Connect with Us

Të korruptuarit e drejtësisë/ Bëmat e gjyqtares së Krimeve të Rënda dhe bashkëshortit të saj

Vetingu

Të korruptuarit e drejtësisë/ Bëmat e gjyqtares së Krimeve të Rënda dhe bashkëshortit të saj

Publikuar

-

Komisioni i Pavarur i Kualifikimit, në fillim të këtij viti ka përcaktuar me anë të shortit listën  me 36 gjyqtarë dhe prokurorë, të cilët do t’i nënshtrohen me prioritet skanimit të trefishtë.

Bëhet fjalë për prokurorët  për SPAK dhe gjyqtarët për Gjykatën e Posaçme Antikorrupsion, por edhe për kandidatët për Gjykatën e Lartë dhe Kushtetuese.

Në procesin rivlerësimit ndodhet edhe gjyqtarja e Gjykatës së Shkallës së Parë për Krime të Rënda, Marsela Balili.

Kjo e fundit, që tashmë synon Gjykatën e Posaçme Antikorrupsion, mbart një histori në sistemin e drejtësisë.

Marsela Balili

Për Marsela Balilin më herët prokuroria pati kërkuar që të dënohej me dy vite burg me akuzën e korrupsionit.

Akuza nuk u arrit të provohej nga prokuroria në gjykatë, e cila shpalli të pafajshme gjyqtaren Balili.

Ndërsa bashkëshorti i saj, ish prokurori Aleksandër Plepi u dënua me një vit burg me akuzën për korrupsion dhe sot është avokat.

Ndërsa Balili kërkoi nga KLD që ta rikthente në detyrë.

Pas pezullimit për gjashtë vite e gjysëm Këshilli i Lartë i Drejtësisë,   vendosi të rikthente në detyrë gjyqtaren e Krimeve të Rënda Marsela Balili,
Balili ishte pezulluar me dyshimin se kishte favorizuar nëpërmjet një vendimi gjyqësor, të pandehurin P.Dh. dhe B. B.

Prokuroria kishte dyshime se Balili ishte përfshirë në një aferë korruptive, dhe për këtë  kërkoi dënimin e saj me 1 vit burg, por që Gjykata e hodhi poshtë këtë akuzë.

CNA.al ka bërë një vëzhgim  të pasurisë së Balilit, nga viti 2003 deri në vitin 2018, ku rezulton e mbytur në kredi dhe borxhe.

Por, duke pasur parasysh të shkuarën e saj dhe të bashkëshortit në sistemin e drejtësisë, apo dhe rastet që janë proceduar deri më tani nga Vettingu,  Balili, duket se është drejt shkarkimit.

Në Gjykatën e Posaçme Antikorrusion, nuk mund të jetë pjesë një gjyqtare, bashkëshorti i së cilës ish prokurori Aleksandër Plepi është akuzuar për korrupsion.

Në fakt kandidimi i saj për në Gjykatën e Posaçme Antikorrupsion është një sulm që bëhet institucionit më të ri, të prodhuar nga reforma në drejtësi.

Tashmë Plepi është avokat, por është bërë e modës që të gjithë të korruptuarit dhe të inkriminuarit e drejtësisë të kalojnë në avokati. Por, kjo është një temë tjetër, të cilën CNA.al do ta trajtojë gjërësisht ditët në vijim.

Më poshte po sjellim  pasurinë e deklaruar nga gjyqtarja Marsela Balili.

Viti 2003

Apartament me sip.72,5 m2 me vlerë, 364 7384 lekë.

Apartament 1+1 me vlerë 4 308 lekë.

Llogari në depozitë në shumën 339 204 lekë.

Llogari në depozitë në shumën 80 000 lekë.

Të ardhura vjetore nga paga në shumën, 739 896 lekë.

Të ardhura vjetore nga paga e bashkëshortit, në shumën 739 896 lekë.

Viti 2004

Depozitë për fëmijën në shumën 240 000 lekë.

