Connect with Us

Pas “Marrëveshjes së Paqes” drejt fatkeqësisë tjetër

Bota

Pas “Marrëveshjes së Paqes” drejt fatkeqësisë tjetër

Publikuar

-

Fundi i luftës në Afganistan nuk duket gjëkundi. Po të duan të kujdesen për paqen Talibanët, do të përballen me të njëjtat probleme si SHBA dhe NATO sot, mendon Florian Weigand.

Ditën, shikimi me ankth drejt qiellit, me pyetjen nëse avioni luftarak do ta marrë kthesën mbi fshat apo do të vazhdojë të fluturojë dhe do t’i shkarkojë bombat diku tjetër; natën, dëgjim pas derës së mbyllur në errësirë dhe frika, nëse – si në fundjavë në Kunduz – ka të shtëna jashtë. Ose në qytetet e mëdha rruga për në punë, për në dasëm apo edhe për në xhami – me rrezik për jetën.

Ky është realiteti në Afganistan, ku prej 18 vjetësh zhvillohet luftë. Të hënën në mbrëmje, 16 vetë vdiqën përsëri në Kabul në një atentat të talebanëve, të gjithë civilë, 119 të tjerë u plagosën. Paqe, më në fund paqe, është dëshira e shumicës së njerëzve atje. Pavarësisht nga çmimi.

A është çmimi shumë i lartë?

Një marrëveshje midis SHBA dhe Talibanëve në Doha duhet ta sjellë këtë – edhe këtu me çdo çmim. Demokracia, të drejtat e njeriut, të drejtat të barabarta të femrave me meshkujt, arsimi për djem dhe vajza, media e lirë: këto çështje nuk ishin fare temë e negociatave. Një çmim shumë i lartë?

Sigurisht jo në sytë e shumë afganëve, për të cilët ka kohë që nuk ka më shpëtues të mirë nga jashtë dhe kryengritës të këqij. Kur kryejnë sulme talibanët, ata që vriten rregullisht janë civilët, por po ata janë viktimat edhe në sulmet me bomba dhe në sulmet e ushtrisë afgane dhe të këshilltarëve të saj amerikanë. Për herë të parë në mes të vitit, atyre iu desh të marrin përgjegjësinë për edhe më shumë civilë të vrarë prej tyre, se sa nga kryengritësit.

Taktika cinike e talibanëve

Elementët qendrorë të “Marrëveshjes së Paqes” tani po bëhen më të qarta, por pavarësisht nga vlerësimi për to, thelbi pas Dohas nuk do të ndryshojë. Edhe ai që mundohet të dallojë një rreze drite,  për fat të keq, në fund duhet të mbështesë shumë analiza të zymta që aktualisht qarkullojnë në media dhe rrjetet sociale: paqja nuk do të vijë kaq shpejt. Përkundrazi: më me gjasa duket një luftë civile e ashpër si në vitet 1990, pasi u tërhoqën nga Afganistani sovjetikët.

LEXO EDHE:  Afganët guxojnë të votojnë

Trupat amerikane mund të tërhiqen në mënyrë paqësore në një armëpushim politik, një marrëveshje që armët të heshtin është edhe në agjendën e marrëveshjes të forcave afgane me Talibanët, sapo të fillojnë bisedimet me qeverinë aktuale në Afganistan. Një premtim i paqartë.

HA Asien | Florian Weigand (DW/P. Böll)Florian Weigand

Sepse edhe ky është një mësim nga bisedimet në Doha: talibanët nuk u druajtën nga vazhdimi i luftës në Afganistan, edhe pse demonstrativisht në Doha ata ishin  në krahët e SHBA. Ata luajnë me atentate si me letra aksionesh në një lojë: kur nuk përparojnë sa duan, ata bëjnë presion me një atentat në tryezën e bisedimeve. Që me këtë vriten më të vërtetë njerëz, kjo nuk ka rëndësi për ta. Vështirë se mund të dyshojë njeri seriozisht se ata nuk do ta vazhdojnë këtë taktikë cinike në bisedimet në Afganistan.

IS mbetet një përmasë e panjohur

Por edhe pas një marrëveshjeje me Kabulin ose, në rastin më të keq, pas një ringjalljeje të Emiratit radikal islamik të viteve 1990, paqe thuajse nuk duket gjëkundi. Që tani ka komandantë talebanë që flirtojnë ose madje bashkohen me Shtetin e ringjallur Islamik (IS) – të zemëruar që negociatorët e Dohas kishin nevojë për SHBA për të pasur sukses.

IS mbetet një përmasë e panjohur: shpresa e pashprehur e SHBA është që talebanët ta mposhin IS, me qëllim që të përmbushin premtimin e tyre se nga Afganistani nuk do të burojë asnjë terrorizëm ndërkombëtar. Çuditërisht, talebanët përballen sot me një situatë si ajo që kanë përballë SHBA dhe NATO: ushtarakisht, IS është vështirë të mposhtet, talebanët nuk do të jenë më të suksesshëm se Perëndimi. Sado e hidhur të jetë, askush nuk mund të thotë sot se sa vite lufte kemi përpara./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Franca dëshiron të jetë mikpritëse e konferencës së donatorëve për Shqipërinë

Publikuar

-

Nga

Presidenti francez, Emmanuel Macron, tha të mërkurën, pas takimit të NATO-s në Londër: “Ne kemi nevojë për një konferencë solidariteti për Shqipërinë”, dhe shtoi se “konferenca mund të zhvillohej në Francë”. Macron tha gjithashtu se ajo mund të bashkojë partnerë publikë dhe privatë për të organizuar rindërtimin e vendit.

