Connect with Us

SPAK-u si dështim i KLP-së/ Gent Ibrahimi mbetet pas portës

Vetingu

SPAK-u si dështim i KLP-së/ Gent Ibrahimi mbetet pas portës

Publikuar

-

Në muajin Korrik, Këshilli i Lartë i Prokurorisë, përzgjodhi 15 prokurorët e parë të Strukturës së Posaçme Antikorrupsion.

Prokurorët, Altin Dumani, Anton Martini, Elisabeta Imeraj, Arben Kraja, Doloreza Musabelliu, Klodjan Braho, Enkeleda Millonai, Manjola Kajana, Edvin Kondili, Ened Nakuçi, Elida Kaçkini, Ndini Tavani, Behat Dibra, Anita Jella dhe Besnik Muçi, ishin emrat që u listuan nga KLP, e cila në sytë e publikut është e pabesueshme për shkak të përbërjes së dyshimtë.

Ligjërisht, përveç përzgjedhjes nga KLP, këta kandidatë duhet të kenë kaluar edhe procesin e Vettingut për të patur mundësinë që t’i bashkohen strukturës që do të hetojë zyrtarët e lartë shtetëror, si dhe bandat e krimit të organizuar.

Nga të përzgjedhurit, pjesa më e madhe e tyre ende nuk kanë kaluar në Vetting, por ka edhe nga ata që kanë kaluar në shkallën e parë dhe janë ankimuar nga Komisioneri Publik në Kolegjin e Posaçëm të Apelimit.

Ç’ka do të thotë se në Shtator, ashtu siç kishte trumbetuar kreu i KLP-së, Gent Ibrahimi nuk do të kemi SPAK.

Sa i takon stadeve mund të flasim edhe me data të përafërta. Jemi në një fazë tani ku SPAK-U është vërtet mbrapa portës dhe pritet të hyjë nga çasti në çast. Procesi që kërkon kohë dhe punë tashmë është konsumuar. Ne kemi listën me 15 kandidatë, të cilët sipas nesh janë njerëz që kanë profesionalizmin e duhur dhe vendosmërinë e duhur për të shërbyer në këtë institucion, me ato detyra, me ato objektiva që përmendët ju”,  ka thënë Gent Ibrahimi, pas pëezgjedhjes së kandidatëve në emisionin “Përballje” të Lutfi Dërvishit.

Ibrahimi që ndryshe njihet edhe si kunati i Rilindjes apo njeriu i Sorosit, duket se nuk e ka për gjë, të gënjejë hapur.  Sipas tij SPAK-u është mbrapa portës, ndonëse të përzgjedhurit mund të bien në Vetting.

Nga 15 prokurorët që KLP, i vuri nën siglën e SPAK, 7 prej tyre ende nuk kanë dalë në Vetting.

Prokurorët Anton Martini, Elisabeta Imeraj, Doroleza Musabelliu, Ndini Tavani  dhe Anita Jella nuk janë përballur ende me hetimet e trefishta, ndërsa prokurorët Manjola Kajana dhe Besnik Muçi, kanë kaluar në shkallën e parë, por rrezikojunë shkarkimin në shkallën e dytë.

Pra, mbeten vetëm 8 prokurorë të cilët kanë kaluar Vettingun në të dy shkallët.

Prokurorët Altin Dumani, Arben Kraja, Enkelejda Millonai, Klodian Braho, Ened Nakuçi, Edvin Kondili, Behar Dibra dhe Elida Kaçkini, kanë kaluar me sukses procesin e Vettingut.

Por edhe për disa nga prokurorët që  kanë kaluar këtë proces, ka dyshime se janë përdorur standarte të dyfishta.  Thënë më qartë përbërja e SPAK-ut, përjashtuar disa prej kandidatëve, si Behar Dibra, Anton Martini e ndonjë tjetër është e dobët.

Nga një KLP me përbërje të dyshimtë, nuk pritej asgjë më shumë se kaq, se sa një përzgjedhje sipas urdhrave politik.

SPAK -u, po përdoret si “gogol” për të trembur politikanët.  Po, kush i tremb të inkriminuarit e politikës, prokurorët që edhe në gjumin e natës iu del Shullazi apo të tjerë të kategorisë tij.