Llogari në depozitë në shumën 100 000 lekë.

Llogari në depozitë në shumën 250 000 lekë.

Të ardhura vjetore nga paga në shumën, 1 049 360 lekë.

Të ardhura vjetore nga paga e bashkëshortit, si prokuror në Kurbin në shumën 739 896 lekë.

Viti 2005

Llogari në depozitë në shumën 250 000 lekë.

Depozitë për fëmijët në shumat, 20 000 lekë dhe 70 000 lekë.

Llogari rrjedhëse në shumën 10 000 lekë.

Të ardhura vjetore nga paga në shumën, 1 049 360 lekë.

Të ardhura vjetore nga paga e bashkëshortit, në shumën 765 228 lekë.

Viti 2006

Depozitë për fëmijët në shumat, 50 000 lekë, 50 000 lekë dhe 70 000 lekë.

Depozitë për fëmijët në shumat 50 000 lekë, 40 000 lekë dhe 10 000 lekë.

Pakësuar llogaria rrjedhëse. Vlera 248 74 euro.

Të ardhura vjetore nga paga në shumën, 1 049 360 lekë.

Të ardhura vjetore nga paga e bashkëshortit, në shumën 762 228 lekë.

Viti 2007

Depozitë për fëmijët në shumat 50 000 lekë dhe 70 000 lekë.

Depozitë për fëmijët në shumat 50 000 lekë dhe 50 000 lekë.

Pakësuar llogaria. Është tërhequr shuma, 1130 000 lekë.

Të ardhura vjetore nga paga në shumën, 1 252 750 lekë.

Të ardhura vjetore nga paga e bashkëshortit, në shumën 897 069 lekë.

Kredi bankare, vlera 40 000 euro, për zgjerim banese. Paguar 4 këste, në shumën 1 188 64 euro.

Viti 2008

Depozitë për fëmijët në shumat 70 000 lekë dhe 20 000 lekë.

Të ardhura vjetore nga paga në shumën, 1 151 575 lekë.

Të ardhura vjetore nga paga e bashkëshortit, në shumën 887 069 lekë.

Viti 2009

Depozitë për fëmijët në shumat 60 000 lekë dhe 40 000 lekë.

Të ardhura vjetore nga paga në shumën, 1 160 056 lekë.

Nga kredia, shlyet vlera 3 290 euro.

Viti 2010

Depozita bankare në shumat 10 000 lekë dhe 10 000 lekë.

Gjyqtarja Balili nuk ka deklaruar të ardhurat në emër të saj dhe të bashkëshortit për arsye se KLD i është hequr imuniteti gjyqtare, ndërsa bashkëshorti, Aleksandër Plepi është pezulluar dhe shkarkuar nga detyra.

Viti 2011 (Deklarata pas largimit nga funksioni)

Depozita bankare në shumat 10 000 lekë dhe 10 000 lekë.

Gjyqtarja Balili nuk ka deklaruar të ardhurat në emër të saj dhe të bashkëshortit për arsye se KLD i është hequr imuniteti gjyqtare, ndërsa bashkëshorti, Aleksandër Plepi është pezulluar dhe shkarkuar nga detyra.

Kredia, janë shlyer 2 668 euro.

Viti 2014

Transfeërtë nga llogari bankare e motrës në llogarinë e gjyqtares, në shumën 9 497 39 USD.

Kursime nga prindërit në shumën 403 065 91 lekë.

Kredia bankare, shlyer shuma 1 534 47 euro, ndërsa pa shlyer 33 980 euro.

Mbetur pa shlyer shuma 40 000 euro, e marrë hua nga një shtetas për bashkëshortin me qëllim hapjen e një aktiviteti fitimprurës por që është përdorur për banesën.

Mbetur pa shlyer 10 000 euro e marrë hua.

Vit 2015

Llogari bankare me vlerë, 100 585 25 lekë.

