Politikë
Bllokoi fondet për Bashkinë e Shkodrës?/ Ministria e Financave përgënjeshtron Ademin
Ministria e Financave ka reaguar në lidhje me një deklaratë për mediat, ku prtendohej se Dega e Thesarit të Shtetit në Shkodër ka penguar funksionimin e Bashkisë së këtij qyteti.
Në një deklaratë për mediat, Ministria e Financave shpjegon se ditën e djeshme janë ekzekutuar të gjitha pagesat dhe urdhërpagesat e depozituara nga Bashkia Shkodër brenda orarit zyrtar dhe sipas gjithë procedurave ligjore.
“Lidhur me situatën e krijuar në Bashkinë Shkodër, ju bëjmë me dije se strukturat e Ministrisë së Financave dhe Ekonomisë i kanë ndjekur nga afër këto procedura në përputhje më legjislacionin në fuqi.
Përsa i përket kësaj situate, Ministria e Financave dhe Ekonomisë sqaron se:
Ditën e djeshme janë ekzekutuar nga Dega e Thesarit, Shkodër, të gjitha pagesat dhe urdhërpagesat e depozituara nga Bashkia Shkodër, brenda orarit zyrtar dhe sipas gjithë procedurave ligjore.
Për këtë, Ministria e Financave dhe Ekonomisë, Drejtoria e Përgjithshme e Thesarit dhe Dega e Thesarit, Shkodër, ka gjithë dokumentacionin e nevojshëm për sa më sipër.
Kështu që, bazuar mbi të gjitha këto arsyetime që paraqitëm më lart, Ministria e Financave dhe Ekonomisë ju bën me dije se ky dikaster është në funksion të zbatimit të ligjit për të gjithë qytetarët njësoj pa dallime.”-thuhet në reagim./ CNA.al
“Bllokuan funksionimin e bashkisë”/ Voltana Ademi lajmëron ambasadorët
Politikë
“I kishe premtuar 200 mijë euro Alizotit”/ Klodiana Lala debat me Salianjin: Sqaroje këtë histori
Gazetarja Klodiana Lala ka debatuar me ish-deputetin demokrat, Ervin Salianji, lidhur me pretencën e Prokurorisë për çështjen “Babale”.
Gazetarja Lala i kërkoi disa herë Salianjit të sqarojë dëshminë e Fredi Alizotit, i cili ka deklaruar se Salianji i kishte premtuar 200 mijë euro.
Ish deputeti demokrat nuk iu përgjigj pyetjes së drejtpërdrejtë të gazetares, por vijoi të lexojë përgjimet e Prokurorisë për çështjen “Babale”.
Lala: Më jep argumentin si e rrëzon dëshminë e Alizotit. Kemi qenë bashkë në seancë, kur ka dhënë dëshminë e gjatë dhe iu implikon direkt. I kishe premtuar 200 mijë euro pra. Sqaroje këtë histori.
Salianji: Nëse ka një komunikim të vetëm me mua, një takim të vetëm, unë iki nga kjo punë. Po s’ka fare, se këtu është kjo çmenduri. Deklarimin që ka bërë ish-drejtori i Policisë Lushnje dhe drejtori thonë që ne nuk e njohim këtë person.
Lala: E kemi sqaruar këtë, por çështja është jeni apo jo ju pjesë e kësaj historie?
Salianji: Drejtori i Policisë Lushnje thotë se e ka takuar vetëm një herë këtë person më 1 qershor. Përgjimi telefonik tregon se janë takuar gati 30 herë.
Lala: Aty ka shpërdorim të hapur detyre. Na jep argumente që je jashtë kësaj historie.
Politikë
Murrizi publikon foto me zyrtarin e DASH, thumbon Ramën dhe Bashën
Deputeti Myslim Murrizi ka publikuar një foto nga takimi i sotëm me Drejtorin e ri për Evropën Qendrore dhe Jugore, në Departamentin e Shtetit që mbulon Shqipërinë, David J. Kostelancik dhe deputeten Rudina Hajdari.
Murrizi ka thumbuar kryeministrin Edi Rama dhe kreun e opozitës Lulzim Basha lidhur me akuzat se kanë lobuar për të bërë foto me ish-presidentin e SHBA Barack Obama dhe presidentin aktual të SHBA Donald Trump.
“Sot ne zyren e Z David J Kostelancik. Nje takim bashke me ZJ Rudina Hajdari. Dhe dy foto miqesore pa pagese”, shkruan Murrizi në një postim në rrjetet sociale./ CNA.al
Politikë
Çelja e negociatave/ Bushati vizitë në Washington: Nevojitet një qasje e re angazhuese
Ish ministri i Punëve të Jashtme, Ditmir Bushati ndodhet në Washington DC për diskutim të hapur me diplomatë dhe ekspertë në Atlantic Council mbi mjedisin e sigurisë dhe sfidat me të cilat përballet Ballkani Perëndimor.
Sipas Bushatit, procesi i anëtarësimit të vendeve të Ballkanit Perëndimor duhet të trajtohet si përgjegjësi historike nga ana e BE-së në funksion të konsolidimit të projektit europian të ribashkimi të kontinentit.
“Vështruar në këtë mënyrë, nevojitet një qasje e re angazhuese ndaj Ballkanit Perëndimor përmes një plani konkret që siguron zbatimin e standardeve europiane, zhvillimin ekonomik dhe zbut hendeqet ekzistuese me vendet anëtare të BE-së”, shkruan Bushati./CNA.al
Lajme të Rekomanduara:
Muka nuk pranon ndihmën e Erdoganit/ Na konsideron turq, mos e përqafoni lypjen e Ramës
Turqia është zotuar të ndërtojë 500 banesa në Shqipëri, por duket se ky lajm nuk është pritur mirë nga ish-zv.ministri i Arsimit, Taulant Muka. Me...
Paralajmërimin “bombë” i Spartak Ngjelës/ Këta tre politikanë do të fundosen së shpejti
Gjendja e pas – tërmetit të 26 nëntorit është e rënde. Shumë e rëndë. Madje, po të ecet kështu, ajo do të rëndohet edhe më...
