Connect with Us

SHBA nis lëvizjet/ Palmer urdhër të prerë për bisedimet Kosovë-Serbi

Kosova & Rajoni

SHBA nis lëvizjet/ Palmer urdhër të prerë për bisedimet Kosovë-Serbi

Publikuar

-

Matthew Palmer ka thënë pas emërimit si i ngarkuar special amerikan për Ballkanin Perëndimor se “është dëshirë e SHBA, një njohje e ndërsjellë Kosovë-Serbi, si një pikë qendrore e marrëveshjes”.

I ngarkuari special i Departamentit Amerikan të Shtetit për Ballkanin Perëndimor Matthew Palmer, që është njëkohësisht edhe zëvendës-ndihmëssekretar amerikan i Shtetit ka deklaruar se qëllimi i SHBA-së është që “Beogradi dhe Prishtina të kthehen në tavolinën e bisedave sa më shpejt të jetë e mundur dhe të sigurojnë një marrëveshje”. Një pikë qendrore e marrëveshjes, sipas tij, duhet të jetë një njohje e ndërsjellë Kosovë-Serbi, dëshirë kjo e SHBA.

Matthew Palmer tre ditë më parë u emërua nga Departamenti Amerikan i Shtetit përfaqësues special i SHBA-së për Ballkanin Perëndimor. Në njoftimin për medie të Departamentit Amerikan të Shtetit thuhej se zoti Palmer do të “udhëheqë përpjekjet e SHBA-së për të fuqizuar angazhimin diplomatik amerikan në mbështetje të paqes, stabilitetit dhe prosperitetit në rajon dhe në fokusimin në integrimin e vendeve të Ballkanit Perëndimor në institucionet perëndimore”. Para se të nisë një vizitë në rajon, në një intervistë për Tanjug-un, Palmer ka deklaruar se “normalizimi i marrëdhënieve Beograd-Prishtinë do ta transformonte tërë Ballkanin dhe do të hapte rrugën evropiane për Serbinë dhe Kosovën”.

“Kthimi i Beogradit dhe Prishtinës në tryezën e bisedimeve, është një qëllim afatshkurtër për Shtetet e Bashkuara. Zgjidhja e çështjes së Kosovës është shumë e lartë në agjendën time. Ne kemi mundësi dhe ne duam ta shfrytëzojmë këtë. Qëllimi është që të kthejë palët në tryezën e bisedimeve sa më shpejt të jetë e mundur dhe të sigurojë një marrëveshje”, thotë Palmer.

Duke nënvizuar zgjedhjet e Kosovës që mbahen me (06.10.) dhe zgjedhjet në Serbi që pritet të mbahen në pranverë, Palmer shpreson që qeveria e re e Kosovës të pranojë të pezullojë taksat doganore ndaj Serbisë për të lejuar që të rifillojë dialogu, ndërsa Beogradi të ndalë lobimin tek vendet e tjera për të tërhequr njohjet e Kosovës.

Diplomatin amerikan Matthew Palmer e takoi të martën (03.09.) në kuadër të Forumit të Bledit që po mbahet në Slloveni, shefi i diplomacisë kosovare, Behxhet Pacolli. Sipas Pacollit ata diskutuan pikërisht për dialogun Kosovë-Serbi.

“Unë e përgëzova zotin Palmer për emërimin e tij, dhe si një mik i vjetër i Kosovës, në këtë pozicion të ri, do të vazhdojë të na mbështesë në të gjitha nivelet. Ne e shohim dialogun si një proces të rëndësishëm, që ka një mundësi të mbyllë kapitullin e errët midis Kosovës dhe Serbisë. Normalizimi i marrëdhënieve me njohje të ndërsjellë është qëllimi i vetëm – asgjë më pak – dhe ne e vlerësojmë pozicionin e fuqishëm të Uashingtonit për këtë synim”, shkroi Pacolli në profilin e tij në Facebook.

