Connect with Us

Rasti “Pjetri” dhe bllokimi i Shkodrës/ Vjen lëvizja surprizë e mazhorancës

Politikë

Rasti “Pjetri” dhe bllokimi i Shkodrës/ Vjen lëvizja surprizë e mazhorancës

Publikuar

-

Mazhoranca socialiste vijon të jetë në vështirësi në gjetjen e një zgjidhje për të zhbllokuar ngërçin e Shkodrës, krijuar nga dorëheqja e Valdrin Pjetrit.

Megjithatë nuk kanë munguar sugjerimet e para se si mund të zhvillohen zgjedhje të pjesshme në Shkodër në një kohë ku ato refuzohen të dekretohen nga presidenti Ilir Meta.

Top-Channel ka mësuar se juristët e PS të ndodhur përballë një ushtrimi të vështirë juridik, e shikojnë zgjidhjen në ndryshimin e Kodit Zgjedhor.

“Ndryshimi nenit të kodit zgjedhor, për zgjedhjet e pjesshme duke ia hequr të drejtën e dekretimit të presidentit, dhe kalimin e kësaj kompetence KQZ-s, për raste të ngjashme si ato të Valdrin Pjetrit, është zgjidhja e vetme për momentin” ka thënë një burim nga PS.

Për të bërë këtë ndryshim emergjent në kodin zgjedhor socialistët i kanë votat në parlament.

Një ndryshim i tillë do të jetë jo vetëm zgjidhje për Shkodrën, por edhe për ndonjë bashki tjetër si ajo e Vorës, ku me gjatës zgjedhjet e pjesshme janë të pashmangshme.

Presidenti i republikës Ilir Meta, as që e ka në mëndje të dekretojë një datë të re zgjedhjesh për Shkodrën, duke e kapur maxhorancën Shah-Mat.

LEXO EDHE:  Kapen 51 kg kanabis dhe 100 fishekë/ Trafikantët i shpëtojnë policisë

Presidenti si zgjidhje jo vetëm për Shkodrën por edhe për të gjithë Shqipërinë shikon datën 13 Tetor.

Kjo datë zgjedhjesh e dekretuar nga presidenti ka mbetur thjesht një dëshirë në sirtarin presidencial për aq kohë sa KQZ as që e ka marrë mundimin ta diskutojë dekretin e 13 Tetorit e jo më të nis përgatitjet për zgjedhjet.

Kristaq Kume ish kreu KQZ në një intervistë për Top-Channel tha se zgjedhjet e parakohshme në Shkodër kalojnë vetëm përmes një dekreti të presidentit dhe se çdo zgjidhje tjetër do të jetë e sforcuar.

Përballë situate duket se maxhoranca do të shkojë drejt një zgjidhje të sforcuar, kjo e imponuar nga qasja e presidentit për Shkodrën.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ne shohim vetëm majën e ajsbergut”/ Demalia: Rama i frikësuar

Publikuar

-

Nga

Analisti Ilir Demalia, teksa ka folur për ligjin që synon censurimin e mediave, u shpreh  se pushtetarët janë të frikësuar për aferat korruptive në të cilat ata janë përfshirë.

Këta duan ti mbyllin gojën sepse e dinë veten mirë se kush janë. Ne nuk dimë asgjë, ata dinë më shumë më tepër. Ne shohim vetëm majën e ajsbergut, këta janë të frikësuar sepse dinë çfarë është nën ujë. Edhe Rama këtë e bën për të bllokuar investigimet, median, fjalën e lirë, por nuk do t’ja arrijë dot.

Regjimet autoritare dhe regjimet diktatoriale gjënë e parë që bëjnë fillojnë censurojnë fjalën e lirë. Ne kemi një eksperiencë të gjatë dhe shumë të suksesshme si popull me 45 vjet komunizëm, censurimi i fjalës së lirë. Po thuaj çfarë të duash për mua, nuk më intereson. Njeriu shqetësohet kur e ndjen veten fajtor”, u shpreh Demalia në një lidhje për Ora news./CNA.al

 

LEXO TE PLOTE

Politikë

Braçe tallet me Bashën pas artikullit të “The Times”/ “Je hapur shumë Lul”

Publikuar

-

Nga

erion brace i pergjigjet protestes se opozites

Zëvendëskryeministri Erion Braçe ka reaguar për artikullin e gazetës britanike “The Times”, e cila ka zbuluar hetimin britanik, që ka në zemër krimet e dyshuara të financimit të fushatës të Lulzim Bashës.

Braçe e pyet Bashën se çfarë po bëhet  dhe pse pse “The Times” shkruan se kryedemokrati e kaloi gjyqin me pandëshkueshmëri.

“Luli, o Luli! Ç’bëhet kështu? Pse se quajnë gjyqin tënd në Tirane këta? Dhe imagjino çfarë drejtësie kanë këta në atë ishull!”, shkruan zv.kryemninistri në rrjetet sociale.

Numri 2 i qeverisë ka publikuar një pjesë të artikullit dhe paralajmëron Lulzim Bashën se drejtësinë britanike dhe amerikane nuk e kontrollon dot njeri.

