Connect with Us

Analiza-Meta nxori zbuluar Bashën dhe Kryemadhin/ Ja si ndërkombëtarët u’a dogjën skenarët

Politikë

Analiza-Meta nxori zbuluar Bashën dhe Kryemadhin/ Ja si ndërkombëtarët u’a dogjën skenarët

Publikuar

-

Ka një dakortësi fantastike dhe mjaft të qartë midis presidentit të Republikës, Ilir Meta dhe ish kryeministrit dhe liderit të djeshëm të opozitës, Sali Berisha, në deklaratat e tyre lidhur me procedurën e ndjekur për djegien e mandateve të deputetëve të opozitës.

Sot në Komisionin Hetimor parlamentar për rolin e Presidentit dhe shkeljet e tij kushtetuese, Ilir Meta ka bërë një deklaratë, që është ndoshta e treta që vjen pas qëndrimeve për djegien e mandateve të deputetëve. Sot Ilir Meta na tregoi se Parlamenti, në proçedurë kishte shkelur Rregulloren dhe ligjet me djegien e mandateve të opozitës. Këtë Ilir Meta e tha me gojën e tij.

Ilir Meta në komisionin hetimor
Ilir Meta në komisionin hetimor

Duke iu përgjigjur pyetjeve të deputetit socialist, Bashkim Fino në lidhje me datën 13 tetor dhe shtyrjen e saj, Meta duke folur për qëndrimin e tij mbi palët, tha se Kuvendi kishte vepruar gabim me djegien e mandateve të deputetëve dhe se duhej të kishte gjetur një mundësi për një datë tjetër zgjedhjesh. Gabimi sipas Metës ishte sepse ishte shkelur Rregullorja e Kuvendit dhe ligji, pasi një deputeti të vetëm do të duhej t’i jepeshin 30 ditë kohë për djegien e mandatit të tij.

Por, Bashkim Fino është përgjigjur menjëherë, duke thënë se opozita e gjitha në grup me tam tame i dogji mandatet publikisht.

Presidenti përsëriti dhe na tha atë që ka thënë edhe ish-kryeministri Sali Berisha në emisionin “Opinion” pak kohë më parë. Ai ishte i qartë, duke theksuar se Kuvendi kishte ndjekur proçedurën e gabuar për djegien e mandateve të deputetëve, duke treguar se kishte një qëndrim tjetër të opozitës dhe një qasje tjetër të saj në lidhje me djegien e mandateve, të cilën sot e përsëriti edhe Ilir Meta.

Duket qartë se ka pasur një skenar, të cilin e përforcon edhe një qëndrim i tretë i bërë pak kohë më parë nga Monika Kryemadhi, e cila tha se në News 24 se Kuvendi veproi gabim dhe u nxitua me djegien e mandateve të deputetëve.

Në fakt nga këto tre qëndrime kupton shumë, sidomos nga kjo e presidentit sot dhe nga linja e njëjtë e tij me ish-kryeministrin Sali Berisha. Mesa duket opozita dhe liderit politik të saj, ku luan edhe vetë presidenti, kanë pasur një skenar tjetër. Skenari i tyre ka qënë një djegie farsë e mandateve të deputetëve.

Çka do të thotë se hapi ka qënë i tillë: dërgohet në grup dhe manda

ish-kryeministri Sali berisha ne Opinion
ish-kryeministri Sali berisha ne Opinion

tet, sipas procedurës, çdo deputet duhet të shkojë në Komisionin e Mandateve, ku deputeti shpreh edhe qëndrimin e tij, afati ligjor ishte 30 ditor.

Por, duke qënë se opozita shkoi në grup në mënyrë demostative, kjo hallkë u kalua sepse nuk mund të thirreshin të gjithë në grup në Komisionin e Mandateve. Por, duke qënë se ata i dorëzuan mandatet pranë Kuvendit të gjithë përnjëherësh, u ndoq një procedurë tjetër. Iu dërguan direkt Komisionit Qendror të Zgjedhjeve për të konstatuar se deputetët e opozitës kishin djegur mandatet, dhe këtë e kishin bërë të gjithë me deklarata personale me shkrim, të cilat ishin dorëzuar në KQZ.