LEXO EDHE:  Pjesë e autostradës “Arbër Xhaferi"/ Kosova me urën më të gjatë në Rajon

Bashkimi Evropian që deri tash ka qenë ndërmjetësues në dialogun Kosovë-Serbi, pret bashkëpunim me zotin Palmer, thotë Maja Kocijanciç zëdhënëse e shefes së diplomacisë evropiane.

“SHBA ka dhënë një kontribut të rëndësishëm në punën tonë në Ballkanin Perëndimor, veçanërisht kur bëhet fjalë për sukses në dialogun ndërmjet Kosovës dhe Serbisë, të ndërmjetësuar nga BE. BE dhe SHBA ndajnë një interes të fortë të përbashkët për një Ballkan Perëndimor të qëndrueshëm dhe të prosperuar dhe ne mezi presim që të vazhdojmë bashkëpunimin e ngushtë me SHBA-në dhe Matthew Palmer si i dërguari special i SHBA-së për Ballkanin perëndimor”, ka thënë Kocijanciç.

Për emërimin e diplomatit amerikan Matthew Palmer si të dërguar i posaçëm i SHBA-së për Ballkanin perendimor ka shprehur kënaqësi Presidenti i Kosovës, Hashim Thaçi.

“Emërimi i Matthew Palmer tregon për një angazhim më të madh dhe më të veçantë të SHBA-ve në Ballkan dhe përpjekjeve të tyre për integrimin euro-atlantik”, ka thënë Thaçi.

Nga ana tjetër, Presidenti i Serbisë, Aleksandër Vuciç, ka deklaruar se “Palmeri do të ndjekë politikën e SHBA-së me një energji të madhe, ndërsa hedh poshtë çdo pretendim se ai do ta mbajë anën e Serbisë për shkak të “lidhjeve të tij familjare”.

“Palmer është një njeri i përgjegjshëm, serioz dhe i zellshëm. Më duket qesharake dhe marrëzi kur thonë se ai është dhëndër serb, andaj do të ketë prirje ndaj nesh. Ai do të kryejë punën në politikën amerikane fuqishëm, ndonjëherë edhe me brutalitet dhe neve nuk na presin kurrfarë detyra të lehta”, tha Vuçiçi sipas RTS.

Dialogu i ndërmjetësuar nga Bashkimi Evropian u ndërpre në nëntorin e vitit të kaluar kur qeveria e Kosovës vendosi taksën 100% ndaj mallrave serbe. Kjo masë e Prishtinës ishte si kundërpërgjigje ndaj fushatës diplomatike të Serbisë kundër dhe për tërheqjen e njohjeve të Kosovës.

Analistët në Prishtinë thonë se emërimi i Matthew Palmer, si i ngarkuar amerikan për Ballkanin Perëndimor tregon qartë se Shtetet e Bashkuara duan të përfshihen shumë më tepër në zgjidhjen e problemit Kosovë-Serbi dhe kjo çështje të zgjidhet para përfundimit të administratës Trump. Edhe përfaqësuesja e Lartë e BE-së për Punët e Jashtme dhe Politikën e Sigurisë, Federica Mogherini deklaroi në Konferencën e Ambasadorëve të BE-së se “Evropa ka interes të qartë ta sjellë Ballkanin Perëndimor në BE”./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Rishqyrtimi i hetimit mbi Rusinë/ Ish-avokati i FBI-së pritet të pranojë fajësinë

Publikuar

-

Nga

Rishqyrtimi i hetimit mbi Rusinë/ Ish-avokati i FBI-së pritet të pranojë fajësinë

Një ish-jurist i FBI-së pritet të pranojë fajësinë për deklaratë të rreme në çështjen e parë penale që lindi nga një shqyrtim që po i bën prokurori John Durham hetimeve mbi dyshimet për lidhje mes zyrtarëve të fushatës presidenciale të zotit Trump në 2016, me Rusinë. Lajmi u njoftua nga avokati i tij të premten.

