Kryetari i Partisë Demokratike, Lulzim Basha ka takuar sot Ministrin e Punëve të jashtme dhe Bashkëpunimit Ndërkombëtar të Italisë, Luigi Di Maio. Gjatë këtij takimi janë shprehur falenderime nga ana e kreut të opozitës për përkrahjen humanitare të shtetit italian pas termetit të rëndë të 26 nëntorit.

Kreu i PD nuk harron t’i bëjë thirrje Qeverisë për të qenë të organizuar në procesin e rikuperimit të dëmëve, duke theksuar se fatkeqësia natyrore që pesuam ka nxjerrë në pah se sa i përgatitur është shteti shqiptar.  Ai përmend se korrupsioni zë vend në Qeverinë shqiptare dhe se lekët që marrin “oligarkët” duhet të shkojnë për familjet që sot janë të pastreha si pasojë e termetit.

“Qeveria e ka për detyrë të përdorë ligjin e fatkeqësive natyrore për të anuluar kontratat e 10 oligarkëve. 150 milion dollarë që marrin oligarkët duhet të shkojnë tek mijëra familje në nevojë, të pa strehë, në dëshpërim”, ka shtuar Lulzim Basha.

Ndër të tjera, Basha ceku faktin se ka diskutuar me Ministrin e Jashtëm Luigi Di Maio për nivelin e lartë të korrupsionit në Shqipëri dhe si ky korrupsion po ndikon edhe investitorët italianë.

“Ndamë shqetësimin për nivelin e lartë të korrupsionit që po ndikon negativisht edhe tek investitorët italianë”, shkruan Bashan në rrjetet sociale./CNA.al

Në 29 vjetorin e krijimit të Partisë Demokratike, ish kryeministri Sali Berisha ka shprehur nderime për themeluesin e kësaj partie Azem Hajdari.

Teksa ka publikuar foton e Hajdari, Berisha shkruan: “Nderim përjetë tribunit të lirisë, themeluesit të Partisë Demokratike dhe Pluralizmit Politik në Shqipëri, Azem Hajdari! Azem ti je gjallë!”

Kujtojmë se Partia Demokratike e Shqipërisë u krijua më 11 dhjetor të vitit 1990 nga një grup studentësh dhe intelekualësh shqiptarë midis të cilëve Azem Hajdari, Sali Berisha, Gramoz Pashko, Arben Imami e të tjerë./CNA.al

Ish Ministri i Drejtësisë, Ylli Manjani ka bërë publik një krahasim midis sjelljes së Partisë Socialiste para 10 vitesh në raport me fjalën e lirë dhe sjelljes së po të njejtës parti në lidhje me të njejtën çështje sot. Manjani është shprehur se ata të cilët në vitin 2010, kur ende nuk e kishin marrë pushtetin protestonin përpara Parlamentit kundër ndalimit të fjalës së lirë, janë pikërisht të njejtët që sot po i kundërvihen lirisë së fjalës dhe mendimit duke sulmuar mediat. Skena e protestës së atëhershme ka qenë nën regjinë e Ramës, thotë Manjani dhe nën regjinë e po të njejtit autor është edhe skena e këtyre ditëve me akte që ndërhyjnë në ligjin e mediave.

Manjani nuk ka lënë pa ndarë edhe një fotografi të vitit 2010 ku anëtarët e Partisë Socialiste paraqiten duke protestuar përpara Parlamentit me maska të zeza në gojë, si simbolikë e mohimit të lirisë së fjalës.

“Se ç’mu kujtua kjo pamje! Grupi parlamentar i PS në prill 2010 protestonte tek hyrja e Parlamentit me maska të zeza, kundër ndalimit të fjalës së lirë. Gjetje e bukur regjizoriale e Edi Ramës për atë kohë. Ziheshin me Saliun për disa minuta më shumë në foltoren e parlamentit… Sot, ky grup me të njëjtin regjizor është rrjeshtuar në mënyrën më brutale ndaj fjalës e mendimit të lirë. Dhe jo thjesht ndaj opozitës, por ndaj popullit që po të guxojë të mendojë e ta shprehë atë që e mendon e rrasin brenda. Nuk ka formalisht dënim për agjitacion e propagandë, por ka përshtatje të termave “shpifje”, “fake news”, “panik”, “kallëzim të rremë”. Dhe jo ta thuash në tv mendimin që ke, por as një faqen personale në facebook nuk e lejojnë më! Ja ku janë “dashnorët e fjalës së lirë”! Paskan pasë hallin e fjalëve të veta. Ato farë fjalësh që dhjesin nga gojët e qelbura me ushqim nga tepsia e pushtetit të pa merituar!”, ka shkruar Manjani në rrjetet sociale./CNA.al