Connect with Us

U aksidentua në Librazhd/ Turisti çek sillet me helikopter drejt Tiranës

Kronika

U aksidentua në Librazhd/ Turisti çek sillet me helikopter drejt Tiranës

Publikuar

-

Një turist çek është transportuar me helikopter drejt Spitalit Ushtarak në Tiranë, pasi u aksidentua me motoçikletë në zonën malore të Librazhdit.

Sipas njoftimit nga Policia e Shtetit, turisti në fjalë ka pësuar disa fraktura në trup, por fatmirësisht tani është jashtë rrezikut për jetën.

Ai po drejtonte motoçikletën së bashku me një grup turistësh, por aksidentalisht u rrëzua dhe përfundoi në përroin e Cirovës, një zonë kjo malore, pranë fshatit Rinas.

Njoftimi i policisë

Policia e Shtetit dhe Ministria e Shëndetësisë në ndihmë të turistit Çek

Transportohet në kohë reale me helikopter turisti çek që u rrëzua me motoçikletë në përroin e Cirovës, në zonën malore të fshatit Rinas  të Librazhdit.

Rreth orës 19:00, një grup turistësh çekë, po përshkonin me motorr rrugën malore mbi fshatin Rinas të Librazhdit, që lidhet me Shëngjergjin. Njëri prej tyre shtetasi R.K, 53 vjeç, ka humbur kontrollin e motoçikletës dhe ka dalë nga rruga, duke rënë në përroin e Cirovës.

Turistët kanë njoftuar në numrin 112, Sallën operative të Librazhdit dhe menjëherë  në drejtim të tyre është nisur një patrullë policie dhe autoambulanca.

Si pasojë e terrenit të vështirë, transportimi me autoambulancë ishte i pamundur dhe në këto kushte, Drejtoria e Përgjithshme e Policisë së Shtetit ka komunikuar me Ministrinë e Shëndetësisë për të dërguar një helikopter.

Menjëherë helikopteri i shëndetësisë është nisur në drejtim të vendit të ngjarjes duke bërë të mundur transportimin në kohë për në Spitalin Ushtarak të shtetasit çek, i cili kishte pësuar fraktura, në trup,  jashtë rrezikut për jetën.

Ambasada çeke në Tiranë  dhe grupi i turistëve kanë  falënderuar Policinë e Shtetit dhe Ministrinë e Shëndetësisë për reagimin në kohë, duke i shpëtuar jetën turistit çek./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Sherr mes disa personave/ Humb jetën 29-vjeçari

Publikuar

-

Nga

Një 29-vjeçar ka humbur jetën pas një sherri me thika mes disa personave në Dibër. Mësohet se ngjarja ka ndodhur në orët e para të mëngjesit të sotëm në fshatin Sllatinë.

29-vjeçari është dërguar menjëherë në spital, por nuk ka mundur t’i mbijetojë plagëve të marra.

Gjithashtu burimet bëjnë të ditur se në lidhje me ngjarjen në fjalë janë arrestuar si autorë të dyshuar, tre persona, mes të cilëve dy vëllezër…vijon

LEXO TE PLOTE

Kronika

Sekuestrohet 11 kg heroinë në Portin e Durrësit/ Arrestohet një person

Publikuar

-

Nga

Një sasi prej 11 kg lëndë narkotike, e llojit heroinë, është sekuestruar nga policia sot në Portin e Durrësit, në një mjet tip Opel.

Gjithashtu mësohet se është arrestuar në flagrancë shtetasi A. S., 50 vjeç, banues në Zvicër, drejtuesi i mjetit.

Mësohet se gjatë kontrollit të imtësishsëm të automjetit në gomën rezervë dhe në brendësi të vendit ku ajo vendoset, Policia gjeti dhe sekuestroi në cilësinë e provës materiale 25 pako me lëndë narkotike, me peshë 11 kg, e dyshuar Heroinë.

Në përfundim të veprimeve, Specialistët për Hetimin e Narkotikëve në Drejtorinë Vendore të Policisë Durrës bënë arrestimin në flagrancë të shtetasit  A. S., 50 vjeç, banues në Zvicër, drejtuesi i mjetit.

Materialet hetimore i kaluan Prokurorisë Pranë Gjykatës së Shkallës së Parë Durrës, për veprime të mëtejshme, për veprën penale “Trafikimi i narkotikëve”./ CNA.al

LEXO TE PLOTE

Kronika

Shkëndija elektrike në Presidencë alarmon zjarrfikësit

Publikuar

-

Nga

Ka mjaftuar një njoftim për praninë e një shkëndije elektrike në katin e bodrumit të Presidencës për të alarmuar repartin zjarrfikës, forcat e të cilit janë vënë në lëvizje të menjëherëshme.

Ka qenë Garda e Republikës e cila me të konstatuar shkëndijën të kërkojë praninë e zjarrfikësve si masë paraprake për të parandaluar shpërthimin e një zjarr të mundshëm. Gjë që ka ndodhur brenda pak minutave, duke bërë të mundur rikthimin në pikën e nisjes brigadën e zjarrfikësve.

LEXO TE PLOTE