Akuzat për Agim Kajmakun/ Prokuroria vihet në lëvizje, letërporosi në Greqi

26 Gusht 2019, 08:41, Kronika CNA
Akuzat për Agim Kajmakun/ Prokuroria vihet në lëvizje,

Pas akuzave të Partisë Demokratike në drejtim të kryetarit të Bashkisë së Vorës, Prokuroria e Përgjithshme ka dërguar një letërporosi në Greqi për të marrë informacion mbi Agim Kajmakun.

Mësohet se Prokuroria kërkon nga autoritetet greke të dhëna për Agim Kajmakun nëse është i dënuar në këtë shtet.

Ndërkohë, nga ana tjetër edhe Njësia e Dekriminalizimit i ka kërkuar Agim Kajmakut që të depozitojë në policinë shkencore gjurmët e gishtërinjve.

Kujtojmë këtu se disa ditë më parë, ishte Sekretari i Përgjithshëm i PD, Gazmend Bardhi i cili i drejtoi një kërkesë Prokurorisë  së Përgjithshme për të verifikuar figurën e Agim Kajmakut, ndërsa ka deklaruar se do të nxjerrë edhe dokumente për dëbimin e tij nga Greqia./ CNA.al

Lajmet e fundit nga