Connect with Us

Rusisë i intereson mosmbyllja e konflikteve në Ballkan, por nuk guxon të sfidojë hapur Perëndimin

Blog

Rusisë i intereson mosmbyllja e konflikteve në Ballkan, por nuk guxon të sfidojë hapur Perëndimin

Publikuar

-

Nga Maxim Samorukov “Carnegie Russia”

* Rusia është bërë shumë më e gatshme, të marrë përsipër rreziqe në politikën e saj përkundrejt Ballkanit. Moska kundërshtoi me ngulm vendimin e Malit të Zi për t’u anëtarësuar në NATO-n, dhe tentoi të sabotojë marrëveshjen mes Greqisë dhe Maqedonisë së Veriut, për ndryshimin e emrit të kësaj të fundit.

Por nga ana tjetër, ka pak shenja se Rusia është e gatshme të zgjerojë përfshirjen e saj në rajon. Prioritetet e saj të politikës së jashtme, u zhvendosën larg Ballkanit Perëndimor që shumë kohë

më parë. Sot aktivitetet e Rusisë në Ballkan, janë oportuniste dhe që kanë kërkuar një buxhet të ulët.

Moska e shfrytëzon herë pas here rajonin për lojëra diplomatike dhe synime propagandistike,

por nuk ka as burimet financiare dhe as vullnetin e duhur, për të sjellë një ndryshim të madh në Ballkan. Objektivi kryesor i saj në Ballkanin Perëndimor mbetet i njëjti:të frenohet zgjerimi i NATO-s dhe BE-së.

Kremlini e ka konsideruar historikisht NATO-n një kërcënim të madh gjeopolitik, dhe e ka kundërshtuar zgjerimin e aleancës që nga mesi i viteve 1990. Kjo nuk do të thotë, se Rusia e

sheh pranimin e shteteve të Ballkanit në NATO, si një kërcënim të drejtpërdrejtë ushtarak.

Kremlini e kupton shumë mirë se ushtritë e tyre të vogla dhe të keq-pajisura janë larg

kufijve rusë, dhe mund të kontribuojnë shumë pak në aftësitë e përgjithshme të aleancës.

Përkundrazi, Rusia druhet se rifillimi i zgjerimit të NATO-s pas një dekade, do të krijojë një impuls ekspansionist, që më vonë mund të shtrihet në Ukrainë ose Gjeorgji:vende që Rusia i konsideron jetike për sigurinë e saj.

Sa i përket BE-së, Kremlini vazhdon të pretendojë se nuk ka asnjë problem me zgjerimin e unionit në Ballkan, për sa kohë që kjo nuk shoqërohet me zgjerimin e NATO-s. Megjithatë, veprimet e Rusisë, e tradhëtojnë këtë qëndrim zyrtar. Degët ballkanike të makinerisë propagandistike ruse, e portretizojnë BE-në si të dobët, joefikase, dhe të paaftë për të sjellë zhvillim në rajon.

Kremlini nuk e fsheh mbështetjen ndaj partive euroskeptike, dhe është gjithnjë e më i etur të nxisë ndarjet e brendshme brenda BE. Për t’u bërë pjesë e unionit, shtetet e Ballkanit do të duhej të përafrojnë politikat e saj me Brukselin në lidhje em Rusinë, dmth të anulojnë marrëveshjet dypalëshe të tregtisë së lirë, të rivendosin vizat për shtetasit rusë, si dhe të vendosin sanksione.

Edhe pse hapa të tillë, nuk do t’i shkaktonin ndonjë dëm të madh ekonominë ruse, Moska do të donte ta shmangte një poshtërim të tillë.

Prandaj, ajo po përpiqet të pengojë zgjerimin e BE-së dhe NATO-s në Ballkanin Perëndimor, për aq kohë sa të jetë e mundur. Sipas logjikës së Kremlinit, sa më shumë vëmendje dhe burime që Perëndimi do t’i kushtojë lagjes së vet në Ballkan, aq më pak oreks do të ketë për të integruar fqinjët e saj lindorë si Ukraina, Moldavia dhe Gjeorgjia.