Nuk iu kanë munguar ligjet, por këto të fundit s’janë për lepujt, por për prokurorë të vërtetë që guxojnë dhe përballen me të inkriminiarit qoftë nga ata të politikës apo qoftë nga atë rrugës./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Vetingu

Vetingu në Polici drejt përfundimit/ Së shpejti seancat dëgjimore, gati 245 dosjet e para 

Publikuar

-

Nga

Zv/Ministri i Brendshëm, Julian Hodaj, në një deklaratë për mediat, tha sot se seancat publike për vetingun në Policinë e Shtetit dhe Gardën e Republikës së Shqipërisë pritet të nisin shumë shpejt. Sipas tij, 245 dosjet e para janë drejt fundit.

Sipas Hodajt, ky proces është i thelluar dhe ai do të nisë me majën e piramidës të çdo institucioni.

“Në tërësi po punohet me 245 dosjet e para, që është dhe pjesa e kompetencës së komisionit të jashtë të vlerësimit. Kjo është një punë që ecën paralelisht për 245 dosjet, pavarësisht se prioritet kanë 45 dosjet e para, pasi procesi nis nga maja e piramidës së secilës prej organizatave”, tha Hodaj.

“Puna me këto 45 dosjet e para nuk pengon punën për 200 dosjet e tjera. Në dijeninë tonë të Ministrisë pra, informacioni është kërkuar për të 245 dosjet dhe tashmë jemi pranë përfundimit të marrjes së këtyre dosjeve dhe shumë shpejt do nisin seancat”, tha Hodaj.

Gjithashtu, Hodaj deklaroi se nuk do ketë përjashtim automatik të punonjësve të policisë, por të gjithë do dalin në seancë të Vettingut. “Për ish bashkëpunëtorët të sigurimit të shtetit është një rrethanë që merret parasysh nga organet e vlerësimit si të gjitha rrethanat e tjera ,pra nuk ka një përjashtim automatik, por është një rrethana që do merret parasysh gjatë seancës publike”.

“Procesi është më i thellë, nga analiza e kryer në fillim, rezultoi se në Policinë e Shtetit vetëm 110 deri në 120 punonjës të policisë kishin deklaruar pasurinë. Kostot janë vetëm vendi ku do zhvillohen seancat dhe pagat e anëtarëve të Komisionit të Jashtëm”, bëri të ditur Hodaj.

Hodaj tha se “Sanksioni për mos përmbushje të kritereve të vlerësimit kalimtar apo të Vettingut është përjashtimi nga Policia e Shtetit apo Garda e Republikës. Sipas ligjit, kush përjashtohet nga Policia e Shtetit nuk kthehet më në trupën e Policisë së Shtetit. Sa i takon punësimit të këtij subjekti të përjashtuar në struktura private të ruajtjes fizike, vlerësimi duhet bërë rast pas rasti. Të gjithë punonjësit që punësohen te këto struktura marrin një vlerësim besueshmëria nga Policia e Shtetit. Prandaj kjo duhet marrë rast pas rasti, për të kuptuar nëse ky punonjës është i besueshëm për të ushtruar këtë detyrë në shoqëritë private të ruajtjes fizike apo jo”, theksoi Hodaj.

 Zv/Ministri Hodaj tha se SHÇBA është në një proces ristrukturimi dhe se po miratohet një strukturë e re brenda saj që do merret vetëm me vlerësimin periodik të punonjësve të policisë. “SHCBA është në një proces ristrukturimi dhe po miraton një strukturë të re që do ketë një drejtori apo departament, që do jetë ekskluzivisht i ngarkuar me procesin e Vettingut, pasi të ketë kaluar vetë Vettingun”.

“Ky proces nuk ka afat, që do të thotë se SHÇBA sa i takon për vlerësimin kalimtar do të nisin nga grada më e lartë e pjesës së mesme të Policisë së Shtetit, deri tek i fundit.  Në momentin që kryhet i gjithë ky proces do të nis vlerësimi periodik, që është vlerësimi me bazë risku”, theksoi Hodaj.

