Connect with Us

Plas në Prokurorinë e Përgjithshme/ Kush tentoi të rehabilitohej, duke iu dërguar letër mediave?

Kronika

Plas në Prokurorinë e Përgjithshme/ Kush tentoi të rehabilitohej, duke iu dërguar letër mediave?

Publikuar

-

zbardhen emrat e kandidateve

Pothuajse një vit pas skandalit me Shullazin, në Prokurori ka shpërthyer një tjetër skandal. Burimi është tek Krimet e Rënda, ndërsa skenari dhe regjia janë nga Prokuroria e Përgjithshme, konkretisht nga e përkohshmja Arta Marku.

Kjo e fundit që nga koha që ka marrë detyrën dhe deri më tani ka shkuar nga skandali në skandal.

Pasi shpërtheu sherrin për Shullazin tek Prokuroria e Krimeve të Rënda me mikeshën e saj Donika Prelën, shfrytëzoi rastin edhe për hakmarrje.

Prokuroria për Krime të Rënda që nga ajo kohë u bë akoma më e pabesueshme për qytetarët.

Kur po bëhet gati një vit, nga “skandali Shullazi”, Marku ka prodhuar një tjetër skandal, sigurisht me mikeshën e saj Donika Prelën që rrezikon shkarkimin, pas mashtrimit me pasurinë.

Bëhet fjalë por dosjen 184, për të cilën Prokuroria për Krime të Rënda, ka shpallur moskopetencë.

Dosja në fjalë ka të bëjë me zgjedhjet lokale të parakohshme në Peshkopi dhe para pak kohësh prestigjiozja gjermane “Bild”, publikoi disa përgjime ku objekt ishin zyrtarë të lartë të Partisë Socialiste.

Në përgjime doli edhe kryeministri Edi Rama si dhe disa drejtorë të tij.

Por, edhe  pse shitblerja e votës, konsiderohet një vepër e rëndë penale, është gjetur rruga për ta shkatërruar dosjen, duke e hequr nga Krimet e Rënda.

Në lojë është futur edhe prokurori i çështje Klodjan Braho, i cili kaloi Vettingun dhe për më tepër është përzgjedhur edhe për në SPAK.

Pasi skandali u publikua në media, Prokuroria e Përgjithshme, njoftoi  me anë të zëdhënës në grupin e gazetarëve në WhatsApp, se kishte për të dhënë informacione në lidhje me dosjen 184.

Me anë të një letrë paçavure, sikur është shkruar në rrugë dhe jo në institucionin e Prokurorisë, janë dhënë disa detaje për mediat.

Letra dërguar mediave, nuk ka emër të Prokurorit të Përgjithshëm, nuk ka asnjë lloj firme, çfarë të bën të dyshosh se është shkruar me shpejtësi nga politika, ndoshta dhe pa dijeninë e Arta Markut, pasi dihet se ajo tashmë se figuron vetëm fizikisht si Prokurore e Përgjithshme, pasi vendimet merren nga ata që e dërguan në atë zyrë.

Thënë më qartë, nuk duket si një letër zyrtare e dalë nga institucion shtetëror. Kush e ka shkruar këtë letër, pse ishte fshehur skandali me transferimin e dosjes 184 deri më tani?

Arta Marku ka shumë mundësi të mos ketë dijeni për këtë paçavure, por është pamundur të mos ketë dijeni për skandalin e gatuar me dosjen 184.

Me një skandal të tillë mbi supe, ajo nuk mund të zgjidhet më Prokurore e Përgjithshme, pavarësisht se po i shërben në maksimum politikës në pushtet.

Por, me skandal të tillë nuk mund të lejohet as prokurori Klodjan Braho që të qëndrojë në sistemin e drejtësisë.

Është detyrë e Komisionerit Publik që të ankimojë vendimin e KPK dhe të kërkojë shkarkimin e tij.

Me 26 Korrik, KPK e ka konfirmuar në detyrë Brahon dhe duke qenë se Gushti ka qenë pushim, por mbi të gjitha ende nuk është zbardhur vendimi i KPK, Komisioneri Publik i ka mundësitë ligjore për ta ankimuar në Shtator.

Arta Marku duket se e di që po i vjen fundi në krye të organit të akuzës dhe dyshohet se po shpejton të mbarojë pazaret që ka në duar.

Ndërsa Donika Prela, duke e ditur se s’ka çfarë të humbasë më, por zbaton urdhrat e mikeshës së saj. Më poshtë po sjellim letrën e Prokurorisë dërguar mediave./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Atentati në Krujë/ Humb jetën gruaja e plagosur

Publikuar

-

Nga

Nderon jete gruaja e cila mbeti e plagosur pas një atentati sontë në fshatin Zezë të Krujes.

Burime zyrtare nga policia njoftojnë se:

Më datë 21.09.2019, rreth orës 23:50, jemi njoftuar se në fshatin Zezë, Krujë janë plagosur me armë zjarri shtetasit M.H., dhe Sh.B.,

Shtetësia Sh.B., ka ndërruar jetë ndërsa shtetasi M.H., ndodhet në Spitalin e Traumës Tiranë nën kujdesin e mjekëve.

Grupi hetimor po punon për identifikimin e autorëve dhe sqarimin e rrethanave të ngjarjes.

 

Atentat me armë zjarri/Dy të plagosur

 

LEXO TE PLOTE

Kronika

Atentat me armë zjarri/Dy të plagosur

Publikuar

-

Nga

Dy persona kane mbetur te plagosur ne oret e vona te mesnates ne Nikel te Krujes, pranë shtëpisë së tyre.

Mesohet se personat e plagosur jane Sh. B. dhe nipi i saj M. H. 27 vjeç.

Te dy personat jane cuar me urgjence ne Spitalin e Traumes ku po marrin ndihmen e pare.

Policia ka shkuar ne vend ngjarje dhe po heton per shkaqet e saj. Dyshohet hakmarrje./CNA.al

LEXO TE PLOTE

Kronika

Situata në Spitalin e Traumës/ Manastirliu tregon detajet

Publikuar

-

Nga

Ministrja e Shendetesise, Manastirliu gjate nje deklarate per mediat

Ministrja e Shëndetësisë Ogerta Manastirliu ka vizituar nga afër të lënduarit e tërmetit në Spitalin e Traumës.

Manastirliu tregoi numrin e qytetarëve që momentalisht po marrin ndihmë mjekësore si dhe angazhimin e strukturave shtetërore për menaxhimin e situatës.

“Pash nga afër gjendjen e të lënduarve, janë aktualisht duke marrë shërbim 21 qytetarë. Në total kanë qenë 52 qytetar që kanë marrë shërbim dhe janë larguar.

Të gjithë ata që vazhdojnë të jene në spital, po marrin trajtimin e nevojshëm.

Të gjitha strukturët janë në gatishmëri të plotë.

Janë 67 qytetar që kanë marrë shërbim në spitale në total, nga të cilët 15 kanë qenë në Durrës.

E rëndësishem është të ruajmë qetësinë. Vlerësimet do të bëhen hap pas hapi. Ne jemi këtu në gatishmëri të qytetarëve”, theksoi Manastriliu./CNA.al

LEXO TE PLOTE