Connect with Us

Organizata Botërore e Shëndetësisë kazan?/ Vasili “kryqëzon” Ramën

Politikë

Organizata Botërore e Shëndetësisë kazan?/ Vasili “kryqëzon” Ramën

Publikuar

-

klreu i grupit parlamentar i lsi, petrit vasili dhe kryeministri edi rama

Ish-kreu i grupit parlamentar të LSI-së, Petrit Vasili ka reaguar në lidhje me një lajm të publikuar sot nga mediat, sipas të cilit Organizata Botërore e Shëndetësisë i ka kërkuar qeverisë së Edi Ramës të mos japë me koncesion laboratorët e spitaleve.

Në një postim në rrjetet sociale, Vasili shkruan se Rama nuk pyet më as për OBSH, e jo me për institucionet financiare dhe i dha laboratorët me koncesion.

Sipas Vasilit, “As vendet me te prapambetura dhe diktatoriale te globit per problemet e shendetesise nuk kane guxuar kurre ta sfidojne e ta kundershtojne OBSH per shkak te autoritetit absolut profesional qe ajo dhe orientimit mbareboteror te politikave shendetesore qe OBSH ben.

I vetmi ne glob qe e refuzon OBSH- në eshte nje i paditur dhe shkollepaket si Edi Rama.”.

Postimi i plotë:

Organizata Boterore e Shendetesise i ka kerkuar qeverise se Edi Rames qe te mos i jape laboratoret e spitaleve me koncesion.

Edi Rama nuk pyeti as per Organizaten Boterore te Shendetesise e jo me per institucionet financiare dhe i dha laboratoret me koncesion.

LEXO EDHE:  Dokumenti-Skandal/ Rama shpenzon 670 milion lekë për propagandë

As vendet me te prapambetura dhe diktatoriale te globit per problemet e shendetesise nuk kane guxuar kurre ta sfidojne e ta kundershtojne OBSH per shkak te autoritetit absolut profesional qe ajo dhe orientimit mbareboteror te politikave shendetesore qe OBSH ben.

I vetmi ne glob qe e refuzon OBSH- në eshte nje i paditur dhe shkollepaket si Edi Rama.

Pyetjet qe shtrohen per Edi Ramen.

1.A mos eshte edhe Organizata Boterore e Shendetesise kazan?

2.Apo mos eshte qeveria e tij grabitqare e paskrupullt e parave te shqiptareve ndaj nuk pyet as per OBSH?

Pergjigja eshte shume qarte per te gjithe shqiptaret: arsyeja e vetme eshte e dyta pra qeveria e Edi Rames si grabitqare e parave te popullit.

P.S Megjithate edhe per kete turp te padegjuar Edi Rama i ka marre masat se nuk ka firmosur vete po ja ka lene zv.kryeministrit./ CNA.al

Koncesionet PPP për laboratorët në spitale/ OBSH jep alarmin

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Zgjedhja e Prokurorit të Përgjithshëm/ ISP evidenton problemet, tre “shuplaka” për Kuvendin

Publikuar

-

Nga

Instituti i Studimeve Politike ka reaguar pas zgjedhjes nga Kuvendi, të Prokurorit të ri të Përgjithshëm, Olsian Çela.

Në një deklaratë për mediat, ISP shprehet se mirëpret vendimin e parlamentit për zgjedhjen e Prokurorit të Përgjithshëm.

ISP thekson se procesi i kandidimit dhe i renditjes së kandidatëve përmes KLP përbën një nga proceset më pozitive të deritanishme të zgjedhjes së zyrtarëve të lartë dhe një shembull referues për praktika të njëjta zgjedhore aktuale e në të ardhmen.

Sipas ISP, fakti që kontestimet janë minimale është edhe tregues i mënyrës sesi u jetësua procesi i kandidimit, konkurrimit dhe seanca dëgjimore në KLP.

“Vendimi i parlamentit për të votuar me 101 vota kandidatin e parë të listës së ardhur nga KLP gjithashtu përbën zhvillim pozitiv. Në praktikat e kaluara edhe Prokurori i Përgjithshëm i zgjedhur më 1992, 1997, 2002, 2007, 2012 kanë pasur mbështetje të gjerë parlamentare, por tre prej tyre u shkarkuan me akuza korruptive më vonë nga parlamenti dhe i fundit është edhe në listën e personave non grada në SHBA. Ndaj vlerësimi për Prokurorin e ri nuk vjen thjesht nga vota e zgjedhur, por nga rezultatet konkrete që ai do të realizojë gjatë ushtrimit të mandatit të tij.”-thuhet në deklaratë.

Por, ISP thekson se lidhur me vendimin e zgjedhjes së Prokurorit të ri ka edhe tre elementë që meritojnë vëmendje, sidomos nga Kuvendi.