Në fakt ka një detaj, Në atë kohë, pas dorëzimit të mandateve në Kuvend, ka pasur një telefonatë nga Mathew Palmer, Zëvëndës Ndihmës Sekretari Amerikan i Shtetit, i cili siç u bë e qartë dhe publikisht, që prej tij Lulzim Bashës i kishte kërkuar të mos i digjnin mandatet, por në atë kohë Luli përdori një hile tjetër. Djegien e mandateve e bëri në mëngjes. Pas një proteste të bërë në orët e paradites, pasi në SHBA ishte një orë e papërshtatshme për të komunikuar dhe gjithë proçedura ishte kryer në momentin e telefonatës së Mathew Palmer, dhe për këtë Basha tha se nuk kishte një kthim pas.

Palmer-Basha
Palmer-Basha

Këtu ka filluar dhe hapi i mëtejshëm i Kuvendit. Pas kësaj telefonate është kryer menjëherë veprimi nga Kuvendi. Mësohet se në atë kohë, përfaqësuesi i ambasadës së SHBA dhe zyrtarë të lartë të BE-së kanë shkuar në zyrën e kryetarit të Kuvendit, Gramoz Ruçi dhe më pas në zyrën e kryeministrit Edi Rama, duke kërkuar që të përshpejtohej procedura dhe të zbatohej ligji në lidhje me djegien e mandateve të opozitës dhe mos vonohej.

LEXO EDHE:  "Denar Biba po kërcënohet"/ Kryemadhi zbulon autorin

Pra, janë SHBA dhe BE, të cilat duket qartë se kanë djegur skenarët e Lulzim Bashës, LSI-së, Monës, Ilir Metës për djegien e mandateve, të cilët kanë bërë një hap. Këtë e kanë konfimuar publikisht Berisha, Meta dhe Kryemadhi.

Djegie të mandatave për të vazhduar më pas me skenarin e tyre që çdo deputeti t’i liheshin 30 ditë dhe me një llogari të thjeshtë, rreth 45 deputetë të opozitës, do t’ju duheshin të paktën 1350 ditë. Pra, do të duhej që deri në zgjedhjet e vitit 2021 mund të kishte dhe deputetë ende të pa futur në proçedurë për djegien e mandatit.

Pra, opozita kishte krijuar një skemë të tillë, që digj mandatin e parë, të futeshin nga lista. Digj mandatin e dytë, të mos hynte një tjetër. Digj mandatin e tretë, pastaj lihej një vend bosh. E kështu me radhë, e cila mund të çonte në 5 deri në 10 mandate të djegura në listat me emrat e parë në të gjitha qarqet dhe pastaj të krijonte kështu një ngërç për të mos e mbaruar kurrë këtë proces, duke tentuar të gjejë një handikap ligjor apo një hapësirë të ligjit e cila e çonte procedurën në pafundësi apo shumë gjatë.

Por, ka qënë ambasada e SHBA dhe BE të cilat e kanë bllokuar skenarin e Bashës dhe Kryemadhit. Duke ndërhyrë, kanë kërkuar zbatimin e menjëhershëm të ligjit, duke çuar listat në KQZ dhe djegia e mandateve u krye.

Më pas opozita u acarua. Filloi protestat e dhunshme. Por, SHBA dhe BE ndërhynë sërish, duke kërkuar që të tërhiqeshin nga dhuna. Duke i kërkuar të kthehen në institucione. Duke kërkuar që të njohin një pjesë të opozitës dhe të përfaqësohen me deputetë që kanë marrë mandatet dhe ndodhen në parlament.

Por, të gjitha këto Lulzim Basha nuk i dëgjoi. Dhe në fakt sot jemi përballë asaj që tha presidenti. Se u dogjën mandatet e deputetëve menjëherë dhe me një procedurë të përshpejtuar. Ç’ka tregon se opozita nuk e kishte parashikuar këtë hap, por ka pritur që koha të ecte më ngadalë. Ndërkohë, ndërkombëtarët e kanë vendosur me “shpatulla pas murit”, dhe e kanë ndalur kohën e Lulit dhe Monës, me djegien e mandateve.

Pra, edhe një herë sot duket qartë se kanë qënë ndërkombëtarët, SHBA dhe BE, ata që kanë çuar në këtë “burgosje” të Lulzim Bashës dhe Monika Kryemadhit, duke iu djegur një hap. Për Edi Ramën do të ishte më lehtë të bënte pazarin e radhës në tavolinë, por mesa duket dhe ai vetë i ka pasur rrugët e bllokuara nga ndërkombëtarët.