Babai nga SHBA, i ka transferuar shumën prej 29 969 00 USD. Shuma u përket kursimeve të prindërve. Është tërhequr shuma 25 000 USD dhe 20 000 euro janë trabsferuar në një llogari bankare në Vlorë, për të blerë një apartament në pronësi të prindërve.

Babai ka transferuar shumën 16 469 00 USD. Shuma u përket kursimeve të prindërve. Është tërhequr shuma 16 450 00 USD dhe janë transferuar 15 000 euro për  blerjen e një apartamenti për prindërit.

Mbetur pa shlyer shuma 40 000 euro, e marrë hua nga një shtetas për bashkëshortin me qëllim hapjen e një aktiviteti fitimprurës por që është përdorur për banesën.

Mbetur pa shlyer 10 000 euro e marrë hua.

Kredia bankare, shlyer shuma 1 143 00 euro, ndërsa pa shlyer 33 667.76 euro.

Viti 2016

Llogari bankare në shumat, 141 232,09 lekë, 10 000 lekë dhe 1 220 USD.

Llogari të krijuara dhe të administruar sipas vullnetit të prindërve në kushtet që banojnë në SHBA. Të dyja llogaritë janë krijuar pas transfertës 9 497 39 USD për arsye të largimit jashtë shtetit të motrës Laerta Balili, Gjuzi e cila e e administratonte deri para largimit. Prindëri janë larguar  nga Shqipëria në vitin 2008.

Llogari në emër të babait në shumën 50 746 00 lekë.

Llogari në emër të nënës, në shumën 76 950 48 lekë.

Të ardhura nga puna e bashkëshortit si avokat në shumën 283 336 lekë.

Mbetur pa shlyer shuma 40 000 euro, e marrë hua nga një shtetas për bashkëshortin me qëllim hapjen e një aktiviteti fitimprurës por që është përdorur për banesën.

Mbetur pa shlyer 10 000 euro e marrë hua.

Kredia bankare, pashlyer shuma 34 032 56 euro.

Viti 2017

Llogari kursimi ekzistuese, në shumat 5 227 441 69 lekë dhe 3 000 000 lekë.

Llogari bankare në shumën 1 220 USD.

Pensionet e prindërve në shumat, 61 021 00 lekë dhe 36 405 00 lekë.

Transfertë nga familjarët në shumat  200 dhe 400 USD.

Të ardhura si gjyqtare tek Krimet e Rëna, në shumën 903 543 lekë.

Të ardhura nga puna e bashkëshortit si avokat në shumën 342 852 lekë.

Mbetur pa shlyer shuma 40 000 euro, e marrë hua nga një shtetas për bashkëshortin me qëllim hapjen e një aktiviteti fitimprurës por që është përdorur për banesën.

Mbetur pa shlyer 10 000 euro e marrë hua.

Kredia bankare, pashlyer shuma 33 183 72 euro.

Viti 2018

Llogari ekzistuese, në shumën 734 078 50 lekë.

Me datë 19.10.2018 janë transferuar 2 000 000 lekë në llogarinë rrjedhëse. Vlera totale është 5 000 486 03 lekë.

Llogari bankare në shumën 1 220 USD.

Blerë automjet me datë 5.05.2018 në shumën 8 000 euro.

Shitur motorri Pegaso në shumën 50 000 lekë.

Llogari në emër të fëmijëve, në shumat 43 585 00 lekë dhe 32 933 00 lekë.

Llogari në emër të prindërve në shumat, 20 577 00 lekë dhe 67 954 48 lekë.

Të ardhura si gjyqtare tek Krimet e Rëna, në shumën 1 663 779 lekë.

Të ardhura nga puna e bashkëshortit si avokat në shumën 234 760 lekë.

Mbetur pa shlyer shuma 40 000 euro, e marrë hua nga një shtetas për bashkëshortin me qëllim hapjen e një aktiviteti fitimprurës por që është përdorur për banesën.

Shlyer shuma 10 000 euro e marrë hua.