Sipas ISP tre problemet që u evidentuan në lidhje me procesin e zgjedhjes së kryeprokurorit janë: “1. Problemi parë lidhet me praktikën e ndjekur nga Kuvendi në zbatim të nenit 111 të Rregullores, “Zgjedhja në organet kushtetuese ose të krijuara me ligj”. Në rastin e kandidatëve për anëtarë të Gjykatës Kushtetuese dhe kandidatëve të tjerë të zgjedhur në institucione të përafërta Komisioni i Çështjeve Ligjore zhvilloi seancë dëgjimore publike me të gjithë kandidatët në Kuvend, praktikë që është aplikuar në tërësi me kandidatët për organet kushtetuese. Në rastin aktual të zgjedhjes së Prokurorit të Përgjithshëm nuk pati seancë dëgjimore dhe as ndonjë raport në seancë plenare mbi përputhshmërinë e praktikës ligjore sikurse e përcakton Rregullorja dhe sikurse ka qenë e është praktikë parlamentare. Në funksion të transparencës Kuvendi duhej të kishte bërë publike argumentet e aplikimit të praktikës së re për t’i dhënë procesit më shumë integritet dhe besueshmëri.

2. Problemi i dytë lidhet me aplikimin e votimit të tre kandidatëve në mënyrë të veçuar. Kjo praktikë është korrekte me Rregulloren e Kuvendit, por krijon një situatë paradoksale: në votimin e parë kandidati Çela fitoi 101 vota dhe për pasojë u zgjodh për Prokuror të Përgjithshëm. Çfarë do të ndodhte nëse edhe në dy votimet e tjera të kandidatëve rivalë të kishte votë të cilësuar mbi 100 pro? A është e mundur ky skenar? Në votimin për kandidaten Arta Marku votuan pro 11 deputetë, në votimin për kandidaten Fatjona Memçaj votuan pro 8 deputetë, pra në total 19 deputetë. Në votimin për kandidatin Çela ishin kundër ose atestues vetëm 12 deputetë, pra edhe matematikisht rezulton se së paku 7 deputetë kanë votuar më shumë se një Prokuror të Përgjithshëm. Vetë votimi dje tregoi se votat pro për Prokuror të Përgjithshëm janë 120 nga 113 deputetë të pranishëm, pra së paku 19 deputetë kanë votuar për më shumë se një kandidat për prokuror të përgjithshëm! Në të kaluarën ka pasur raste kur Kuvendit pas zgjedhjes së kandidatit të parë nuk ka votuar kandidatët e tjerë duke e konsideruar të panevojshme, siç ka pasur raste të votimit konkurrues me listë kandidatësh ku fitues shpallet individi më me shumë vota apo raste të votimit me emra të ndarë, siç u praktikua dje. Në funksion të transparencës dhe votës së përgjegjshme të deputetëve do të kishte qenë shumë më produktive që praktikat të unifikohen për çdo rast dhe për çdo kandidat që zgjidhet në Kuvend.

LEXO EDHE:  Rama asgjë për minatorët/ Videokonferenca me gënjeshtra dhe mashtrime për ta

LEXO EDHE:  E duan se tregon barsaleta/ Kryemadhi ironizon Ramën

3. Së treti, gjatë momentit të votimit kryetari i seancës njoftoi se janë të pranishëm në sallë 113 deputetë. Referuar të dhënave të tabelës së votave për dy kandidatët e parë konfirmohet se numri total i votave është 113, por për kandidaten e tretë, F.Memçaj rezulton se ka pasur prezent 114 deputetë, pra 1 deputet më shumë sesa në dy votimet e para dhe sesa vetë kryetari i seancës konfirmoi. Konkretisht në votimin e saj, siç u pasqyrua edhe në tabelën finale, pati 8 vota pro, 16 kundër, 87 abstenime dhe 3 deputetë që nuk morën pjesë në votim, në total 114 deputetë nga 113 prezent. Në raste të tilla do të duhej që sekretaria teknike dhe vetë Kuvendi të ishte më transparent në të dhënat dhe verifikimin e tyre për të treguar nëse ka deputetë që i janë shtuar votimit të tretë apo nëse kemi të bëjmë me problem teknik apo me votim të një deputeti për një deputet tjetër që nuk është prezent. Sipas Rregullores, kur ka devijime të tilla e gjithë praktika e votimit vihet në diskutim”.

LEXO TE PLOTE

Politikë

“S’kemi detyruar askënd të japë lekë nga rroga”/ Si mashtroi Rama, zbulohet urdhëri për policinë

Publikuar

-

Nga

Ish-deputetja e PD-së, Albana Vokshi ka reaguar pas deklaratës së kryeministrit Edi Rama, se administratës nuk do t’i mbahet nga rroga asnjë lekë për të shkuar për fondet e të prekurve nga tërmeti.

