Connect with Us

Aksidentet në punë/ Shqipëria mban rekordin e vdekjeve

Denoncim

Aksidentet në punë/ Shqipëria mban rekordin e vdekjeve

Publikuar

-

Gjatë këtij viti ka shkuar në 25 numri i punëtorëve, që kanë humbur jetën gjatë punës në kantiere ndërtimi dhe firma prodhuese.

Sindikatat ankohen për shkallën e ulët të sigurisë në punë, por sipas tyre, papunësia e lartë është shkaku kryesor, që punëtorët pranojnë të punojnë në këto kushte dhe me paga të ulëta.

Policia e Tiranës njoftoi sot se ka arrestuar pronarin e firmës “Skela Syla”, tre javë pas incidentit tragjik në periferi të Tiranës, ku dy punëtorë ndërtimi humbën jetën gjatë punës.

46 vjeçari Petrit Syla është personi i dytë, që mbahet përgjegjës nga prokuroria për vdekjen e dy punëtorëve, teksa skelat e hekurit u shkëputën u shkëputën nga një pallat gjatë rikonstruksionit.

Prokuroria kërkoi ndalimin e tij dhe të një personi tjetër pas vdekjes në punë të dy punëtorëve 31 dhe 36 vjeç.

Kompania “Xhimi” me përvojë 3 vjeçare, dhe “Skela Syla” me përvojë 11 vjeçare janë në proces hetimi për incidentin.

E para nuk ishte kontrolluar asnjëherë nga inspektoriatet, ndërsa e dyta ishte inspektuar plot 16 herë në një dekadë.

Incidentet e punëtorëve në kantieret e ndërtimit dhe firmat prodhuese janë të shpeshta në Shqipëri.

Nga janari deri sot, pra për 9 muaj janë regjistruar  99 incidente, nga këto 25 punëtorë kanë humbur jetën dhe pothuaj të gjitha (21 raste) i përkasin sektorit të ndërtimit.

Inspektoriati Shtetëror i Punës ka hetuar 114 subjekte private për mënyrën se si trajtojnë punëtorët, dhe ka vendosur 34 gjoba dhe 29 dënime administrative për të ndikuar sigurinë e punëtorëve dhe ruajtjen e shëndetit të tyre në punë.

Sindikatat e pakta dhe të pafuqishme ankohen shpesh në Shqipëri për masat e ulëta mbrojtëse nëpër kantieret e punës dhe prodhimit.

Pjesën dërrmuese të aksidenteve në punë e ka sektori i ndërtimit, minierat, energjia, uji dhe në funs shërbimet publike.

Shqipëria është midis vendeve me nivel të lartë të vdekjeve nga aksidentet në punë.

Mesatarja e BE-së është 1.8 vdekje për 100 mijë punëtorë, ndërsa Shqipëria deri tani e ka praktikisht këtë viti mesataren e vdekjeve në punë së paku 4 herë më të lartë se Bashkimi Europian.

Shqipëria gjendet përgjithësisht në vështirësi të mëdha sa u takon kushteve të rënda të punës dhe pagave të ulëta për një pjesë, dhe papunësisë së lartë për pjesën tjetër të banorëve.

Minierat janë sektori më i rrezikshëm me kushte pune minimale dhe ku vazhdojnë të humbin jetën jo pak minatorë.

Në 5 vitet e fundit kanë humbur jetën në vendin e punës 42 minatorë.

Qytetet pranë minierave shqiptare janë tejet të varfëra dhe shumë të mitur shfrytëzohen për punë të ndryshme.

Studiues të ekonomisë pohojnë se përpjekjet e qeverisë për të hapur vende të reja janë të pamjaftueshme.

Sipas tyre, papunësia e vërtetë është së paku 2 deri në 3 herë më e lartë se sa statistikat qeveritare.

Papunësia e lartë është shkaku kryesor pse punëtorët pranojnë të punojnë në kushte të vështira dhe me paga të ulëta, nga frika e zëvendësimit të menjëhershëm.

Pjesa dërrmuese e të papunëve po emigrojnë në shtete të tjera për të mbijetuar, dhe jo për një jetë më të mire, duke lënë prapa varfërinë e thellë.

Punëtorët në Shqipërinuk trajtohen me dinjitet, thonë vëzhgues të ekonomisë, mbahenme paga e sigurime të ulëta, me shëndetësi të pagarantuar dhe pa kushte teknike, ndërsa punojnë edhe në ditët e pushimit dhe u shkelen të drejtat të tjera si punëtorë dhe si qytetarë./VOA-Titulli është i CNA.al/

KLIKO PER TE KOMENTUAR

Komentoni

Your email address will not be published. Required fields are marked *

Denoncim

“Stop”–Tiranë/ Nuk i regjistrojnë djalin me probleme autizmi!

Publikuar

-

Nga

Hatixhe Byberi, nga Tirana, i është drejtuar emisionit investigativ “Stop”, pasi nuk regjistron dot në shkollë djalin me probleme autizmi.

Nga shkolla “Musine Kokalari”, djali ka kaluar në shkollën “Kolë Jakova”, për shkak të ndryshimit të vendbanimit. Por tani, që jeton në njësinë administrative numër 6, nuk e regjistrojnë as në shkollën “Musine Kokalari” dhe as në shkollën “Betim Muco”, edhe pse e ëma ka shkuar në të dyja shkollat.