LEXO EDHE:  Kreu i PD-së shpërthen kundër LSI-së/ Është gjysma e keqe e këtij vendi

LEXO EDHE:  Shkodër, kandidatja Bazhdari takim me biznesin e vogël

“Je hapur shumë Lul, shumë, Amerikë e Britani ku drejtësinë se kontrollon dot kush!”, thekson ai./ CNA.al

LEXO TE PLOTE

Politikë

Manovra dhe akrobaci për të varrosur të shkuarën/ Agron Tufa i nxjerr të palarat ish sigurimsit

Publikuar

-

Nga

Ish-kreu i Institutit të Studimeve dhe Pasojave të Krimeve të Komunizmit, Agron Tufa, përmes një reagimi të gjatë në rrjetet sociale, akuzon një prej drejtuesve të lartë të Policisë së Shtetit, Xhavit Shalën se ka qenë pjesë e sigurimit të shtetit, ndërsa këtë fakt është përpjekur vazhdimisht ta manipulojë.

Sipas Tufës, ligji për vetingun e Policisë, automatikisht e nxjerr nga sistemi ish punëtorin operativ të Sigurimit të Shtetit, Xhavit Shalën, por për t’i rezistuar kësaj pune e për të mbajtur me thonj privilegjin që i jep rroga, Xhavit Shala ka zgjedhur një taktikë që lidhet me ligjet e shfuqizuara të kontrollit të figurës.

“Historia e ish of. të Sigurimit, Xhavit Shala, do të përbënte lëndë të lakmueshme për një roman pikaresk kriminal. Përveç “vijës së sjelljes” dhe “kombinimeve” me ish bashkëpunëtorët e tij sot, si “Studenti”, “Mboroja”, etj, ai ka hallin si t’u mbijetojë ligjeve të institucioneve demokratike. Gjithmonë i paqetë, gjumëtrazuar (siç ka qenë gjithmonë kjo shpesëri nate), ai ka kohë që ua përdredh kokën ligjeve.
Por prej një viti e ca, Xhaviti ndodhet në Labirintin e Ligjit dhe, që të mos e hajë Minotauri, ai kërkon një fill Ariadne, që të dalë së andejmi si hero.
Ja se si përpiqet Xhaviti t’ia hedhë edhe kësaj here Ligjit:

Ligji për vetingun e Policisë, automatikisht e nxjerr nga sistemi ish punëtorin operativ të Sigurimit të Shtetit, Xhavit Shala. Autoritetet që merren me vetingun e kanë marrë përgjigjen qysh prej datës 24 maj 2019 (në një ditë të lavdishme për komunistët madje). Mirëpo, për t’i rezistuar kësaj pune e për të mbajtur me thonj privilegjin që i jep rroga, e për të shkelur ligjin, Xhavit Shala ka zgjedhur një taktikë që lidhet me ligjet e shfuqizuara të kontrollit të figurës.

Në atë kohë, komisioni “Bezhani”, për interes të Xhavit Shalës, kur ky u emërua drejtor i SHIK-ut Elbasan (tetor 1997), nuk mori vendim për të. Ky vendim i pëlqeu Shalës, sepse me këtë mbante vendin e punës dhe as u ndje më. Mirëpo sot, në kushtet e reja me ligjin e vetingut të Policisë, atij nuk i pëlqen më ky vendim. Për të mbajtur me thonj e me dhëmbë vendin aktual të punës, ka kërkuar vërtetimin e faktit të vendimit të komisionit “Bezhani” (pas 23 vjetësh). D.m.th. do diskutohet fakti në ka qenë apo jo oficer Sigurimi. E bukura është se padia e Xhavit Shalës, i drejtohet “gjykatëses”, pa e ditur që pas shortit, do ishte apo jo femër kjo. Dhe femër i qëlloi. Shala kërkon të dijë në është apo jo në kushtet e ndalimit të ushtrimit të funksioneve publike, në një kohë që ligji i vetingut të policisë ndalon si oficerët e ashtu bashkëpunëtorët e Sigurimit.

LEXO EDHE:  Foto lajm/ Digjen dy makina në Shkodër

LEXO EDHE:  Përmbytjet në Shkodër/ Bushati:Do kemi një zgjidhje përfundimtare

Shala kërkon që të vijnë dëshmitarë në gjyq, ish ministri i Rendit Publik Spartak Poçi (babain e të cilin, Dilaver Poçi, gjatë kohës së internimit, e kishte “nën kujdes” në Dumre, pikërisht Xhavit Shala), ish drejtori i përgjithshëm i Policisë Veli Myftari (që ka kaluar me “veteranët” sot) dhe ish drejtori i personelit Pendeli Taçi (ish oficer Sigurimi). Për të kopsitur mirë procesin, Xhavirt Shala kërkon “marrjen e provës materiale” të praktikave të shokëve të vet ish sigurimsa të lashtë si Ilir Balili, Adriatik Muka dhe Pandi Sterjo. Paralelisht, i kërkon Autoritetit të dosjeve (pra gruas së vet) të ndërpresë “procedurat verifikuese” (muhabet shtëpie d.m.th.). Xhavit Shala dihet se është tutori i Autoritetit, i cili është kuptuar me kohë se është një vegël në duart e tij.

Realisht Xhavit Shala është kryetar i Autoritetit. Kryetarja formale Genta Sula, ndjehet e pafuqishme të largojë nga funksioni Aida Shalën, gruan e Xhavitit, e cila ka siguruar monopolin e çdo material digjital (për bashkëshortin e saj). Nëse do kishte sadopak drejtësi, duhet të shohim dy veprime: largimin e Xhavit Shalës nga Policia dhe nga drejtimi i Autoritetit. Xhavit Shala nuk ndonjë formim policor. E shumta mund të ishte ndonjë instruktor partie. Dhe për këtë ka dhënë prova.”/CNA.al

 

LEXO TE PLOTE