Në një postim në rrjetet sociale, Vokshi e akuzon Ramën për mashtrim, ndërsa publikon edhe një vendim ku thuhet se si jepet urdhër drejtorisë së policisë së Shkodrës që të kontribuojnë për të prekurit nga tërmeti.

Sipas Vokshit, interesi kryesor i kryeministrit këto ditë është të hapë sheshe ndërtimi.

“Sa më e madhe fatkeqësia, aq më intensive dhe e pamëshirshme makineria e propagandës së Edi Ramës që përmes mashtrimit nuk kursen askënd as fëmijë, as persona me aftësi ndryshe, as gra e të moshuar, as policë apo profesionistë.

LEXO EDHE:  Rama i uron mirëseradhjen brandit Deutsche Telekom

LEXO EDHE:  Zbulohen detajet tronditëse/ Si Veliaj po tenton të "zhdukë" Tiranën

Sot, Kryeministri Rama mashtroi përsëri kur tha që nuk i kanë detyruar punonjësit të japin lekë nga rroga e tyre. Po postoj eshe një herë Urdhrin e paligjshëm 1933, dr 27.11.2019 që urdhëron mbajtjen e pjesshme të pagave të policëve në Shkodër.
Duke keqpërdorur qëllimshëm vendosjen antikushtetuese të gjendjes së jashtëzakonshme, interesi kryesor i Kryeministrit këto ditë është të hapë sheshe ndërtimi. Ndaj edhe s’u jep qytetarëve akt ekspertimin për shtëpitë e pallatet.”-shkruan Vokshi./ CNA.al

LEXO TE PLOTE

Politikë

Model i njohur në Rusi dhe Turqi/ Ish-ministri zbulon kartën e re elektorale të Ramës

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani shkruan se shfaqet e shëmtuara të tipit big brother që kryeministri po bën pas tërmetit tragjik, janë instrumenti për të harruar të ligat që i ka bërë këtij vendi.

Në një postim në rrjetet sociale, Manjani shkruan se premtimet për rindërtim janë karta e re elektorale e Ramës, një model që sipas tij e përdor Rusia dhe Turqia.

“Kush mendon se Edi Rama preku fundin e tij politik me këto shfaqje të shëmtuara mediatike, e ka gabim.

Totalisht gabim!

Shfaqet e shëmtuara të tipit big brother që Ai bën, janë instrumenti për të harruar të ligat që i ka bërë këtij vendi. Janë instrumenti që i bën njerëzit të harrojnë se pati tërmet dhe aspak shtet.

Fillimisht u hoq si i goditur nga tërmeti, pastaj si viktimë e fatkeqsisë, në vijim si viktimë e lajmeve të rreme, pastaj si vendimmarrës i flaktë dhe tani si rindërtues.

RINDËRTIMI është karta e re elektorale e tij. Mbaroi punë me Rilindjen, pasi rilindi çdo gjë që mundi nga sistemi komunist. Akti i fundit i rilindjes ishte sulmi politik ndaj Agron Tufës,i cili kërkon azil për t’u mbrojtur nga sulmi komunist që tashmë ka rilindur!!!

LEXO EDHE:  Zbulohen detajet tronditëse/ Si Veliaj po tenton të “zhdukë” Tiranën

LEXO EDHE:  “Ngatërron marrëdhëniet diplomatike me miqësinë”/ Arta Dade ironizon Ramën

Tani udhëheqësi flet për RINDËRTIM. Nuk ka rëndësi se me ç’para, apo me ç’burime! Me Gjushin e me kë të mundet. Duhet RINDËRTIM!

E përkthyer në terma praktikë: shtëpi të re që ta dhuron pushteti. Në emër të Rindërtimit do mbyllen shumë gropa të hapura në memorien e njerëzve e bashkë me to edhe gojët kritike, që janë elementi i fundit i mbetur i asaj pak shoqërie demokratike që ka mbetur.

Model i njohur ky në Rusi dhe Turqi. Putin dhe Erdogan janë rikatapultuar bash pas fatkeqsive si kjo e jona. Turqia dhe Rusia janë shtetet me numër çështjesh më të lartë në Gjykatën e Strasburgut sa i takon lirisë së shprehjes dhe procesit të rregull ligjor.”-shkruan Manjani.

Më tej, ai thekson se “lotët e krododilit, solidariteti i shtirur, dajaku në emër të fatkesisë dhe shfaqja e Bosit si çelësi i zgjidhjes janë instrumete të njohura.

Prandaj kujdes!

Nuk është kaq e thjeshtë me këtë model politik.

Asnjëherë nuk vetëbien këto modele.”/ CNA.al

LEXO TE PLOTE