Connect with Us

Bislim Ahmetaj shkund politikën/ Zbulon “padronët” e Ramës, i nxjerr “bojën” Bashës

Lajm i Rekomanduar

Bislim Ahmetaj shkund politikën/ Zbulon “padronët” e Ramës, i nxjerr “bojën” Bashës

Publikuar

-

Bislim Ahmetaj, kreu i Grupimit Dhjetor ’90, në një intervistëe ekskluzive për CNA.al kalon në skaner qeverinë Rama dhe opozitën e Bashës.

Ai komenton zhvillimet politike në Shqipëri, krizën politike, qeverinë e Ramës e quan trashëgimi të PKSH dhe vegël të Soros.

Sipas Ahmetajt, Rama qëndron në pushtet sepse përballë tij ka një opozitë apatike, të paaftë për të mos thënë të kapur.

Nuk kursehet në qëndrimin e tij ndaj lidershipit të opozitës duke e parë atë në dy plane. “Atë që përfaqësohet nga çifti Basha- Kryemadhi e shoh në dy plane. Pamja e parë ajo pozitive, si të pa aftë, dhe plani tjetër që nuk dua as ta besoj as ta pohoj si një bisht apo shtojcë të Ramës dhe shefave të tij antishqiptarë brenda dhe jashtë Shqipërisë”, shprehet Bislim Ahmetaj.

Z. Ahmetaj si i shikoni zhvillimet dhe pritshmëritë e mëdha të vjeshtës në Shqipëri?

Fatkeqësisht ka vite që në Shqipëri ka vetëm një stinë politike, dhe ajo stinë për qytetarët shqiptarë është gjithmonë dimër me breshër, ngrica, acar dhe përmbytje. Ndërsa për njerëzit e politikës ka vetëm dy stinë pranverë e vjeshtë, atë çka mbjellin korrin.

Me një ndryshim bizar e djallëzor që të korrat i ndajnë bashkë.

Kjo është panorama metaforike e pritshmërive të vjeshtës së këtij viti, gjashtëmujori i parë i të cilit ka qënë i “begatë” dhe i bujshëm në ngjarje politike edhe pse shterpë dhe të tredhura.

Që s’besoj që do të ketë ngjarje “të mëdha” siç shpreheni ju në pyetjen tuaj jam i sigurtë, pasi ngjarjet e mëdha i inspirojnë, i zhvillojnë dhe i drejtojnë njerëzit me vizion, njerëzit që e kanë të shenjtë Atdheun, Lirinë dhe Demokracinë. Këta njerëz sot janë të përjashtur nga politika, por në shumicë edhe nga Atdheu.

Kështu që ndryshimet politike të kësaj vjeshte të pritshme nga klasa politike do jenë si i thonë një shprehje në anët e mia “Si ujë me pus(!)”që do të thotë asgjë.

Rama duket se ka zhytur vendin në krim e korrupsion, pse qëndron ende në këmbë qeveria?

Rama e ka pasur të gjithë formimin, origjinën, mbështetjen e brendëshme dhe të huaj për ta zhytur vendin në krim, korrupsion, varfëri dhe mjerim. Mjafton të përmendim dy-tri fakte të njohura botërisht , ai është në krye të ish PKSH-së, që më pas u bë PPSH e tani PSSH e krijur si filial i Partisë Komuniste Jugosllave (shumë i rëndësishëm ky fakt edhe pse dikujt mund t’i duket i vjetëruar, atyre që ju duket i vjetruar ju sjell ndërmend “puthjet buzë me buzë” me Vuçiçin sa në Bruksel, sa në Tiranë e Beograd).

Së dyti ai është botërisht i njohur si produkt i multimiliarderit Soros, i cili interesat e Shqipërisë i vën në tavolinën e pokerit të tij politik sa herë që ja lyp loja e interesave.

LEXO EDHE:  Të thyhet cikli i drogës dhe krimit/ Fundi i Ramës, zbatimi i dekriminalizimit

Së treti origjina e tij i plotëson të gjitha kushtet ideologjike që të vrasë e të presë për hirë të karriges dhe pushtetit përsonal.

Rama siç edhe pritej prej atye që kanë kaluar copëza jete pranë tij rezultoj një “aliazh”, apo një “sallatë ruse” që i plotëson të gjitha kërkesat negative se si duhet të sillet një drejtues shteti ndaj shtetasve të tij.

Rama i ka plotësuar deri në detaje pritshmëritë e atyre që e kanë mbështetur dhe e kanë sjellë në atë post. Pra për padronët e tij është një student ekselence që po shkëlqen edhe në praktikë. Arësyeja se pse ai dhe qeveria e tij qëndrojnë “në këmbë” nuk është pyetje që duhet të më drejtohet mua edhe pse unë pa asnjë drojë e kam dhe do ta jap përgjigjen time. Ai qëndron në pushtet sepse përballë tij ka një opozitë apatike, të paaftë për të mos thënë të kapur.

