Connect with Us

Festivali i Beethovenit 2019 në Bon/ 1800 artistë nga e gjithë bota

Kultura

Festivali i Beethovenit 2019 në Bon/ 1800 artistë nga e gjithë bota

Publikuar

-

Bethoven

Në mbarë botën Hëna i ka frymëzuar artistët për krijimtari të nivelit të lartë – në art, letërsi dhe muzikë. Edhe programi i Festivalit të Beethovenit 2019 në Bon ka përfituar prej këtyre veprave sivjet.

Në Bon, qyteti i Beethovenit, këtë fundjavë hap siparin Festivali 2019 i Beethovenit: Një opera komike pothuajse e panjohur e Joseph Haydn-it, në të cilën bëhet fjalë për një fluturim në Hënë, “Serenata Notturna” e Moxartit, “Nata e shpërfytyruar” dhe  “Pierrot Lunaire” e Arnold Schönberg-erit. Duke prezantuar programin e festivalit, drejtorja e përgjithshme e këtij eventi Nike Wagner nënvizoi moton sivjet – “Ndriçimi i Hënës”, – që do të përshkojë si një fill të gjitha koncertetet e planifikuara.

Ajo që karakterizon gjithashtu moton e festivalit të sivjetëm është edhe një çast përkujtimi në vigjilje të jubileut të madh të 250 vjetorit të lindjes së gjeniut të muzikës Ludwig van Beethoven. Më 2020 Boni do të kremtojë përmes eventeve të shumta kulturore dhe muzikore jubileun e kompozitorit të madh.

Në moton e sivjetme të festivalit përshtaten mjaft mirë edhe vepra të Debussys-së si “Claire de lune” si edhe pjesë të rralla të interpretuara pak deri më sot, ndër to edhe një oratorium i Robert Schumann-it si dhe opera e Beethoven-it “Fidelio” si teatër kukullash.

Sonata e Hënës e Beethovenit e intereretuar shumë herë si pjesë mësimore me nxënës të pianos dhe si kolonë zanore e çasteve ëndërrimtare në shumë filma, në festival do të zerë një vend të rëndësishëm duke u shpalosur në aspektet e shumta të saj prej interpretuesve.

Deutschland Musik Beethovenhaus in Bonn (picture-alliance/dpa)Shtëpia muze ku ka lindur Beethoven më 1770 e ka jetuar deri më 1727 në Bon.

Sonata e Hënës në origjinal mban titullin “Sonata quasi una fantasia” titullin që mban sot e mori prej shkrimtarit muzikor Ludwig Rellstab. Tri herë do të interpretohet kjo sonatë gjatë Festivalit të Beethovenit 2019, në një piano moderne koncertesh e luajtur nga pianisti francez, Pierre-Laurent Aimard, në një piano forte historike nën interpretimin e pianistit holandez Ronald Brautigam dhe në një përpunim për Korno dhe piano nga viti 1986 prej kompozitorit gjerman Giselher Klebe.

Një tjetër aspekt në programin e festivalit është sivjet përfshirja e disa veprave të Clara Schumann-it me rastin e 200 vjeotirt të lindjes së pianistes dhe kompozitores gjithashtu nga qyteti i Bonit.

Të apasionuarit e Beethovenit do të kenë rastin të ndjekin në këtë festival kompozime pak të njohura si dhe veprat madhore të kompozitorit: Pesë nga nëntë sinfonitë e tij si dhe tre koncerte për piano, një koncert për violinë dhe tri sonatat për piano janë të përfshira në program. Ansamblet pjesëmarrëse janë orkestra angleze “Orchestra of the Age of Enlightenment” nën dirigjimin  e Adam Fischer, Camerata Salzburg nën drejtimin e pianistit dhe kompozitorit Fazil Say, orkestra filharmonike e NDR me dirigjent Alan Gilbert si dhe orkestra sinfonike Çajkovski nga Moska e drejtuar nga mjeshtri i vjetër Vladimir I. Fedossejev.

Në kuadër të bashkëpunimit 20 vjeçar mes DW dhe Festivalit të Beethovenit organizohet edhe koncerti i orkestrës së të rinjve nga Afrika e Jugut “Ansambli A Cappella”.

Gjithsej marrin pjesë rreth 1800 artiste dhe artistë. Ndër ta pianistët e njohur Pierre-Laurent Aimard, Louis Lortie dhe Fazil Say, këngëtarët klasikë Christian Gerhaher dhe Sarah Maria Sun si dhe violinistja Carolin Widmann./DW

KLIKO PER TE KOMENTUAR

Komentoni

Your email address will not be published. Required fields are marked *

Kultura

Ismail Kadare fiton çmimin e madh/ Sa është shpërblimi financiar për shkrimtarin

Publikuar

-

Nga

Shkrimtari Ismail Kadare është shpallur fitues i çmimit ‘Pak Kyongni 2019’.

Ceremonia për dhënien e këtij çmimi do të zhvillohet më 26 tetor 2019 në Qendrën Kulturore Toji të Koresë së Jugut. Ky çmim shoqërohet edhe me një shpërblim financiar prej rreth 84 mijë dollarësh. Përzgjedhja e fituesit bëhet pasi shqyrtohen rreth 350 autorë nga mbarë bota, të cilët përmbushin kriteret e përcaktuara.

