Connect with Us

Patundshmëri në Tiranë, Golem dhe Shëngjin/ Miliarderi i Krimeve të Rënda në Vetting

Vetingu

Patundshmëri në Tiranë, Golem dhe Shëngjin/ Miliarderi i Krimeve të Rënda në Vetting

Publikuar

-

Gjyqtari i Apelit për Krimet e Rënda, Gjovalin Përnoca, do të përballet nesër me Vettingun.

Hetimet për rivlerësimin e tij janë kryer nga trupa gjykuese e KPK -së, e përbërë nga Xhensila Pine, Suela Zhegu dhe Olsi Komiçi.

CNA.al ka zbardhur më herët pasurinë e gjyqtarit, i cili rezulton miliarder.

Në vitin 2003 ai deklaron një shtëpi në Tiranë si dhe një automjet, ndërsa një vit më vonë ai ka blerë një autoveturë Opel Corsa për gruan në shumën 240 000 lekë.

Në vitin 2005 gjyqtari ka blerë dy apartamente një në Golem dhe një në Tiranë në vlerat, 1 900 000 dhe 49 860 euro.

Në vitin 2006 e ka shitur shtëpinë në Golem me gjithë orenditë në shumën, 3 400 000 lekë, ndërsa ka blerë autoveturë Volsvagen Polo me vlerë 200 000 lekë, të cilën e ka shitur një vit më pas për të blerë një tjetër, raporton CNA.al.

Deri në vitin 2008 është marrë me shitje blerje makine, ndërsa në vitin 2009 deklaron se merr të ardhura edhe nga dhënia e banesës me qira në Tiranë me vlerë 170 mijë lekë në muaj.

LEXO EDHE:  Veting edhe pas dorëheqjes?/ KPA e ndarë në qëndrime për rastin “Llalla”

Në të njëjtin vit, deklaron se bashkëshortja e tij ka nisur punën në SHISH.

Bashkëshortja e gjyqtarit Përnocaj, në vitin 2010 ka blerë 1 000 m2 pyll në zonën e quajtur  “Mali i  Shëngjinit”, me vlerë 186 000 lekë.

Në vitin 2011, gjyqtari ka blerë një banesë në Sarandë, me një tjetër shtetas, në shumën 50 000 euro.

Në vitin 2014, bashkëshortja, ka blerë autoveturë tip Golf, në shumën 7 000 euro.

Nga viti 2013 -2018 deklaron shpenzime marramendëse për studimet e fëmijëve jashtë shtetit, ndërsa në vitin 2018 djalit i ka dhuruar para për t’u bërë ortak në një kompani./CNA.al

Shpenzime marramendëse për fëmijët/ Zbulohet një tjetër miliarder tek Krimet e Rënda

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

Pyetjet e Strasburgut dhe pikëpyetjet e procesit të vettingut

Publikuar

-

Nga

Në kulmin e krizës së menaxhimit të situatës post-tërmet dhe në tre vjetorin e miratimit të paketës kushtetuese mbi reformimin e drejtësisë, nga Stasburgu kanë filluar të vijnë sinjalet e para të dyshimit.

Nuk është as rastësi dhe as surprizë lista e pyetjeve që Gjykata e të Drejtave të Njeriut i ka dërguar qeverisë shqiptare, pas regjistrimit dhe shqyrtimit të njërës prej dosjeve të një prokuroreje, të cilës zyrat dhe gjyqtarët e drejtësisë së re, nuk i drejtohen me emër por me togfjalëshin “subjekt i rivlerësimit”.

Nuk duam të komentojmë më tej terminologjinë denigruese të ngritur në terminologji juridike, sa kohë që Strasburgu dukshëm e ka evituar përdorimin e këtij termi duke preferuar të identifikojë me emër dhe mbiemër, njeriun për të cilin kërkohen shpjegime për nivelin e respektimit të të drejtave.

CNA.al shqyrtoi me vëmendje listën e pyetjeve të dërguara shtetit shqiptar, përfaqësuar nga Avokatura e Shtetit. Pas leximit të tyre, kupton menjëherë vështirësinë me të cilën duhet të përballen zyrtarët që ju është varur sot në qafë barra e hartimit të përgjigjeve.

Në kushtet kur ekspertët e nivelit të lartë, janë zhdukur nga qarkullimi dhe pas dekoratave kanë humbur edhe interesin për procesin e reformimit te drejtësisë, CNA.al mundet të vetëofrohet për formulimin e përgjigjeve.

Pyetjet e mbërritura dhe përgjigjet e hartuara nga CNA.al, janë si vijon:

1.A aplikohet neni 6 pika 1 e Konventës Europiane e të Drejtave të Njeriut, që garanton proces të rregullt ligjor për çdokënd, në rastin e Sevdarit?

CNA.al: JO

2.A i ka shteruar zonja Sevdari të gjitha mjetet juridike të brendshme? Veçanërisht:

a) A ka pasur Sevdari mundësi të kundërshtojë përbërjen e trupës së KPA-së?

