e tjerë që u betuan, Arben Dollapaj, Kosta Beluri, me Bujar Sheshin morën shumicën dërrmuese të votave. Morën nga 95% të votave. Unë çmoj që ta lemë propozimin me votë. Ne jemi asambleja.

Arta Marku: Gjej dispozitën ligjore, ku është dispozita ligjore. Zoti Malaj, ku parashikohet që të jetë 50 plus 1.

Malaj: Unë po ju them parimet demokratike.

Marku: Cilën e parashikon prokurori i Përgjithshëm, neni 14 i ligjit të qeverisjes vendore. Ne bëjmë propozim shtesë.

Malaj: Gjersa është lënë e drejta që kjo rregullore të ndryshohet, është vullnet i shumicës.

Marku: është propozim nga 1/10, por propozim në kundërshtim me ligjin nuk ka

Malaj: S’është në kundërshti me ligjin, lër të vendosin këta.

Marku: Do vazhdojmë me rendin e ditës, kush nuk do është i lirë të largohet. Bëhen ankimet në gjykatë.

Malaj: Ftoj prokurorët të ngrenë dorën kush është dakord.

Marku: Mbledhjen e drejtoj unë, uluni se do dilni jashtë…

Malaj: Unë bëj një propozim që duhet respektuar./CNA.al

“Ulu ose dil, këtu drejtoj unë”/ Arta Marku përplaset me prokurorët

KLIKO PER TE KOMENTUAR

Komentoni

Your email address will not be published. Required fields are marked *

Kronika

Shkëndija elektrike në Presidencë alarmon zjarrfikësit

Publikuar

-

Nga

Ka mjaftuar një njoftim për praninë e një shkëndije elektrike në katin e bodrumit të Presidencës për të alarmuar repartin zjarrfikës, forcat e të cilit janë vënë në lëvizje të menjëherëshme.

Ka qenë Garda e Republikës e cila me të konstatuar shkëndijën të kërkojë praninë e zjarrfikësve si masë paraprake për të parandaluar shpërthimin e një zjarr të mundshëm. Gjë që ka ndodhur brenda pak minutave, duke bërë të mundur rikthimin në pikën e nisjes brigadën e zjarrfikësve.

LEXO TE PLOTE

Kronika

Aksident i rendë në Korçë/ Kamioni përplaset me “Benz”-in

Publikuar

-

Nga

Një aksident i rendë ka ndodhur në aksin rugor Korçë-Kapshticë, pak më parë, ku një autmjet tip kamion është përplasur me një “Benz”. Si pasojë ka mbetur i plagosur rëndë një person.

Burimet nga vendi i ngjarjes konfirmojnë për CNA.al se aksidenti ka ndodhur në afërsi të fshatit Belorta. E lajmëruar policia ka shkuar ne vendin e ngjarjes, por ende nuk ka bërë të ditur shkaqet dhe rrethanat.

Njoftimi i policisë
Më datë 16.09.2019, në aksin rrugor Korçë-Devoll, në afërsi të fshatit Kuç i Zi, janë përplasur një mjet tip kamion me drejtues shtetasin O.H, me një mjet tip “Benz” me drejtues shtetasin K.N, i cili aktualisht ndodhet në Spitalin e Korçës, nën kujdesin e mjekëve.

Grupi hetimor po kryen veprimet e mëtejshme dhe po punon zbardhjen e rrethanave të ngjarjes./CNA.al

LEXO TE PLOTE

Kronika

Foto/ Përplasen tre makina te kthesa e Kamzës

Publikuar

-

Nga

Një aksident i trefishtë ka ndodhur pak minuta më parë në Tiranë tek kthesa e Kamzës.

Tre makinat, një “Ford”, një “Benz” dhe një “Fiat” janë përplasur me njëra-tjetrën.

Fatmirësisht nga aksidenti nuk ka të lënduar por vetëm dëmë material.

Për shkak të aksidenti është krijuar trafik i rënduar në rrugë, ndërkohë që në vendngjarje ndodhen edhe forcat e policisë./CNA.al

LEXO TE PLOTE