Por ndërkohë Moskës i mungojnë burimet dhe vendosmëria për një rivalitet të plotë me Perëndimin në Ballkan. S’ka asnjë asnjë iluzion, se ajo mund t’u ofrojë shteteve të Ballkanit një alternativë për t’i larguar nga BE dhe NATO, drejt strukturave ekonomike dhe të sigurisë të drejtuara nga Rusia.

Për këtë arsye, Kremlini i sheh konfliktet në Ballkan si garancia më e mirë për interesat e tij në rajon. Kur Rusia krijon tensione dhe mosmarrëveshje të shumta midis kombeve të Ballkanit, ajo e largon vëmendjen e Perëndimit nga hapësira post-sovjetike, dhe siguron rolin e vet të vazhdueshëm në sigurinë rajonale.

LEXO EDHE:  Protestat globale, Rusia dhe Kina në anën e gabuar të historisë

Nga ana tjetër, konfliktet e pazgjidhura e mbajnë Ballkanin Perëndimor në një kaos gjeopolitik, ku ndërhyrja e Rusisë forcohet me lehtësi, dhe ku politikanët lokalë kërkojnë mbështetjen e Kremlinit për të pasur avantazh në grindjet e brendshme. Këto konflikte, e institucionalizojnë rolin e Rusisë në arkitekturën e sigurisë së Ballkanit.

Për sa kohë që mosmarrëveshjet midis bashkësive etnike në Bosnje Hercegovinë mbeten të pazgjidhura, Rusia vazhdon të ruajë vendin e saj në Këshillin e Zbatimit të Paqes në këtë vend. Ngjashëm, për sa kohë që Serbia është e përqendruar në minimin e shtetësisë së Kosovës, udhëheqja serbe do të përpiqet të përdorë mbështetjen e Rusisë në Këshillin e Sigurimit të OKB, për të parandaluar njohjen e plotë ndërkombëtare të krahinës së saj të shkëputur 11 vjet më parë.

Rusia s’ka asgjë për të fituar dhe gjithçka për të humbur, nga zgjidhja e çdo konflikti në Ballkan. Prandaj, nuk është aspak befasuese pse Kremlini nuk është shumë i pritur të ndihmojë Perëndimin në stabilizimin e rajonit, dhe në vend të kësaj preferon një aleancë me nacionalistët radikalë të Ballkanit.

Por burimet e kufizuara financiare, dhe çështjet më të ngutshme të politikës së jashtme, imponojnë kufizime të mëdha në gatishmërinë e Rusisë për të nxitur konfliktet në Ballkan. Kremlini nuk ka gjasa të bëjë një përpjekje të qëllimshme për ta destabilizuar këtë rajon.

Rusia nuk i konsideron marrëdhëniet e saj me Ballkanin aq të rëndësishme, sa të sfidojë Perëndimin për hir të tyre.

Në këto kushte, ajo do të vazhdojë të ndjekë një objektiv më pak të kushtueshëm dhe të rrezikshëm:ruajtjen e status kuosë në Ballkan. Megjithëse Rusia nuk ka gjasa të ndërmarrë një fushatë destabilizimi në Ballkanin Perëndimor, Kremlini mund të përdorë teknika destabilizuese, në përpjekjet e tij për të shmangur ndryshimet pozitive në raport me situatën aktuale.

Ngjarjet e fundit në Malin e Zi dhe Maqedoninë e Veriut, treguan qartë se Rusia i shton aktivitetet e saj propagandistike dhe të inteligjencës në shtetet e Ballkanit, kur këto të fundit janë në prag të vendimeve të mëdha gjeopolitike. Por në të njëjtën kohë, këto ngjarje nxorrën në pah kufizimet e angazhimit të Rusisë në Ballkanin Perëndimor.

