Vetingu
La të lirë mikun e Shullazit/ Si ka ndryshuar në 18 vite, pasuria e gjyqtarit të Apelit
Gjyqtari i Apelit, Genti Shala ka qenë pjesë e trupës gjykuese, e cila para pak ditëve liroi nga burgu, anëtarin e bandës së Shullazit, Gjergji Cukali.
Pas katër muajsh hetimesh u desh vendimi i Gjykatës së Apelit Tiranës për të lënë të lirë Cukalin, i cili ishte arrestuar si personi i dyshuar për vrasjen e ish-policit Arben Bilali.
Gjykata e Shkallës së parë, pati dhënë masën “arrest me burg”, por Apeli e zëvendësoi me masën “detyrim paraqitje”.
Lirimi i Cukalit nga Apeli ka ngritur një sërë dyshimesh, derisa as Gjyka e Lartë nuk funksionon.
Por, trupa gjykuese e përbërë nga Alaudin Malaj, Elbana Lluri dhe Gentian Shala ende nuk kanë dalë në Vetting dhe nëse kanë dhënë një vendim të ndikuar, gjithçka do të zbardhet në këtë proces.
Për të tre gjyqtarët ka nisur procesi i verifikimit, nga KPK, ndërsa CNA.al, përveç anës së tyre profesionale do të bëje publike pasurinë e tyre dhe do të raportojë hap pas hapi gjatë procesit të Vettingut.
Gjyqtari Gentjan Shala, deklaron si të ardhura, pagën e tij dhe të bashkëshortes.
Kujtojmë se Shala, në vitin 2007 është zgjedhur edhe anëtar i Komisionit të Zgjedhjeve.
Në deklaratën fillestare të vitit 2003 ai deklaron një apartament banimi me sipërfaqe 100 m2, ndërtuar para vitit ’90, privatizuar në vitin 1993 me vlerë 10 000 lekë dhe deri në vitin 2012 deklaron vetëm të ardhurat nga paga.
Ndërsa në vitin 2010 ai deklaron një tjetër apartament të përfituar nga privatizmi në Shkodër. Bëhet fjalë për një apartament banimi me sipërfaqe 100 m2, me vlerën 6 000 000 lekë.
Në vitin 2012 ai ka deklaruar një kontratë porosie për një apartament banimi me sipërfaqe 249 m2 me vlerë totale 99 600 euro, prej së cilës 24 600 euro janë paguar më 18.10.2012, 50 000 euro përfituar me kredi janë paguar më 20.12.2012 dhe 25 000 euro do të paguhen në momentin e dorëzimit të apartamentit, shkruan CNA.al.
Ndërsa në vitin 2017, ai deklaron se apartamentin në Shkodër, e përfituar nga privatizimi në vitin 2010 e ka shitur në në vlerën 52 000 euro.
Nëse shikojmë pasurinë e deklaruar prej tij dhe e krahasojmë me kolegët duket se gjyqtari Genti Shala është më i varfëri. Gjithsesi do të jetë Vettingu që do ta vërtetojë këtë.
Më poshtë po sjellim të detajuar pasurinë e deklaruar nga gjyqtari Gneti Shala.
Viti 2003
Ap.banimi me sip. 100 m2, ndërtuar para vitit ’90, privatizuar në vitin 1993 me vlerë 10 000 lekë.
Të ardhura nga paga vjetore si gjyqtar në Gjykatën e Rrethit Gjyqësor Shkodër, në shumën 900 000 lekë bruto.
Babai, të ardhura nga pensioni i pleqërisë, në shumën 160 000 lekë.
Nëna, të ardhura nga pensioni i pleqërisë, në shumën 100 000 lekë.
Viti 2004
Të ardhura nga paga në shumën 590 216 lekë.
Para Cash në vlerën 300 000 lekë.
Viti 2005
Të ardhura nga paga në shumën 1 135 204 lekë.
Para Cash në vlerën 600 000 lekë.
Viti 2006
Të ardhura nga paga në shumën 1 352 400 lekë.
Bashkëshortja, të ardhura nga paga në shumën 135 000 lekë.
Viti 2007
Të ardhura nga paga në shumën 1 954 200 lekë.
Dieta në vlerën 586 620 lekë.
Para Cash në vlerën 1 000 000 lekë.
Viti 2008
Të ardhura nga paga në shumën 130 000 lekë.
Viti 2009
Të ardhura nga paga në shumën 1 560 000 lekë.