Kredia bankare, pashlyer shuma 32 204 95 euro./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Vetingu

Vetingu në Polici drejt përfundimit/ Së shpejti seancat dëgjimore, gati 245 dosjet e para 

Publikuar

-

Nga

Zv/Ministri i Brendshëm, Julian Hodaj, në një deklaratë për mediat, tha sot se seancat publike për vetingun në Policinë e Shtetit dhe Gardën e Republikës së Shqipërisë pritet të nisin shumë shpejt. Sipas tij, 245 dosjet e para janë drejt fundit.

Sipas Hodajt, ky proces është i thelluar dhe ai do të nisë me majën e piramidës të çdo institucioni.

“Në tërësi po punohet me 245 dosjet e para, që është dhe pjesa e kompetencës së komisionit të jashtë të vlerësimit. Kjo është një punë që ecën paralelisht për 245 dosjet, pavarësisht se prioritet kanë 45 dosjet e para, pasi procesi nis nga maja e piramidës së secilës prej organizatave”, tha Hodaj.

“Puna me këto 45 dosjet e para nuk pengon punën për 200 dosjet e tjera. Në dijeninë tonë të Ministrisë pra, informacioni është kërkuar për të 245 dosjet dhe tashmë jemi pranë përfundimit të marrjes së këtyre dosjeve dhe shumë shpejt do nisin seancat”, tha Hodaj.

Gjithashtu, Hodaj deklaroi se nuk do ketë përjashtim automatik të punonjësve të policisë, por të gjithë do dalin në seancë të Vettingut. “Për ish bashkëpunëtorët të sigurimit të shtetit është një rrethanë që merret parasysh nga organet e vlerësimit si të gjitha rrethanat e tjera ,pra nuk ka një përjashtim automatik, por është një rrethana që do merret parasysh gjatë seancës publike”.

“Procesi është më i thellë, nga analiza e kryer në fillim, rezultoi se në Policinë e Shtetit vetëm 110 deri në 120 punonjës të policisë kishin deklaruar pasurinë. Kostot janë vetëm vendi ku do zhvillohen seancat dhe pagat e anëtarëve të Komisionit të Jashtëm”, bëri të ditur Hodaj.

Hodaj tha se “Sanksioni për mos përmbushje të kritereve të vlerësimit kalimtar apo të Vettingut është përjashtimi nga Policia e Shtetit apo Garda e Republikës. Sipas ligjit, kush përjashtohet nga Policia e Shtetit nuk kthehet më në trupën e Policisë së Shtetit. Sa i takon punësimit të këtij subjekti të përjashtuar në struktura private të ruajtjes fizike, vlerësimi duhet bërë rast pas rasti. Të gjithë punonjësit që punësohen te këto struktura marrin një vlerësim besueshmëria nga Policia e Shtetit. Prandaj kjo duhet marrë rast pas rasti, për të kuptuar nëse ky punonjës është i besueshëm për të ushtruar këtë detyrë në shoqëritë private të ruajtjes fizike apo jo”, theksoi Hodaj.

 Zv/Ministri Hodaj tha se SHÇBA është në një proces ristrukturimi dhe se po miratohet një strukturë e re brenda saj që do merret vetëm me vlerësimin periodik të punonjësve të policisë. “SHCBA është në një proces ristrukturimi dhe po miraton një strukturë të re që do ketë një drejtori apo departament, që do jetë ekskluzivisht i ngarkuar me procesin e Vettingut, pasi të ketë kaluar vetë Vettingun”.

“Ky proces nuk ka afat, që do të thotë se SHÇBA sa i takon për vlerësimin kalimtar do të nisin nga grada më e lartë e pjesës së mesme të Policisë së Shtetit, deri tek i fundit.  Në momentin që kryhet i gjithë ky proces do të nis vlerësimi periodik, që është vlerësimi me bazë risku”, theksoi Hodaj.