Qeveria shqiptare ende nuk i është përgjigjur këtij propozimi. Në mbledhjen e qeverisë, kryeministri i Shqipërisë, Edi Rama, e quajti konferencën e madhe të donatorëve, të propozuar dje nga kryetarja e komisionit të BE-së, Ursula von der Leyen, “sukses të madh” dhe se ajo krijon mundësinë “për qasje shtet me shtet”:  “Konferenca e madhe e donatorëve është një sukses, po të doni vendoseni edhe në thonjëza, sepse krijon premisën për një qasje shtet me shtet në raport me Shqipërinë dhe është një instrument ekstra mbi gjithë instrumentet e tjerë të financimit, me një potencial financimi të konsiderueshëm”, tha Rama.

Marrëdhëniet mes Shqipërisë dhe Francës para tërmetit ishin të tensionuara për shkak të vetos së Francës në Këshillin e BE-së kundër çeljes së negociatave me Shqipërinë dhe Maqedoninë e Veriut. Por, pas tërmetit, dy vendet u afruan sidomos pasi presidenti francez dërgoi një skuadër shpëtimi në Shqipëri. Në Watford, Macron përsëriti arsyetimin për vendimin e tij se nuk ishin përmbushur kushtet për negociatat e pranimit. Por kritikoi gjithashtu edhe procedurën e zgjerimit të BE-së, e cila, sipas Macron është shumë konfuze dhe burokratike.

LEXO EDHE:  Mbi 3 mijë ushtarë shtesë në Afganistan

LEXO EDHE:  Vritet kreu i ISIS ne Afganistan nga sulmi ajror

Të mërkurën, Komisioni i BE-së njoftoi se ka vënë në dispozicion 15 milionë euro për Shqipërinë, në mënyrë që ajo të përballojë nevojat emergjente të shkaktuara nga tërmeti.  Von der Leyen  paralajmëroi gjithashtu se do të organizojë edhe një konferencë donatorësh.

Siç i konfirmoi sot qeveria shqiptare Deutsche Welles, aktualisht janë rreth 12 mijë  njerëz të strehuar në çadra dhe hotele. Tërmeti 6.4 ballësh ishte më shkatërruesi në Shqipëri  prej disa dekadash. Dëmi i shkaktuar mendohet të krkojë deri në një miliardë Euro për rikuperim. Lidhur me këtë iniciativë të Makron, burime nga qeveria shqiptare i thanë sot “Deutsche Welles” se ende nuk është caktuar se ku do të zhvillohet konferenca.

LEXO TE PLOTE

Kosova & Rajoni

Vjosa Osmani optimiste për marrëveshje/  Vetëvendosja duhet të thërrasë takim

Publikuar

-

Nga

Nënkryetarja e LDK-së dhe kandidatja e kësaj partie për kryeministre, Vjosa Osmani është shprehur optimiste për një marrëveshje me Vetëvendosjen.

Pas mbledhjes së thirrur nga kryetari i LDK-së Isa Mustafa me nënkryetarët e partisë, Osmani deklaroi se takimin e radhës duhet ta caktojë Vetëvendosja.

“Takimi duhet thirrur nga Vetëvendosja si fituese e zgjedhjeve. Ne jemi të interesuar për bashkëpunim afatgjatë. Jam se optimistemarrëveshja që do të bëhet do të jetë balancuese”, tha nënkryetarja e LDK-së, ndërsa theksoi se i gjithë populli i Kosovës e dëshiron një koalicion.

LEXO EDHE:  DW: BE lë ende në tension Shqipërinë dhe Maqedoninë e Veriut

LEXO EDHE:  Vritet kreu i ISIS ne Afganistan nga sulmi ajror

“Është moment historik sepse qytetarët e duan koalicionin VV-LDK. Takimet duhet të zhvillohen me respekt të ndërsjellë dhe fushatat linçuese duhet të ndalen”, u shpreh ajo./ CNA.al

LEXO TE PLOTE

Bota

Drejt Anglisë në mënyrë të paligjshme/ Arrestohen 14 shqiptarë

Publikuar

-

Nga

14 shqiptarë janë arrestur në tentativë për të hyrë në Angli në më mënyrë të paligjshme.

Shqiptarët janë ndaluar pranë fshatit të vogël anglez Blythburgh.

Ndërsa, dy të tjerë janë arrestuar nën dyshimin se kanë ndihmuar në emigracionin klandestinë, shkruajnë mediat e huaja.

Sipas mediave vendase, policia ka bllokuar gjithashtu dhe 2 automjete, të cilat përdoreshin për transportin e emigrantëve.

LEXO EDHE:  Negociatat/ Gjermania: BE nuk bën pazare me Shqipërinë  

LEXO EDHE:  Tre vende frenojnë hapjen e negociatave me Shqipërinë

Emigracioni i paligjshëm në Britani vazhdon të mbetet problematikë e mprehtë, ndërsa rastet me shqiptarë janë po ashtu të shumta./CNA.al

 

LEXO TE PLOTE