Connect with Us

Grida Duma “thumba” Bashës e Ramës/ Mungesa e garës ka larguar më të aftët

Politikë

Grida Duma “thumba” Bashës e Ramës/ Mungesa e garës ka larguar më të aftët

Publikuar

-

Ish deputetja e Partisë Demokratike, Grida Duma e ftuar në emisionin “Treshat”, ka dhënë disa mesazhe të forta, rreth asaj që e quan “zbrazja e Shqipërisë dhe largimi i më të aftëve”.

Sipas Dumës brenda partive politike mungon gara reale për zgjedhje të lira. Ndërsa thekson se një mungesë meritokracie që prodhon mediokritet dhe ndalon zhvillimin e shoqërisë përvecse pamundëson rritjen e individit të spikatur, të formuar.

“Mungon gara reale në shkolla, mungon gara në administratë, gare për një vend pune, mungon gara e ndershme mes bizneseve, mungon gara për tu rritur në një vend pune, mungon gara e mendimeve në politikë, mungon dhe gara reale me zgjedhje të lira mes partivë dhe brenda partive politike…. një mungesë meritokracie që prodhon mediokritet dhe ndalon zhvillimin e shoqërisë përvecse pamundëson rritjen e individit të spikatur, te formuar!

Kur mungon gara s’ka pse të përpiqesh , dhe pastaj fajësojnë shqiptarët pse nuk përpiqen, për çfarë të përpiqen….?!”, thotë mes të tjerash Grida Duma.

“Ne do t’i qajmë gjatë  garuesit më të mirë, që kemi humbuar, ata që e kanë lënë  Shqipërinë edhe duke pranuar që ta nisin garën nga një nivel më poshtë, vetëm e vetëm që të provoheshin t’ia dilnin. Shkuan atje ku nuk I njeh askush, ku nuk I pret askush, atje ku nuk njohin ndoshta as gjuhën as kulturën, por prapë shkojnë se kanë besim tek vetja  se ia dalin; këta njerëz kemi humbur ne! Ata që ia dalin!

Dhe nuk jam këtu për të folur vetëm për mungesën e garës në votime, ajo është vetëm maja e ajsbergut, mungesa e garës është në çdo element të jetës, dhe madje duhet thënë që  në përgjithësi nuk ka garë në vetë organizatat politike”, theksoi Duma./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Politikë

Katër të vrarë në Bulevard/ Tahiri akuza të forta Bashës ?

Publikuar

-

Nga

Ish-ministri i Brendshëm, Saimir Tahiri në një deklaratë për mediat, ka folur sot me tone të forta në lidhje me akuzat në drejtim të tij dhe vendimin e Gjykatës, dy ditë më parë e cila rrëzoi tre akuzat kryesore, por e shpalli fajtor për shpërdorim të detyrës.

Saimir Tahiri e cilësoi këtë si jo drejtësi e plotë dhe paralajmëroi se betejës së tij për të vërtetën do i shkojë deri në fund.

Por, Saimir Tahiri ka shigjetuar edhe kreun e PD-së, Lulzim Basha. Ndërsa riktheu në vëmendje 21 janarin e vitit 2011, ku gjatë një proteste të opozitës së asaj kohe, katër persona u vranë në Bulevard, kur ministër i Brendshëm ishte pikërisht Lulzim Basha.

“Minstri i Brendshëm dhe nuk është akuzuar për shpërdorim detyre kur u vranë 4 qytetarë në bulevard? As Kryeministri? Ministër i Mbrojtjes nuk është akuzuar për shpërdorim detyre kur la të vdekur 28 burra, gra e fëmije në Gërdec?

Askush, ministër a kryeministër që në këto 30 vjet ka vjedhur paratë e shqiptarëve sa është shqepur, nuk është akuzuar për shpërdorim detyre?”-tha ndër të tjera Tahiri./ CNA.al

LEXO TE PLOTE

Politikë

Saimir Tahiri flet për rikthimin në politikë/ Bën dhe “mea culpa”

Publikuar

-

Nga

Ish-ministri i Brendshëm Saimir Tahiri, ka dalë sot në një deklaratë për mediat, ku ka folur rreth procesit të tij gjyqësor maratonë dhe vendimit të Gjykatës.

Por, ndërsa është pyetur nga gazetarët për një rikthim të mundshëm në politikë, ai deklaroi se nuk e ka menduar rikthimin në politikë dhe se e vetmja çështje në të cilën është përqendruar është rruga e drejtësisë.

Tahiri theksoi se ka marrë mijëra mesazhe nga kolegë dhe nga qytetarë të thjeshtë që i kanë besuar gjatë kësaj kohe, ndërsa shpehu keqardhjen për ata që janë dënuar padrejtësisht.

“Kam marrë mesazhe nga ish kolegët po s’besoj se ka kuriozitet për publikun. Komunikoj normalisht me disa por kjo nuk është kuriozitet për ju dhe publikun. Por jam i lumtur që kam marrë mijëra sms nga qytetarët edhe pse ishte sakrificë të besoje tek unë.”-tha Tahiri.

Më tej, i pyetur se nëse është kjo drejtësia që donte kur votoi reformën në drejtësi, Tahiri nuk ka nguruar të bëjë edhe një “mea culpa”, për ata që janë dënuar padrejtësisht.

“Po i shkoj deri në fund një rruge duke bërë timen për drejtesinë që kërkoj. Unë nuk hy te ata që do mjaftonte vendimi im që të them drejtësia nuk funksionoi edhe sikur vendimi ndaj meje te ishte i gabuar do ishte nëse sistemi do ishte i gabuar. Më vjen shumë keq për ata që janë dënuar padrejtësisht dhë atyrë që u kemi rënë në qafë. Unë e kam kuptuar shumë vonë këtë por më vjen shumë keq.”–u shpreh Tahiri.

Sa i takon një rikthimi në PS, Tahiri tha se “Sa i takon rikthimit, sështë patjetër në qeverisje, sdo të thotë të kesh një karrige. S’e kam menduar këtë cështje tani. Po luftoj për të drejtën time deri në fund. Pastaj nuk e ka në dorë partia karrierën time, e kam vetëm unë. Më lini ti shkoj deri në fund drejtësisë sime.”/ CNA.al

LEXO TE PLOTE

Politikë

Rama i dërgoi mesazh pas vendimit të Gjykatës?/ Ja si përgjigjet Tahiri

Publikuar

-

Nga

Ish-ministri i Brendshëm Saimir Tahiri ka dalë sot në një deklaratë për mediat, për të sqaruar sikurse kishte paralajmëruar, të vërtetën e tij, pas vendimit të Gjykatës për Krimet e Rënda e cila rrëzoi tre akuzat kryesore ndaj Tahirit, por e shpalli fajtor për shpërdorim detyre.

Gjatë deklaratës, Tahiri e ka cilësuar këtë si drejtësi jo e plotë dhe ritheksoi se do ti shkojë deri në fund betejës së tij.

Por, ndërsa ish-ministri tha se pas vendimit të Gjykatës ka marrë mesazhe nga miq dhe dashamirës, ai është pyetur nga gazetarët edhe nëse i ka ardhur ndonjë mesazh nga kryeministri Edi Rama.

“Nuk e kuptoj pse duhet te me pyesni a ka folur kryeministri për kete vendim. S’kam folur fare. Rruges se drejtësise i shkoj vete përpara.”-u përgjigj ish-ministri./ CNA.al

LEXO TE PLOTE