Tani gjithçka ndodhet në dorë të SHBA dhe BE. Asnjë hap nuk bën dot Lulzim Basha, ashtu sikundër nuk mundet dot as vetë Edi Rama. Presidenti na i tha sot. Të gjitha duken të qarta. Një skenar për djegie mandatesh që të shkonte në pafundësi nuk u lejua dhe ndërhyrja e SHBA-së që i dogji mandatet dhe i la Lulin dhe Monën me “gisht në gojë” dhe pa pazartin e rradhës.

Tani të gjithë po përpëliten. Po përpiqen të gjejnë zgjidhjen. Por, mesa duket qenka shumë e vështirë. Koka e radhës pas djegies së mandateve duket se do jetë ajo e Ilir Metës, i cili duket se ka qënë pjesë e këtij skenari, të djegies së mandateve, ashtu sikundër tha edhe vetë Live sot në Komisionin Hetimor të ngritur për shkarkimin e tij.

Le të presim dhe pak e do të shohim si do të veprohet me Ilir Metën dhe cila do të jetë dalja nga kriza politike në Shqipëri, të cilën ndërkombëtarët në fakt dhe vetë i kanë hedhur disa herë “benzinë” për të vënë një herë e mirë një rregull dhe për të stabilizuar disa gjëra përfundimisht në Shqipëri./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Skandali seksual në gjimnazin e Fierit/ Boçi i përvishet Besa Shahinit: Si ministre lë shumë për të dëshiruar

Publikuar

-

Nga

Ish deputeti i Partisë Demokaratike Luçiano Boçi ka reafuar përmes një postimi në rrjetet sociale, lidhur me skandalin seksual në gjimnazin e Fierit, ndërsa kërkon Besa Shahini të japë dorëheqjen si ministre e Arsimit, Kulturës dhe Sportit.

Duke iu referuar kritikave të ministres Boçi i thotë se Shahini në këtë drejtim si ministre lë shumë për të dëshiruar dhe më mirë të bëhet aktiviste.

“Pas Ramës dhe Besa e shqetësuar për daljen e të vërtetës tronditëse të dhunës e abuzimit seksual në shkolla, sulmon median dhe me gjuhën e tij i etiketon ato si kazan mediatik.
Nga e akuzuar kërkon të shndërrohet papritmas në akuzuese.
Nga përgjegjëse e fajtore për situatën, kërkon të marrë pozicionin e aktivistes dhe luftëtares për të drejta të munguara.
Vetëm e vetëm për të shmangur përgjegjësinë që ajo ka.
Kjo e revoltuara e ditës, për mënyrën e zbulimit të detajeve nga media të rastit të Fierit, vallë e harroi Elisën në rastin e Kavajës që bëri publike identitetin e minorenes së abuzuar nga bashkëmoshatarët?!
Mos e harro Besa që Elisa atje shkoi me regji të medias kryeministrore ERTV. Apo kjo nuk është kazan për ty?!
Pse nuk u revoltove kaq shumë atëhere, pasi mbaje dhe postin e zv/ministres?!
Në vend që të merret me fenomenin skandaloz të përhapur në mënyrë shqetësuese dhe për shkak të paaftësisë së dikasterit që ajo drejton, Besa merret me mënyrën se si duhet të ndërtohet lajmi.
A thua është ministrja e mediave dhe jo e arsimit?!
Në vend që të fshihet pas deklaratave të tilla në dritaret e FCB, Besa duhet të largohet një orë e më parë, siç i është kërkuar nga opinioni bashkë me paaftësinë e saj abuzuese, nga dera e asaj ministrie së cilës ende nuk i ka mësuar misionin.
Nëse mediat kanë kaluar apo jo kompetencën ligjore në shpalljes e së vërtetës tronditëse është AMA ajo që vendos jo Besa.
Por Besa, AMA-n aneks të qeverisë e ka, pse bën më kot të lënduarën dhe shpërndan tym?!
Rasti i Fierit nuk është rrufe në qiell të pastër.
Rrufe në qiell të pastër është sulmi që Besa i bën medias për të shpëtuar veten.
Vetëm dy javë më parë i njëjti emision, denoncoi rrjetin e prostitucionit të lokaleve dhe hoteleve pranë shkollës së mesme “Ibrahim Rugova”, ku ishin të implikuar dhe nxënës dhe ku droga në shkollë ishte sheshit.
Asnjë reagim nga Ministria dhe nga Besa. As në FCB-në e preferuar.
Prandaj ik më mirë Besa si Ministre!
Bëhu aktiviste!
Dhe në reagimin tënd si aktiviste unë do besoja vërtet në sinqeritetin e deklaratave të tua.
Si Ministre le shumë për të dëshiruar!”/CNA.al