Kevin Clinesmith pritet të pranojë fajësinë mbi akuzën për deklaratë të rreme lidhur me ndryshimin e një emaili qeveritar që i referohej një ish-këshilltari të fushatës së zotit Trump, i cili ishte objekt i përgjimeve të FBI-së, tha avokati Justin Shur për agjencinë e lajmeve “Associated Press”. Çështja kundër zotit Clinesmith ka të ngjarë të mirëpritet nga Presidenti Donald Trump dhe përkrahësit e tij, ndërsa ata shikojnë tek hetimi i zotit Durham mundësinë për të ekspozuar atë që ata thonë se ishte një veprim i paligjshëm duke iu referuar fillimit të hetimit nga FBI-ja nëse fushata e zotit Trump në koordinim me Kremlinin u përpoq të ndikojë tek rezultati i zgjedhjeve të vitit 2016.

Hetimi i zotit Durham, i cili po shqyrton gjithashtu analizën e komunitetit amerikan të zbulimit mbi ndërhyrjen në zgjedhje të Rusisë, ka shkaktuar shqetësim të thellë mes demokratëve, të cilët e shohin atë si një masë politike, që synon t’i kundërvihet një hetimi tashmë të mbyllur. Demokratët druhen se akuzat penale ose raportet publike të lëshuara pranë zgjedhjeve të vitit 2020 mund të ndikojnë votimet e nëntorit.



Hetimi ka vazhduar së bashku me një përpjekje paralele nga Senati i drejtuar nga republikanët për të diskredituar të hetimin mbi ndërhyrjet ruse dhe ndërsa Prokurori i Përgjithshëm William Barr ka përshkallëzuar kritikat e tij mbi hetimin e kryer nga FBI-ja. Zoti Barr parashikoi veprimin juridik në një intervistë për “Fox News” të enjten në mbrëmje, ku tha se do të kishte një zhvillim të premten që nuk “do të ishte tronditës”, por një tregues se hetimi po ecte përpara.

LEXO EDHE:  Zbulohet megaskandali në Kosovë/ Mediat: A po përfshihet dhe Edi Rama?!

LEXO EDHE:  Kosovarët e vënë me shpatulla pas murit/ Presidenti: Inicimi i minishengenit, i sforcuar

Zoti Durham, prokurori i Konektikatit, nuk bëri asnjë koment sipas një zëdhënësi. Mbetet e paqartë nëse do të ketë akuza shtesë që mund të paraqesë zoti Durham ose deri në çfarë mase procesi i tij do të vërtetojë pohimet e zoti Trump se hetimi i FBI-së u njollos nga paragjykimet politike, pretendime për të cilat mbikëqyrësi i Departamentit të Drejtësisë nuk gjeti prova.

Sipas rregullore të Departamentit të Drejtësisë prokurorët nuk duhet të ndërmarrin hapa për të hetuar me qëllim ndikimin në zgjedhje. Rregulloret këshillojnë të mos merren veprime publike disa javë para zgjedhjeve. Por zoti Barr ka thënë se ai nuk ndjehet i shtrënguar nga kjo lloj politike pjesërisht sepse siç tha, ai që pritet të jetë kandidati zyrtar i demokratëve për garën presidenciale, Joe Biden, nuk është objekt i hetimit të zotit Durham. Ndërkohë zoti Barr ka sinjalizuar se do të shohë mundësinë t’i bëjë publike gjetjet e zotit Durham para zgjedhjeve. Zoti Clinesmith u referua për ndjekje të mundshme penale nga zyra e Inspektorit të Përgjithshëm të Departamentit të Drejtësisë, që kreu një proces rishikimi mbi hetimin ndaj Rusisë. Ai dha dorëheqjen nga FBI-ja vitin e kaluar./ VOA

LEXO TE PLOTE

Kosova & Rajoni

Hiqen kufizimet e numrit të fluturimeve në Aeroportin e Prishtinës

Publikuar

-

Nga

Hiqen kufizimet e numrit të fluturimeve në Aeroportin e Prishtinës

Qeveria e Kosovës në një mbledhje të mbajtur të premten ka marrë vendim që t’i heqë kufizimet në intervalet e fluturimeve nga Aeroporti Ndërkombëtar i Prishtinës “Adem Jashari”.