Për rekrutët e rinj, Hodaj tha se do ndiqet e njëjta procedurë. “Sipas ligjit, edhe këta në momentin që rekrutohen në Policinë e Shtetit dorëzojnë deklaratat përkatëse dhe do vlerësohen në vetting sipas gradës që kanë. Duke qenë se futen me gratë 500 patrullat e përgjithshme me gradën më të lartë, ndërsa ekselentët me gradën nën komisar, i bije që vlerësimi i tyre do të bëhet në fazën e tretë, pasi të mbarojnë dhe gradat e mesme”.

Lidhur me boshllëqet e mundshme që mund të krijohen nga Vetingu, Hodaj garantoj se “akademia e ka të gjithë mundësinë që të mbush çdo lloj boshllëku që mund të krijohet nga procesi i Vetingut. Jo më lart se sot, është dita e fundit e testimeve fizike për 500 rekrutë të rinj për patrullë të përgjithshme. Pra akademia na ka dhënë mundësi që në harkun e 9 muajve të përgatis 500 rekrutë të rinj, pra e ka këtë kapacitet dhe ne nuk mendojmë se largimet do jenë më të mëdha se 500”.

Lidhur me procesin e Vetingut për trupën strukturën policore kundër të fortëve, Hodaj tha se “Procesi edhe për  strukturën policore “kundër të Fortëve, do jetë i njëjtë me të gjithë të tjerët. I vetmi rast i veçantë është kur struktura që duhet të operojnë në mënyrë të rezervuar, flasim për agjentët nën mbulim, vetëm në këtë rast ligji ka vlerësuar se procesi i Vettingut, pra seanca duhet bërë jo publike dhe kjo është më se e kuptueshme”, tha Hodaj

Lidhur me problematikat që mund të hasin punonjës e policisë për informalitetit, Hodaj tha se ligji parashiko një lloj valvule për këtë problemë. “Informaliteti apo emigrimi ndër vite ka qenë i pranishëm në shoqërinë tonë. Ligji parashikon që për kriterin e pasurisë asnjë s’do penalizohet nëse ajo që është e deklaruar nuk e kalon 200% të ardhurave të justifikuara. Me këtë lloj mekanizmi plotësohen dhe boshllëqet e mundshme për rastet e informalitetit apo emigracionit. Ndërsa për ata që kanë deficite operacionale do marrin trajnime , pasi nëse kalon atë të kredibilitetit e të pasurisë, mund të trajnoheshe të jesh sërish pjesë e Policisë së Shtetit”, nënvizoi Hodaj.

LEXO TE PLOTE

Vetingu

Shkarkimi i prokurorit të “listës së zezë”/ Ja kush e zëvëndëson

Publikuar

-

Nga

Këshilli i Lartë i Prokurorisë ka emëruar sot si drejtues të përkohshëm të Prokororisë së Rrethit Gjyqësor Mat, prokurorin Abaz Muça.

Abaz Muça i fundit është miratuar në këtë pozicion si i përkohshëm dhe ka marrë 8 vota pro tij.

Emërimi i Muçës, erdhi pas shkarkimit të Hysni Vatës si drejtues i kësaj prokurorie.

Kujtojmë se prokurori Hysni Vata është shkarkuar nga detyra nga Komisioni i Pavarur i Kualifikimit me datë 9 Shtator, pasi nga hetimet ka rezultuar se nga analiza financiare ai ka balancë negative dhe mungesë të burimeve të ligjshme për krijimin e pasurive.

Vata, ndryshe njihet si klani i ish Prokurorit të Përgjithshëm Adriatik Llalla apo edhe si prokuror i ‘listës së zezë”.

Pasi në vitin 2017, kur po procedohej për Vettingun, kryeministri Edi Rama, publikoi listën e “zezë”,  me emrat e gjyqtarëve  dhe prokurorëve, të denoncuar nga qytetarët.

Një prej prokurorëve, emri i të cilit u publikua nga Rama ishte edhe Hysni Vata që në atë kohë drejtonte Prokurorinë e Kurbinit.