Si e shikoni opozitën dhe aksionin e saj të këtij viti?

Opozita në aspektin fizik ka kryer një volum pune të jashtëzakonshëm, ka mobilizuar me qindra mijëra njerëz në dhjetra protesta lokale dhe kombëtare. Mbështetësit e opozitës nga Konispoli në Koplik, nga Tropoja në Gjirokastër, nga Korça në Lezhë, nga Dibra në Vlorë, nga Shkodra në Durrës e Tiranë ju kanë përgjigjur me një sakrificë e guxim të përligjur dhe të pazakontë thirrjes së krerëve të opozitës për protesta dhe përballje me shtetin policor të Edi Ramës.

Ne jemi dëshmitarë okularë të përleshjeve me policinë e Lleshave, me arretime, me përballjen me shkopijntë e gomës dhe gazin lotsjellës.

Jemi dëshmitare të dhunës së përsëritur që është përdorur ndaj demostruesve dhe vendosmërisë së tyre për tu rikthyer në protesta, siç jemi dëshmitarë të shpërdorimit dhe lënies në mes të rrugës së “kauzave” të kreut të opozitës. Opozitën apo saktësisht lidershipin e opozitës që përfaqësohet nga çifti Basha- Kryemadhi e shoh në dy plane.

Pamja e parë ajo pozitive, si të pa aftë. Fhe plani tjetër që nuk dua as ta besoj as ta pohoj si një bisht apo shtojcë të Ramës dhe shefave të tij antishqiptarë brenda dhe jashtë Shqipërisë. Uroj të jem i gabuar në këtë pohim tragjik por kur shoh qytetarët e vendin tim se si trajtohen nga qeveria e Edi Ramës nuk mund të kem vlerësim tjetër për lidershipin që ka marrë të drejtojë opozitën./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Lajm i Rekomanduar

Shënim/ Lironi gazetarët, fajtori është në Presidencë

Publikuar

-

Nga

Pak para mesantës së mbrëmshme, qarkulloi një fake news, sipas të cilit një tërmet i fortë pritej të godiste Shqipërinë.

Lajmi u publikua nga portal Syri.net i Çim Pekës, por ajo që ishte e çuditshme pas këtij lajmi të rremë ishte pikërisht reagimi i vetë medias që e publikoi.

Pasi lajmi në fjalë përhapi panik tek qytetarët e Tiranës të cilët mësynë rrugët, lajmi u fshi dhe për më tepër për tu justifikuar dolën edhe me një qëndrim publik, duke përdorur një intervistë të një sizmologu grek, të dhënë për TCH. Ndër të tjera bëhej apel edhe të mos dëgjohen portalet, kur në fakt lajmi ishte prodhuar nga Syri, sepse sizmologu grek nuk kishte thënë asgjë të tilë.

Intervista e dhënë nga sizmologu grek në Top Channel nuk fliste për asnjë tërmet që pritej për ditën e djeshme.

Nga ana tjetër, pati një reagim edhe nga uniformat blu, të cilët shoqëruan në komisariat gazetarin e Syri.net Aurel Rakipllarin dhe gazetaren e Shekullit, Daniela Grica.

LEXO EDHE:  Takimi me të rinjtë/ I pranishëm edhe djali i Sokol Olldashit

LEXO EDHE:  Gazsjellësi “TAP” në Fier/ Rama jep lajmin e mirë

Por, këtu ka edhe një tjetër detaj, që nuk duhet anashkaluar.

Në të gjitha faktet dhe detajet, dukej se ajo ishte një sulm i stimuluar për të ngjallur panik në kryeqytet dhe gazetarët duhet të lirohen, sepse përgjegjësit e vërtetë të atij kaosi i gjeni tek Presidenca dhe jo më larg se ky institucion.

Përgjegjësit e këtij paniku i gjeni tek Ilir Meta dhe shokët e tij, dhe jo tek gazetarët që punojnë për bukën e gojës , qoftë edhe tek portal i Cimit.

Shkoni në Presidencë, është ai që bënte paralajmëronte për tërmetin, por që sot e mohon atë.

Njëlloj si Çimi që bënte thirrje për të dalë në rrugë dhe pastaj mohonte daljen në rrugë, edhe Meta sot bën thirrje për “tju rikthyer jetës së përditshme”./ CNA.al

Meta qetëson qytetarët/ T’i kthehemi jetës së përditshme

LEXO TE PLOTE

Lajm i Rekomanduar

Horoskopi i ditës, 22 shtator 2019

Publikuar

-

Nga

DASHI21. mars – 20. prill

Dite e shkëlqyer do jete kjo e sotmja për te dashuruarit. Gjate gjithë kohës do përjetoni emocione te forta dhe do i harroni problemet qe keni pasur me herët. Beqaret nuk do ndihen ende gati për te filluar një lidhje, por miqtë nuk do i lënë asnjë moment vetëm qe ata te mërziten. Buxhetin do mundoheni fort ta ekuilibroni, por për fat te keq nuk do ja arrini dot.