CNA.al: formalisht PO, në realitet JO

b) A është shqyrtuar kërkesa e zonjës Sevdari më 23 maj, për nisjen e hetimit disiplinor dhe shkarkimin e dy anëtarëve të KPA nga institucionet përkatëse?

CNA.al: JO

Nëse po, cili ka qënë rezultati?

c) A kishte mundësi zonja Sevdari të kundërshtonte parashikimin ligjor të ndalimit përjetë të ushtrimit të profesionit të avokatit?

CNA.al: JO

Nëse po, a ka bërë ajo një kërkesë të tillë?

3.A është Komisioni i Pavarur i Kualifikimit një gjykatë e pavarur dhe e paanshme, në kuptim të nenit 6 të KEDNJ?

CNA.al: JO

4.A është krijuar KPA sipas ligjit ? A janë zgjedhur anëtarët e saj në përputhje me ligjin?

LEXO EDHE:  Gjyqtari Ndreca sot para Vettingut/ Pasuria e tij familjare është katërfishuar

LEXO EDHE:  Veting edhe pas dorëheqjes?/ KPA e ndarë në qëndrime për rastin “Llalla”

CNA.al: JO

5.A ka patur zonja Sevdari mundësinë të dëgjohet sipas nenit 6 të KEDNJ? Veçanërisht: a) A ka patur zonja Sevdari kohën dhe mjetet e duhura që të përgatiste mbrojtjen e saj të shkruar dhe në mënyrë gojore para KPA?

CNA.al: JO

b) A ka kufizime ligji i vettingut për shkeljet e pretenduara nga KPA, konkretisht mospagimin e taksave nga bashkëshorti i zonjës Sevdari?

CNA.al: JO

Në këtë linjë, a i ka kaluar zonjës Sevdari barra e provës në mënyrë të paarsyeshme?

CNA.al: PO

c) Ka një përkufizim të qartë në ligj për termat “burime të pamjaftueshme financiare” dhe “cenim i besimit të publikut në drejtësi“?

CNA.al: Nuk ka asnjë përkufizim të asnjërit prej termave që përmendet si shtylla të vlerësimit kalimtar. Kushtetuta parashikon detyrimin e KPA, që të bëjë interpretimin në vendimet e para të lëshuara për “subjektet e rivlerësimit”. KPA nuk ka bërë detyrën.

d) Cila ishte baza ku u mbështet KPA për të dalë në përfundimin se zonja Sevdari ka “cenuar besimin e publikut”?

CNA.al: nuk dihet se ku është mbështetur KPA për shumë nga përfundimet e veta të zbardhura në vendime, që për shkak të pasojave të sjella, mund të përkufizohen si akte të dënimit me vdekje të personave që i janë nënshtruar rivleresimit kalimtar.

6.A ka cënuar vendimi i shkarkimit, nenin 8 për jetë private dhe familjare të KEDNJ?

CNA.al: PO

Nëse po a është bërë cenimi në përputhje me KEDNJ? Veçanërisht:

a) A ishte vendimi për shkarkim proporcional?

CNA.al: JO

b) A e ndalon Ligji “Për Avokatinë”, zonjën Sevdari të ushtrojë profesionin e avokatit? Nëse po për sa kohë?

CNA.al: PO

CNA.al: për aq kohë sa, Maks Haxhia si kryetar i Dhomës së Avokatisë do e vlerësojë të arsyeshme.

7.A ka patur zonja Sevdari mjete të mjaftushme juridike, për pretendimin e cenimit të nenit 13 të KEDNJ?

CNA.al: JO

8.A ka patur zonja Sevdari mjete të mjaftushme juridike, për pretendimin e cenimit të nenit 8 të KEDNJ?

CNA.al: JO dhe është për këtë arsye që çështja ka mberritur në Strasburg.

CNA.al nuk këshillon përdorimin e asistencës ndërkombëtare për hartimin e përgjigjeve. Konsulentët ndërkombëtarë kushtojnë shumë dhe jemi në periudhë kur gjithë buxheti duhet të fokusohet tek tërmeti./CNA.al

LEXO TE PLOTE

Vetingu

Zbulohet pasuria/ Kush janë tre kandidatët për kreun e SPAK

Publikuar

-

Nga

dorina bejko, spak

Këshilli i Lartë i Prokurorisë zbardhi sot emrat e tre prokurorëve, kandidatë për të marrë detyrën e drejtuesit të Prokurorisë së Posaçme Antikorrupsion, e njohur ndryshe si SPAK.

Sikurse bëri të ditur KLP, emrat në garë për të marrë drejtimin e SPAK, janë Edvin Kondili, Arben Kraja dhe Altin Dumani.

CNA.al ka kaluar në filtër më parë prokurorët të cilët kanë shprehur interesin për të marrë drejtimin e SPAK.

Sa i takon Dumanit, nëse i shikojmë pasurinë ngjan me një agjenci imobiliare e cila që sapo ka nisur biznesin.

Emri i tij është i lidhur me ngjarjen e rëndë të Gërdecit, ku gjatë gjykimit të 29 të pandehurve kërkoi 3 dënimet  përjetshme për tre nga të pandehurit kryesorë.