Hatixheja takon drejtorët e dy shkollave, që vetëm e përcjellin, duke i thënë, se i takon te shkolla tjetër. Vetëm pas ndërhyrjes së emisionit “Stop” , djali 10 vjecar regjistrohet në shkollën “Betim Muco”, që e ka dhe më afër shtëpisë.

Për më shumë ndiqni videon e mëposhtëme:

LEXO TE PLOTE

Denoncim

Denoncimi në Fiks Fare/ Drejtoresha “dhunon” mësuesen e lë dhe pa orë mësimi

Publikuar

-

Nga

Në shkollën e Mesme “Kristaq Capa” në Berat, drejtoresha vlerëson vetë dosjet e mësuesve, duke lënë me më pak orë mësuesen me dosjen më të plotë.

Sipas mësueses drejtoresha e bën këtë gjë pasi e sheh mësuesen si rivale meqë të dyja janë të të njëjtit profil, Biologji -Kimi. Juliana Numani është mësuesja e cila prej 14 vitesh e ushtron këtë profesion në qytetin e Beratit, dhe përpara se të emërohej drejtoresha aktuale, ajo nuk ka patur asnjë problem me vendin e punës.

Ndërkohë këtë vit drejtoresha i thotë se mësuesja ka pikë më pak dhe se do plotësohesh me orë mësimi në një shkollë tjetër. Përveç kësaj, sipas mësueses drejtoresha ushtron një formë bullizmi mbi të dhe këtë e bën në sy të kolegëve për ta ulë edhe më shumë.

“Situata e fundit me të ishte një mbledhje ku do ndaheshin edhe orët për këtë vit në bazë të pikëzimit, por që drejtoresha nuk pranon të bëj transparente asgjë, vetëm më thotë se unë kam më pak pikë se të tjerët, pikët e kolegëve nuk i tregon” thotë znj.Numani.

” Unë kam dosjen më të plotë në shkollë, kam më shumë pikë se të gjithë, por drejtoresha ndjen rivalitet pasi edhe ajo është mësuese bio-kimie, ndaj për këtë kërkoj ndihmën e Fiksit, t’i japim fund këtij fenomeni ” thotë znj.Numani.

Fiksi transmetoi materialin audio të mbledhjes së mësuesve në shkollë, ku mësuesja Numani debaton me drejtoreshën për dosjen dhe pikët e saj. Ajo i kërkon drejtoreshës transparencë për veten dhe kolegët, por që drejtoresha nuk pranon të bëjë asgjë transparente. Madje nuk tregon as anëtarët e komisionit që kanë bërë pikëzimin e dosjeve.

Gazetarët e Fiksit kërkuan një përgjigje nga drejtoresha e shkollës, për rastin e mësueses Numani, por që ajo mohoi të jetë bërë pikëzim . Ajo tregoi për Fiksin se mësuesja Numani do qëndrojë në atë shkollë, i ka të 20 orët e saj dhe dosja e saj është e plotë.

Ajo mohoi ta ketë fyer mësuesen dhe ta ketë quajtur të paaftë.

Për këtë rast përgjegjësja e kurikulave pranë Zyrës Arsimore Vendore Berat, Emanuela Garuli tha për Fiksin se nuk është bërë pikëzim dosjesh, dhe se rastin e asaj mësueseje e njohin.

“Ajo mësuese do qëndrojë në atë shkollë, këtë ma tha vetë drejtoresha e shkollës , pasi dosja e saj është e plotë, nuk është bërë akoma pikëzim dosjesh, dhe drejtoresha e shkollës s’ka patur pse ta bëjë një debat të tillë” tha znj.Garuli./ Top Channel

LEXO TE PLOTE

Denoncim

Skandali me Check Up/ Mjekët të punojnë për llogari të koncesionit privat

Publikuar

-

Nga

Ministria e Shëndetësisë pranon se është në dijeni të kontratës që detyron mjekët të punojnë për llogari të koncesionit privat të Check Up dhe po ashtu pohon se mjekët që nuk realizojnë numrin e detyruar të analizave të përgjithshme, do të penalizohen.

Sindikata e mjekeve e konsideron të paligjshme kontratën që detyron mjekët të punojnë për koncesionin e Check Up-it, por Zëvendësministrja e Shëndetesiseë, Mira Rakacolli pohon se mjekët e kanë për detyrë t’i bindin pacientët për rëndësinë e kontrollit bazë.

Por ç’ndodh nëse një pacient nuk dëshiron të beje Check Up? Ministria nuk ka përgjigje për këtë, përderisa  nuk ekziston asnjë kontratë apo ligj që ta detyrojë pacientin të bejë kontrollin periodik. Në këtë mënyrë mjekët nuk kanë asnjë mekanizëm ligjor që t’i detyrojnë pacientët të bejnë Check Up-in, madje ligji i dënon nëse nuk u japin shërbimin qytetarëve edhe nëse ata nuk e kanë bërë kontrollin bazë. Sipas sindikatës së mjekëve këtu qëndron edhe paligjshmëria e kësaj kontrate, e cila i detyron mjeket të bëjnë të paktën 3 Check Up-e në ditë. Sindikata e mjekeve u ka bërë thirrje bluzave të bardha ta refuzojnë këtë kontratë dhe ka denoncuar publikisht faktin se atyre u behet presion që ta firmosin./Tv Klan

LEXO TE PLOTE