Në dallim nga hapësira post-sovjetike, Kremlini heziton të ushtrojë një presion të madh mbi shtetet e Ballkanit. Duke e konsideruar rajonin pjesë të sferës perëndimore të ndikimit, Rusia nuk ka zhvilluar anjëherë luftëra tregtare apo vendosur embargo kundër tyre, e lëre më pastaj të planifikojë ndonjë ndërhyrje ushtarake.

Është e sigurtë se Perëndimi dhe elitat lokale, se do ta përdorin çdo hap të guximshëm të ndërmarrë nga Rusia, si një argument për përshpejtimin e integrimit të shteteve të Ballkanit në BE dhe NATO. Për pasojë, inercia është skenari më i mundshëm për sa i përket marrëdhënieve të Rusisë me Ballkanin Perëndimor.

Kremlini do të vazhdojë ta kritikojë Perëndimin për arrogancën, unilateralizmin dhe mosrespektimin e interesave ruse në rajon. Ai do forcojë kundërshtimin e tij ndaj përpjekjeve të Perëndimit për ndërmjetësim, nëse ato arrijnë të zgjidhin konfliktet brenda Bosnjës, dhe atë Serbi-Kosovë. Por pasi të arrihet një kompromis, Rusia do të rivendosë me përpikëri gjendjen e re të status kuosë, dhe do të përqëndrohet në çështje më të ngutshme sesa ato në Ballkan./ Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Pse disa njerëz qëndrojnë elegantë, pavarësisht gjërave që hanë?

Publikuar

-

Nga

A keni menduar ndonjëherë, se si disa njerëz ia dalin të qëndrojnë elegantë pavarësisht se hanë atë që ju pëlqen, ndërsa juve ju duket se shtoni në peshë edhe vetëm me ajrin që thithni? Nga studime rezulton se sekreti për fizikun e tyre elegant, nuk ka të bëjë domosdoshmërisht me regjimin e stërvitjes, por me përbërjen gjenetike.

Një studim, i kryer nga një ekip studiuesish në Universitetin e Kembrixhit, ka zbuluar se disa njerëz kanë një kodim gjenetik unik, që i ndihmon ata të ruajnë të njëjtën peshë trupore gjatë gjithë jetës së tyre.
Edhe pse hulumtimet e mëparshme, kanë hedhur dritë mbi ndikimin gjenetik tek mbipesha trupore, ky studim është përqendruar në shumë më tepër detaje. Studimi, botuar në revistën PLOS Genetics, është më i madhi në llojin e tij deri më tani. Ekipi krahasoi ADN-në e rreth 14.000 njerëzve, të cilët u ndanë në grupe të ndryshme sipas peshave, për të zbuluar se si gjenet mund të ndikojnë në peshën e një personi.
Sadaf Faruki, profesor në Institutin e Shkencës Metabolike në Universitetin e Kembrixhit,
ishte drejtues i studimit që u mbështet nga Këshilli Evropian i Kërkimit. Synimi. Studimet e mëparshme, kishin treguar se gjenet e gabuara, mund të jenë përgjegjëse për rastet e rënda të mbipeshës, që vërehen shpesh në moshë të re.

Gjithsesi, ky studim i veçantë sugjeroi se një kombinim i gjeneve “të elegancës”, ose më saktë, mungesa e “gjeneve të lidhura me mbipeshën”, mund të ndihmojë që dikush të mbetet i dobët pavarësisht asaj që ha. Profesori Faruki dhe ekipi i tij, në bashkëpunim me dr.Ines Barroso e institutit “Wellcome”, mblodhën dhe krahasuan ADN-në e 14,000 pjesëmarrësve, 1.622 prej të cilëve ishin legantë.
Ndërkohë, 1.985 vullnetarë ishin tepër obezë, dhe 10.433 të tjerët kishin një peshë normale. ADN e njeriut, është e përbërë nga një sekuencë molekulash të quajtura “çifte bazë”. Shkronjat A, C, G dhe T paraqesin çiftet bazë, dhe vargjet e tyre përbëjnë rajonet gjenetike.