‘Punimet e Ismail Kadaresë i bëjnë lexuesit të mendojnë dhe të ndjejnë fort marrëdhënien e tyre me ngjarje të caktuara të historisë’, është shprehur Kim Uchang kryetar i komisionit përzgjedhës./CNA.al 

LEXO TE PLOTE

Kultura

Muharrem Meko “ringjit” në skenë aktorin 92-vjeçar dhe grupin e aktorëve të rinj

Publikuar

-

Nga

Muharrem Meko, drejtori i RTSH Korça përmes një postimi në rrjetet sociale, ka njoftuar ringjitjen në skenë të aktorit 92-vjeçar, Koço Qendro, së bashku me Dhimitër Orgockën e grupin teatral të maturantëve të shkollës së mesme të Pojanit.

Këtë herë ata do të luajnë pjesën teatrale “Këpucarja e Bukur “, të dramaturgut spanjoll, Federiko Garcia Lorkes. Ndërsa pak muaj më parë, aktori 92-vjeçar risolli në skenë “Kopracin”.

“Duket se mjeshtri e ka përzgjedhur enkas për mesazhet që ajo përcjell, në realitetin e rënduar shqiptar, si një shoqëri që tenton konsolidimin e vetvetes”, shkruan Meko, ndërsa njofton se RTSH Korça ka marrë përsipër regjistrimin e kësaj pjese në interes të aktiviteti, por edhe si vepër me shumë vlera për teleshikuesit.

Postimi i plotë

“Këta të dy , falendero e botë, që unë “… i pres kaq mirë…”; e unë, falendero e botë, ata të dy që më vizitojnë kaq shpesh”, e nis postimin Meko, që më tej vijon:

“Protagonistët e mëdhenj, mbeten të medhenj në çdo sekondë të jetës së tyre; ja p.sh i madhi i regjise shqiptare, Dhimiter Orgocka, se bashku me “Kopracin “, erdhi sot e me tha se ka krijuar grupin teatral te maturanteve te shkolles se mesme te Pojanit, e se me ta, ka vene ne skene pjesen teatrale “Kepucarja e Bukur “, te Federiko Garcia Lorkes !
Eshte nje pjese e njohur e dramaturgut te madh spanjoll, ne qender te se ciles jane mardheniet familjare te shoqerise spanjolle te asaj kohe; por qe duket se mjeshtri e ka perzgjedhur enkas per mesazhet qe ajo percjell, ne realitetin e renduar shqiptar… si nje shoqeri qe tenton konsolidimin e vetvetes !

Orgocka, shume i entusiazmuar s’ rresht se foluri per lojen gjithe pasion të te rrinjve, por edhe mesazhet qe ata percjellin me dashurine e tyre per artine e vertet; nderkohe qe fatkeqesisht jemi deshmitare se pjesa dermuese e bashkemoshatareve te tyre e vrasin kohen me gjera te padobishme, madje tejet te demshme ! Si model te pasionit per artin te ketyre te rrinjve, me vehte ka sjelle edhe aktorin kryesor te çfaqies, te riun Klajdi Lulollarri… nderkohe qe miku i tij, mjeshtri i skenes Koço Qendro, po aq i entusiazmuar me thote se ka mbetur i mahnitur nga loja e tyre, gjate provave !

U premtova se RTSH Korça merr persiper rregjistrimin e kesaj pjese ne interes te arkivit ; por edhe si nje veper me shume vlera, ne interes te vet teleshikuesve…!
Të vjen keq, që pjesë te tilla, me vlera e mesazhe kaq domethënëse; mbi të gjitha kaq aktuale, neglizhohen nga trupat profesioniste; ndërkohë që lajmi i mirë qëndron tek ajo, se ka të rrinj të talentuar, amatore pasionant që lakmojnë të tilla tema, kaq të dobishme për shoqërinë…,” shkuran drejtori i RTSH Korça, Muharrem Meko./CNA.al

LEXO TE PLOTE

Kultura

Histori e fateve njerëzore/ Njihuni me librin e ri të Blendi Fevziut

Publikuar

-

Nga

Moderatori i emisionit “Opinion”, Bledi Fevziu, i  njohur edhe si autor i disa librave të suksesshëm pritet të nxjerrë së shpejti një tjetër vepër për përmbatjen e të cilës ka folur  në emisionin “Rudina” në TV klan.

“E kam mbaruar librin, po pres korrektimin. Nuk ia kam vënë titullin akoma. “Tirona e nonës” ka qarkulluar për arsye se unë e kam përdorur këtë, por nuk jam akoma i bindur nëse do të jetë ky titulli përfundimtar.

Për mua është libri më i mirë dhe më emocional që kam shkruar ndonjëherë. Nuk dua të flas më shumë sepse dua ta shpjegoj më shumë kur libri të jetë.

Është një histori e fateve njerëzore, ku njerëz që duken fare të zakonshëm, befas ngërthejnë brenda tyre histori të jashtëzakonshme që ngjajnë me 1001 netët.

Është shlyerja e një lloj borxhi. Ka shumë njerëz që krijojnë borxhe në jetën e tyre, një është me prindërit, një tjetër është me shokët që të formojnë dhe të ndihmojnë, një tjetër me mësuesit etj.

Ka shumë njerëz që ikin nga kjo botë me borxhet të ngarkuara në kurriz dhe ky ishte një lloj borxhi. Në libër ka një histori me vëllain e stërgjyshes time, që është një histori e rrallë.

Ai kishte “bredhur” në shumë vende të botës dhe si përfundim vdiq në Valencia. Rezervoj të flas shumë, por mund të them që njerëzve që ia kam dhënë ta lexojnë janë shumë entuziastë për librin ”, ka shpjeguar autori Blendi Fevziu./CNA.al

 

 

LEXO TE PLOTE