Connect with Us

Nga Astrit Çerma/ Një kafe me doktor Papavramin

Sociale

Nga Astrit Çerma/ Një kafe me doktor Papavramin

Publikuar

-

Bashkë me Zhani Ziçishtin porositëm kafet dhe kamarjerit i thamë të na i sillte jashtë, tek ajo veranda si punë ballkoni e stërzgjatur që kishte hotel “Tirana”i dikurshëm. Jashtë të gjiha tavolinat,përveç asaj në fundin e verandës ku ishte ulur nje burrë plak ishin bosh.
Sapo u bëmë gati të ulemi plaku na thërriti duke na e bëre me dorë: .
– Ejani artist, ejani…Ejani ta pimë një kafe së bashku… . Shkuam. Ndërkohë që afroheshim drejt tij plaku, u çua në këmbë dhe me një përkulje të lehte na ftoi të ulemi. Buzëqeshëm edhe ne dhe e falenderuam për mirpritjen . .
Ishte një plak i “stërmadh”. I gjatë dhe i bëshëm. Me një fytyrë babloke që të ndillte vetëm respekt e mirësi…
U ul edhe ai tepër i kënaqur na falenderoi për pranimin e ftesës.
– Eh. Faleminderit dhe juve. Ma bëtë qefin. Faleminderit, faleminderit. Sot…Sidomos sot, kisha qef ta pija një kafe me artist. Artistikisht kisha qef..- qeshi ai qeshëm edhe ne..
. Kamarjeri solli kafet.. .
– Ehhh. Bukuri…- nxorri shpejt e shpejt nga xhepi paratë, ndau 80 leke dhe ja dha kamarjerit.- Për dy kafet që solle dhe për atë që kam pirë dhe kusurin pi nje kafe për vete.. .
Ne natyrisht e kundërshtuam por ai, me tepër qetesi e mirsjellje na i hodhi poshtë kundërshtimet: .
– Lëreni. As mos i zini në gojë. Kafe janë të shkretat. Pastaj.- shtoi me atë buzëqeshjen e ëmbël.- T’ju qërasësh juve artistave nuk ështe mëkat…Është sevap…Apo jo?!… .
Ne heshtem….Ç’ishte kjo?..Ndërhyra une si me “lezet”: .
– Eee,pooo…Tani…Aq para sa për nje kafe kemi ne…Sepse…. .
– E ç’sepse?!..- ma preu ai.- Ska “sepse”…Edhe ata që shesin fara lule dielli me filxhan rrugëve kanë me shumë para se ju…artistat…
E theksoi fjalën “artistat” por ashtu, çiltër dhe me atë buzeqeshje.- dhe përsëri pyeti: – Apo,jooo?!!… .
Ne mbetem. Gjithë ai imazh i bukur për atë plak sikur na u daravit. Siç duket e vuri re dhe ndersa ne ndezëm çigaret rrëmbimthi ndërhyru po me ate qetesi të ëmbël: .
– Hahde, hajde mos u mërzisni.. Në fund të fundit kjo ështe një vërtet e hidhur..Edhe shitësit, kamarjerët, fatorinot e berberët kan me shumë para se ju..Apo jo – pyeti përsëri. .
Ne, si me komande të dy me Zhanin në një kohe tymosëm fortë cigaret. Kafet as nuk i prekëm. Plaku na vështroi paksa, tundi kokën sikur donte të na qortonte dhe vazhdoi: .
– U prekët, ëëë? Eeee. E shoh, e shohë. U rënduat nga fjalet e mija. Eh. E vërteta gjithmon është e rëndë, po,..Hajde, hajde… Megjithatë ju jeni dhe mbeteni artist. Kjo ka rëndesi.- dhe mbasi ne përsëri vazhduam me heshtjen,për ta thyer atë, na zgjati dorën: -Ndofta e shkela, por.. Hajde të pajtohemi…Po ju prezantohemi mbasi po e shoh se ju nuk po më njihni.- buzëqeshi. – Më njihni apo s’më njihni?…Apo..Bëni sikur s’më njihni?! Ëëë? Eeee. E shohë s’më njihni. Dikur me njihte e tëre Tirana ndërsa tani edhe ata që më njohin bëjnë sikur s’më njohin. Po,nejse….Unë jam doktor Papavrami. Babai i Robertit..Gjyshi i Tedi Paavramit…