LEXO EDHE:  Protestat globale, Rusia dhe Kina në anën e gabuar të historisë

LEXO EDHE:  Protestat globale, Rusia dhe Kina në anën e gabuar të historisë

Gjenet tona diktojnë mënyrën se si funksionojnë trupat tanë, dhe variacionet, siç është një C aty ku duhet të jetë një A, mund të kenë një ndikim delikat ose dramatik në tipare të tilla si ngjyra e syve, ngjyra e flokëve dhe natyrisht pasha trupore. Ekipi i studiuesve hasi në disa variante gjenetike që studiuesit kishin identifikuar tashmë dhe që lidheshin me mbipeshën.

Gjithsesi, studimi i fundit zbuloi rajone të reja gjenetike që mund të jenë përgjegjëse për dobësimin e shëndetshëm. Për të zbuluar se si gjenet ndikojnë në peshën e dikujt, studiuesit morën parasysh të gjitha variantet e ndryshme gjenetike, dhe dolën me një “hartë” të rreziqeve gjenetike për mbipeshën.
Siç dyshuan studiuesit, rezulton se njerëzit obese, kanë një rezultat më të lartë të rrezikut gjenetik, çka i bën ata më të predispozuar të jenë mbipeshë se sa njerëzit me peshë normale.

Nga ana tjetër njerëzit elegantë, kanë një rezultat dukshëm më të ulët të rrezikut gjenetik.
Atyre u mungojnë ndërkaq variantet gjenetike, që dihet se janë përgjegjëse për shkaktimin e mbipeshës. Studimi tregoi kësisoj se njerëzit që kanë qenë gjithmonë të dobët, pavarësisht
nga dieta dhe zgjedhjet e tyre të jetesës, duhet të falënderojnë gjenet e tyre unike.

Megjithëse gjenet mund të përcaktojnë peshën e një personi, kjo nuk do të thotë aspak se ju duhet të hiqni dorë nga një dietë e shëndetshme ushqimore, dhe një stil jetese i shëndetshëm në përgjithësi. Studimi tregoi thjesht se si gjenet mund të jenë përgjegjës për shtimin e peshës tek njerëz të ndryshëm. Shanset mund të jenë në favor ose kundër jush. Por veprimet personale, luajnë një rol kritik kur bëhet fjalë për menaxhimin e peshës./Përshtatur nga CNA.al

LEXO TE PLOTE

Blog

Ja cilat janë gënjeshtrat që të gjithë i tregojnë në Facebook dhe Instagram

Publikuar

-

Nga

Sot shumica prej nesh, janë pjesë e të paktën njërës prej platformave të mediave sociale. Dhe ndërsa Facebook dhe Instagram, mund të duken si mënyra të mira për t’u lidhur me miqtë, kolegët dhe anëtarët e familjes që nuk i shihni shpesh, profilet e tyre mund të zbulojnë se shumica e tyre janë mashtruese. Njerëzit largohen shumë nga vetvetja, për të paraqitur versionin më të mirë në mediat sociale, edhe nëse ai version nuk është tamam i vërtetë.

Gënjeni për arritjet tuaja

Të gjithë duan që dikush të jetë krenar (ose ziliqar) për ta. Nevoja që njerëzit e tjerë të shohin sukseset dhe arritjet tuaja, ka krijuar kulturën e trillimit ose ekzagjerimit të tyre, sidomos në mediat sociale.
Zmadhoni rëndësinë që keni në punët tuaja

Ne të gjithë duam të duket, sikur kemi një rol qëndror në punën tone. Aq sa shumë njerëz zbukurojnë rëndësinë e rolit të tyre,duke e ndarë atë me shoqërinë e tyre në mediat sociale. Madje në jo pak raste, njerëzit pranojnë pozicione pune “më të larta”, pavarësisht pagës më të ulët.
Silleni sikur puna që bëni është më magjepsëse, nga sa është në të vërtetë

Çfarë postoni zakonisht në mediat sociale:momente të lumtura nga festa e kompanisë në fundvit, apo vizitën e një personi të famshëm në zyrën tuaj. Ndërkohë fshini shumë gjëra që nuk shkojnë, probleme me kondicionerin gjatë verës, zënkat me kolegët etj.

