Connect with Us

Nën “diktaturën”e Klan dhe Top Channel/ Tregu i televizioneve në Shqipëri shënon rritje

Sociale

Nën “diktaturën”e Klan dhe Top Channel/ Tregu i televizioneve në Shqipëri shënon rritje

Publikuar

-

Televizionet kryesore në Shqipëri realizuan të ardhura të përgjithshme prej 4.2 miliardë lekësh gjatë vitit 2018, me një rritje prej 7% në krahasim me vitin 2017, sipas bilanceve që kompanitë mediatike publikuan në Qendrën Kombëtare të Biznesit.

Indeksi i përqendrimit të tregut shënoi përkeqësim në 84%, nga 82% që ishte një vit më parë.

BIRN analizoi bilancet e nëntë kompanive mediatike kryesore në vend që operojnë në tregun e televizioneve pa pagesë, për të parë të ardhurat dhe fitimet, ecurinë e përgjithshme financiare të tregut si dhe treguesit e përqendrimit të të ardhurave si matës indirekt i pluralitetit të informimit.

Viti 2018 ishte i pari në tre vjet kur tregu i televizioneve u rrit, por rritja e shënuar vitin e kaluar nuk ishte e njëtrajtshme. Televizioni Klan rriti të ardhurat me 26%, duke u bërë edhe televizioni më i madh në vend sa i përket të ardhurave, pozicion që gjatë viteve të shkuara e mbante Top Channel.

Top Channel shënoi një rritje minimale të ardhurash prej 0.5%, ndërsa mes televizioneve të tjera, ABC Neës shënoi rënie me 30% në të ardhura ndërsa Scan TV shënoi rritje me 27%.

Indeksi i përqendrimit të tregut, i matur si pesha e katër televizioneve më të mëdha në treg shënoi një përkeqësim të mëtejshëm. Të katër televizionet TV Klan, Top Channel, Media Vizion dhe Focus Media patën së bashku 84.6% të tregut, ndërsa në vitin 2017, katërshja kryesuese, Top Channel, TV Klan, Media Vizion dhe Ora News zotëronin së bashku 82% të tregut.

Indeksi i përqendrimit të tregut është një tregues ndërkombëtar që synon të masë larmishmërinë e burimeve të informimit të qytetarëve të një vendi. Përqendrimi konsiderohet i lartë ose tepër i lartë nëse katër pronarët kryesorë të medias kontrollojnë më shumë se gjysmën e saj.

Në rastin e Shqipërisë, vetëm dy televizionet kryesore në vend, Klan dhe Top Channel kontrollojnë së bashku 67% të tregut, ndërsa pjesa tjetër e televizioneve ndan pjesën e mbetur. Përqendrimi i të ardhurave në duart e dy televizioneve të mëdha është shtuar në krahasim me vitin 2017 nga 64 në 67%.

LEXO EDHE:  ERTV së shpejti një televizion?/ Ja çfarë thotë Rama

Tregu i medias në Shqipëri është i përqendruar jo vetëm sa i përket të ardhurave, por edhe sa i përket pronësisë së infrastrukturës bazë, gjë që ka shkaktuar edhe shqetësime për Autoritetin e Konkurrencës.

Ndryshimi më i madh në tregun e medias gjatë vitit të kaluar është që televizioni Klan arriti të kapërcejë Top Channel si kompania mediatike më e madhe në vend për herë të parë në shumë vite. Të ardhurat e Klan prej 1.46 miliardë lekësh ishin pak më të larta se sa ato të Top Channel, 1.37 miliardë lekë, por patën një rritje prej 26% në krahasim me një vit më parë.

Klan është aktualisht nën pronësinë e familjes Frangaj, ku paketa e aksioneve ndahet në masën 60% për Aleksandër Frangajn dhe 40% për Alba Ginën.

Frangaj dhe Gina ishin më herët edhe aksionerë të ABC News, një televizioni që kishte 2.9% të tregut sipas të ardhurave gjatë vitit të kaluar, por që pa edhe një rënie drastike të të ardhurave në masën 30%. Sipas të dhënave të publikuara në Qendrën Kombëtare të Biznesit, ABC News u shit te kompania e sapokrijuar A.B.C. MANAGEMENT për 600 mijë euro.