Dieta në vlerën 400 000 lekë.
Para Cash në vlerën +500 000 lekë.
Viti 2010
Të ardhura nga paga në shumën 1 140 000 lekë.
Të ardhura nga paga si ish anëtar i KQZ në shumën 35 000 lekë.
Bashkëshortja, të ardhura nga paga në shumën 300 000 lekë.
Pensioni i babait në shumën 228 000 lekë.
Pensioni i nënës në shumën 144 000 lekë.
Para Cash në vlerën 3 000 000 lekë.
Ap. banimi me sip. 100 m2, në vlerën 6 000 000 lekë, përfituar me privatizim.
Viti 2011
Të ardhura nga paga në shumën 1 140 000 lekë.
Të ardhura nga paga si ish anëtar i KQZ në shumën 420 000 lekë.
Bashkëshortja, të ardhura nga paga në shumën 300 000 lekë.
Para Cash në shumën +600 000 lekë.
Viti 2012
Bashkëshortja, të ardhura nga paga në shumën 35 000 lekë.
Kontratë porosie ap. banimi me sip. 249 m2 me vlerë totale 99 600 euro, prej së cilës 24 600 euro janë paguar më 18.10.2012, 50 000 euro përfituar me kredi janë paguar më 20.12.2012 dhe 25 000 euro do të paguhen në momentin e dorëzimit të apartamentit.
Viti 2013
Të ardhura nga paga në shumën 1 140 000 lekë.
Të ardhura nga paga si ish anëtar i KQZ në shumën 600 000 lekë.
Bashkëshortja, të ardhura nga paga në shumën 53 000 lekë.
Detyrime të papaguara në vlerën 45 000 euro për kredi bankare për blerje ap. banimi.
Detyrime të paguara në vlerën 4 537 euro për kredi bankare për blerje ap. banimi.
Marrëveshje për blerjen e sip. 20.2 m2 brenda apartamentit të blerë më parë në vlerën 1 161 500 lekë dhe afat shlyerje deri më 31.12.2014.
Para Cash në shumën 600 000 lekë.
Viti 2014
Pakësim i të ardhurave me 600 000 lekë.
Kredi bankare, 50 000 euro, marrë në vitin 2012, kësti mujor 387 euro/muaj.
Detyrim ndaj një shoqërie, 4 661 400 lekë.
Detyrim ndaj një shoqërie, 1 161 500 lekë.
Viti 2015
Të ardhura nga shitja më 29.03.2016 e automjetit tip ‘Mercedes – Benz A class’, vlera 380 000 lekë.
Kredi bankare marrë më 24.10.2012 në shumën 50 000 euro, këst mujor 376 euro. Detyrimi i mbetur pashlyer, 45 500.94 euro.
Detyrim i mbetur pashlyer ndaj një shoqërie për shkak të diferencës së papaguar të çmimit të përgjithshëm, detyrim i pandryshuar nga deklarimi i mëparshëm, 4 661 400 lekë.
Detyrim ndaj një shoqërie për shkak të blerjes së sipërfaqes 20.2 m2 rezultuar e tepërt në ap. e blerë më parë, detyrim i pandryshuar nga deklarimi i mëparshëm, 1 161 500 lekë.
Bashkëshortja Marilda Shala, shpenzime për blerjen e një automjeti tip ‘VË Golf Plus’ më 26.04.2015, viti i prodhimit 2006, vlera 600 000 lekë.
Viti 2016
Gjendja cash, 200 000 lekë.
Kredi bankare, marrë më 24.10.2012 në shumën 50 000 euro, këst mujor 387 euro.
Detyrimi i shlyer, 4 400 euro, detyrimi i mbetur pashlyer, 74 260 euro deri më 24.10.2032.
Detyrim i mbetur pashlyer ndaj një shoqërie për shkak të diferencës së papaguar të çmimit të përgjithshëm, detyrim i pandryshuar nga deklarimi i mëparshëm, 4 661 400 Lekë.
Detyrim ndaj një shoqërie për shkak të blerjes së sipërfaqes 20.2 m2 rezultuar e tepërt në ap. e blerë më parë, detyrim i pandryshuar nga deklarimi i mëparshëm, 1 161 500 lekë.
Viti 2017
Shitje ap. me sip.69 m2 në Shkodër në vlerën 52 000 euro.
Gjendje cash në shumën 300 000 lekë.
Të ardhura nga paga në shumën 1 298 454 lekë.