Gënjeni për vendet e huaja që keni vizituar

Pavarësisht nëse fabrikoni një palë pushime që nuk i keni bërë, apo thjesht gënjeni njerëzit se keni shkuar diku në të kaluarën, kjo gjë nuk është një praktikë e pazakontë në mediat sociale.

Pretendoni se jeni një gjendje më të mirë financiare, sesa jeni në realitet

Postimi me veshje firmato, nënkupton që keni para. Prandaj shumë shpesh, sidomos femrat, postojnë foton e një çante firmato nga dyqani, pa pasur mundësi që ta blejnë atë. Edhe dukuria e djemve që pozojnë para veturave luksoze, që në fakt nuk janë të tyre, është një shembull tipik.

Gënjeni për regjimin tuaj të palestrës

Shumë profesionistë të fitnesit, kanë në fakt çrregullime në stërvitje ose çrregullime të trupit. Por a i shfaqin këto realitete në internet? Jo dhe aq. Përkundrazi, ata tregojnë fizikun e tyre dhe flasin për suksesin dhe arritjet e tyre.

Silleni sikur dini shumë, kur realiteti është krejt ndryshe

Është shumë e thjeshtë të krijoni në internet fasadën e një njeriu shumë të lexuar. Postoni një fotografi të kopertinës së romanit Ana Karenina të Tolstoit, dhe njerëzit do të mendojnë se jeni një qenie njerëzore inteligjente, edhe pse mund të mos e keni kaluar asnjëherë nëpër duar atë libër. Siç shprehej dikur Karl Grinfilld, me shfaqjen e internetit “nuk ka qenë kurrë kaq e thjeshtë të pretendosh se di kaq shumë, kur në fakt nuk di asgjë!”.

Shfaqeni sikur jeni prindër të përsosur

Ndjekësit tuaj në rrjetet sociale, mund të mendojnë se fëmijët tuaj janë “engjëj të vegjël të përsosur”, pasi kjo është gjithçka që ju e tregoni në internet. Por realitetet e prindërimit, janë shumë më të komplikuara se sa kaq. Sociologu Kojel Bandjopadhjaj, mendon se prindërit e fiksuar pas mediave sociale, u kalojnë fëmijëve të tyre komplekse jo të shëndetshme. “Për ta, prindërimi bëhet një konkurs, dhe fëmijët përpiqen të përmbushin ambiciet e prindërve të tyre”-thotë ai.

LEXO EDHE:  “Politikanë si tregtarët e çikërrimave”/ Kujt i drejtohet Spartak Ngjela?

LEXO EDHE:  A duhet të druajë Turqia prej sanksioneve nga SHBA?

Pretendoni se jeni gjithnjë të lumtur

Një sondazh zbuloi se 73 përqind e rinjve, përpiqen gjithmonë të shfaqen të lumtur në mediat sociale. Ju mund të postoni një selfi të vjetër apo të ri duke buzëqeshur, por në fakt mund të jeni duke qarë apo shumë të stresuar. Është e qartë se jeta nuk është gjithmonë ashtu siç duket në mediat sociale.
Pretendoni se jeni në një lidhje të lumtur

Nëse bazohemi vetëm tek ato që postohen në mediat sociale, marrëdhënia e të gjithëve është në thelb një romancë e ëmbël. Por ata që mburren me shpesh së të tjerët me “romancën” e tyre, fshehin në fakt diçka. Në një studim të vitit 2018, më shumë se gjysma e të rinjve pranuan se e bëjnë marrëdhënien e tyre të duket më e lumtur në internet, sesa është në të vërtetë. Dhe 42 përqind ishin përpjekur në maksimum të shfaqnin në rrjetet sociale “një marrëdhënie të përsosur”. Në realitet, të gjithë këto çifte kanë mosmarrëveshjet e tyre në jetën reale.