Blerësi A.B.C. MANAGEMENT është një kompani e re e regjistruar në Shqipëri, nën pronësinë e shtetases greke Efthymia Gkouma.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Mblidhet Task-Forca/ Përforcim masash për parandalimin e depërtimit të koronavirusit

Publikuar

-

Nga

Pas evidentimit të situatës shëndetësore me prezencë komunitare të koronavirusit në Itali, Ministrja e Shëndetësisë dhe Mbrojtjes Sociale Ogerta Manastirliu mblodhi sot Task-Forcën për parandaimin, kontrollin dhe mbrojtjen ndaj koronavirusit të ri.

Pas diskutimeve mes ekspertëve dhe drejtuesve të institucioneve, u vendos përforcimi I masave në pikat kufitare, sigurimi i sasisë së shtuar të mjeteve të mbrojtjes personale dhe përforcimi i gjurmimit të rasteve për të rritur kontrollin për parandalimin e depërtimit të koronavirusit COVID-19.

Task Forca vendosi:

Dyfishim të personelit në Njësitë Shëndetësore në pikat kufitare, aeroport, porte dhe pika kufitare tokësore.

Përforcim i kontrolleve në pikat kufitare, për çdo udhëtar për cdo udhëtar që vjen nga harta gjeografike e vendeve me shpërthime komunitare, e përcaktuar nga OBSH.

Shtimi i informacionit dhe rritja e vizibilitetit të mesazheve në pikat kufitare, për të dhënë më shumë informacion për udhëtarët mbi vetëdeklarimin në strukturat shëndetësore, në rast të një shenje klinike apo kontaktit me raste të konfirmuar me koronavirus në këto vende.

LEXO EDHE:  A po fillon rrënimi i Digitalb?

LEXO EDHE:  Ministria e Bujqësisë i përgjigjet Top Channel/ Po përhap panik, Silicon Mix i padëmshëm

Rritja e sasisë së mjeteve të mbrojtjes personale për të gjitha hallkat e shërbimit, nga pikat kufitare, në strukturat shëndetësore spitalore e deri në nivel të diagnozës laboratorike.

Task Forca vendosi që masa e paracaktuar për vetëkarantinim të personave që vijnë nga vende me shpërthime komunitare të virusit duhet të vijojë.

Gjithashtu, siç është bërë me dije, tashmë është përcaktuar vendi i karantinës në rast se do të jetë e nevojshme, që është do jetë një strukturë SPITALORE, e vlerësuar edhe nga komiteti teknik, që plotëson të gjitha standardet e përcaktuara nga OBSH.

Ministria e Shëndetësisë dhe Mbrojtjes Sociale dhe Task Forca për parandalimin e depërtimit dhe përhapjes së koronavirusit të ri REKOMANDON të gjithë qytetarët që kanë udhëtuar nga vendet e prekura, të telefonojnë në numrin e Urgjencës Kombëtare 127 në rast të shfaqjes së cdo shqetësimi apo shenje klinike, pa u drejtuar menjëherë në spital.

LEXO TE PLOTE

Sociale

Qëndresa Qytetare çel ekspozitën “Ekspozitën e Turpit” në Arsim/ Shahini “ngel në klasë”

Publikuar

-

Nga

Qëndresa Qytetare nëpërmjet një aksioni kreativ ka paraqitur në formë ekspozitë më shumë se 20 skandale në sitemim arsimor të vendit të cilat kanë ndodhur në çdo muaj gjatë 2 viteve të fundit.

Aktivistët e quajtën “Ekspozita e Turpit” nisur edhe nga rasti i fundit i shfaqjes së ngacmimeve dhe skandaleve seksulae në shkollën “Jakov Xoxa”. Shkollat dhe universitetet e kanë humbur qëllimin e tyre, atë të edukimit të nxënësve duke u kthyer në vatra të dhunës, abuzimi seksual dhe korrupsionit.

Përballë kemi Ministrinë, e cila me papërgjegjshmërinë e saj është drejtpërdrejt përgjegjëse për këtë situatë të degjeneruar, nëse ne kemi më shumë se 1 skandal në media çdo muaj, ju ftoj të paramendoni se cila është gjëndja reale në këto institucione edukimi, u shpreh aktivisti i Qëndresës Qytetare Migen Qiraxhi.

Me anë të kësaj ekspozite ne kërkojmë të përballim institucionin e Ministrisë së Arsimit me bilancin dramatik të 2 viteve të fundit në arsim, por edhe të komunikojmë me qytetarët mbi situatën.