DEMI21. prill – 21. maj

Dite aspak e qete kjo e sotmja për ata qe janë ne një lidhje. Ne shume momente do debatoni ashpër me atë qe keni ne krah dhe do mërziteni. Beqaret do bëjnë mire te rikthehen ne realitet dhe te mos ëndërrojnë me shume nga sa duhet sepse mund te lëndohen. Ne planin financiar do përballeni me goxha vështirësi dhe do duhet te paguani fatura te majme ne këtë sektor.

BINJAKET22. maj – 21. qershor

Juve qe jeni ne një lidhje sot do ju pëlqejnë gjerat e çmendura dhe mund te ndërmerrni edhe rreziqe vetëm për te përjetuar sa me shume emocione. Beqaret nuk duhet te hedhin hapa te nxituara sepse përndryshe situata mund t’iu dale jashtë kontrollit dhe mund te lëndohen. Shpenzimet kryejini gjate gjithë kohës me kujdes dhe gjendja ka për te mbetur e mire.

GAFORRJA22. qershor – 22. korrik

Sot do përballeni me surpriza te jashtëzakonshme ju te dashuruarit. Çdo çast i kaluar pranë partnerit do jete aq i bukur saqë shpesh do ju duket vetja si neper ëndrra. Beqaret do kenë një dite te zakonshme dhe pa ndonjë takim interesant. Nuk ka ardhur ende dita me e favorshme për ta. Me financat duhet te ndiqni strategji strikte ne mënyrë qe te mos keni probleme.

LUANI23. korrik – 22. gusht

Edhe pse presioni nga jashtë do jete shume i madh gjate kësaj dite, ju nuk do i dëgjoni aspak te tjerët dhe do bëni gjithçka qe dëshironi. Partneri do jete me i çiltër dhe do dije edhe t’iu surprizoje. Beqaret nuk do dine si ta joshin atë qe pëlqejnë dhe ka rrezik qe ai t’iu ike nga duart. Ne planin financiar fati do jete me shumice dhe gjendja do vije shume shpejt duke u normalizuar.

VIRGJERESHA23. gusht – 23. shtator

Yjet janë premtuese për jetën tuaj ne çift gjate kësaj dite. Do merreni vesh mjaft mire me partnerin dhe do ju duket sikur keni rilindur. Beqaret pas kaq kohesh pritjeje me ne fund do e gjejnë personin e duhur me te cilin do fillojnë një lidhje emocionuese. Ne planin financiar do jeni gjithë kohës vigjilente dhe nuk do ju dale asnjë e papritur. Vazhdoni ne këtë rruge sepse nuk do pendoheni.

PESHORJA24. shtator – 23. tetor

LEXO EDHE:  Të thyhet cikli i drogës dhe krimit/ Fundi i Ramës, zbatimi i dekriminalizimit

LEXO EDHE:  Basha nuk i qëndron fjalës/ Shkeli me dy këmbët statutin e PD

Mbajeni gjate gjithë kohës nen kujdes jetën tuaj ne çift gjate kësaj dite sepse ne te kundërt dikush tjetër do përfitojë dhe mund t’ua rrëmbejë atë qe keni ne krah. Beqaret me mire te tregohen te duruar sepse sot nuk do iu jepen mundësi aq te mira sa për te filluar një lidhje. Financat do mbeten te mira për aq kohe sa ju te jeni te logjikshëm dhe te mos bëni çmenduri.

AKREPI24. tetor – 22. nëntor

Ju te dashuruarit do i përkushtoheni edhe partnerit edhe familjareve gjate kësaj dite. Do dini si ta ndani mire kohen qe asnjeri te mos mërzitet. Beqaret do përballen me një surprize gjigante qe do iu pëlqejë tej mase. Përgatituni për rrahje te forta zemre. Financat do jene goxha te mira. Duke iu menaxhuar si duhet ky sektor do ketë veçse përmirësime dhe asnjë lloj problemi.

SHIGJETARI23. nëntor – 21. dhjetor

Dite aspak e favorshme kjo e sotmja për te dashuruarit. Do grindeni me partnerin edhe për gjerat me elementare dhe nuk do pranoni te hapni rruge asnjë çast. Beqaret do kenë dashuri me shikim te pare atëherë kur nuk do e presin, por e rëndësishme është qe do ndihen mjaft mire. Buxheti nuk do ketë asnjë lloj ndryshimi. Kujdes me investimet qe te mos keni tronditje se shpejti.