LEXO TE PLOTE

Politikë

”Vdekje grushtit të shtetit”/ Zëdhënësi i Presidentit: Asnjë hap pas, liri Shqipërisë dhe shqiptarëve

Publikuar

-

Nga

Zëdhënësi i Presidentit, Tedi Blushi përmes një postimi në rrjete sociale ka falenderuar qytetarët shqiptarë të cilët i kanë shprehur mbështetje lidhur me tubimin e 2 marsit.

Blushi thotë se nuk ka asnjë hap pas për Presidencën, duke kërcënuar edhe grushtin e shtetit me ‘vdekje’.

“Faleminderit mijra shqiptarëve për mesazhet e solidaritetit! Së bashku në 2 mars në Bulevardin “Dëshmorët e Kombit”! Asnjë hap pas! “Vdekje” grushtit të shtetit! Liri Shqipërisë dhe shqiptarëve! RROFTË KUSHTETUTA! RROFTË SHQIPËRIA!”/CNA.al

LEXO TE PLOTE

Politikë

Investigimi i CNA.al për shkeljet e noteres/ Berisha flet për “veprimtarinë kriminale” të Blushit

Publikuar

-

Nga

Ish-kryeministri Sali Berisha ka reaguar pas investigimit të CNA.al, ku u nxorën në pah shkeljet e Eva Blushit, bashkëshortes së drejtorit të Top Channel Ben Blushit.

Eva Blushi, me profesion notere, ndonëse është në kundërshtim me ligjin për noterinë, i cili i ndalon të ushtrojë aktivitet privat dhe publik për sa kohë mban liçensën e noteres, rezulton aksionere në 4 biznese.

Berisha e cilëson këtë akt si një veprimtari të mirëfilltë kriminale, ndërsa ngre akuzat se nën mburojën e kryeministrit Edi Rama, Blushi ia ka dalë të shpëtojë pa u lagur.

“Arben Malavita i papërmbajur! Miq, bashkëshortja e Arben Malavitës në shkelje flagrante të ligjit të noterisë e lumturon me katër biznese! Ndërkohë që ligji ndalon noteren në mënyrë kategorike që të ketë kompani private. Kjo është një veprimtari e mirëfilltë kriminale. Por për Arben Malavitën lëpirjet e Ramës i shuajnë ligjet!”, shkruan ish-lideri i demokratëve në rrjetet sociale.

Kujtojmë se Eva Blushi me profesion notere, bie në kundërshtim me ligjin “Për Noterinë”, nr. 110/2018 pasi në nenin 19 të tij shkruhet, ushtrimi i funksionit të noterit nuk pajtohet me asnjë veprimtari tjetër publike dhe private me përjashtim të mësimdhënies dhe të veprimtarisë shkencore.

LEXO EDHE:  Takimi vendimtar për koalicionin/Kush po shoqëron Ramën dhe Metën?

LEXO EDHE:  Takimi vendimtar për koalicionin/Kush po shoqëron Ramën dhe Metën?

Por, pavarësisht se është në kundërshtim me ligjin, pas një investigimi të plotë, CNA.al ka zbuluar katër kompani, ku Eva Blushi është aksionere. Janë katër kompani ku dy prej tyre lidhen me njëra-tjetrën dhe dy të tjera kanë pothuajse të njëjtën fushë aktiviteti.

Lexoni më poshtë investigimet e CNA.al

Noterja në skandal/ Zbulohen katër bizneset e bashkëshortes së Ben Blushit

Pas denoncimit të skandaleve/ Vjollca dhe Blushi i “vërsulen” CNA-së

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Sa lekë ka paguar Eva Blushi për blerjen e Lori Kafesë?

E vërteta për Top Channel, Vjollca Hoxhën dhe Ben Blushin

Rrëzohet tentativa e Vjollcës dhe Blushit për grabitjen e aksioneve në Digitalb

Dosja e Blushit në SPAK/ Skandali me pronat në Tiranë dhe Korçë

SPAK do marrë në hetim familjen Blushi?!

LEXO TE PLOTE