LEXO EDHE:  Gjigandi mediatik Euronews vjen në Shqipëri

LEXO EDHE:  "Ata që nuk më besuan nuk punojnë më në Top Channel"/Dojna Mema rrëfen 'sekretet'

Institucionet në varësi të ministrisë kanë vendosur gjatë gjithë formimit tonë “Nota” si vlerësim mbi përgatitjen tonë, sot është dita e qytetarëve të vlerësojnë me Notë punën e ministrisë duke e shënuar atë në tabelën e improvizuar në shesh.

 

LEXO TE PLOTE

Sociale

Si të mbroni veten dhe të afërmit nga koronavirusi

Publikuar

-

Nga

Virusi mund të përhapet kur një person i infektuar kollitet ose teshtin dhe larja e duarve është hapi i parë ndaj mbrojtjes.

Si mund të përhapet koronavirusi?

Koronavirusi  është një sëmundje e re dhe shkencëtarët janë ende duke studiuar se si  mund të përhapet nga personi në person, por viruse të tilla të ngjashme kanë tendencë për t’u përhapur nëpërmjet kollës dhe teshtimës.

Kur një person i infektuar kollitet ose teshtin, ata nxjerrin pikat e pështymës ose mukozën. Këto pika mund të bien tek njerëzit dhe kalojnë tek ata prekin fytyrën duke shkaktuar në këtë mënyrë infeksionin.

 

Virusi mund të përhapet gjithashtu përmes pikave që bien në sipërfaqe siç janë vendet në autobusë, trenat ose tavolinat në shkollë. Sidoqoftë, nëse kjo është një rrugë kryesore e transmetimit varet se sa gjatë mbijetojnë viruset në sipërfaqe – dhe kjo gjë mund të ndryshojë nga orë në muaj.

Ekzistojnë  fakte që virusi mund të përhapet tek njerëzit përpara se të shfaqen simptomat .

Si të mbroni veten dhe të tjerët?

Lani duart : lani duart tuaja me ujë të pastër dhe përdorni sapun. Mos harroni kur të lani duart të lani mirë hapësirat midis gishtërinjve dhe thonjtë ,pastroni mirë të paktën për 20 sekonda.

Mbuloni gojën dhe hundën kur kolliteni ose teshtini me një facoletë para, më pas hidheni atë në kosh dhe lani duart tuaja. Nëse nuk keni facoletë, mbani brrylin tuaj para gojës kur kolliteni ose teshtini, jo duart.

LEXO EDHE:  Vijon furtuna në Top Channel/ Largohet moderatorja e njohur, ja ku do ta shohim në shtator

LEXO EDHE:  Arbana Osmani do të largohet nga Top Channel? Ja çfarë u vendos pas 48 orë diskutime

Maskat higjenike për fytyrën ofrojnë një mbrojtje më të sigurt

Sidoqoftë, ato nuk bllokojnë grimcat më të vogla të tështimës ose kollitjes që mund të kalojnë në materialin e maskës. Maska gjithashtu nuk mbrojnë dot sytë dhe ka prova se virusi mund të transmetohet edhe nga shikimi.

Kërkoni menjeherë ndihmë mjekësore nëse keni ethe, kollë dhe vështirësi në frymëmarrje

Nëse vizitoni tregjet me ushqime të gjalla në zonat e prekura nga virusi shmangni kontaktin e drejtpërdrejtë  me kafshë të gjalla dhe ato sipërfaqe që kanë qenë në kontakt me kafshët.

Nëse jeni në një zonë të prekur shmangni ngrënien e produkteve shtazore  dhe tregoni kujdes ndaj organeve të kafshëve.

Shmangi gjithashtu ngrënien e produkteve shtazore dhe gjithashtu produkteve të qumështit.

Nëse jeni rikthyer nga një zonë e prekur në Kinë gjatë dy javëve të fundit, qëndroni në shtëpi dhe shmangni kontaktin me njerëzit e tjerë për 14 ditë . Kjo do të thotë të mos shkosh në punë, shkollë apo zona publike.

Nëse jeni kthyer nga një zonë e infektuar dhe keni një temperaturë të lartë, kollë, dhimbje të fytit ose vështirësi në frymëmarrje mos u largoheni nga shtëpia juaj deri sa të merni këshilla nga një mjek ./abcnews.al

LEXO TE PLOTE