Connect with Us

Pse socialistët duhet të jenë seriozë në qëndrimin ndaj Ilir Metës?

Opinione

Pse socialistët duhet të jenë seriozë në qëndrimin ndaj Ilir Metës?

Publikuar

-

Nga Mero Baze

– Presidenti Ilir Meta do të jetë të hënën para një Komisioni Hetimor parlamentar lidhur me pretendimin e shumicës, se ai ka shkelur rëndë Kushtetutën, duke e përdorur postin që mban për qëllimet politike të opozitës dhe destabilizimin e vendit, duke u përpjekur të anulojë zgjedhjet e 30 Qershorit, dhe duke futur vendin në kaos.

Ballafaqimi me Presidentin dhe pyetjet ndaj tij, nuk vlejnë për të konstatuar shkeljen e rëndë të Kushtetutës, pasi ajo është konsumuar në sytë e të gjithëve, por vlen më shumë për të kuptuar vendosmërinë e opozitës për t’i shkuar deri në fund këtij procesi.

Nga kjo varet shumë jo aq fati i Ilir Metës, por serioziteti me të cilin shumica, duhet të mbrojë mbajtjen e zgjedhjeve më 30 Qershor.

Mbajtja e zgjedhjeve më 30 Qershor, nuk është thjeshtë një trill i shumicës dhe as një kokëfortësi për të mos respektuar Presidentin. 

Me aktin politik të çdekretimit të 30 Qershorit, Ilir Meta tentoi t’u heqë të drejtën shqiptarëve të zgjedhin dhe të zgjidhen, duke u hequr një nga të drejtat e tyre themelore në demokraci. 

Akti i tij politik futi në rrugë pa krye procesin zgjedhor, duke e përdorur kompetencën e tij formale të caktimit të datës, si një mekanizëm lufte politike që ndau vendin. 

Ai e poshtëroi misionin kushtetutes të Presidentit në gërmë dhe në frymë, duke ndezur flakët e një lufte civile dhe duke përdorur postin e tij, jo si simbol i unitetit kombëtar, por si simbol i luftëtarit të përçarjes kombëtare.

LEXO EDHE:  Marrëveshja Rama-Basha nxjerr jashtë loje Ilir Metën

Mbajtja e zgjedhjeve më 30 Qershor, është një triumf mbi të keqen dhe një çmontim i strategjisë së luftës civile në vend, për nevoja tërësisht politike të opozitës që udhëheq presidenti Ilir Meta. 

Merita e shumicës nuk është se zgjodhi 61 kryetarë bashkie më 30 Qershor, por se zgjodhi të mos fuste shqiptarët në një luftë vëllavrasjeje për shkak të Ilir Metës.

Tani pas 30 Qershorit qëndrimi ndaj Ilir Metës vlen për të kuptuar, nëse shumica e bëri 30 Qershorin për të marrë bashkitë apo për të shpëtuar vendin nga ndarja dhe lufta civile.

Nëse socialistët përpiqen të bëjnë kompromis me Ilir Metën, ata nuk kanë më asnjë të drejtë më 30 Qershorin dhe betejën politike për ta mbrojtur atë.

Serioziteti me të cilin ata duhet ta trajtojnë Ilir Metën, si një njeri që ka marrë peng zyrën e Presidentit të Shqipërisë, duke e përdorur atë kundër unitetit kombëtar, paqes sociale dhe të drejtës së shqiptarëve për të votuar, do të tregojë shumë, nëse 30 Qershori ishte një betejë për këto vlera, apo për 61 Bashki.

Nuk ka rëndësi pastaj çfarë do të rekomandojë Komisioni i Venecias apo Gjykata Kushtetuese. Rëndësi ka që socialistët të tregojnë se nuk zgjodhën të mbrojnë një datë më 30 Qershor, por historinë e shtetit shqiptar./TemA/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Andi BUSHATI/Gafa e Bild që i nxorri bllof të gjithë

Publikuar

-

Nga

Një shaka prej mediaje bulevardeske e tabloidit gjerman Bild, që publikoi dhe fshiu brenda disa orësh artikullin ku hidheshin dyshime mbi financimet ruse të PD, ka nxjerrë edhe njëherë në pah hipokrizinë e barrikaduar të bipartizanizmit tonë.

Rilindasit, duke haruar të shkuarën e afërt, përjetuan për pak orë një lumturi orgazmike duke ngritur lart gazetën që tani po groposte Bashën.

