Connect with Us

Trump sërish i pakënaqur me Gjermaninë

Bota

Trump sërish i pakënaqur me Gjermaninë

Publikuar

-

Presidenti amerikan, Donald Trump gjithmonë ankohet, se vendi i tij trajtohet kudo “jo drejt”. Madje edhe në tregjet financiare, gjermanët kanë kushte shumë më të mira se SHBA-ja e fuqishme, kjo nuk është “fair”…

“Gjermania paguan norma zero interesi dhe paguhet vërtet që të marrë borxh para?” -shkruan presidenti Trump në twitter dhe ankohet njëherazi, që SHBA “shumë më e fuqishme dhe më e rëndësishme” nuk merr kondicione të tilla kaq të favorshme. Në një kohë që dollari është më i fortë se kurrë, po ashtu edhe eksportet, dhe se nuk ka inflacion.

Vërtet për herë të parë Gjermania ia ka dalë që me një obligacion shtetëror për 30 vjet të fitojë madje para. Ankandi solli rendite mesatare prej minus 11%, përmes së cilës federata për një kohë të caktuar ka një suficit të ardhurash, megjithëse është kredimarrëse. Normat negative të interesit janë pasojë e kërkesës së lartë për letrat me vlerë, ku bëjnë pjesë obligacionet e federatës.

Është e qartë, se kujt i drejtohet ankesa e Trumpit: FED-i amerikan, Banka Federale Amerikane e Thesarit, i ka rritur përqindjet “shumë shpejt e pa kontroll”, sipas tij. Nëse FED do ta bënte punën e saj si duhet, do kishim një “rritje ekonomike si kurrë më parë”, ka thënë Trump.

USA Jerome Powell Notenbankchef mit Trump vor dem Weißen Haus (Getty Images/D. Angerer)

Disa analistë thonë, se presidenti ka interes për normat e ulta të interesit për të zbutur efektet e konflikteve tregtare që janë ndezur prej tij. Prej kohësh qeveria amerikane flet shumë pozitivisht për gjendjen e mirë ekonomike në vend. Trump është në konflikt të vazhdueshëm me FED. Kreu i saj, Jerome Powell pritet të flasë këtë të enjte në Jackson Hole në takimin vjetor të bankave qendrore për zhvillimet e normave të interesit. Vendimi tjetër i FED pritet më 18 shtator.

LEXO EDHE:  Situata post-tërmet/ Rama: “I kam shkruar letër presidentit Trump, jemi plot shpresë”

Deficiti buxhetor amerikan, sipas të dhënave të zyrës së pavarur të buxhetit të kongresit amerikan, CBO do të rritet në vitin e ardhshëm me 1 bilionë dollarë. Me këtë ky deficit e arrin këtë shifër dy vite para parashikimit./DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Vrasja e deputetit Britanik/ Gazetari jep alarmin

Publikuar

-

Nga

cna lajm bota

Deputeti Britanik Tory David Amess, ka ndrruar jetë pas një sulmi me thikë, gjatë një takimi me disa qytetarë.

Vrasja e tij beri jehone të madhe jo vetëm në Britani por edhe në mediat e huaja. Në lidhje më këtë ngjarje horror kanë reaguar shumë zyrtarë të lartë, aktivistë dhe qytetarë të thjeshtë.

Së fundmi gazetari i njohur britanik Tony Parsons ka bërë një thirrje për të gjitha instancat qeverisëse dhe qytetarët britanikë që të reagojnë ndaj sulmit horror të deputetit britanik, duke dhënën alarmin se ky rast mund të pasohet nga shumë të tjerë.

LEXO EDHE:  Propozimi i SHBA për Reformën Zgjedhore/ Rakipi tregon pse refuzojnë Rama dhe Basha

LEXO EDHE:  Senati Amerikan e zyrtarizon/ Yuri Kim ambasadorja e re e SHBA në Shqipëri



Sulmi fatal i deputetit në operacionin e tij elektoral në Essex është një thirrje e tmerrshme zgjimi për Britaninë”, shprehet gazetari

Ndalni këto sulme ose do të humbasim më shumë jetë. Duhet të merren masa dhe parandalohen raste të tilla”, vazhdon me tëj Parsons.

Akoma më alarmant është fakti se nuk dihen ende detajet e plota të sulmit me thike. /CNA.al

LEXO TE PLOTE

Kosova & Rajoni

Zgjedhjet vendore në Kosovë/ 1 milion e 885 mijë e 448 qytetarë, janë thirrur për të votuar

Publikuar

-

Nga

cna lajme rajon

Sot, qytetarët e Kosovës zgjedhin kryetarët e rinj të 38 komunave dhe anëtarët e asambleve komunale.

Sipas të dhënave të Komisionit Qendror të Zgjedhjeve (KQZ), për kryetarë të komunave të Kosovës janë certifikuar 166 kandidatë. Në garën për asamblistë në kuvendet e të gjitha komunave janë certifikuar 5,198 kandidatë.