CNA.al ka zbardhur më parë pasurinë e Hysni Vatës, të cilën mund ta lexoni në listën më poshtë:/ CNA.al

Prokurori i “listës së zezë”/ Si e mbrojti Llalla nga Rama, të arsimuarin e plepave

LEXO TE PLOTE

Kronika

Prokurorët e lidhur me bandën e vjedhjes së votave aplikojnë për KLP

Publikuar

-

Nga

Dy prokurorë kanë aplikuar për pozicionet vakatnte për Këshillin e Lartë të Prokurorisë. Mësohet se prokurorët nuk janë emra të padëgjuar, pasi në duar kanë pasur çështje të bujshme, atë të vjedhjet se votave.

Bëhet fjalë për prokurorin e Krimeve të Rënda, Vladimir Mara dhe drejtuesen e prokurorisë së Dibrës, Esmeralda Cami.

Esmeralda Keshi (Cami) ka lidhje me përgjimet e dosjes 184, dosje e cila nga Prokuroria për Krime të Rënda është transferuar për t’u shkatërruar në Prokurorinë e Dibrës.

Esmeralda Keshi (Cami), është kunata e Arben Keshit, drejtorit të Ministrisë së Brendshme, i cili doli në përgjimet e prokurorisë i implikuar në pazarin e shit-blerjes së votave ne zgjedhjet e pjesshme të vitit 2016 që u mbajtën në Dibër.

Në përgjimet, të cilat u bënë publike nga gazeta gjermane BILD, Arben Keshi me Kryeministrin Rama, të cilit i jep llogari për komisionerët e PS-së në votime, me votuesit ku bën pazare për blerje votash, me drejtorin e arsimit në Dibër, të cilin e urdhëron që t’ju bëjë presion të gjithë mësuesve se nëse nuk votojnë për PS-në do të shkarkohen nga detyra.

Gjithashtu kunati i prokurores Keshi doli në përgjime duke biseduar me  Sali Skurën, Shef tek Komisariati i Policisë Nr.5 në Kamëz, të cilit i kërkon të ndalojë votuesit e PD-së që jetojnë në Kamëz, por që kanë ende të drejtë vote në Dibër si dhe me ish-Ministrin e Infrastrukturës Damian Gjiknuri i cili e lajmëron Keshin se po i dërgon tek shtabi disa “tipa problematikë’, që t’i këtë për çdo rast”.

Pavarësisht këtyre rrethanave dosja u çua tek Esmeralda Keshi që ta shkatërronte plotësisht.( lexo këtu)

Por, edhe “bëmat” e prokurorit të Krimeve të Rënda, Vladimir Mara nuk janë të panjohura. Vladimir Mara është prokurori i dosjes 339, e cila ka të bëjë me akuzat për shit-blerjen e votave në Durrës, ku dyshohen si të përfshirë zyrtarë të lartë të PS-së, për këtë qark.

Pak kohë më parë gazeta Bild, publikoi 16 përgjime, ku objekt ishin kryeministri Edi Rama, drejtorë, ish ministra dhe zyrtarë të lartë socialistë, ku në skenë doli emri i Prokurorit Vladimir Mara.

Në njërin nga 16 përgjimet, dëgjohet edhe shefi i komisariatit numër 5 të Kamzës, Sali Skura. Ky i fundit rezulton kunati i prokurorit Vladimir Mara, i cili ka në duar dosjet hetimore 339.

Nga përgjimet e publikuara të gazetës gjermane “Bild”, Sali Skura doli duke i raportuar një zyrtari të lartë të Ministrisë së Brendshme, Arben Keshi, i cili ishte koordinator i Partisë Socialiste në Dibër.

Dyshimet janë se duke zvarritur hetimet dhe duke mbrojtuar socialistët dhe kunatin e dalë në përgjime, Vladimir Mara kaloi Vettingun./ CNA.al

Prokurorja e lidhur me bandën e vjedhjes së votave/ “Zgjohet” Këshilli i Lartë i Prokurorisë

Të dështuarit e Krimeve të Rënda/ Skandalet dhe pasuritë e prokurorëve të Tahirit

LEXO TE PLOTE