Connect with Us

Debatet në Komision/ Fino i nxjerr “të palarat” Metës

Politikë

Debatet në Komision/ Fino i nxjerr “të palarat” Metës

Publikuar

-

Presidenti Ilir Meta është marrë në pyetje sot nga Komisioni Hetimor Parlamentar në lidhje me vendimin e tij për të shfuqizuar 30 qershorin, si datën për mbajtjen e zgjedhjeve vendore.

Deputeti Bashkim Fino e ka cilësuar veprimin e presidentit Ilir Meta të njëanshëm dhe favorizues ndaj njërës palë.

Sipas tij, Meta shtyu zgjedhjet sepse nuk i donte Lulzim Basha.

Meta nga ana tjetër i garantoi Finos se nuk ka asgjë personale me të, sikurse ai aludon, përkundrazi e ka të preferuar.

Sipas Metës ata kanë qënë në koalicion dhe Fino e di mjaft mirë se ai ka qëndruar gjithmonë mbi palët. Detyra shton Meta, e detyron Finon të bëjë një pyetje të tillë.

Debati i plotë:

Bashkim Fino: Presidenti duhet të jetë mbi palët. Më keni krijuar përshtypjen që keni qenë i pafalshëm. Ju thoni se shtyva zgjedhjet se nuk donte një palë, pra nuk donte Lul Basha të hynte në zgjedhje. Po tani që të dyja palët nuk i duan zgjedhjet. Çfarë do bëhet me zgjedhjet e 13 tetorit, prapë do merrni dekret për t’i shtyrë? Të gjitha çfarë thatë i keni me rezerva se ju duhet të jeni mbi palët. Ju i shërbyet një pale dhe ata nuk erdhën, ne i bëmë zgjedhjet, dhe ata prapë thonë se nuk do vinë me 13 tetor? Po nëse qeveria do merrte një vendim dhe do thoshte do shkarkoj presidentin? Do e zbatonte presidenti vendimin e qeverisë?

Ilir Meta: Kam marrë vesh nga mediat që keni ndonjë perceptim sikur kam ndonjë problem personal me ju, në këtë drejtim dua të siguroj që nuk ekziston asnjë shqetësim i tillë, përkundrazi ju keni qenë i preferuar nga ana ime.

LEXO EDHE:  Zgjedhjet Lokale/ Meta: Kandidatët edhe jashtë partive

Detyra juaj jua kërkon të bëni pyetjen dhe vlerësimin tuaj dhe ju jeni në pozitë komode për ta bërë. Më duhet të kujtoj si koleg i vjetër se edhe kur kam qenë palë, edhe kryetar kuvendi edhe kryetar i një partie që ka qenë në koalicion me ju, për çështjet madhore kam qëndruar mbi palët. Dhe shembulli më i qartë ka qenë reforma në drejtësi, që kurrë nuk do të ndodhte nëse nuk do të isha mbi palët. E bëra sepse e dija që ishte e vetmja mënyrë që Shqipëria të merrte rekomandim pozitiv për çeljen e negociatave me BE-në që e mori atëherë dhe që kam frikë se ky rekomandim do të mbetet vetë rekomandim për një kohë të gjatë.

Kur kam qenë kryetar i Kuvendit, edhe pse opozita ishte shumë e dobët numerikisht, kam bërë çdo gjë që të rrinte në Kuvend dhe të mos dilte në rrugë. Unë do të vazhdoj të jem mbi palët. Dhe për të gjithë ata që kanë paragjykim se mund t’i shërbej një pale. Përse nuk mu kërkua mua të luaja një rol që opozita mos t’i dorëzonte mandatet, në mënyrë që mos të kishim këtë përshkallëzim të konfliktit? Përse duhej nxituar aq shumë për të bërë zëvendësime në bllok për 60 deputetë kur edhe për një deputetë të vetëm lejohet të paktën 30 ditë kohë. Dua t’ju them që duke respektuar bindjet tuaja politike, unë në këtë detyrë kam qenë dhe do të jem vetëm në mbrojtje të kushtetutës së Shqipërisë, të interesit kombëtar, publik dhe të integrimit evropian. /CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Në shesh për të rrëzuar grushtin e shtetit”/ Bushati paralajmëron Metën

Publikuar

-

Nga

Deputeti i Partisë Socialiste, Ervin Bushati i ftuar në studion e “Kjo Javë” ka komentuar deklaratat e presidentit Meta dhe thirrjen e tij për manifestim më 2 mars.

Bushati tha se Meta duhet të jepte dorëheqjen dhe të bënte opozitë, pasi sipas tij, të gjitha këto lëvizje të Presidentit janë politike.

“Mendoj që Presidenti duhet të jetë një figurë jashtë politikës, por Meta fatkeqësisht nuk e arrin dot dhe nuk e ka pasur pjekurinë politike për ta bërë këtë, për t’u distancuar nga politika, ashtu siç e ka në stofin e tij dhe si një nga aksionerët kryesorë të partisë së tij. Nuk është fare dinjitoze të merret me politikë, argumentet që ngre janë tërësisht politike.

Meta ka bërë shumë thirrje alarmante, nuk dua të merrem me penalitetin dhe tonet e opozitës që sjell Presidenti, pra sa alarmante e dëshpëruese janë. Them që Presidenti nuk arrin dot të zhvishet nga pelerina opozita dhe t’ia lërë në dorë opozitës. Shumë mirë që nuk është dakord me mazhorancën, por ka shumë mënyra për ta bërë këtë.