Ueeee!…Po kjoooo!..Vërtetë shtangëm. Shtangëm sikur na kishte goditur diçka. aq shumë sa…Sa shtangia e jonë nga doktorri siç duket u mor si tkurrje. si tërheqie, ndaj pasi lë shoi nje rënkim të hidhur pa na vështruar fare me sy ç’fryu: .
– Ju edhe mund të çoheni. Të ikni në tavolin tjetër. As kafet mos mi pini. S’ka gjë…Në fund të fundit unë jam armiku i popullit. Jam i nternuari. I rrënuari. Jo, jo.Jo. S’më mbetet hatri.. Çohuni, çohuni…
– Jo bre.Ç’ne? Ku te vemi-o?! Ce?! Tëmën-ooo. Ceee-oo?!…- kërceu befas Zhani me atë korçarçen e tij kaq fort e kaq lart sa..na plasi të treve e qeshura dhe..Kaq u desh. U thye akulli dhe biseda rrothi rrjedhshëm… .
– O sa ma bëtë qefin. A e dini. Sot është ditë e shënuar për mua. Më dhane vizën për të shkuar ne Francë, tek djali. Roberti. Po, po .Vizën. E kuptoni apo jo? Viizëëën. Për gjashtë muaj. Vizën.- i shkëlqenin sytë.- Mua, doktorr Papavramit. Babit të arratisurit Robert Papavrami dhe gjyshit të moskthyerit në atdhe Tedi Papavrami,.Eh. Ndaj. Sapo ju pashë juve artistave pata dëshir t’ju qeras, sepse edhe unë jam baba e gjysh artisti apo jo?!.- na pyeti me atë buzëqeshjen e tij të ëmbël.. .
Aty u kujtuam se kafet as nuk i kishim prekur fare.E uruam dhe i rrufitëm.. .
-Tani po pres trenin që vjen nga Shkodra, pres nje mikun tim të më sjelli 25 mij lekë.. Une e dija qe viza bënte 20 ndaj aq mora me vete, por, na bënka 45 mijë….Më “çliruan” nga interrnimi por Tiranën ma ndaluan..”Shko ku të duash më thanë, po vetëm këtu në Tiranë jo”…Shkova në Shkodër tek qyteti i gruas, ndjes pastë..sepse më vdiq, më la vetëm..Ehhh…Dëgjomni: ”Ky pushtet ka marr fund. Ky pushtet që më interrnoj, më shkatërroj e më rrënoj shtëpi e katandi, ky pushtet që më ndersente aparatçikët dhe fshatarët atje ku isha interrnuar të talleshin me mua, ky…Të më lejoi të marri vizën për jasht shtetit?!…Ë-hëëë….Hee…Ky po jep shpirt. Po, po..Ka marr fund… .
Ndërkoh u degjua fishkëlima e trenit që po vinte. U çua. U çuam edhe ne. .
– Shyqyr erdhi ne kohë. Ne orën pese mbyllet ambasada,dhe thash mos vonohej… Ika. .Ju falenderoi për respektin që më bëtë dhe paçi uratën për të gjitha… .
E falenderuam edhe ne për respektin dhe i uruam edhe “udhë të mbarë”,shëndet dhe jetë..
E përcollëm me Zhanin deri poshtë tek trotuari .
– Do të kthehesh?! – e pyeta me të qeshur… .
– Ehhhh..Ku i dihet?!.- ma ktheu buzagaz.- Unë tani jam në atë moshë që vetëm shkuarjen e përballoi, ardhjen…nuk ta siguroi dot… .
Edhe ashtu me ate te qeshurën e tije babloke çapiti drejt stacionit. . Çapiti…drejtë…/CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Përhapja e koronavirusit/ Ish ministri i Shëndetësisë qetëson qytetarët: Asnjë arsye për alarm