Shtirreni më socialë me të tjerët ,nga sa jeni në realitet

Të gjithë përpiqen që të duken më shumë “socialë” në mediat sociale ,sesa janë në të vërtetë. Tek e fundit, njerëzit duan që të duken në sytë e të tjerëve sikur kanë shumë miq, të cilët duan të qëndrojnë gjithmonë me ta. Por sërish realiteti është krejt ndryshe.

Postoni si tuajat postimet e të tjerëve

Në një botë ku është kaq shumë e rëndësishme të dukesh origjinal, nxitja për përmbajtje autentike është më e madhe se kurrë. Por nëse dikush krenohet me postimet origjinale që bën, ka shumë njerëz që vjedhin postimet e njerëzve të tjerë, dhe përpiqen t’i prezatojnë si të tyret. Sipas ekspertëve, kjo ndodh rëndom me shumë blogerë të njohur.

Shtirreni sikur jeni bamirës të mëdhenj

Shumë njerëz i zmadhojnë dhe i fryjnë veprat e tyre të mira në internet, kur në realitet nuk bëjnë asnjëherë ndonjë punë vullnetare, apo të dhurojnë diçka për bamirësi. Në fakt, Byroja e Statistikave të Punës në SHBA, raportoi se vetëm rreth 25 përqind e amerikanëve janë vullnetarë të paktën një herë në vit.

Gënjeni për moshën

Teksa njerëzit plaken, ata kanë prirjen të duan të duken të rinj, edhe nëse detyrohen të gënjejnë për ta realizuar këtë. Por ata nuk janë të vetmit. Edhe fëmijët e vegjël, gënjejnë për moshën, pasi për të pasur një llogari në Facebook duhet të jesh 13 vjeç e sipër.

LEXO TE PLOTE

Blog

Dështon plani për pasardhësin e Merkelit/ Kush do ta drejtojë Gjermaninë?

Publikuar

-

Nga

Nga Ivana Kottasová, Stephanie Halasz & Claudia Otto “CNN”

Plani i madh i tranzicionit të pushtetit i Angela Merkelit, u hodh në erë të hënën kur pasardhësja e saj e përzgjedhur, Anegret Kramp-Karrenbauer, njoftoi befas së nuk do ta pasojë në detyrën e kancelares. Kramp-Karrenbauer, e njohur ndryshe si AKK, tha se nuk do të jetë kandidate e Unionit Kristian Demokrat (CDU) për të qenë kancelare në zgjedhjet e ardhshme federale.
Sipas zyrës së shtypit të CDU, Kramp-Karrenbauer do të japë dorëheqjen edhe nga drejtimi i partisë. Merkel, kancelare prej gati 15 vjetësh, deklaroi në vitin 2018 se nuk do të kandidojë sërish, kur të skadojë mandati i saj aktual në vitin 2021.

Në atë kohë, ajo u dorëhoq nga drejtimi i CDU, dhe mbështeti Kramp-Karrenbauerin si pasardhësen e saj. Por përpjekja e saj për të siguruar një tranzicion të rregullt të pushtetit – si dhe të trashëgimisë së saj – duket se ka dështuar. Disa thonë se përgjegjëse për këtë kaos është vetë Merkeli.
“Për mua, ky dështim është simbol i mënyrës se si Angela Merkel e ka ushtruar pushtetin”- thotë Henrik Enderlein, kreu i Shkollës së Qeverisjes Herti në Berlin. “Ajo nuk lejoi kurrë ngritjen e dikujt brenda qeverisë federale, për t’u bërë një trashëgimtar i natyrshëm i natyrshëm i saj”- shton ai.
Enderlein theksoi se pasi Merkel u tërhoq si drejtuese e CDU-së më 2018-ën, tre kandidatët më të mirë për këtë post ishin Friedrih Merz, që kishte kaluar disa vite jashtë politikës, dhe dy politikanë mjaft të rinj – ministri 38-vjeçar i Shëndetësisë Jens Shpan dhe Kramp -Karrenbauer.
“AKK ishte një guvernatore rajonale, dhe relativisht e papërvojë e një landi të vogël gjerman”- mendon Enderlein.