Më 5 korrik qeveria pati vendosur që fluturimet të realizohen në intervale kohore prej 45 minutave.

Kjo, për shkak të mbrojtjes nga mundësia e përhapjes së koronavirusit të ri.

Mirëpo, me vendimin e ri nuk do të ketë më kufizime të numrit të fluturimeve.

“Ministria e Infrastrukturës ka vlerësuar se mund të hiqen kufizimet prej 45 minutash ndërmjet aterrimeve dhe të vazhdohen operimet pa kufizime në numrin e fluturimeve, por me masa të shtuara që do të implementohen nga Aeroporti dhe do të monitorohen nga Autoriteti i Aviacionit Civil të Kosovës dhe autoritetet e tjera relevante”, thuhet në vendimin e qeverisë.



Qeveria e Kosovës ka miratuar edhe vendimin për hapjen e të gjitha pikave kufitare me vendet e rajonit, Shqipërinë, Serbinë dhe Maqedoninë e Veriut.

LEXO EDHE:  Pjesë e autostradës “Arbër Xhaferi”/ Kosova me urën më të gjatë në Rajon

LEXO EDHE:  Kosovarët e vënë me shpatulla pas murit/ Presidenti: Inicimi i minishengenit, i sforcuar

Pikat kufitare që do të hapen janë: Shishtavicë, Orshuq, Borje me Shqipërinë, Glloboqicë, Stanqiq me Maqedoninë e Veriu si dhe pika e kalimit kufitar në Bërnjak me Serbinë.

Qeveria e Kosovës në qershor vendosi për rihapjen e kufijve tokësorë që ishin mbyllur qysh më 13 mars, për të frenuar përhapjen e koronavirusit.

Megjithatë, përmes atij vendimi nuk ishin hapur të gjitha pikat kufitare me vendet e rajonit.

Qeveria ka sqaruar se mbeten në fuqi të gjitha masat që ishin miratuar më parë sa u përket hyrje-daljeve në territorin e Kosovës./REL

LEXO TE PLOTE

Kosova & Rajoni

Votohet ligji në Kosovë/ Gjoba deri në 500 euro për shkelësit e masave për Covidin

Publikuar

-

Nga

Votohet ligji në Kosovë/ Gjoba deri në 500 euro për shkelësit e masave për Covidin

Deputetët e Kuvendit të Kosovës kanë votuar sot Ligjin për parandalimin dhe luftimin e Pandemisë COVID-19 që parashikon masa të rrepta.

Nëse nuk respektohen masat e vendosura nga qeveria, ligji thotë se mund të dënoheni me gjobë nga 35 deri në 500 euro.



Deputeti nga radhët e Lidhjes Demokratike të Kosovës, Haxhi Avdyli, tregon se sipas ligjit të ri çdo person që nuk mban maskën dënohet me 35 euro, kush nuk mban distancë me 35 euro, kush nuk respekton ndalim-qarkullimin me 200 euro dhe kush nuk respekton izolimin me 500 euro.

LEXO EDHE:  Ndalohet autobuzi qe vinte nga Serbia, kontrabande mallrash te shumellojshem

LEXO EDHE:  Zbulohet megaskandali në Kosovë/ Mediat: A po përfshihet dhe Edi Rama?!

Kujtojmë se pas pesë muajsh nga propozimi, ligji mori sot shumicën e votave nga deputetët e Kosovës./ CNA.al

LEXO TE PLOTE