Të ardhura nga paga e bashkëshortes si nëndrejtoreshë pranë Fondacionit Shkollor Austriak në shumën 74 236 lekë në muaj.
Nga kredia prej 50 000 euro janë shlyer 18 000 euro.
Nga kredia prej 50 000 euro janë shlyer 4 529 41 euro, ndërsa kanë mbetur pashlyer 23 786 29 euro.
Detyrim ndaj një shoqërie janë shlyer, 4 661 400 lekë.
Detyrim ndaj një shoqërie janë shlyer 1 161 500 lekë.
Viti 2018
Shtesë, gjendje cash në shumën 200 000 lekë.
Të ardhura nga paga në shumën 1 317 845 lekë.
Të ardhura nga paga e bashkëshortes në shumën 863 282 lekë.
Pensioni i nënës, në shumën 238 044 lekë.
Nga kredia prej 50 000 euro janë shlyer 4 424 5 euro, ndërsa pashlyer 21 480 78 euro./CNA.al
Vetingu
Pyetjet e Strasburgut dhe pikëpyetjet e procesit të vettingut
Në kulmin e krizës së menaxhimit të situatës post-tërmet dhe në tre vjetorin e miratimit të paketës kushtetuese mbi reformimin e drejtësisë, nga Stasburgu kanë filluar të vijnë sinjalet e para të dyshimit.
Nuk është as rastësi dhe as surprizë lista e pyetjeve që Gjykata e të Drejtave të Njeriut i ka dërguar qeverisë shqiptare, pas regjistrimit dhe shqyrtimit të njërës prej dosjeve të një prokuroreje, të cilës zyrat dhe gjyqtarët e drejtësisë së re, nuk i drejtohen me emër por me togfjalëshin “subjekt i rivlerësimit”.
Nuk duam të komentojmë më tej terminologjinë denigruese të ngritur në terminologji juridike, sa kohë që Strasburgu dukshëm e ka evituar përdorimin e këtij termi duke preferuar të identifikojë me emër dhe mbiemër, njeriun për të cilin kërkohen shpjegime për nivelin e respektimit të të drejtave.
CNA.al shqyrtoi me vëmendje listën e pyetjeve të dërguara shtetit shqiptar, përfaqësuar nga Avokatura e Shtetit. Pas leximit të tyre, kupton menjëherë vështirësinë me të cilën duhet të përballen zyrtarët që ju është varur sot në qafë barra e hartimit të përgjigjeve.
Në kushtet kur ekspertët e nivelit të lartë, janë zhdukur nga qarkullimi dhe pas dekoratave kanë humbur edhe interesin për procesin e reformimit te drejtësisë, CNA.al mundet të vetëofrohet për formulimin e përgjigjeve.
Pyetjet e mbërritura dhe përgjigjet e hartuara nga CNA.al, janë si vijon:
1.A aplikohet neni 6 pika 1 e Konventës Europiane e të Drejtave të Njeriut, që garanton proces të rregullt ligjor për çdokënd, në rastin e Sevdarit?
CNA.al: JO
2.A i ka shteruar zonja Sevdari të gjitha mjetet juridike të brendshme? Veçanërisht:
a) A ka pasur Sevdari mundësi të kundërshtojë përbërjen e trupës së KPA-së?
CNA.al: formalisht PO, në realitet JO
b) A është shqyrtuar kërkesa e zonjës Sevdari më 23 maj, për nisjen e hetimit disiplinor dhe shkarkimin e dy anëtarëve të KPA nga institucionet përkatëse?
CNA.al: JO
Nëse po, cili ka qënë rezultati?
c) A kishte mundësi zonja Sevdari të kundërshtonte parashikimin ligjor të ndalimit përjetë të ushtrimit të profesionit të avokatit?
CNA.al: JO
Nëse po, a ka bërë ajo një kërkesë të tillë?
3.A është Komisioni i Pavarur i Kualifikimit një gjykatë e pavarur dhe e paanshme, në kuptim të nenit 6 të KEDNJ?
CNA.al: JO
4.A është krijuar KPA sipas ligjit ? A janë zgjedhur anëtarët e saj në përputhje me ligjin?
CNA.al: JO
5.A ka patur zonja Sevdari mundësinë të dëgjohet sipas nenit 6 të KEDNJ? Veçanërisht: a) A ka patur zonja Sevdari kohën dhe mjetet e duhura që të përgatiste mbrojtjen e saj të shkruar dhe në mënyrë gojore para KPA?