Për rekrutët e rinj, Hodaj tha se do ndiqet e njëjta procedurë. “Sipas ligjit, edhe këta në momentin që rekrutohen në Policinë e Shtetit dorëzojnë deklaratat përkatëse dhe do vlerësohen në vetting sipas gradës që kanë. Duke qenë se futen me gratë 500 patrullat e përgjithshme me gradën më të lartë, ndërsa ekselentët me gradën nën komisar, i bije që vlerësimi i tyre do të bëhet në fazën e tretë, pasi të mbarojnë dhe gradat e mesme”.

Lidhur me boshllëqet e mundshme që mund të krijohen nga Vetingu, Hodaj garantoj se “akademia e ka të gjithë mundësinë që të mbush çdo lloj boshllëku që mund të krijohet nga procesi i Vetingut. Jo më lart se sot, është dita e fundit e testimeve fizike për 500 rekrutë të rinj për patrullë të përgjithshme. Pra akademia na ka dhënë mundësi që në harkun e 9 muajve të përgatis 500 rekrutë të rinj, pra e ka këtë kapacitet dhe ne nuk mendojmë se largimet do jenë më të mëdha se 500”.

Lidhur me procesin e Vetingut për trupën strukturën policore kundër të fortëve, Hodaj tha se “Procesi edhe për  strukturën policore “kundër të Fortëve, do jetë i njëjtë me të gjithë të tjerët. I vetmi rast i veçantë është kur struktura që duhet të operojnë në mënyrë të rezervuar, flasim për agjentët nën mbulim, vetëm në këtë rast ligji ka vlerësuar se procesi i Vettingut, pra seanca duhet bërë jo publike dhe kjo është më se e kuptueshme”, tha Hodaj

Lidhur me problematikat që mund të hasin punonjës e policisë për informalitetit, Hodaj tha se ligji parashiko një lloj valvule për këtë problemë. “Informaliteti apo emigrimi ndër vite ka qenë i pranishëm në shoqërinë tonë. Ligji parashikon që për kriterin e pasurisë asnjë s’do penalizohet nëse ajo që është e deklaruar nuk e kalon 200% të ardhurave të justifikuara. Me këtë lloj mekanizmi plotësohen dhe boshllëqet e mundshme për rastet e informalitetit apo emigracionit. Ndërsa për ata që kanë deficite operacionale do marrin trajnime , pasi nëse kalon atë të kredibilitetit e të pasurisë, mund të trajnoheshe të jesh sërish pjesë e Policisë së Shtetit”, nënvizoi Hodaj.

LEXO TE PLOTE

Vetingu

Shkarkimi i prokurorit të “listës së zezë”/ Ja kush e zëvëndëson

Publikuar

-

Nga

Këshilli i Lartë i Prokurorisë ka emëruar sot si drejtues të përkohshëm të Prokororisë së Rrethit Gjyqësor Mat, prokurorin Abaz Muça.

Abaz Muça i fundit është miratuar në këtë pozicion si i përkohshëm dhe ka marrë 8 vota pro tij.

Emërimi i Muçës, erdhi pas shkarkimit të Hysni Vatës si drejtues i kësaj prokurorie.

Kujtojmë se prokurori Hysni Vata është shkarkuar nga detyra nga Komisioni i Pavarur i Kualifikimit me datë 9 Shtator, pasi nga hetimet ka rezultuar se nga analiza financiare ai ka balancë negative dhe mungesë të burimeve të ligjshme për krijimin e pasurive.

Vata, ndryshe njihet si klani i ish Prokurorit të Përgjithshëm Adriatik Llalla apo edhe si prokuror i ‘listës së zezë”.

Pasi në vitin 2017, kur po procedohej për Vettingun, kryeministri Edi Rama, publikoi listën e “zezë”,  me emrat e gjyqtarëve  dhe prokurorëve, të denoncuar nga qytetarët.

Një prej prokurorëve, emri i të cilit u publikua nga Rama ishte edhe Hysni Vata që në atë kohë drejtonte Prokurorinë e Kurbinit.