Krejt në të kundërt, demokratët filluan t’u besonin teorive konspirative me blerje mediash ndërkombëtare, madje duke identifikuar edhe korruptuesit e mundshëm shqiptarë, pa ngurruar të përsërisin të njëjtat fjalë që socialistët kishin thënë për gazetën me tirazhin më të lartë në Gjermani. Madje ata u krekosën si triumfatorë, kur Bild e zhduku artikullin nga faqja.

Në fakt është e vështirë të hamendësohet se ç’ndodhi mes mbrëmjes të së dielës dhe orëve të mëngjesit të së hënës, deri sa vetë tabloidi gjerman nuk ka dhënë një shpjegim serioz.

Por, edhe pa e ditur atë, disa gjëra mund të thuhen me bindje.

Fakti që e përditshmja, në mënyrë amatoreske, e fshiu shkrimin me titull: “A qëndron Rusia pas fushatës kundër antarësimit në BE”?- nuk do të thotë automatikisht se Lulzim Basha është i pastër për mbi gjysëm milionë euro të paguara për lobistët e tij. Pavarësisht se artikulli nuk ekziston më online, pavarësisht se akuzat për rusë dhe lobim kundër negociatave ngjajnë qesharake, në këtë aferë ka qindra mijëra dollarë që PD nuk i justifikon dot. Ato janë deklaruar ndryshe në Uashington dhe ndryshe në Tiranë. Historia e pagesës për fotot me Trumpin është për kreun e PD po aq e pasqaruar sa ajo e çiftëzimit të Ramës me taksistin e dënuar në Amerikë, Bilalin. Prandaj “korrigjimi” i Bildit nuk është ndonjë nga ato raste që të japin të drejtën të thërrasësh fitore.

Nga ana tjetër, as pretendimi i socialistëve për mungesën e kredibilitetit të Bild, nuk është i përligjur. Ndonëse, ndërmjet dy historive të publikuara nga gazeta, ajo njërës i qëndroi deri në fund, ndërsa nga tjetra me sa duket u tërhoq, ky nuk është ndryshimi i vetëm mes tyre.

Në rastin e përgjimeve të vjedhjeve të votave në Durrës dhe Dibër, ne nuk lexuam vetëm shkrimet dhe komentet e Piter Tiede. Ne dëgjuam me veshët tona pazaret për blerjen e votave, provuam funksionimin e makinerisë kriminale shtetërore, shpërblimin e punonjësve të rendit që i kryenin këto akte dhe lidhjen e pamohueshme me trafikantët e përfshirë në ndryshimin e rezultatit të votimeve.

Ndërsa, për lidhjet ruse të PD dhe financimet e pazbardhura të Bashës, gazeta nuk u soll njësoj. Bild nuk bëri asgjë më shumë sesa i përsëriti publikut ato fakte që pati lexuar në investigimin e “Mother Johnes”, duke hedhur ndonjë pandehmë të pafaktuar se PD qe implikuar me Rusinë për të penguar integrimin e vendit drejt BE.

LEXO EDHE:  Analiza në “Zërin e Amerikës”/PS tërheq kandidatin në Kavajë, përplasjet Rama-Basha

LEXO EDHE:  Analiza në "Zërin e Amerikës"/PS tërheq kandidatin në Kavajë, përplasjet Rama-Basha

Pra edhe sikur “jo seriozia” BILD mos ishte “penduar” për shkrimin që godiste PD-në, mes dy historive nuk mund të vihet shenja e barazimit. Goditja që iu bë sistemit kriminal të blerjes së zgjedhjeve nga Rama ishte e plotë dhe e pa kundërshtueshme. Prova për këtë është se të njëjtat fakte i rimori si të vërteta edhe një media skrupuloze si “Der Spiegel”. Prandaj pretendimi për t’i futur të dyja “goditjet” në një thes, duke hamendësuar se gjithçka që publikohet nga tabloidi gjerman nuk duhet marrë shumë për bazë, përbën një manipulim perfid.

Po aq manipulative janë edhe versionet e përhapura aty- këtu se gjithçka kundër qeverisë e botuar në Bild, është vepër e një këshilltari gjerman të PD-së, apo se ato që s’i shkojnë për shtat opozitës, i ka paguar Taulant Balla.

Këto lloj gënjeshtrash, që u serviren militantëve të të dyja kampeve, janë shumë larg të vërtetës. Ato janë tagjia bajate me të cilën ushqehen fanatikët, që duan ta shohin liderin e tyre të pastër si ëngjëll dhe kundërshtarin e tij të zi si djall.

