"Strategjia e PD -së e gabuar"/ Ristani ia thotë copë Bashës

2 Shtator 2019, 15:56, Politikë CNA

"Strategjia e PD -së e gabuar"/ Ristani ia thotë copë

Ish sekretari i Përgjithshëm i Partisë Demokratike, Arben Ristani i ka përshkallëzuar kritikat ndaj Lulzim Bashës.

Me anë të një postimi në rrjetet sociale, ai ka thënë se strategjia e PD, për të mundur Ramën dhe Rilindjen, nëpërmjet daljes nga sistemi, rezulton të jetë rrugë e gabuar.

“Është strategjia anti-sistem, e ndjekur nga opozita, në thelb e gabuar dhe e destinuar të dështoje, e cila i jep Ramës mundësinë të ketë në dorë të gjitha pushtetet dhe ti krijojë hapësira krimit, të shkatërrojë dhe zhvatë pasuritë e shqiptarëve dhe të ardhmen e fëmijëve tanë.
Rikthimi i opozitës në sistem, tashmë, në këtë fazë ku ndodhemi, nuk bëhet me pretendime, por me veprime që provojne qenien pro sistem”, ka shkruar Ristani.

Postimi i plotë:

Nxjerrja e vendit nga qorsokaku politik, nga inpasi i sistemit, i cili nxit ne menyre artificiale krizen ne cdo fushe, ne nje vend demokratik, ka vetem nje ilac baze: opoziten e vertete, te fuqishme, parimore, te njerezve te ketij vendi, te perfaqesuar nga kontributore te besueshem publik.
Interesi themelor i cdo shqiptari eshte, te ruaje demokracine si sistem politik.
Strategjia e PD, per te mundur Ramen dhe Rilindjen, nepermjet daljes nga sistemi, rezulton te jete rruge e gabuar. Kjo, jo se Rama dhe krimi jane te forte dhe te pathyeshem, perkundrazi, Rames i ka mbaruar koha morale per te qeverisur.
Eshte strategjia antisistem, e ndjekur nga opozita, ne thelb e gabuar dhe e destinuar te deshtoje, e cila i jep Rames mundesine te kete ne dore te gjitha pushtetet dhe ti krijoje hapsira krimit, te shkateroje dhe zhvate pasurite e shqiptareve dhe te ardhmen e femijeve tane.
Rikthimi i opozites ne sistem, tashme, ne kete faze ku ndodhemi, nuk behet me pretendime, por me veprime qe provojne qenien pro sistem.
Prova kryesore sot, pro sistem, eshte qendrimi ndaj reformes ne drejtesi dhe kontributi konkret per ta mbeshtetur ate, per ta permiresuar ate, dhe per te mirpritur rezultatet e saj./CNA.al