Connect with Us

“FP” zbulon lëvizjen e fortë të SHBA, Palmerit i ngarkohet zgjidhja e çështjes Kosovë-Serbi

Politikë

“FP” zbulon lëvizjen e fortë të SHBA, Palmerit i ngarkohet zgjidhja e çështjes Kosovë-Serbi

Publikuar

-

Nga Robbie Gramer, Foreign Policy

– Departamenti i Amerikan i Shtetit pritet të njoftojë një të dërguar të ri special mbi Ballkanin në një përpjekje për të rifilluar një dialog të ngecur midis Serbisë dhe Kosovës, me qëllim përfundimin e një mosmarrëveshje të gjatë në Evropën Juglindore.

Matthew Palmer, një diplomat i karrierës me përvojë në Ballkan, ka të ngjarë të përzgjidhet si i dërguari i ri special, sipas zyrtarëve aktualë dhe ish-njohës të çështjes. Emërimi i tij i pritshëm përfaqëson shtysën e fundit të Shteteve të Bashkuara për të adresuar tensionet midis Serbisë dhe Kosovës, dy dekada pas një konflikti të armatosur që nxiti një ndërhyrje të NATO-s dhe përfundimisht çoi në ndarjen e Kosovës dhe shpalljen e pavarur nga Serbia.

Bisedimet e ndërmjetësuara nga Bashkimi Evropian midis Serbisë dhe Kosovës për të normalizuar marrëdhëniet dypalëshe u ndërprenë nëntorin e kaluar, pasi Kosova vendosi tarifa tw larta për mallrat serbe dhe u zotua t’i heqë ato vetëm pasi Serbia njohë sovranitetin e Kosovës.

Për disa ekspertë, emërimi i parashikuar i Palmerit është një zhvillim i mirëpritur në një rajon që shpesh anashkalohet nga politikëbërësit e lartë amerikanë, të paktën që nga përpjekjet intensive të bëra për t’i dhënë fund konflikteve vdekjeprurëse në vitet 1990. Diplomatët paralajmërojnë se Rusia dhe Kina po zgjerojnë ndikimin e tyre në Ballkan, dhe zgjidhja e mosmarrëveshjeve të gjata në rajon do t’i ndihmonte vendet të afroheshin më pranë BE dhe institucioneve perëndimore.

“Emërimi i një dërguesi të ri special për Ballkanin tregon qartë se Shtetet e Bashkuara po përfshihen shumë më tepër në këtë çështje në një mënyrë zyrtare,” – tha Daniel Vajdich, një ekspert i politikës së jashtme që ndjek rajonin dhe ka punuar në çështjet evropiane si një staf në Komitetin e Marrëdhënieve me Jashtë të Senatit dhe në fushatat presidenciale republikane.

“Sipas mendimit tim kjo rrit gjasat që ne do të gjejmë një lloj zgjidhjeje për këtë çështje para përfundimit të administratës Trump.”

Por përpjekjet e njëpasnjëshme të liderëve të lartë të BE, përfshirë shefen e politikës së jashtme Federica Mogherini, për të ndihmuar në lehtësimin e tensioneve midis Serbisë dhe Kosovës, deri më tani kanë qenë të pasuksesshme. Udhëheqësit evropianë kanë qenë në mëdyshje të diskutojnë shtimin e anëtarëve të rinj në BE, një nxitje kyçe ekonomike dhe politike për Serbinë dhe Kosovën për të arritur një marrëveshje përfundimtare, duke lënë disa ekspertë skeptik se dialogu do të arrijw diku.

Një zyrtar tjetër aktual që foli për “Foreign Policy” në kushte anonimiteti gjithashtu vuri në dyshim nëse dërgimi i një të dërguari të ri amerikan do të arrijë në ndryshime pozitive në politikën aktuale apo të rifillojë negociatat Serbi-Kosovë. Palmer do të ruajë punën e tij të tanishme si zëvendës ndihmës sekretar i shtetit që mbikëqyr Ballkanin dhe rajonin e Egjeut.

Shtetet e Bashkuara luajtën një rol kryesor në ndërmjetësimin e paqes në Ballkan pasi rajoni shpërtheu në luftë dhe dhunë me bazë etnike mbi dy dekada më parë. Kohët e fundit, diplomatët amerikanë luajtën gjithashtu një rol të rëndësishëm në prapaskenë në ndihmën e Greqisë dhe Maqedonisë Veriore fqinje në një marrëveshje historike që zgjidhi një mosmarrëveshje për emrin vitin e kaluar, duke i hapur rrugën Maqedonisë së Veriut për t’u anëtarësuar në NATO.

Kosova, me një shumicë gati 90% etnike shqiptare, shpalli pavarësinë nga Serbia në vitin 2008. Ndërsa mbi 100 vende, përfshirë Shtetet e Bashkuara dhe shumë vende evropiane, njohin pavarësinë e Kosovës, Serbia nuk e pranon këtë. As Rusia, e cila mban lidhje të ngushta me Beogradin.

Emërimi i pritshëm i Palmer vjen pas një takimi midis Sekretarit të Shtetit amerikan Mike Pompeo dhe Presidentit serb Aleksandar Vucic në New York në fillim të këtij muaji. Pompeo i kërkoi Vuçiqit të rifillonte bisedimet me Kosovën dhe “të angazhohej me frymën e kompromisit dhe fleksibilitetit të nevojshëm për të siguruar një marrëveshje dhe për të zhbllokuar potencialin e të dy vendeve,” sipas një leximi të Departamentit të Shtetit të takimit.

KLIKO PER TE KOMENTUAR

Komentoni

Your email address will not be published. Required fields are marked *

Politikë

DW për Saimir Tahirin: Zhduku Lazaratin por trafiku i drogës u rrit, po merr fund pandëshkueshmëria

Publikuar

-

Nga

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajtor për shpërdorim detyre. Vendimi jep 5 vjet burg, të kthyera në 3 vite shërbim prove

Gjykata e Krimeve të Rënda vendosi në mbrëmjen e së enjtes ( 19.09.2019) që ish-ministri i Brendshëm Saimir Tahiri është fajtor për shpërdorim detyre dhe i pafajshëm për trafik droge dhe pjesëmarrje në grup kriminal. Ajo e dënoi atë me 5 vjet burg, të kthyera në 3 vite shërbim prove për  mosmarrjen e masave që do të shmangnin kanabizimin e Shqipërisë dhe përfshirjen e punonjësve të policisë.

Javën e kaluar, më 10 shtator, prokurorët e ҫështjes Tahiri dhanë  pretencën dhe kërkuan 12 vjet burg për akuzat e korrupsionit, trafikut të drogës dhe pjesëmarrjes në një grup kriminal. Këto akuza u rrëzuan nga Gjykata për mungesë provash. Tahiri mori pafajësinë për to dhe nuk do të bëjë asnjë ditë burg në përputhje me Kodin Penal të Shqipërisë, Gykata e ktheu dënimin nga 5 vite në 3 vite shërbim prove ose punë vullnetare, meqënëse Tahiri pranoi gjykim të shkurtuar.

Gjykata e Krimeve të Rënda mori vendimin e saj, pas hetimesh dhe një procesi gjyqësor prej më shumë se dy vitesh, gjyqtarët dhanë vendimin pas konsultimesh të gjata, rreth orës 22.00, ndonesë e kishin paralajmëruar për 6 orë më parë. Vendimi vjen disa javë para samitit të Këshillit Europian të vendeve anëtare të BE, për hapjen ose jot ë negociatave të pranimit me Shqiperinë ku rritja dhe qëndrueshmëria e rezultateve kundër korrupsionit dhe krimit të organizuar janë në krye të kushteve për një vendim pozitiv.

Tahiri: “Vendim qesharak, jam i pafajshëm”

Ish-ministri Brendshëm Tahiri e quajti “të papritur, qesharak dhe absurd” vendimin e Gjykatës së Krimeve  të Rënda të Shkallës së parë. Ai deklaroi para gazetarëve se do ta apelojë atë dhe do të japë hollësi të premten,( 20.09) se “ҫfarë ka ndodhur me procesin gjyqësor dhe akuzat ndaj tij gjatë dy viteve”.

” Për dy vjet u hetova si pjesë e një grupi kriminal që ka bërë trafik droge. Sot Gjykata thotë që nuk jam kriminel, nuk jam trafikant, nuk jam pjesë e një grupi të strukturuar kriminal, por meqë  kam përdorur të njëjtën makinë me kushërinjtrë e mi jam fajtor për shpërdorim detyre. “Jam pa fjalë. Është njëlloj si të hysh në një provim, të thotë mësuesja shumë mirë je përgatitur, por do marrësh 5”, tha Tahiri pas shpalljes së vendimit.

Opozita: Vendim i turpshëm, drejtësia peng i kryeministrit Rama

Opozita nuk e quan as qesharak, as absurd por “të turpshëm” vendimn e Gjykatë për ish-ministrin e Brendshëm, Tahiri. Kryetari i Partisë Demokratike, (PD) Lulzim Basha, në një status në median sociale shkruan se ” është një vendim i turpshëm për të mos bërë drejtësi me krahun e djathtë të Edi Ramës, një vendim që tregon se drejtësia është marrë peng nga kryeministri Rama”.

Tahiri: Beteja ime sapo ka filluar

Ish-ministri i Brendshëm Tahiri, në mandatin e parë qeverisës të kryemnistrit Rama, 2013-2017, ka qënë një nga bashkëpunërorët e tij më të afërt. Hetimet  ndaj tij prej Prokurorisë së Krimeve të Rënda nisën në nëntor 2017 me akuzën e kryerjes së veprës penale „ të trafikimit të narkotikëve Cannabis Sativa në bashkëpunim me një grup të strukturuar kriminal, në sasira të mëdha nga Shqipëria në drejtim të Italisë.”

Ato u bazuan në përgjimet telefonike të Prokurorisë së Katanias (Itali) për grupin kriminal të vëllezërve Habilaj, kushërinj të largët të ish-ministrit të Brendshëm Tahiri, ngaqë në bisedat mes dy trafikantëve përmendej emri i tij dhe kishte përdorur në një rast të njëjtën makinë me kushërinjtë e tij trafikantë.

Pas 7 muaj hetimesh, më maj 2018, Gjykata e Krimeve të Rënda mori masën me arrest shtëpie ndaj Tahirit në përgjigje të kërkesës së Prokurorisë së Krimeve të Rënda për arrest me burg. Por Gjykata e Apelit lejoi hetimin e Tahirit  në gjendje të lirë, hetim që përfundoi në shkurt të këtij viti.

Gjatë gjithë procesit gjyqësor Tahiri dhe avokati i tij Maks Haxhia kanë hedhur poshtë akuzat dhe kanë kërkuar pafajësi, mbështetur në mungesën e provave.

Ish-ministri i Brendshëm Tahiri është i pari zyrtar i lartë në Shqipëri, i hetuar dhe gjykuar për trafik droge dhe lidhje me krimin e organizuar që dënohet për shpërdorim detyre.

Ai konsiderohej një nga ministrat më të sukseshëm në mandatin e parë qeverisës të kryemnisatrit Rama, që ia doli mbanë t’i japë fund kultivimit dhe përpunimit të Cannabis Sativa në jug të vendit , në Lazarat, fshat i paprekshëm nga ligji dhe ku policia e shtetit nuk mundi të hynte për më shumë se 10 vjet. Por pas suksesit absolut me Lazaratin, vendi u kanabizua dhe trafiku i drogës u rrit.

Ish ministri i brendshëm Tahiri kërkoi nga trupi gjykues të enjten pafajësi.  “Beteja ime sapo ka filluar për të zbardhur të vërtetën”,  deklaroi Tahiri pas vendimit të Gjykatës së Krimeve të Rënda. Shqipëria është angazhuar që me një sistem të reformuar drejtësie, me gjykatës dhe  prokurorëve që kanë kaluar vettingun të fillojë dhënien fund të pandëshkueshmërisë së ish-zyrtarëve të  lartë apo aktualë, të akuzuar për korrupsion,  lidhje me krimin e organizuar dhe abuzim me pushtetin./DW