CNA.al: JO
b) A ka kufizime ligji i vettingut për shkeljet e pretenduara nga KPA, konkretisht mospagimin e taksave nga bashkëshorti i zonjës Sevdari?
CNA.al: JO
Në këtë linjë, a i ka kaluar zonjës Sevdari barra e provës në mënyrë të paarsyeshme?
CNA.al: PO
c) Ka një përkufizim të qartë në ligj për termat “burime të pamjaftueshme financiare” dhe “cenim i besimit të publikut në drejtësi“?
CNA.al: Nuk ka asnjë përkufizim të asnjërit prej termave që përmendet si shtylla të vlerësimit kalimtar. Kushtetuta parashikon detyrimin e KPA, që të bëjë interpretimin në vendimet e para të lëshuara për “subjektet e rivlerësimit”. KPA nuk ka bërë detyrën.
d) Cila ishte baza ku u mbështet KPA për të dalë në përfundimin se zonja Sevdari ka “cenuar besimin e publikut”?
CNA.al: nuk dihet se ku është mbështetur KPA për shumë nga përfundimet e veta të zbardhura në vendime, që për shkak të pasojave të sjella, mund të përkufizohen si akte të dënimit me vdekje të personave që i janë nënshtruar rivleresimit kalimtar.
6.A ka cënuar vendimi i shkarkimit, nenin 8 për jetë private dhe familjare të KEDNJ?
CNA.al: PO
Nëse po a është bërë cenimi në përputhje me KEDNJ? Veçanërisht:
a) A ishte vendimi për shkarkim proporcional?
CNA.al: JO
b) A e ndalon Ligji “Për Avokatinë”, zonjën Sevdari të ushtrojë profesionin e avokatit? Nëse po për sa kohë?
CNA.al: PO
CNA.al: për aq kohë sa, Maks Haxhia si kryetar i Dhomës së Avokatisë do e vlerësojë të arsyeshme.
7.A ka patur zonja Sevdari mjete të mjaftushme juridike, për pretendimin e cenimit të nenit 13 të KEDNJ?
CNA.al: JO
8.A ka patur zonja Sevdari mjete të mjaftushme juridike, për pretendimin e cenimit të nenit 8 të KEDNJ?
CNA.al: JO dhe është për këtë arsye që çështja ka mberritur në Strasburg.
CNA.al nuk këshillon përdorimin e asistencës ndërkombëtare për hartimin e përgjigjeve. Konsulentët ndërkombëtarë kushtojnë shumë dhe jemi në periudhë kur gjithë buxheti duhet të fokusohet tek tërmeti./CNA.al
Vetingu
Zbulohet pasuria/ Kush janë tre kandidatët për kreun e SPAK
Këshilli i Lartë i Prokurorisë zbardhi sot emrat e tre prokurorëve, kandidatë për të marrë detyrën e drejtuesit të Prokurorisë së Posaçme Antikorrupsion, e njohur ndryshe si SPAK.
Sikurse bëri të ditur KLP, emrat në garë për të marrë drejtimin e SPAK, janë Edvin Kondili, Arben Kraja dhe Altin Dumani.
CNA.al ka kaluar në filtër më parë prokurorët të cilët kanë shprehur interesin për të marrë drejtimin e SPAK.
Sa i takon Dumanit, nëse i shikojmë pasurinë ngjan me një agjenci imobiliare e cila që sapo ka nisur biznesin.
Emri i tij është i lidhur me ngjarjen e rëndë të Gërdecit, ku gjatë gjykimit të 29 të pandehurve kërkoi 3 dënimet përjetshme për tre nga të pandehurit kryesorë.
Po ashtu, Altin Dumani është prokurori që ka pasur në dorë dosjen e “21 Janarit”, madje edhe apeloi çështjen në Gjykatën e Lartë.
Emri i Dumanit është lakuar në kohën kur punonte në Prokurorinë e Apelit, pasi ka rënë pre e përgjimeve.
Në media u raportua se ai ishte mbajtur për disa ditë në survejim të plotë nëpëmjet një mekanizmi elektronik GPS dhe një Laptopi.
Personi që kishte ngritur dhe kishte projektuar e financuar këtë skemë survejimi ishte një 26 vjeçar, kushëriri ish-prokurorit të Tiranës Aleksandër Plepi, cili ishte arrestuar nga kolegu i tij Altin Dumani.