Po ashtu, Altin Dumani  është prokurori që ka pasur në dorë dosjen e “21 Janarit”, madje edhe  apeloi çështjen në Gjykatën e Lartë.

Emri i Dumanit është lakuar në kohën  kur punonte në Prokurorinë e Apelit, pasi ka rënë pre e përgjimeve.

Në media u raportua se ai ishte mbajtur për disa ditë në survejim të plotë nëpëmjet një mekanizmi elektronik GPS dhe një Laptopi.

Personi që kishte ngritur dhe kishte projektuar e financuar këtë skemë survejimi ishte një 26 vjeçar, kushëriri  ish-prokurorit të Tiranës Aleksandër Plepi, cili ishte arrestuar nga kolegu i tij Altin Dumani.

CNA.al ka zbardhur më parë pasurinë e deklaruar prej tij sipas të dhënave të Open Spending Albania.

Ajo që vërehet pa kaluar një përllogaritje, është se ka një ndryshim rrënjësor nga pasuria fillestare e vitit 2004 deri tek pasuria që ka deklaruar për vitin 2016. ( Lexo këtu)

                                                                                   Altin Dumani 

Kandidati tjetër për kreun e SPAK, Arben Kraja, është i njohur si prokurori që hetoi dosjen hetimore për abuzimet me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha.

Por, që në fakt Basha kurrë s’dha llogari. Kraja mundi ta kalojë Vettingun lehtë, meghithëse ka pasur dhe denoncime ndaj tij.

Ndërsa sipas të dhënave të pasurisë rezulton milioner.

Të dhënat e analizuara nga BIRN tregojnë se prokurori Arben Kraja zotëronte pasuri me vlerë 3 milionë lekë në vitin 2003 – kur deklaroi për herë të parë pasurinë. Ndërsa në fund të vitit 2017, pasuria familjare e prokurorit Kraja ishte 27.4 milionë lekë. Kraja ka regjistruar një rritje 9.2 herë të pasuisë bruto familjares nga viti 2003 deri në vitin 2017 – me një rritje mesatare vjetore prej 1.74 milionë lekë.( lexo këtu)

LEXO EDHE:  Gjyqtari Ndreca sot para Vettingut/ Pasuria e tij familjare është katërfishuar

                                                                                Arben Kraja

Kandidati Edvin Kondili, ishte një nga prokurorët  rebelë që refuzuan shortin për dosjen Shullazi dhe kërkesën e kryeprokurores së komanduar të Krimeve të Rënda, Donika Prela.

LEXO EDHE:  Komisioneri publik kërkoi shkarkimin/ KPA jep vendimin për anëtarin e KLP-së

Kondili është prokurori që ka bërë veprimet e para për sekuestrimin e 613 kg kokainë në Portin e Durrësit.

Kondili ka  pasur një sërë çështjesh të trafikimit të kanabisit, por edhe dosje të tilla si “Lazarati”, por edhe dosjen e Alket Hatijas. Edvin Kondili ka hetuar edhe grupin e Admir Tafilit. Po ashtu, Edvin Kondili ka pasur në duart edhe dosjen e rrëmbimit dhe zhdukjes së Remzi Hoxhës.

Sa i përket pasurisë, Kondili, burimet e të ardhurave i ka nga paga e tij dhe e bashkëshortes. Të paktën sipas të dhënave të Open Spending Albania.

Pasuri të patundshme ai ka deklaruar vetëm një apartament të blerë në vitin 2011, i cili ka kushttuar 70 mijë euro. Si burim ai deklaron 60 mijë euro kredi. Në vitin 2014 bashkëshortja e tij ka marrë 10 mijë euro hua nga i vëllai. Në 2015, ka blerë një automjet, benz, 500 000 lekë. (lexo këtu)

                                                                                       Edvin Kondili

Nga dosja e tritolit tek rebelimi ndaj Donika Prelës / Zbardhet pasuria e “prokurorit të kokainës”

Arben Kraja në “siten” e Vettingut/ Zbardhet pasuria, si ka ndryshuar ndër vite

Nga Krimet e Rënda në SPAK/ Altin Dumani nis biznesin e imobiliar?

LEXO TE PLOTE

Kronika

Zbulohet kandidatura e tretë për kreun e SPAK

Publikuar

-

Nga

Këshilli i Lartë i Prokurorisë bën të ditur se kandidatura e tretë për drejtues të Prokurorisë së Posaçme Antikorrupsion, e njohur ndryshe si SPAK është Altin Dumani.

Sipas KLP,  Altin Dumani ka paraqitur interesin për garën për kreun e KLP, ndërsa kërkesa është shoqeruar me vizionin për ndërtimin e Prokurorisë së Posaçme si institucion funksional dhe efektiv.

LEXO EDHE:  Veting edhe pas dorëheqjes?/ KPA e ndarë në qëndrime për rastin “Llalla”

LEXO EDHE:  Komisioneri publik kërkoi shkarkimin/ KPA jep vendimin për anëtarin e KLP-së

Kujtojmë këtu se dy kandidatët e tjerë për kreun e SPAK janë Arben Kraja dhe Edvin Kondili.

LEXO TE PLOTE