Prandaj shpikësit e tyre flasin për “tabloid të pabesueshëm” kur nuk u shkon për shtat dhe për gazetën më të madhe në Gjermani kur e kanë në favor.

Në fakt, e vërteta është disi më ndryshe.

Me tërheqjen e artikullit të publikuar të dielën në mbrëmje, Bild ndoshta e kuptoi se nuk ka asnjë provë evidente për një bashkëpunim ruso- opozitar për të penguar përparimin e vendit drejt BE. Por nga ana tjetër, kjo zbrapsje nuk përbën asnjë alibi se Basha nuk e ka shkelur ligjin shqiptar të financimit të partive me mbi gjysëm milioni euro që i dalin tepër.

Ndërsa pala tjetër, as nuk mund të shfrytëzojë atë që shkroi gazeta për të noterizuar propagandën e saj, as mund të përdorë atë që ajo fshiu, për të vënë në pikpyetje seriozitetin e denoncimeve për vjedhjen e zgjedhjeve./LAPSI

LEXO TE PLOTE

Opinione

Çmendet banda e Republikës së re/ Haxhi Qamili dhe andarti sulmojnë demokratët, Topallin dhe kritikët

Publikuar

-

Nga

pollo kunder bashes

Gazeta më e madhe në vend, dalë në 5 janar të vitit 1991, një shpresë për shqiptarët sot pas 30 vjetësh duket një kufomë gazetarie. E katandisur fatkeqësisht aty ku askush nuk do të donte ta shikonte, edhe ai që e urrente më shumë ndoshta Ramiz Aliaj dhe kasta e diktaturës nuk do të donin ta shikonin RD-në në këtë gjendje ku andartët, Haxhi Qamilët  e përdorin si marjonetë kundër njerëzve të cilët kanë investuar jetën e tyre në atë gazetë.

Sot RD-ja në një koment të shkruar në një mënyrë Haxhi Qamiljane sulmon Jozefina Topallin dhe na shpall Lulzim Bashën liderin europian dhe më të mirin e 30 viteve në Shqipëri. Haxhi Qamili modern është Lulzimi i pazareve të Edi Ramës, është ky Lulzim miliarderi i kunatit është ky Lulzim i pallateve në breg të detit në Vlorë, është ky Lulzim i gjobave ndaj biznesit, është ky Lulzim që vetëm humb dhe vetëm humb, është ai që e mori PD me rreth 700 mijë vota dhe e katandisti me gjysmat e saj, po është ky Lulzim që sot “shkëlqen” si Haxhi Qamil me bandën e tij rreth e rrotull.

Por, ajo që vritet në fakt është logoja, është RD, është emri i saj që fatkeqësisht po përfundon atje ku nuk duhet të ishte kurrë. Nuk ka rëndësi sesi akuzohet apo sulmohet Jozefina Topalli me gjuhën apo fragmente të gazetës “Zëri i Popullit” dje, nuk ka rëndësi se çfarë thuhet për Astrit Patozin, kryeredaktorin më jetë gjatë në ditët më të vështira të RD-së i cili sot në fakt është larguar nga Andarti dhe Haxhi Qamilizmi i Lulzim Bashës, apo Edvin Kulluri një kritik i pandalur i Bashës, pa folur për të tjerët që kanë zgjedhur mënyra të tjera në karrierën politike Bode i tërhequr dhe dalë jashtë saj apo Majlinda Bregu në diplomaci.

Sulmohen dhe akuzohen nga RD me gjuhën që përdorte “Zëri i Popullit” dje me gjuhën që përdori PS gjatë 8 viteve në opozitë dhe këtë sot në mënyrën më të neveritshme, në mënyrën më Haxhi Qamiljane e bën RD-ja e Republikës së Re.

Gazeta e shpresës të para 30 viteve, sot është kthyer në fletushkën e urrejtjes të Genc Pollos dhe andartëve që vijnë rreth e rrotull Haxhi Qamilit që i përdorin për sulmet e tyre publike. Është fatkeqësi por e vërtetë që RD-ja sot drejtohet dhe menaxhohet zyrtarisht nga Genc Pollo në PD i cili e përdor për të nxjerrë inatet e tij personale, pas kaq e kaq vitesh një andart dhe një Haxhi Qamil për të nxjerrë mllefin e tij dhe urrejtjen e tyre ndaj demokratëve.