BRICJAPI22. dhjetor – 20. janar

Dite tej mase e trazuar do jete kjo e sotmja për ata qe janë ne një lidhje. Disa persona te trete do kenë ndikim te jashtëzakonshëm tek ju dhe do ju nxitin te debatoni. Beqaret ka mundësi te fiksohen pas personave te martuar dhe shume me te mëdhenj ne moshe se ata. Nëse ne planin financiar i dëgjoni me kujdes te gjitha këshillat qe do iu japin specialistet gjendja ka për te qene e mire.

UJORI21. janar – 19. shkurt

Nëse keni një lidhje te qëndrueshme, sot mund te merrni edhe disa vendime me rëndësi për te ardhmen. Nëse kjo lidhje ka ende probleme, mos hidhni asnjë hap sepse mund te gaboni. Beqaret do preferojnë te qëndrojnë vetëm edhe për disa kohe pasi personat qe do takojnë nuk do ju pëlqejnë sa duhet. Buxheti ne tërësi ka për te qene i kënaqshëm. Do i kryeni pa asnjë problem shpenzimet e planifikuara.

PESHQIT20. shkurt – 20. mars

Do jeni shume ëndërrimtare sot ju te dashuruarit dhe realiteti ka për t’iu dukur me zhgënjyes se asnjëherë tjetër. Po nuk u rikthyet me këmbë ne toke do vuani. Beqaret do tërhiqen fizikisht nga disa persona, por nuk duhet kurrsesi te hedhin hapa pa i njohur mire ata. Për menaxhimin e buxhetit me mire merrni këshilla dhe sugjerime nga specialistet pasi vete nuk do ja dilni dot mbanë.

 

LEXO TE PLOTE

Lajm i Rekomanduar

Henri Çili avokat i korrupsionit dhe krimit në politikë/ Kërkon amnisti

Publikuar

-

Nga

Neimi Çili i Labinotit, apo sikurse i pëlqen ta quajnë, pasi ka ndryshuar emrin Henri Çili, nuk lodhet së përkëdheluri politikën, sa majtas-djathtas por edhe duke shërbyer si urrë për të shpetuar nga akuzat, krimi e korrupsioni. .

Ai që dikur bërtiste për një mandat të tretë për Sali Berishën, por që më pas shpalli Edi Ramën si njeriun e vitit dhe më pas instrument i Bashës, më tej në shërbim të Ramës sërish, së fundi nuk ka çuditur me një deklaratë të tij të përsëritur.

Henri Çili, i cili është mësuar të shkojë nga të fryjë era, mesa duket së fundi nuk po i dalin mirë llogaritë, dhe duke mos arritur ta kuptojë se nga do fryjë era, ka marrë përsipër të bëjë rolin e avokatit të korrupsionit dhe krimit në politikë për të gjithë.

Mbrëmjen e djeshme, Çili ishte i ftuar në emisionin “Provokacija”, të Mustafa Nanos ku tha se tranzicioni në vendin tonë është mbyllur.

Sipas Çilit tranzicioni ka qënë i suksesshëm dhe për këtë duhet falenderuar kasta jonë politike, që prej 30 vitesh rrjep shqiptarët, në çdo cep të vendit.

LEXO EDHE:  Ligji për Arsimin e Lartë/ Basha: Dje nisi beteja e madhe fronale

LEXO EDHE:  Takimi me të rinjtë/ I pranishëm edhe djali i Sokol Olldashit

Për më tepër, Çili kërkoi edhe amnisti për politikanët hajdutë e të korruptuar.

“Ideja është që tranzicioni shqiptar është më i lavdishmi në periudhën e Shqipërisë, 30 vjetët e kësaj pjese të historie shqiptare.

Mua prandaj më vjen keq që kryqëzohet elita politike. Elita politike i ka bërë një shërbim Shqipërisë dhe për mendimin tim meriton të amnistohet dhe jo të ndëshkohet.”-tha ndër të tjera Henri Çili.

Duket se tani është sezoni turistiko-mediatik, ku Çili vërsulet ekraneve me teza për të nxitur debate publike. Qëllimi i tij final me pas është reklama e universitetit të tij për të rregjistruar sa më shumë studentë, pasi çuni nga Labinoti figuron i mbyrur në borxhe dhe kredi miliona euro./ CNA.al

Neimi i Labinotit e dredh sërish/ Fillon sulmet dhe akuzat ndaj Ramës

Lela jep lajmin: Basha pajtohet me Çilin

Akuza të rënda Henri Çilit/ Pedagogët e UET denoncojnë: Katër muaj pa rroga

Ekskluzive –Detajet/ Kur dhe si e ndryshoi emrin Çili i UET

UET-i, Universiteti i mbytur në borxhe mbijeton me “vaksina”

LEXO TE PLOTE
Lajme të Rekomanduara: