Connect with Us

Nga Lorenc Vangjeli/ Vjeshta e hidhur e ministres Etilda

Opinione

Nga Lorenc Vangjeli/ Vjeshta e hidhur e ministres Etilda

Publikuar

-

Etilda Gjoni i ka të gjitha kredencialete mundshme për të qenë në qendër të vëmendjes. Eshtë e re, simpatike dhe në karrierë politike. Kjo trio cilësish, në një shoqëri maskilite e seksite si shoqëria shqiptare, është arsye e mjaftueshme që emri i saj të ngjallë kuriozitet, të thithë simpati nga një pjesë dhe natyrisht, të tërheqë edhe shumë antipati nga një pjesë tjetër e publikut. Tifozëria politike që dashuron dhe urren pa kushte dhe plot zhurmë, është normalitet në Tiranë. Prej fundjavës së shkuar, kjo rrotë e dhëmbëzuar dashuri-urrejtje, u vu në lëvizje dhe ministri i drejtësisë përfundoi në qendër të vëmendjes publike. Arsyeja ishte e mjaftë për të justifikuar zhurmën: shpenzime shproporcionale në udhëtimet zyrtare jashtë shtetit të ministrit të drejtësisë. Ajo akuzohej se kishte fjetur si princeshë duke shkelur në fondet sa një kokër bizele të shtetit shqiptar.

Fakti u zbulua nga emailkëmbimi mes një medieje dhe zyrtarëve përgjegjës të ministrisë, që në emër të transparencës – dhe bënë mjaft mirë – vunë në dispozicion gjithë dokumentacionin e udhëtimeve zyrtare. Pa sqaruar detajet e tyre dhe pa kuptuar se vetë detajet e pasqaruara, janë shtëpia e preferuar e djallit.

Guri i akuzës u hodh në ajër dhe kaq mjaftoi që gjithkush, kryesisht ata që pozojnë sikur jetojnë në qiell si hyjnitë dhe në lartësi të paarritshme morali hyjnor, të hedhin gurë të tjerë mbi mëkataren e supozuar. Në një vend ku sharrja ngjit më shumë se lëvdata, ku gënjeshtra shkëlqen më fort se e vërteta, ku zëri i lartë është argument më i plotë se heshtja, ku qimja e tjetrit peshon më shumë se trari vetjak, edhe vetë ministri Etilda Gjonaj me shpjegimin e saj emocional, vartësit e saj të paaftë dhe mbrojtësit e versionit të saj në media, duket se patën probleme në betejën mediatike.

Edhe për shkak nevojës për vëmendje dhe epërsi të “Macho Man”-ve melankolikë e vanitozë në Tiranë, Etilda Gjonaj duket se mund të jetë viktima perfekte  e tyre dhe tema e duhur për debat në ditët kur Tirana gogësin nga vapa, kur rrobat e banjos janë kostumi i ditës tipike dhe kur dashuria dhe urrejtja pa kushte, herë për princat e herë për bizelet nën princesha, janë një mall konsumi që pështyhet si mërzia në vapë.

Por kaq sa ka ndodhur është vetëm fillimi. Kush e shpjegon gjithë këtë zhurmë shproporcionale me atë që ka ndodhur, harron të gjykojë mbi thelbin e mbetur në errësirë dhe nuk ka hemoglobinën e duhur për të shndërruar urrejtjen në hekur.

Sulmi mediatik i fundgushtit është vetëm paradhënie për atë që do të fillojë të ndodhë në vjeshtë me ministrin e drejtësisë. Që shumë më shumë se grua e brishtë dhe e dhuruar në karrierë, po synon triumfin e ligjit aty ku burra të fortë kanë dështuar para saj.

Ky nuk është një opinion.

Eshtë një fakt dhe një informacion që do të vërtetohet.

Atëherë, me të gjitha gjasat, lapsat do të bëhen heshta, heshtat do të bëhen kallashnikovë dhe kallashnikovët do të bëhen bomba që do të shpërthejnë mbi ministrin e drejtësisë, i cili ka dhënë dhe vetë sinjale se çfarë po përgatitet të ndodhë. Ndoshta as Gjonaj vetë ndoshta nuk e ka kuptuar thellësinë dhe rëndesën e asaj që pritet të ndodhë dhe as komentuesit plot zell të dhomave me errësirë të hotelit dhe çarçafeve me shkëlqim mëndafshi, nuk e kanë kuptuar që zgjimi me akth azmatiku po ndodh krejtësisht gjetkë. Dhe krejtësisht për motive të tjera.

Zakonisht, për të kuptuar të ardhmen, duhet njohur e shkuara. Kësaj here, për të kuptuar çfarë po ndodh sot, duhet mësuar se çfarë pritet të ndodhë në një të ardhme të afërt.

Kush është duke folur në telefon pranë burgut tek ish-stacioni i trenit në Tiranë, do të shohë që telefonata do t’i ndërpritet. Nuk e ka fajin telefoni i tij apo shoqëria celulare. Ndodh sepse prej ditësh në ambientet e burgut është instaluar një bllokues valësh celulari. Që në fakt është një akt që ndalon të dënuarit dhe të paraburgosurit të përdorin telefonin e rrjetet sociale. Telefonat i ka në lejuar ata deri më tani, të shmangin izolimin nga shoqëria. Nëpërmjet telefonave dhe rrjeteve sociale shumë nga ta kanë vazhduar aktivitetin kriminal njëlloj siç kanë bërë kur kanë qenë në liri. Celularët kanë qenë të ndaluar gjithmonë në burgje, por ndalesa synohej të realizohej me forcë, me dhunë dhe me egërsi. Zakonisht në rrjetën e kontrolleve policore, për statistikë, binin vetëm fakirët, kurse “kasta VIP” në burgje, ishte në gjendje të blinte gjithçka. Ka mjaftuar, pra, bllokuesi i valëve telefonike në burg – do të shtrihet në gjithë sistemin e vuajtjes së dënimit – që çdo smartphone apo tablet i futur në burg, të shndërrohet në një mobilje që nuk i hyn në punë askujt.

LEXO EDHE:  Asetet e krimit/ Kreu i antimafies italiane do vizitojë Shqipërinë

Ka dhe shumë më keq. Nga vjeshta, siç është paralajmëruar, do të nisë zbatimi i ligjit të famshëm 41 Bis. Kush fle në shtëpinë e tij, kush e gdhin edhe nëpër hostele e motele apo dremit në hotele, e ka të pamundur të kuptojë se çfarë do të thotë ky regjim i ri izolimi për njerëzit më të rrezikshëm të botës së krimit. Ky është një tmerr i projektuar, një lloj hakmarjeje parandaluese e shoqërisë që ka dështuar në shumë vende ku është tentuar të bëhet dhe që në Shqipëri po premtohet të dizejnohet si një jetë ferri për disa kategori të dënuarish. Natyrisht që ata e shohin ministrin e drejtësisë si njeriun që do t’jua bëjë real këtë makth. Natyrisht që do tentojnë të hakmeren mbi të. Shto këtu një rrebesh që po planifikohet të bëhet për drejtuesit e burgjeve dhe ja tek nis e plotësohet “Puzzle” i armiqësisë së re në Tiranë dhe arsyeve se pse më e keqja e betejës mediatike për Etildën ende nuk ka ardhur.

Kush ka dyshime për këtë pohim, le të kontrollojë listat e personazheve që vizitojnë ambientet e burgjeve shqiptare. Do të shohë emra mjaft të njohur në Tiranë që hyjnë si vizitorë në qelitë e njerëzve shumë të njohur të botës së krimit; do të shohë sesi lihet peng liria e të folurit tek pengjet e drejtësisë që ndodhen në qeli.

Krimi ka para. Krimi paguan. Krimi di dhe si të hakmeret. Edhe kur një gjë të tillë e bëjnë edhe ata që nuk kuptojnë se cfarë bëjnë, por shkojnë mbas zbulimit të sipërfaqes: 700 euro hoteli.

Po në vjeshtë, një kategori shumë specifike e shoqërisë shqiptare, do të hyjë në sitë nga strukturat e ministrisë së drejtësisë. Në një vend ku është shpesh shumë e nevojshme të noterizohet edhe mashtrimi, noterët janë një pikë e një rëndësie të posaçme në ngrehinat e mashtrimit që ngrihen aty-këtu. Një vetting i planifikuar mbi këtë trupë, i ka të gjitha gjasat të prodhojë një fashë të re armiqësie mbi ministrin e drejtësisë.

Kaq është e mjaftë për të kuptuar se gjithë çfarë ndodhi në këtë fund gushti, mbas një investigimi gazetaresk që nuk ishte investigim, është vetëm fillimi i asaj që pritet të ndodhë në vjeshtë. Se në krahasim me vjeshtën dramatike, kjo stuhi  vere mbi ministrin e drejtësisë, është vetëm një ankth i vogël vape.

Nëse ky parashikim i sotëm për të ardhmen do të verifikohet në praktikë, atëherë e gjithë kjo luftë ja vlen të luftohet. Lufta e këtij lloji dhe jo paqja është edhe më interesante se vendosja e syrit në vrimën e çelësit të hoteleve të botës. Edhe nëse aty fle Etilda që i ka të gjitha kredencialet për të qenë nën vëmendjen e moralistëve. Ajo duhet t’u përgjigjet edhe skeptikëve që kanë të drejtë ta  pyesin se pse ajo u zgjodh në atë detyrë,  ajo duhet të sqarojë deri në fund të vërtetën e saj për faturat e udhëtimeve, edhe të shpjegojë sa shanse ka të triumfojë aty ku shumë burra përpara saj kanë dështuar.

Pjesa tjetër është histori vape. Eshtë thashethem plazhi. Eshtë snobizëm i panevojshëm e vanitet, në rastin më të keq apo pakujdesi e të tjerëve, e cila duhet verifikuar deri në fund e me emra fajtorësh nëse ka. Sepse në thelb gjithë pjesa tjetër e historisë është si alarmi moral i atyre zonjave me geta rrjetë dhe minifund, që vetë jetojnë në hotele me orë, por skandalizohen me atë gjimnazisten që lejoi shokun e bankës t’i prekë pak gjurin.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Tanush Çaushi/ Ndizni motorin e ekonomisë

Publikuar

-

Nga

Duke kujtuar historinë e Kalasë se Rozafës, ndërto ditën dhe prish natën, a nuk duhet që për çështje të tilla si ekonomia dhe investimet të kemi vetëm një stategji të vetme? Ekonomia kombëtare nuk mund dhe nuk duhet të jetë pre e interesave të ngushta të një mandati qeverisës, por një motor energjetik për zhvillimin e vendit.

Tashmë që është viti i shtatë i qeverisjes së majtë, pyetja më normale që u vjen ndërmend shqipëtarëve është:

– Çfarë keni realizuar në këto vite që u kemi dhënë besimin dhe të drejtën për të qeverisur? Çfarë mund të bëhej më mirë dhe çfarë mund të bëhej më keq?

Duke mos dashur të marr përsipër rolin e gjykatësit, pasi është votuesi që e gjykon le të hedhim një vështrim të shkurtër realist për sferat më të rëndësishme siç është Ekonomia dhe Investimet dhe cilat janë arritjet dhe të metat që duhen rregulluar:

Ekonomia dhe Investimet:

Të metat kryesore:

Bie në sy mungesa e Investimeve të mëdha me financim publik. Autostrada të reja, Tunele dhe vepra të mëdha Infrastrukturore nuk janë ndërtuar. Nëse në qeverisjen e djathtë, u realizua rruga e Kombit, Tuneli i Elbasanit dhe shumë vepra të rëndësishme infrastrukturore, duket se mandati qeverisës do të mbyllet vetëm me krenarinë për Investimet e kryera me PPP-të.

Shkurtimisht kanë munguar Investimet e mëdha publike me financim nga buxheti dhe donatorët.

Ka pasur investime të vogla, por modeste për rolin e tyre në ekonomi.

Nga ana tjetër nuk kemi edhe investime të mëdha të huaja. Kujtojmë rolin pozitiv në ekonomi të TAP dhe HEC Devolli. Por këto projekte janë të periudhës demokrate dhe nuk ka kontribut qeverisja e majtë.

Rasti i biznesmenit të dhunuar që do investonte qindra miliona dollarë në gjirin e Lalëzit është rasti i klimës së keqe ndaj biznesit të huaj.

LEXO EDHE:  Vijon “furtuna” në Hipotekën e Durrësit/ Shkarkohen 6 zyrtarë të tjerë

LEXO EDHE:  Berisha përplaset me analistin: Je i pa përgatitur... Avokat i një akti antikombëtar

Menaxhimi i projekteve nuk është në nivelin e duhur. Vihen re vonesa dhe mungesa në cilësi që nga hartimi i projekteve, prokurimi deri tek zbatimi i punimeve. Pra edhe menaxhimi çalon.

Lufta ndaj informalitetit është bërë me aksione dhe jo e qëndrueshme.

Mosnxitja e bizneseve të reja të mesme dhe të vogla.

Arritjet:

Arritja më e rëndësishme duket stabilizimi i pagesave dhe ulja e borxhit në pagesa ndaj biznesit.

Pagesat në Sistemin elektroenergjetik dhe Investimet në këtë sektor janë përmirësuar.

Edhe Ujësjellësi ka një rritje të arkëtimeve dhe investimeve, por mbetet shumë punë për të bërë.

Rritja ekonomike ka qenë pozitive, megjithëse e pandjeshme në jetën e qytetarëve.

Inflacioni ka mbetur në nivele të ulta.

Konkluzioni:

Përfundimisht si konkluzion i përgjithshëm është se ekonomia dhe Investimet nuk po ecin me ritmin e duhur që kërkon shoqëria dhe zhvillimi i vendit. Qeverisja e majtë në këtë drejtim nuk ka çfarë ofron më.

Nevojitet një strategji kombëtare për Ekonominë dhe Investimet e huaja në tërësi. Pamvarësisht kush është dhe do jetë në pushtet kjo strategji duhet të jetë në fuqi dhe ti rezistojë kohës.

Duhet që forcat opozitare dhe pozitare të bashkëpunojnë në këtët drejtim. Për rastin e menaxhimit të fondeve për tërmetin, duhet të menaxhohen në mënyrë bipartizane, sepse janë fonde që i takojnë kombit dhe jo partive politike dhe një qeverije të caktuar.

Pamvarësisht kontradiktave të shumta dhe mosmarrjes vesh, është e detyrueshme që për shumë çështje që tejkalojnë mandatet qeverisëse,të kemi një strategji afatgjatë dhevta zbatojmë atë.

Për çështje si ekonomia të merremi vesh dhe të hartojmë dhe zbatojmë një Strategji të vetme.

Ka ardhur koha dhe ka kaluar tashmë që duhet të ndezim motorim e ekonomisë.

LEXO TE PLOTE

Opinione

Rubrika “po të dëgjoj” e Lulit, hipokrizia e Bashës dhe punëtorëve që nga skamja hanin paçe kokë e pinin birra

Publikuar

-

Nga

Nga Rigels Seliman

Kjo e hënë që lamë pas e gjeti kryedemokratin Lulzim Basha në qytetin e bukur të Elbasanit. Pak pasi dielli kishte filluar të lante vendin, Basha nuk u mendua dy herë dhe e nxitoi të merrte xhaketën, veshi këpucët dhe u nis drejt e në Elbasan.

Në këtë qyteti ai kishte shkuar me një mision, sikundër ishte takimi me qytetarët dhe dëgjimi i halleve të tyre. Këtë rrugëtim lideri demokrat e ka pagëzuar me emrin “Po të Dëgjoj”, ndërsa aktorët që iu bashkuan kësaj telenovele ishin punëtorë të thjeshtë.

Sapo Basha ra në kontakt me ta, ai i hyri LIVE në rrjetin social “Facebook”, ku përveçse dialogonte me ta, guxoi që të bënte edhe premtime, të cilat sapo të vinte në pushtet do t’i bënte realitet. Shumë bukur deri këtu. Takimet dukeshin shumë të frytshme, ndërsa Basha rrezatonte grint dhe i pyeste qytetarët për gjithçka. Në pamje të parë, edhe pse ishin punëtorë të thjeshtë, qytetarët ishin orator dhe flisnin pa droje me shefin e selisë blu, a thua se kishin vite që e njohin.

Sidoqoftë, bashkëbisedimi sa vinte e bëhej më interesant, ndërkohë që tavolinat e mejhanes që Basha kishte zgjedhur për t’u ballafaquar me hallet e popullit, ishin të mbushura plot e për plot me birra, mezeri dhe gjellë. Nuk ka asgjë të keqe, se ishte vakt dreke dhe ndoshta ata “punëtorë” të thjeshtë ishin duke konsumuar një nevojë fiziologjike.

Por përtej kësaj më rra në sy një gjë, pasi po dukej se gjithçka ishte një strategji, ku secili bënte rolin e tij, duke aktruar. Nga mesi i mejhanes një punëtor nisi të bënte një panoramë të halleve dhe shqetësimeve me të cilat përballej ai dhe familja e tij, ndërkohë që paralelisht rrëkëllente gotën e birrës dhe hante gjellë me mish. Ai i thoshte Bashës që nuk i shkohet në shtëpi, pasi nuk kishte çfarë t’ju çonte kalamajve për të ngrënë. Mirëpo, si qytetari në fjalë ishin të gjithë, teksa nga njëra anë ankoheshin dhe kërkoni nga Basha që premtimet e dhëna t’i bënte realitet sapo të shalohej në pushtet, ndërsa nga ana tjetër pa pikë turpi hani dhe pinin. Jo nuk ka asgjë të keqe të hash dhe të pish.

LEXO EDHE:  Berisha përplaset me analistin: Je i pa përgatitur… Avokat i një akti antikombëtar

LEXO EDHE:  Shkeljet e administratës/ Gjonaj: Procedime për 80 persona

Por kjo punë ka një moral, pasi nëse vërtet je i varfër dhe kërkon që halli të të dëgjohet, mos bëj hipokritin. Të gjithë një zëri thoshnin se nuk kishin çfarë të çonin në shtëpi, ndërkohë harronin që çdo sekondë ata ishin LIVE dhe shikoheshin. Tani njeriu ka pa dinjitet. Edhe sikur atë drekë t’ua kishte paguar Basha, por edhe sikur ta kishin paguar vetë, punëtorët në fjalë nuk duhet të bënin “viktimën” se kishin kalamajtë pa bukë, ndërkohë që vetë hanin paçe koke dhe pinin birra. Për një njeri të varfër kësisoj amvise është luks dhe s’ka shanse që të ndodhë në përditshmëri. Kështu që, boll më me hipokrizia se nuk iu shkojnë.

LEXO TE PLOTE

Denoncim

Nga Klodian Tomorri/ Groposja e mbetjeve toksike, krim i pastër kundër njerëzimit

Publikuar

-

Nga

Lajmi se tonelata me mbetje toksike kanë kapërcyer doganat italiane dhe ato shqiptare për tu groposur diku andej nga Vlora ka shtangur publikun e gjerë duke nxitur dhe reagime të ashpra në rrjetet sociale. Njëri prej reaguesve është edhe gazetari Klodian Tomorri, i cili në faqen e tij në rrjetet sociale ka shpërthyer me tone të larta, duke kujtuar se groposja e të tilla mbetjeve tejet të rrezikëshme për popullsinë, është krim i pastër kundër njerëzimit.

“Italian Job”, shkruan gazetari Tomorri, “Nëse është e vërtetë kjo historia e mbetjeve toksike që janë groposur 15 kamionë këtu, ai është krim i pastër kunder njerezimit.

Se kane shpikur disa terma seksi keta, jo krim mjedisor, jo keshtu e jo ashtu. Depozitimi i mbetjeve te rreizikshme eshte akt i paster terrorist.

LEXO EDHE:  Asetet e krimit/ Kreu i antimafies italiane do vizitojë Shqipërinë

LEXO EDHE:  “700 euro shoma e hotelit, 3 mijë lekë ndihma ekonomike për qytetarët”/ Nuk përmbahet Orjola Pampuri

Ajo kompania, qe kishte logon siper atyre fucive sapo mori nje koncesion nafte ketu. Edhe kjo duhet verifikuar se ca roli ka patur. Deri ne fund. Ky eshte hetim, qe duhet te shkoje deri ne fund.

Italianet i bejne shpesh keto pune. E bene ne Napoli, ku groposen mbetjet kimike poshte rrugeve qe ndertoheshin. E kane bere ne shume qytete te tjera. Gjithmone me perfshirjen e mafias.

Te shpresojme shume qe nuk i kame shtrire tentakulat edhe ketej tani. Por nese kane ardhur 15 ngarkesa, keta kane bere masaker.

Kjo nuk gjykohet me me ligje normale. Ketu duhet te hyjne ne fuqi ligjet antiterrorizem” shkruan gazetari Tomorri. /CNA.al

LEXO TE PLOTE