Në këto zgjedhje, qytetarët mund të votojnë për kryetarin e komunës dhe një asamblist.

Qendrat e votimit janë hapur në ora 07:00 dhe pritet të mbyllen më 19:00.

Këtë vit do të hapen 883 qendra votime me gjithsej 2,477 vendvotime.

Sipas KQZ-së, numri i qytetarëve me të drejtë vote brenda Kosovës është 1 milion e 885 mijë e 448 votues.

Ky institucion ka pranuar 5,649 pako të supozuara me fletëvotime nga jashtë Kosovës.

Kësaj here, të drejtën e votës për herë të parë mund ta shfrytëzojnë 41,012 persona.

Në zgjedhjet e kaluara lokale, të mbajtura më 2017, më së shumti komuna pati fituar Lidhja Demokratike e Kosovës, në total tetë, Aleanca për Ardhmërinë e Kosovës, shtatë, Partia Demokratike e Kosovës, pesë, Lëvizja Vetëvendosje tri, ndërsa Nisma Socialdemokratike dhe Aleanca Kosova e Re nga një komunë.

LEXO EDHE:  Çështja e antisemitizmit/ Yuri Kim: Shqipëria mike e SHBA për besën, ruajti nderin e saj

LEXO EDHE:  Senati Amerikan e zyrtarizon/ Yuri Kim ambasadorja e re e SHBA në Shqipëri



Nga komunitet joshumicë, më së shumti komuna pati fituar Lista Serbe, 10 të tilla, derisa Partia Demokratike Turke, një komunë.

Dy komuna janë udhëhequr nga kandidatë të pavarur.

Pjesëtarë të Listës Serbe u drejtohen bashkërisht kutive të votimit

Lista Serbe është partia e vetme serbe e Kosovës, e cila në të gjitha zgjedhjet merr pjesë me mbështetjen e Beogradit zyrtar.

Pjesëtarë të këtij subjekti janë parë bashkërisht duke u nisur për të votuar në Mitrovicë të Veriut.

Në mesin e grupit janë parë punonjës të institucioneve që financohen nga Serbia, nga sektori i arsimit, shëndetësisë dhe sektorë tjerë.

Votimi i organizuar në Mitrovicë të Veriut është kthyer në diçka të zakonshme në zgjedhjet e Kosovës.

Në zgjedhjet e kaluara lokale, të mbajtura më 2017, Lista Serbe pati fituar 10 komuna./REL

 

LEXO TE PLOTE

Kosova & Rajoni

Kurti: Njohja e shtetësisë së Kosovës nga Serbia nuk ka alternativë

Publikuar

-

Nga

Kryeministri i Kosovës, Albin Kurti, ka thënë të shtunën në një takim me disa anëtarë të Parlamentit Evropian se, bisedimet mes Kosovës dhe Serbisë nuk kanë alternativë, ashtu sikurse njohja e shtetësisë së Kosovës nga ana e Serbisë.

“Në dialog në Bruksel jemi për një kapitull të ri të normalizimit të marrëdhënieve mes dy shteteve tona, ku zgjidhim çështjet e pazgjidhura me njohje reciproke, ka thënë Kurti.

Ai ka pritur të shtunën në Prishtinë delegacionin e eurodeputetëve në krye me përfaqësuesen për Kosovën në Parlamentin Evropian, Viola von Cramon.

Në një komunikatë për media, kryeministri Kurti është thënë të ketë diskutuar me palën evropiane për njohjen e pavarësisë së Kosovës nga pesë vendet mosnjohëse të Bashkimit Evropian, për procesin e liberalizimit të vizave dhe mbështetjen që i ka ofruar blloku evropian Kosovës përmes ndarjes së vaksinave kundër koronavirusit.

Temë diskutimi ka qenë edhe operacioni i Policisë së Kosovës kundër kontrabandimit të mallrave në disa qytete të Kosovës.

LEXO EDHE:  Rikthimi i politikës së fuqive të mëdha

LEXO EDHE:  Rikthimi i politikës së fuqive të mëdha



“Ky ishte një operacion normal i Policisë, e cila ka kryer punën në mënyrë profesionale dhe sipas procedurave ligjore”, është cituar të ketë thënë Kurti.

Von Cramon, në anën tjetër, ka falënderuar institucionet e Kosovës për pranim të refugjatëve afganë, si dhe ka folur edhe për reformat e nisura në drejtësi, luftën kundër krimit të organizuar dhe korrupsionit si dhe ruajtjen e stabilitetit institucional.

Aktualisht në këtë Kosovë janë rreth 700 refugjatë afganë, të cilët janë evakuuar nga Shtetet e Bashkuara, pas marrjes së kontrollit të talibanëve në Afganistan.

Rreth 100 prej tyre tashmë janë larguar nga Kosova drejt Mbretërisë së Bashkuar.

Pjesa e mbetur do të qëndrojë përkohësisht në Kosovë, deri në finalizim të procedurave ligjore për zhvendosje të përhershme në SHBA, apo vende tjera evropiane./rel

LEXO TE PLOTE