LEXO EDHE:  “Kosova nuk erdhi nga arsye të mosarsyes”/ Rama: Rritje shokuese ekonomike në 2020

LEXO EDHE:  Loja e koalicioneve/Rama i tregon "rrugën" Metës: S'keni qenë ndonjëherë ...!

Janë andartët e turpit të qeverisjes dje, jane Luli dhe Genc Pollot e tenderave skandalozë në Ministrinë e Arsimit, akuzuar për 20 milionë eurot e dixhitalizimit të TVSH, tenderat e ministrisë e kështu me radhë. Por që RD të katandisë vegla e andartit duke bashkëpunuar Haxhi Qamilin për të sulmuar elitën e partisë, kjo është e neveritshme.

Çfarë do që të thonë, Topalli e shumë të tjerë, janë simbole dhe kanë shumë kontribute se të gjithë Haxhi Qamilët, apo andartët që vijnë vërdallë atje në ngrehinën e PD, ku rrënojash është ngritur Republika e Re. Është trishtë kur mendon se gazeta dhe simboli i një i pëmbysjes së diktaturësrifillojë luftën e klasave, dhe është kthyer në një marjonetë apo hushtë sulmesh. Gjithsesi ajo që vlen sot për të thënë është se PD tashmë nuk ekziston më, ajo është kthyer në Republikën e Re të Lulzim Bashës, prandaj dhe ato që shkruhen nuk janë më shkrime të RD-së sepse dhe RD-ja ka vdekur me kohë.

Ajo është Republika e Re e Rilindjes, vetëm kështu mund të quhet RD-ja e dikurshme që vdiq për tu ngjallur në një pacavure e Republikës së Re e përdorur nga Haxhi Qamilë dhe andartë kundër demokratëve./CNA.al

LEXO TE PLOTE

Opinione

Mirë që paguan për të botuar, por tani hedh lekë edhe për të fshirë shkrime!

Publikuar

-

Nga

Nga Ardit Rada

Tabloidi gjerman “Bild”, jo pak i njohur për shqiptarët, ka vendosur ta fshijë shkrimin që kryqëzonte Lulzim Bashën për lobimin rus.

Vendimi nuk dihet në çfarë rrethanash është marrë, por hijet e dyshimit janë të mëdha për aq kohë sa artikulli e trazoi jo pak qetësinë e të dielës.

Pra, opozita e Lulzim Bashës që në pranverë bënte thirrje për ta djegur vendin me kopertinën e “Bildit” në dorë, dje ka mbetur e befasuar dhe ka nisur të lëvizë ‘gurët’. Hidhërimi që mund të ketë shkaktuar në selinë blu shkrimi se Basha ka paguar kundër hapjes së negociatave, është mëse i kuptueshëm.

Por ‘rrëshqitja’ e një artikulli të tillë që në thelb kishte provat e amerikanëve tregon se edhe ‘Bild’ është i gabueshëm, por jo se nuk mund të gjejë kompromisin alla-shqiptar. Me fshirjen e artikullit, duket se u konfirmua edhe një herë marrëdhënia e veçantë që Lulzim Basha ka me gazetën në fjalë.

Pas bisedave telefonike që tabloidi publikoi për Dibrën dhe Durrësin, lidhjet mes PD-së dhe gazetës gjermane u bënë të dukshme. Kjo, pasi ishte tepër e thjeshtë të konstatoje se materiali në gjuhën shqipe ishte servirur i përkthyer dhe i titruar në kohë rekord. Punë që mund ta bënin vetëm shqiptarët.

LEXO EDHE:  Ja kush është agresori i Lulzim Bashës/ FOTO FAKT

LEXO EDHE:  Loja e koalicioneve/Rama i tregon "rrugën" Metës: S'keni qenë ndonjëherë ...!

Por nga sot, PD e çimentoi konstatimin se mes saj dhe “Bild” ka një marrëdhënie të veçantë. Para faktit të sotëm, ku artikulli u zhduk nga faqja e gazetës brenda 24 orëve, mbeten disa pikëpyetje: Çfarë detyrimi ka “Bild” ndaj Lulzim Bashës saqë sakrifikon edhe reputacionin e saj?

A u duhet një sqarim shqiptarëve dhe gjermanëve nga gazeta, apo sqarimin duhet ta presim nga selia e PD?

Duket se Bashës i paskan mbetur ende para nga ato të lobimit. Mirë që paguan për të botuar, por tani mesa duket i duhet të paguajë edhe për të fshirë shkrime.

LEXO TE PLOTE