Presidenti është tërësisht politik, do të ishte më e udhës që të jepte dorëheqjen dhe të vazhdonte. Në çdo vend të botës ka procese politike që emërojnë anëtarët e Gjykatës Kushtetuese, por nuk ndodh si këtu.

LEXO EDHE:  Meta e nis ditën me ish-kampionin e Europës   

LEXO EDHE:  Zgjedhjet Lokale/ Meta: Kandidatët edhe jashtë partive

Nuk ka puç shteti, është si të themi ka jetë në mars. Meta po e bën për të tërhequr vëmendjen, pas Konferencës së Donatorëve”, theksoi Bushati./CNA.al

 

LEXO TE PLOTE

Politikë

Skandali seksual në gjimnazin e Fierit/ Boçi i përvishet Besa Shahinit: Si ministre lë shumë për të dëshiruar

Publikuar

-

Nga

Ish deputeti i Partisë Demokaratike Luçiano Boçi ka reafuar përmes një postimi në rrjetet sociale, lidhur me skandalin seksual në gjimnazin e Fierit, ndërsa kërkon Besa Shahini të japë dorëheqjen si ministre e Arsimit, Kulturës dhe Sportit.

Duke iu referuar kritikave të ministres Boçi i thotë se Shahini në këtë drejtim si ministre lë shumë për të dëshiruar dhe më mirë të bëhet aktiviste.

“Pas Ramës dhe Besa e shqetësuar për daljen e të vërtetës tronditëse të dhunës e abuzimit seksual në shkolla, sulmon median dhe me gjuhën e tij i etiketon ato si kazan mediatik.
Nga e akuzuar kërkon të shndërrohet papritmas në akuzuese.
Nga përgjegjëse e fajtore për situatën, kërkon të marrë pozicionin e aktivistes dhe luftëtares për të drejta të munguara.
Vetëm e vetëm për të shmangur përgjegjësinë që ajo ka.
Kjo e revoltuara e ditës, për mënyrën e zbulimit të detajeve nga media të rastit të Fierit, vallë e harroi Elisën në rastin e Kavajës që bëri publike identitetin e minorenes së abuzuar nga bashkëmoshatarët?!
Mos e harro Besa që Elisa atje shkoi me regji të medias kryeministrore ERTV. Apo kjo nuk është kazan për ty?!
Pse nuk u revoltove kaq shumë atëhere, pasi mbaje dhe postin e zv/ministres?!
Në vend që të merret me fenomenin skandaloz të përhapur në mënyrë shqetësuese dhe për shkak të paaftësisë së dikasterit që ajo drejton, Besa merret me mënyrën se si duhet të ndërtohet lajmi.
A thua është ministrja e mediave dhe jo e arsimit?!
Në vend që të fshihet pas deklaratave të tilla në dritaret e FCB, Besa duhet të largohet një orë e më parë, siç i është kërkuar nga opinioni bashkë me paaftësinë e saj abuzuese, nga dera e asaj ministrie së cilës ende nuk i ka mësuar misionin.
Nëse mediat kanë kaluar apo jo kompetencën ligjore në shpalljes e së vërtetës tronditëse është AMA ajo që vendos jo Besa.
Por Besa, AMA-n aneks të qeverisë e ka, pse bën më kot të lënduarën dhe shpërndan tym?!
Rasti i Fierit nuk është rrufe në qiell të pastër.
Rrufe në qiell të pastër është sulmi që Besa i bën medias për të shpëtuar veten.
Vetëm dy javë më parë i njëjti emision, denoncoi rrjetin e prostitucionit të lokaleve dhe hoteleve pranë shkollës së mesme “Ibrahim Rugova”, ku ishin të implikuar dhe nxënës dhe ku droga në shkollë ishte sheshit.
Asnjë reagim nga Ministria dhe nga Besa. As në FCB-në e preferuar.
Prandaj ik më mirë Besa si Ministre!
Bëhu aktiviste!
Dhe në reagimin tënd si aktiviste unë do besoja vërtet në sinqeritetin e deklaratave të tua.
Si Ministre le shumë për të dëshiruar!”/CNA.al

LEXO TE PLOTE

Politikë

”Vdekje grushtit të shtetit”/ Zëdhënësi i Presidentit: Asnjë hap pas, liri Shqipërisë dhe shqiptarëve

Publikuar

-

Nga

Zëdhënësi i Presidentit, Tedi Blushi përmes një postimi në rrjete sociale ka falenderuar qytetarët shqiptarë të cilët i kanë shprehur mbështetje lidhur me tubimin e 2 marsit.

Blushi thotë se nuk ka asnjë hap pas për Presidencën, duke kërcënuar edhe grushtin e shtetit me ‘vdekje’.

“Faleminderit mijra shqiptarëve për mesazhet e solidaritetit! Së bashku në 2 mars në Bulevardin “Dëshmorët e Kombit”! Asnjë hap pas! “Vdekje” grushtit të shtetit! Liri Shqipërisë dhe shqiptarëve! RROFTË KUSHTETUTA! RROFTË SHQIPËRIA!”/CNA.al

LEXO TE PLOTE