Pas vendimit të Annegret Kramp-Karrenbauer për t‘u dorëhequr si kryetare e CDU-së, pretendentë për të zënë vendin e saj janë Armin Lashet, Friedrih Merz dhe Jens Shpan. Florian Hense, analist në “Berenberg Bank”, tha se përkundër kaosit që ka shkaktuar kjo lëvizje e papritur, duket jashtëzakonisht e pamundur që Merkel të ndryshojë mendje, dhe të garojë sërish për një mandat tjetër në vitin 2021.
Merz humbi ngushtësisht përballë AKK në vitin 2018, dhe Hense thotë se do të ishte me siguri një zgjedhje popullore, për ata që janë në kërkim të një ndryshimi më të madh, kur të përfundojë “mbretërimi” i Merkelit. Merkel formoi koalicionin e radhës me socialdemokratët e qendrës së majtë (SPD), dhe disa segmente të CDU-së e kanë kritikuar, për atë që ata e shohin si një lëvizje në të majtë.
Merz, një avokat që e ka kaluar dekadën e kaluar duke punuar për kompaninë e investimeve BlackRock, do ta zhvendoste partinë më shumë në të djathtë. Ndërkohë a mund të jetë pasardhësi i Angela Merkel një i gjelbër? Edhe Shpan ka të ngjarë të jetë një sfidant serioz në këtë garë, edhe pse Hense mendon se shanset e tij janë të kufizuara, pasi ai nuk është aq popullor në mesin e popullatës gjermane.
Pavarësisht se kush do të bëhet kryetari i ardhshëm i CDU-së, ai do të përballet me sfidën e ribashkimit të një partie thellësisht të përçarë. Vetëm javën e kaluar, një degë rajonale e CDU në landin gjermano-lindor të Turingisë, shkel një tabu të vjetër duke u bashkuar me AfD për të zgjedhur një kandidat liberal si kryeministër të landit.

LEXO EDHE:  BE mbështet me miliona bashkëpunimin rajonal në Ballkan

LEXO EDHE:  Tërheqje litari para samitit për Ukrainën në Paris

“Turingia është një shembull, se si krahu i djathtë i CDU-së, dëshiron të marrë vendime në mënyrë të pavarur, dhe të bashkëpunojë hapur me AfD e ekstremit të djathtë”-tha Enderlein.
Dështimi i AKK-së për ta detyruar degën e CDU-në Turingi t’i qëndronte linjës zyrtare të partisë, ishte vetëm e fundit në një listë të gjatë lëvizjesh, që e bënë udhëheqjen e saj të dukej e dobët.
Duke folur në një konferencë shtypi të hënën, ajo tha se vendimin për dorëheqjen e kishte në mendje prej disa kohësh. Deklarata e saj e ka futur në CDU-në dhe gjithë Gjermaninë në një pasiguri politike. Një pasojë e mundshme e kësaj, do të jetë një përqendrim më i madh në çështjet e brendshme midis liderëve politikë gjermanë, diçka që mund të parathotë lajme të këqija për Bashkimin Evropian, që po kërkon dëshpërimisht një udhëheqje të fortë, ndërsa po tenton të marrë veten nga dalja e Britanisë së Madhe nga blloku.

Enderlein thotë se kjo ngjarje tregon se Merkeli, është ende guri i themelit të politikës gjermane. Kancelarja është duke u larguar, dhe sigurisht që nuk dëshiron që trashëgimia e saj të shoqërohet me kaos. Por Enderlein paralajmërom, se kjo mund të jetë pikërisht ajo që shpreson Merkel. “Largimi i saj, do të lërë një boshllëk të madh, dhe ka të ngjarë ta destabilizojë thellësisht sistemin politik gjerman”- thotë ai./Përshtatur nga CNA.al

LEXO TE PLOTE