Publikuar

-

Nga

Ish ministri i Shëndetësisë Petrit Vasili ka reaguar lidhur me situatën e panikut nga koronavirusi që ka prekur qytetarët.

Përmes një postimi në rrjetet sociale, Vaili shkruan se nuk ka asnjë arsye për alarm.

Sipas tij ndjekja e këshillave të mjekëve dhe të Institutit të Shëndetit Publik janë të mjaftueshme për të vazhduar me qetësi përditshmërinë tonë.

“Shqipëria zero raste nga coronavirusi. Asnjë shenjë e pandemisë ne Shqipëri. Asnjë arsye për alarmizëm.

Ndjekja e këshillave të mjekëve dhe të Institutit të Shëndetit Publik të mjaftueshme për të vazhduar me qetësi përditshmërinë tonë.

LEXO EDHE:  Urimi i Ambasadës amerikane për Pavarësinë/ Keni bukë, kripë, zemër e kafe në çdo cep

LEXO EDHE:  Kafeina përmirëson aktivitetin fizik?

Të mos ulet aspak vëmendja për gripin stinor i cili paraqet probleme tepër të rëndësishme që duhen vlerësuar seriozisht.

Maria Rita Gismondo, Drejtore e Laboratorit të Mikrobologjisë Klinike, Virologjisë e Diagnostikës, Bioemergjencave të Spitalit Sacco të Milanos tërheq vëmendjen se: Është çmenduri të ngatërrosh gripin me pandeminë e coronavirusit”, shkruan Vasili në postimin e tij të rradhës./CNA.al

LEXO TE PLOTE

Sociale

Shpërthimi i koronavirusit në Itali/ Ambasada shqiptare apel emigrantëve

Publikuar

-

Nga

Ambasada shqiptare në Itali ka dalë me një njoftim zyrtarë lidhur me situatën e krijuar nga shpërthimi i koronavoirusit në vendin fqinj.

Ambasada thotë se deri më tani nuk ka asnjë shqiptar të konfirmuar si i prekur nga Coronavirusi, ndërsa u bën thirrje të kenë kujdes, duke respektuar masat e urdhëruara.

Ambasada e  Republikës së Shqipërisë në Itali, dhe Konsullatat  e  Përgjithëshme në Milano dhe në Bari po ndjekin me vëmendje situatën e emergjencës së krijuar nga përhapja e koronavirusit Covid19 në disa rajone të Italisë.

Deri tani nuk kemi informacion për qytetarë shqiptarë të prekur. Informacioni mbi identitetin e të prekurve mbetet  i rezervuar në bazë të normativës europiane për mbrojtjen e të dhënave personale.

Ambasada është në kontakt të vazhdueshëm me Ministrinë tonë të Shëndetësisë  dhe me Ministrinë e Shëndetësisë të Italisë si dhe me Departamentin e  Emergjencave Civile të Këshillit të Ministrave të Italisë për masat e përbashkëta për parandalimin e perhapjes së virusit në territorin shqiptar.

LEXO EDHE:  Aktori i njohur tallet me të në Instagram/15-vjeçarja tenton vetëvrasjen

LEXO EDHE:  CityNews sjell urimin e veçantë për lexuesit dhe gazetarët (VIDEO)

U bëjmë thirrje qytetarëve  shqiptarë në Itali dhe atyre që udhëtojnë për dhe nëpër Itali të respektojnë masat e urdhëruara nga autoritetet italiane në situatën e emergjences.

Ambasada në Romë dhe Konsullatat e Përgjithshme në Milano dhe Bari vazhdojnë normalisht punën në shërbim të qytetarëve. Informime të mëtejshme do të vijojnë në vartësi të zhvillimit të situatës.“/CNA.al

LEXO TE PLOTE

Sociale

“Asnjë rast në Shqipëri”/ Ministria e Shëndetësisë mesazh qytetarëve për koronavirusin

Publikuar

-

Nga

Ministria e Shëndetësisë dhe Mbrojtjes Sociale ka reaguar lidhur me panikun e përhapur për koronavirusin.

Ministria fton të gjithë qytetarët që të shmangin informacionet e rreme, pasi thotë se ato kanë si qëllim rritjen e panikut, ndërsa thekson se nuk ka asnjë rast të prekur me këtë virus në Shqipëri deri në këto momente.

“Të gjitha informacionet që përhapen në rrugë jo zyrtare, në rrjete sociale, media, nuk duhet të merren në konsideratë, pasi nuk referojnë situatën reale dhe dëmtojnë mbi të gjitha sigurinë publike duke përhapur panik të panevojshëm. Aq më pak duhen besuar mesazhe zanore dashakeqe, të sajuara dhe hedhur në qarkullim njësoj si ato të pak muajve më parë pas situatës së tërmetit”, thuhet në reagim.

Ministria e Shëndetësisë dhe Mbrojtjes Sociale bën me dije se të gjitha informacionet mbi situatën e koronaviriusit publikohen në faqen zyrtare të MSHSH dhe në profilet e saj në rrjete sociale dhe media.

LEXO EDHE:  “Edhe shumë vite të tjera duke bërë kafe”/Rita Ora nuk i ndahet zakoneve shqiptare

LEXO EDHE:  CityNews sjell urimin e veçantë për lexuesit dhe gazetarët (VIDEO)

Ministria e Shëndetësisë rekomandon të gjithë qytetarët që kanë udhëtuar nga vendet e prekura, të telefonojnë në numrin e Urgjencës Kombëtare në rast të shfaqjes së çdo shqetësimi apo shenje klinike./ CNA.al

LEXO TE PLOTE