LEXO TE PLOTE

Politikë

Ngjela: Përse duhet dialogu mazhorancë-opozitë? Tani janë njerëz të thjeshtë

Publikuar

-

Nga

Avokati Spartak Ngjela nuk e sheh të nevojshëm dialogun mes mazhorancës dhe opozitës.
Sipas Ngjelës, opozita jashtë Parlamentit nuk ka asnjë ngaresë juridike në kuptimin e pozicionit ligjor në Shqipëri.
“Përse duhet dialogu mazhorancë-opozitë? Opozita aktuale nuk është në parlament, çfarë force ka? Kur të vinë zgjedhjet në 2021 atëherë krijon forcën zgjedhore. Tani janë të gjithë njerëz të thjeshtë të popullit, nuk kanë asnjë ngarkesë juridike në kuptim të pozicionit ligjor në Shqipëri. Janë njerëz të thjeshtë të popullit të grupuar në parti politike. Në këto momente, partia politike kur nuk ka zgjedhje nuk ka aktivitet. Kur ka zgjedhje fillon aktiviteti, atëherë do të kuptohet forca e saj. Garancinë e zgjedhjeve e kanë marrë ndërkombëtarët me reformën në drejtësi. Nëse nuk ka drejtësi nuk mund të ketë zgjedhje.Gjermanët dhe amerikanët na kanë thënë se do t’u bëjmë pushtetin gjyqësor, po u bë zgjidhen të gjitha”, u shpreh Ngjela në “RTV Ora”.

LEXO TE PLOTE

Politikë

“Vendimi për Tahirin nuk ishte surprizë”/ Çfarë zbulon Alibeaj

Publikuar

-

Nga

“Vendimi i dhënë nga Gjykata për ish ministrin e Brendshëm Saimir Tahiri nuk ishte surprizë”, Kështu u shpreh ish deputeti i PD-së Enkelejd Alibeaj i ftuar në studion e lajmeve në RTV Ora.

Sipas Alibeajt, Gjykatës së Krimeve të Rënda iu mbyll goja nga pushteti, pasi vetëm me çerekun e provave që ekzistonin për Tahirin, Gjykata ka dënuar shumë njerëz, dërsa tregoi rastin e një të riu në Kolonjë të Lushnjes, i cili u arrestua nga vetë Saimir Tahiri për një cigare dhe vari veten në qeli.

“Ata gjyqtarë dhe prokurorë ta them unë me 1001%  me siguri. Nuk janë të korruptuar financiarisht. Dy janë defektet që ka vuajtur kohë më parë dhe tani sistemi i drejtësisë. O janë të korruptuar me ryshfet, ose janë nën presionin  e pushtetit. Dhe unë them që ata gjyqtarë dhe prokurorë nuk janë të korruptuar financiarisht.

Pyetja është: A ka pasur dikush interes për t’i bërë presion këtyre për të dhënë atë vendim që dëshironte?

Të gjithë e kemi parë dje dhe sa herë ka pasur seanca ky gjyq, ajo çfarë ishte kërshëri e gazetarëve dhe jo vetëm ishte cili do të ishte kodi mafioz që keqbërësi do t’i lëshonte kryeministrit. Ja lëshoi dje vëllezërit.

Prova ka pasur pafund, sepse këto gjyqe, procese që janë nën syrin e publikut dhe të medies kanë edhe një avantazh. Thuajse gjithë publiku e di fare mirë se cilat janë faktet dhe Habilajt. E di faktin e tyre të dënuar në Itali. I di lidhjet e tyre me drejtuesit e policisë dhe me ministrin. Për publikun faktet dhe provat dihen, janë  aty të plota. Provojnë përfshirjen. E vetmja gjë për tu testuar ishte: pushteti a do ishte ai që do ja mbyllte gojën sistemit të ri të drejtësisë.

Ka prova të plota që strumbullari i të gjithë kësaj është Edi Rama. Pushteti i të cilit është shtrirë deri në skutat më të errëta të krimit të organizuar në këtë vend. Për ne nuk ka qenë surprizë e djeshmja.

Me çerekun e atyre provave ajo Gjykatë ka dënuar shumë njerëz. Për një cigare hashash janë dënuar të rinj e kanë vrarë veten në qeli. Për një cigare hashash në Kolonjë të Lushnjes është arrestuar nga Saimir Tahiri një i ri i papunë, i pashpresë dhe ka varur veten. Sa e sa për energjinë elektrike janë dënuar drejtpërdrejt me burg.”

 

LEXO TE PLOTE