CNA.al ka zbardhur më parë pasurinë e deklaruar prej tij sipas të dhënave të Open Spending Albania.
Ajo që vërehet pa kaluar një përllogaritje, është se ka një ndryshim rrënjësor nga pasuria fillestare e vitit 2004 deri tek pasuria që ka deklaruar për vitin 2016. ( Lexo këtu)
Altin Dumani
Kandidati tjetër për kreun e SPAK, Arben Kraja, është i njohur si prokurori që hetoi dosjen hetimore për abuzimet me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha.
Por, që në fakt Basha kurrë s’dha llogari. Kraja mundi ta kalojë Vettingun lehtë, meghithëse ka pasur dhe denoncime ndaj tij.
Ndërsa sipas të dhënave të pasurisë rezulton milioner.
Të dhënat e analizuara nga BIRN tregojnë se prokurori Arben Kraja zotëronte pasuri me vlerë 3 milionë lekë në vitin 2003 – kur deklaroi për herë të parë pasurinë. Ndërsa në fund të vitit 2017, pasuria familjare e prokurorit Kraja ishte 27.4 milionë lekë. Kraja ka regjistruar një rritje 9.2 herë të pasuisë bruto familjares nga viti 2003 deri në vitin 2017 – me një rritje mesatare vjetore prej 1.74 milionë lekë.( lexo këtu)
Arben Kraja
Kandidati Edvin Kondili, ishte një nga prokurorët rebelë që refuzuan shortin për dosjen Shullazi dhe kërkesën e kryeprokurores së komanduar të Krimeve të Rënda, Donika Prela.
Kondili është prokurori që ka bërë veprimet e para për sekuestrimin e 613 kg kokainë në Portin e Durrësit.
Kondili ka pasur një sërë çështjesh të trafikimit të kanabisit, por edhe dosje të tilla si “Lazarati”, por edhe dosjen e Alket Hatijas. Edvin Kondili ka hetuar edhe grupin e Admir Tafilit. Po ashtu, Edvin Kondili ka pasur në duart edhe dosjen e rrëmbimit dhe zhdukjes së Remzi Hoxhës.
Sa i përket pasurisë, Kondili, burimet e të ardhurave i ka nga paga e tij dhe e bashkëshortes. Të paktën sipas të dhënave të Open Spending Albania.
Pasuri të patundshme ai ka deklaruar vetëm një apartament të blerë në vitin 2011, i cili ka kushttuar 70 mijë euro. Si burim ai deklaron 60 mijë euro kredi. Në vitin 2014 bashkëshortja e tij ka marrë 10 mijë euro hua nga i vëllai. Në 2015, ka blerë një automjet, benz, 500 000 lekë. (lexo këtu)
Edvin Kondili
Nga dosja e tritolit tek rebelimi ndaj Donika Prelës / Zbardhet pasuria e “prokurorit të kokainës”
Arben Kraja në “siten” e Vettingut/ Zbardhet pasuria, si ka ndryshuar ndër vite
Nga Krimet e Rënda në SPAK/ Altin Dumani nis biznesin e imobiliar?
Kronika
Zbulohet kandidatura e tretë për kreun e SPAK
Këshilli i Lartë i Prokurorisë bën të ditur se kandidatura e tretë për drejtues të Prokurorisë së Posaçme Antikorrupsion, e njohur ndryshe si SPAK është Altin Dumani.
Sipas KLP, Altin Dumani ka paraqitur interesin për garën për kreun e KLP, ndërsa kërkesa është shoqeruar me vizionin për ndërtimin e Prokurorisë së Posaçme si institucion funksional dhe efektiv.
Kujtojmë këtu se dy kandidatët e tjerë për kreun e SPAK janë Arben Kraja dhe Edvin Kondili.
Lajme të Rekomanduara:
Zbulohet pasuria/ Kush janë tre kandidatët për kreun e SPAK
Këshilli i Lartë i Prokurorisë zbardhi sot emrat e tre prokurorëve, kandidatë për të marrë detyrën e drejtuesit të Prokurorisë së Posaçme Antikorrupsion, e njohur...
Prokurori i dosjeve të nxehta “në sitën” e Vettingut/ Kandidati për SPAK drejt konfirmimit në detyrë?
Prokurori i Krimeve të Rënda, Anton Martini po përballet sot në një seancë dëgjimore, me Komisionin e Pavarur të Kualifikimit. Anton Martini, njëkohësisht është edhe kandidat për...