CNA.al ka zbardhur më parë pasurinë e Hysni Vatës, të cilën mund ta lexoni në listën më poshtë:/ CNA.al

Prokurori i “listës së zezë”/ Si e mbrojti Llalla nga Rama, të arsimuarin e plepave

LEXO TE PLOTE

Kronika

Prokurorët e lidhur me bandën e vjedhjes së votave aplikojnë për KLP

Publikuar

-

Nga

Dy prokurorë kanë aplikuar për pozicionet vakatnte për Këshillin e Lartë të Prokurorisë. Mësohet se prokurorët nuk janë emra të padëgjuar, pasi në duar kanë pasur çështje të bujshme, atë të vjedhjet se votave.

Bëhet fjalë për prokurorin e Krimeve të Rënda, Vladimir Mara dhe drejtuesen e prokurorisë së Dibrës, Esmeralda Cami.

Esmeralda Keshi (Cami) ka lidhje me përgjimet e dosjes 184, dosje e cila nga Prokuroria për Krime të Rënda është transferuar për t’u shkatërruar në Prokurorinë e Dibrës.

Esmeralda Keshi (Cami), është kunata e Arben Keshit, drejtorit të Ministrisë së Brendshme, i cili doli në përgjimet e prokurorisë i implikuar në pazarin e shit-blerjes së votave ne zgjedhjet e pjesshme të vitit 2016 që u mbajtën në Dibër.

Në përgjimet, të cilat u bënë publike nga gazeta gjermane BILD, Arben Keshi me Kryeministrin Rama, të cilit i jep llogari për komisionerët e PS-së në votime, me votuesit ku bën pazare për blerje votash, me drejtorin e arsimit në Dibër, të cilin e urdhëron që t’ju bëjë presion të gjithë mësuesve se nëse nuk votojnë për PS-në do të shkarkohen nga detyra.

Gjithashtu kunati i prokurores Keshi doli në përgjime duke biseduar me  Sali Skurën, Shef tek Komisariati i Policisë Nr.5 në Kamëz, të cilit i kërkon të ndalojë votuesit e PD-së që jetojnë në Kamëz, por që kanë ende të drejtë vote në Dibër si dhe me ish-Ministrin e Infrastrukturës Damian Gjiknuri i cili e lajmëron Keshin se po i dërgon tek shtabi disa “tipa problematikë’, që t’i këtë për çdo rast”.

Pavarësisht këtyre rrethanave dosja u çua tek Esmeralda Keshi që ta shkatërronte plotësisht.( lexo këtu)

Por, edhe “bëmat” e prokurorit të Krimeve të Rënda, Vladimir Mara nuk janë të panjohura. Vladimir Mara është prokurori i dosjes 339, e cila ka të bëjë me akuzat për shit-blerjen e votave në Durrës, ku dyshohen si të përfshirë zyrtarë të lartë të PS-së, për këtë qark.

Pak kohë më parë gazeta Bild, publikoi 16 përgjime, ku objekt ishin kryeministri Edi Rama, drejtorë, ish ministra dhe zyrtarë të lartë socialistë, ku në skenë doli emri i Prokurorit Vladimir Mara.

Në njërin nga 16 përgjimet, dëgjohet edhe shefi i komisariatit numër 5 të Kamzës, Sali Skura. Ky i fundit rezulton kunati i prokurorit Vladimir Mara, i cili ka në duar dosjet hetimore 339.

Nga përgjimet e publikuara të gazetës gjermane “Bild”, Sali Skura doli duke i raportuar një zyrtari të lartë të Ministrisë së Brendshme, Arben Keshi, i cili ishte koordinator i Partisë Socialiste në Dibër.

Dyshimet janë se duke zvarritur hetimet dhe duke mbrojtuar socialistët dhe kunatin e dalë në përgjime, Vladimir Mara kaloi Vettingun./ CNA.al

Prokurorja e lidhur me bandën e vjedhjes së votave/ “Zgjohet” Këshilli i Lartë i Prokurorisë

Të dështuarit e Krimeve të Rënda/ Skandalet dhe pasuritë e prokurorëve të Tahirit

LEXO TE PLOTE